העלפט אונז מיר זאלן קענען פארזעצן מיט’ן עבודת הק’ צו העלפן (אייך און) אנדערע

היט דיינע אויגן איז דער איינציגסטער מהלך וואס העלפט באמת, וואס מיר פארמאגן, און איך בין פערזענליך באקאנט מיט א ריזן צאל מענטשן וועלכע זענען געראטעוועט געווארן פון דעם שרעקליכן פראבלעם און פונעם אדיקשאן, נאר אדאנק זיי.

היט דיינע אויגן האט גענומען אויף זיך אפצושטעלן די פארציקנדע כוואליע, דורך זיך באנוצן מיט מהלכים וועלכע האבן זיך איבערצייגט אז זיי העלפן פאר דעם און פאר אדיקשאנס, און דורך צושטעלן נאכאנאנדע הילף און שטיצע.

ענדליך ענדליך נאך אזויפיל יארן פון פיין בין איך אנגעקומען צו "היט דיינע אויגן" און דא האב איך געטראפן א לייזונג. איך שפיר א געפיהל פון באפרייאונג, כאילו דאס איז דער מקום וואו איך האב אלעמאל געוואוסט אז דארט דארף איך אנקומען, נאר איך האב עס אלעמאל פארלייקענט. א געפיהל ווי איך וואלט צוריק אנגעקומען אהיים, אזוי ווי מען האט דא אלעמאל געווארט אויף מיר און געוואוסט אז איך וועל איין טאג צוריק קומען אהער, עס איז נאר א פראגע פון צייט. איך שפיר אז טאטי אין הימל האט מיך נישט פארגעסן, און ער האט מיר געשיקט גוטע מלאכים. אז איך בין שוין אנגעקומען צו א מצב פון יאוש, אז איך האב שוין אלעס פרובירט, אז איך האב געקעמפפט ביזן לעצטן טראפן בלוט, און דעמאלס איז די ישועה אנגעקומען אזוי אומגעראכטן.

איך בין געוואר געווארן פון דעם וואונדערליכן סייט פאר כמעט א יאר צוריק, איך בין געווען אין א מצב פון טאטאלער יאוש. אך בין געווען איבערצייגט אויף הונדערט און איינס פראצענט אז די מעסטורבעישאן (הוז"ל) גייט פארבלייבן מיין לעבנסבאגלייטער ביזן לעצטן טאג. איך דרוק אויס מיין געוואלדיגער דאנק פאר אלע טייערע חברים וועלכע זענען געווען פאר מיר דער טויער ארויסצוגיין פון דעם פארשאלטענעם וועלט פון תאווה. און זעלבסטפארשטענדליך, פאר די גרינדער און אנפירער פון דעם וואונדערליכן סייט, פאר וועמען איך בין שולדיג מיין יעצטיגער, נארמאלער לעבן.