ברוכים הבאים, גאסט

טעמע: אברעמעל'ס טאגבוך 13081 באזוכער

ענטפער: אברעמעל'ס טאגבוך י"ג תשרי התשפ"א 18:04 #268673

  • אברהם העברי
  • OFFLINE
  • שר חמישים ומאתים
  • מעלדונגען: 258
  • האט שוין געלייקט: 584 מאל
    האט שוין באקומען לייקס: 764 מאל
  • קאָרמא: 4

איינטראגע #20 – יפה שעה אחת בעולם הזה מכל חיי העולם הבא

טייערע ברודער, גלייבטס מיר בנאמנות אז כ'האב גארנישט אין פלאן צו שרייבן, אזויפיל ווייס איך יא פון עקספיריענס אז ווען די וועטער שפילט ביי מיר אזויווי ס'שפילט יעצט איז דערווייל דאס שרייבן די בעסטע טערעפי פאר מיר, און אין איינוועגס זאלן מיינע אחים לצרה מיטהאלטן.

פארוואס שרייב איך, פשוט ווייל כ'בין אביסל צעבראכן, נעע נישט צעבראכן ענדערש פארלוירן. פארוואס פארלוירן? פארלוירן אין היינטיגן תש20 שפראך הייסט ווען דער GPS פארלירט טרעק און דער קארעלע טאמבעלט ארום דארט אויפן סקרין פארנדיג אין וואסער אריין אן קיין צוריקהאלט, וואס איז געשעהן? דער GPS האט פארלוירן זיין קאנעקשאן צו די מאפע, דעריבער טוט ער אויטאמאטיש פארלירן סיי וואו ער געפונט זיך אצינד און אויך וואו אהין ער צילט. אקוראט דאס איז וואס איך עקספיריענס אביסל אין די טעג.

אין מיין וויזיע וואלט איך געגליכן צו זעהן אן אברעמעל אין די יעצטיגע תקופת השנה אלץ אן אויסגעאיידלטער נשמה, מ'האמיר דאך פארגאסן ימים מיט טרערן די פארגאנגענע טעג, מיר האבן געגלויבט באמונה שלימה אין דעם סלחתי כדבריך, כאטש זייענדיג אין מיין מצב האב איך פארשטאנען אז קבלה על העתיד איז עפעס וואס איז לאו דוקא בידי, אבער כ'האב אבער געשריגן מיט אלע כוחות דעם ויאמר הנני, איך בין גרייט מצידי צו זיין אפגעהיטן מכל מרעין בישין מהיום ולהלאה. כ'רעד שוין נישט פון דעם וואס שטייט אין די ספרים אז דער ייצר האט קיין שליטה אין די טעג, נו, אויב אזוי וואלט איך געדארפט פארוואנדעלט ווערן אין א צדיק יסוד עולם, נישט אזוי?

כמובן שרייב איך בלויז די ווערטער ארויס פון דמיון, ווייל מיין עקספיריענס דערציילט שוין היינט גאר א צווייטע געשיכטע, אבער אויסשמועסן אט דעם דמיון שאדט זיכער נישט ווילאנג מ'ווייסט אז ס'איז בלויז א דמיון...

למעשה, וואס איז דער אמת? אן אריינגיין אין קיין אריכות הדברים, ס'דאך ערב יום טוב, אברעמעל'ס מצב כהיום איז ברוך ד' פיל בעסער ווי ס'פלעגט זיין אמאל, וואס מיינט בעסער? אסאך ריינע טעג? ניין. ריין פון יעדע זיק של תאוה? נעע. בעסער מיין איך אז אמאל איז אברעמעל געווען אומבאוויסטזיניג ווען ס'קומען צו לאסט און אירע נאכפאלגן, דער מח פלעגט זיין אויף אויטא-פיילעט פארנומען יומם ולילה מיט אט דעם מסכת, אברעמעלע פלעגט פיטערן זיין בהמה'לע מיט רייכע פארציעס פון דעם דראג, קוים קוים וואס ס'איז געווען פלאץ פאר די פאר זייטיגע 'שטותים' א שטייגער ווי ס'לעבן פון ווייב און קינדער, שיעורי תורה, ביזנעס א.א.וו. כהיום יום ערלויב איך זיך צו זאגן אז די מצב איז ברוך ד' פונקט פארקערט, איבערן טאג איז דער קאפ פארנומען מיט די אויבנדערמאנטע 'שטותים', אבער אין געוויסע מצבים קומט פרישע דערמאנונגען אז דער 'בהמה'לע' וואס האדעוועט זיך ביי אברעמעל האט נאכנישט פארגעסן דעם טעם פון דעם דראג וואס זי פלעגט געשפייזט ווערן לתיאבון, און דעריבער ווען זי טרעפט א שטיקל מצב רוח דורכאויס אברעמעל'ס פארנומענע סדר היום, טוט זיך ארויסשרייען מיט אלע כוחות פארלאנגענדיג בתקיפות איר פארשטינקענע לאסט פלעגונג.

נו וואס טוט מען, מ'שרייט ניין? ניין. דעיס ארבעט נישט, ווייל ווען ס'ארבעט ווען יא באזיץ איך נישט קיין ניק אויף הדא. וואס ארבעט יא? 2 זאכן, השתדלות און תפלה, השתדלות איז פארהאקן פארשליסן אלע לעכער וואו ס'געפונט זיך נאר אט דער מאכל בהמה, אזוי אז דער בהמה זאל חלילה נישט שמעקן פון די סחורה, ווייל די רגע דער שיכור דערשמעקט זיין טרינק, איז מער נישטא מיט וועם צו פארהאנדלען. איינמאל די לעכער זענען פארהאקט, איז מען מקיים דעם הרימותי ידי לשמים, און מ'זאגט בערתי הרע מן הבית, עשיתי ככל אשר צוות מצדי האב איך געטון כל מה שבידי אז מיין קראנקע נפש זאל נישט כאפן קיין עלערדזשי אטאקע, און יעצט בעט איך דיך טאטע זיסער הרוצה בטהרתן של ישראל, העלף מיך אז מיין בהמה'לע זאל נישט יעצט אנהייבן צו מנקר זיין באשפה צו זיכן שמוץ ווייל טאמער יא קען איך איר בשום אופן נישט אפשטעלן ווייל איר תאוה איז שטערקער ווי דער מענטשליכער כח, דעריבער אלמלא עזרו אויב באקום איך נישט די הילף פון גאט ברוך הוא, איז ברור כשמש אז לא יכול לו און איך גיי איינזינקען אין דעם פארשטינקענעם מאראסט, עפעס וואס סיי איך און סיי דו טאטע זיסער האבן אזוי נישט ליב.

דאס איז די הנהגה וואס איך האב זיך געלערנט דורכאויס די לעצטע פאר יאר, און כ'קען זאגן אז בדרך כלל האט דאס מיך געהאלטן אין די ראמען.

אצינד, נאכדעם וואס כ'האב שוין דעם בעסטן פילטער אויף מיין כלי, איך שטיי אוועק דורכאויס דעם טאג פון יעדע ווינטל וואס קען ברענגען אן עלערדזשי ריעקשאן, און איך געב זיך איבער פאר גאט ברוך הוא וברוך שמו, בין איך באשאנקן געווארן מיט א פרישער לעכל אין מיין קאמפיוטער וואס דערווייל האב איך נישט קיין קלארע וועג וויאזוי דאס צו בלאקירן, אפילו דער פילטער קאמפאני האט זיך נאך דערווייל נישט קיין עצה געגעבן מיט אט דעם לאאפ, כ'האב שוין געטון פארשידענע סארט השתדלות צו פארמאכן דעם לעכל אבער דערווייל אן ערפאלג, דאס מיינט אין אנדערע ווערטער אז מיין קאמפיוטער איז אצינד א פתח פתוח צו די ערגסטע סחורה, מיט מיין בעסטע פילטער מיט די בעסטע שמירה.

יעצט איך ווייס וואס מיינע רעקאווערי חברים גייען שרייען אצינד, אז אויב זאל איך טון די ריכטיגע רפואה וואלט איך געקענט דורכגיין ריין אפילו ווען מיין כלי האט בכלל נישט קיין פילטער. טייערע חבר לאמיך דיך עפעס פארציילן, דורכאויס די לעצטע פאר יאר אין מיין רעקאווערי, איז מיר שוין אויסגעקומען כמה פעמים צו ארבעטן גאנצע טעג אליינס אין אן אפיס אן קיין פילטער, און בעזר שמו האב איך דאס דורכגעמאכט, וואוסנדיג פון דעם כלל אז איך קען דאס נישט פייטן, און ס'איז שטערקער ווי מיר, און אויך אן אפענע כלי מיינט בפירוש נישט אז איך מוז יעצט סורטשן וכו' וכו', וואס איך מיין ארויסצוברענגען איז אז איך ווייס אויך פון דעם אז רעקאווערי איז נישט תלוי אינעם חפצא נאר אינעם גברא, ס'האט גארנישט מיט'ן פילטער נאר מיטן באנוצער. אבער אויב האט א מענטש א שוואכע מינוט האט דאך א נפש הבהמי זיכער פיל שוואכע מינוטן, און אויב בין איך עלערגיש צו דעם דראג, וועט נישט העלפן נישט קיין שום זאך בעולם שנה נפש וואס זאל דאס קענען באקעמפן, און על זה אנו דואגים. דא שטיי איך אצינד.

שרייבנדיג די שורות ווייס איך נישט וואס מיין נעקסטע שריט זאל זיין, וויאזוי די ישועה גייט קומען, איך ווייס און גלייב אז השי"ת האט מיר דעם נסיון צוגעגרייט פון פאראויס מיט א פלאן וויאזוי דאס בייצוקומען, אבער דערווייל ווייס איך נישט וואס דאס איז, און דערווייל גייען אדורך טעג און וואכן, יא אין די הייליגסטע דערהויבנסטע טעג פון יאר, וואס א חלק טעג קען איך זיין א בעל מסירת נפש ווי יוסף הצדיק בשעתו און דא און דארט א ... דערווייל בעט איך און כ'בין מתפלל צו גאט ברוך הוא זאל מיך היטן און מיך מגלה זיין דעם פתח וואס ער האט פאר מיך אנגעגרייט.

ביז'ן ישועה דרוק איך אויס דא מיין דעקלעראציע בשער בת רבים, אברעמעל גייט יעצט דורך א צייט וואס ס'קוקט אויס ווי פון הימל וויל מען בשום אופן נישט ער זאל זיין ריין כסדר רוקן זיך אונטער פרישע נסיונות פון אומגעראכטענע ערטער, אבער איך מצידי גיי ווייטער טון כל מה שביכלתי ויותר זיך אפצוהיטן מכל מרעין בישין, און ניין איך גיי נישט לאזן אז די שוואכע מינוטן זאלן אפמעקן אלע פריערדיגע שטארקע מינוטן, פארקערט, אונז גייען פארזיכערן אז די שוואכע מינוטן זענען די שטערקסטע מינוטן אין מיין לעבן, מינוטן וואס אפילו מיין בהמה'לע האט זיך צעלאזט, בלייבט אברעמעל ווייטער א בן יקיר צו גאט ברוך הוא, הנשמה שנתתי בי טהורה הוא, און לייגט בשום אופן נישט אראפ די געווער, און אויב וויל מען פון הימל אז איך זאל פאלן אין תהום אריין גיי איך ווייטער טון וואס איך קען זיך צו האלטן ריין, און איך גיי עס טון פשוט שלא לשמה, מה נפשך אויב איז דער רצון ד' איז זאל זיין ריין טוה איך דאך ריכטיג מיטן אנהאלטן מיין קאמפ, ווידער טאמער איז רצון ד' אז איך זאל זינקן אין שמוץ דאן וואס וועט שוין געשעהן אז איך וועל עובר זיין אויף אט דעם 'רצון ד', סך הכל אויב נישט קיין עולם הבא וועל איך כאטש זוכה זיין צו די עולם הזה פון אנהאלטן א ריין לעבן, ויפה שעה אחת בעולם הזה מכל חיי העולם הבא!

שכ'ח פארן מיך אויסהערן, און פאר די חיזוק.

ענטפער: אברעמעל'ס טאגבוך י"ד תשרי התשפ"א 02:17 #268674

  • לומד
  • איצטיגע שטרעקע: 164 טעג
  • OFFLINE
  • שר האלף
  • מעלדונגען: 1061
  • האט שוין געלייקט: 4537 מאל
    האט שוין באקומען לייקס: 1647 מאל
  • קאָרמא: 23
יישר כח פארן מיטטיילן דיין דורכגאנג. איך פיל דיין ווייטאג. עס דערמאנט מיר מיין ווייטאג ווי איך האב אויך געפילט אז דאס איז די רצון ה' און פון הימל 'וויל מען אז איך זאל כסדר פאלן'. איך קוק צוריק און איך פארשטיי נאך אלץ נישט צוליב וואס האב איך געדארפט דורך גיין די אלע נפילות, ווי איך האב געזעהן אז מיין מצב גייט בארג אראפ בנשימה אחת און איך קען דעם נפילה נישט אפשטעלן, נישט וויסנדיג ווי טיף דאס קען אלץ גיין.

אבער כהיום ממר נעשה מתוק, און בחסדי ה' בין איך ריין איין טאג אויף אמאהל. בנוסף לזה האב איך די זכיה צו מחזק זיין אנדערע. ווער האט דאס געקענט חלומ'ן אז דאס גייט איין טאג געשעהן, וכה יעזור ה' להלאה.

על כן ידידי היקר חזק ואמץ, חבי כמעט רגע עד יעבור זעם, לד' הישועה, אט אט ביסטו א געהאלפענע, און זיי ווייטער מתפלל צום אים און דער ליבע טאטע אין הימל וועט דיר חונן דעת זיין, און ער וועט דיר געבן די כח צו קענען ווייטער גיין.

כל טוב, און א לעכטיגע פרייליכע יום טוב

ענטפער: אברעמעל'ס טאגבוך ט' חשון התשפ"א 15:49 #268968

  • ich vil zan ehrlich
  • איצטיגע שטרעקע: 4 טעג
  • OFFLINE
  • שר האלף
  • מעלדונגען: 1814
  • האט שוין געלייקט: 4361 מאל
    האט שוין באקומען לייקס: 3226 מאל
  • קאָרמא: 60

איך האלט נאך די 19'טע איינטראגע, איך האב נאכנישט געליינט די 20'סטע.
איך רילעיט זייער צו יעדע איינציגע ווארט וואס דו שרייבסט, איך האב נישט קיין כח מאריך צו זיין מער יעצט, אבער אויך מיין דעת תורה האט מיך געהייסן האבן א עקסטערע מקור פאר סופארט און א עקסטערע פאר רפואה.

אזוי אדער אזוי, דיין איינטראגע האט מיך צוריקגעשלעפט צו די סאמע ערשטע וואך וואס איך בין געווען דא אויף הדא, זיצנדיג אין א ענגע קיאסק שטיבל און אריינגעטרונקען איין איינטראגע נאכן צווייטן. דעי צייטן......
אין עס עי זאגט מען keep them coming.

ושמענו מצדיק אמתי שאמר, שאלו היה אומר לו אחד, יהיה מי שיהיה, בעת שעסק בעבודת השם בתחלתו: אחי, חזק ואחז עצמך – הייתי רץ ומזדרז מאד בעבודתו יתברך, כי גם עליו עבר כל הנ"ל, ולא היה שומע שום התחזקות משום אדם - ליקו"מ תנינא, מ"ח

***

Acceptance is the answer to all my problems today!!! - The big book, Page 417

ענטפער: אברעמעל'ס טאגבוך ט' חשון התשפ"א 15:57 #268970

  • ich vil zan ehrlich
  • איצטיגע שטרעקע: 4 טעג
  • OFFLINE
  • שר האלף
  • מעלדונגען: 1814
  • האט שוין געלייקט: 4361 מאל
    האט שוין באקומען לייקס: 3226 מאל
  • קאָרמא: 60

און נאכן 20'סטן קען איך זאגן: שכח פארן מיטיילן.

איך פערזענעליך האב געהאט 3 גרויסע לעכער אין מיין קאמפיוטער, און איך האב חדשים לאנג געלעבט מיט דעם דמיון אז איך דארף גארנישט טוהן צו דעם, ווייל איך קען פאלן אן דעם אויך און איך קען זיך האלטן ריין מיט דעם אויך.
אבער זייט איך האב עס געבלאקט בין איך ב"ה ריינער.
טפלמש.

ושמענו מצדיק אמתי שאמר, שאלו היה אומר לו אחד, יהיה מי שיהיה, בעת שעסק בעבודת השם בתחלתו: אחי, חזק ואחז עצמך – הייתי רץ ומזדרז מאד בעבודתו יתברך, כי גם עליו עבר כל הנ"ל, ולא היה שומע שום התחזקות משום אדם - ליקו"מ תנינא, מ"ח

***

Acceptance is the answer to all my problems today!!! - The big book, Page 417

ענטפער: אברעמעל'ס טאגבוך ט' חשון התשפ"א 22:31 #268983

  • אברהם העברי
  • OFFLINE
  • שר חמישים ומאתים
  • מעלדונגען: 258
  • האט שוין געלייקט: 584 מאל
    האט שוין באקומען לייקס: 764 מאל
  • קאָרמא: 4

אז אווזע'לע האט יא ארויפגעברענגט דעם געהענגל אויפן אויבערפלאך, וויל איך פשוט געבן אן אפדעיט בהמשך פון דעם 'לאך' הנזכר לעיל באיינטראגע #20:
למעשה נאך א שטיקל וויילע האב איך באקומען א פיינעל ענטפער פונעם פילטער קאמפאני אז ס'איז נישטא דערווייל וואס צו טאן, נאר - אן אריינגיין אין פרטים - דורך צולייגן א מאסיווע רעסטריקשאן וואס גייט אפעקטירן מיין חיי יום יום, צורך פרנסה וכו', כ'בין געווען זייער נבוך וואס צו טון, למעשה נאכ'ן זיך אויסשמועסן פריוואט מיט אפאר חברים מיודעי ומכירי לבית הדא, איז געבליבן אז מ'גייט נעמען דעם שטארקייט און ארויפלייגן אט דעם רעסטריקשאן, און מתפלל זיין אז דער אין אדם שומע לי ומפסיד זאל פארווירקליכט ווערן.
אין א זייטיגע נאטיץ האב איך אפגעמאכט מיט אחד מחברים אז מ'גייט האלטן חשבון אין די קומענדיגע תקופה און זעהן וויפיל צורך פרנסה איך גיי דערלייגן (?) צוליב דעם רעסטריקשאן וואס איך פיל אזוי אנגעהאנגען דערויף. למעשה כאטש וואס כ'האב שוין דערזייט אסאך אריינגעבאמפט אין דעם 'פילטער בלאק פעידזש', אבער איך קען זאגן בפה מלא אז דערווייל האט דאס ברוך ד' מיט קיין פרנסה געהאט, ומצד שני איז שוין אסאך צייט פארברענגעכץ פארמיטן געווארן ב"ה דערזייט, והעולה על כולנה זייט דעם רעסטריקשאן איז צוגעלייגט געווארן בין איך ב"ה ווייניגער פארנומען צו אנטלויפן פון לאסט וד"ל.
כ'דאנק השי"ת בתוך רבים פאר'ן מיר געבן די כח דאס אונטערצונעמען, און כ'בין ווייטער מתפלל אז מיט דעם 'נעילת השער' זאל זיך עפענען ברייטערע טויערן פון שערי טהרה, און נישט חס ושלום פרישע לעכער ווי כ'בין געווען געוואוינט ביז דאן.
להשלמת ה'אפדעיט - אז איך האלט שוין דעם שופר - איז וויכטיג צו דערקלערן בשער בת רבים, אז דער אקט פון צולייגן א שלאס איז לגמרי נישט קיין קאנטראל אויווער לאסט, ס'איז בסך הכל השתדלות מצידי אז די מתנות פון ריינע טעג זאל האבן אויף וואס חל צו זיין, און איך בין ווייטער מתפלל אויף נאך א ריינע סעקונדעלע, ווייל מצידי קען איך נישט באשאפן קיין ריינע סעקונדע אפילו מיט די שטערקסטע פילטער, און אפילו אן קיין אינטערנעט בכלל, אפילו ווען איך זאל זיצן אין בית מדרש א גאנצן טאג, די איינציגסטע פאויער וואס איך האב אויווער לאסט איז בלויז אויסשטרעקן א האנט און בעטן אויף נאך א ריינע סעקונדעלע.

ענטפער: אברעמעל'ס טאגבוך ט' חשון התשפ"א 22:34 #268984

  • myself
  • איצטיגע שטרעקע: 129 טעג
  • OFFLINE
  • שר החמישים
  • מעלדונגען: 55
  • האט שוין געלייקט: 32 מאל
    האט שוין באקומען לייקס: 89 מאל
  • קאָרמא: 3

אברהם, פארוואס זעט מען נישט ווי די האלטסט,
עס איז א סוד?

ענטפער: אברעמעל'ס טאגבוך ט' חשון התשפ"א 22:46 #268986

  • אברהם העברי
  • OFFLINE
  • שר חמישים ומאתים
  • מעלדונגען: 258
  • האט שוין געלייקט: 584 מאל
    האט שוין באקומען לייקס: 764 מאל
  • קאָרמא: 4
myself געשריבן on ט' חשון התשפ"א 22:34:

אברהם, פארוואס זעט מען נישט ווי די האלטסט,
עס איז א סוד?


בכלל נישט קיין סוד, זייענדיג אויסגעשטעלט צו געוויסע טשעלענדזשעס, האב איך מורא געהאט אז איך גיי ציילן אחת למעלה ושבע למטה... וגם איך האב שוין כמה פעמים געציילט ביז 90 אדער מער, איך בין אבער מקפיד אז יעדע 90'יגער זאל זיין אויף א ריינערע דרגא ווי די פריערדיגע, כ'האב בקרוב ארויסצוקומען פון קוואראנטין.

ענטפער: אברעמעל'ס טאגבוך ט' חשון התשפ"א 22:52 #268988

  • myself
  • איצטיגע שטרעקע: 129 טעג
  • OFFLINE
  • שר החמישים
  • מעלדונגען: 55
  • האט שוין געלייקט: 32 מאל
    האט שוין באקומען לייקס: 89 מאל
  • קאָרמא: 3
אברהם העברי געשריבן on ט' חשון התשפ"א 22:46:

myself געשריבן on ט' חשון התשפ"א 22:34:

אברהם, פארוואס זעט מען נישט ווי די האלטסט,
עס איז א סוד?


בכלל נישט קיין סוד, זייענדיג אויסגעשטעלט צו געוויסע טשעלענדזשעס, האב איך מורא געהאט אז איך גיי ציילן אחת למעלה ושבע למטה... וגם איך האב שוין כמה פעמים געציילט ביז 90 אדער מער, איך בין אבער מקפיד אז יעדע 90'יגער זאל זיין אויף א ריינערע דרגא ווי די פריערדיגע, כ'האב בקרוב ארויסצוקומען פון קוואראנטין.


כאטש פריוואט דארפסטו מיר זאגן ווי די האלטסט,
עס איז בכלל נישט יושר אזא גוטע חבר זאל נישט וויסן,

ענטפער: אברעמעל'ס טאגבוך ט' חשון התשפ"א 23:14 #268991

  • אברהם העברי
  • OFFLINE
  • שר חמישים ומאתים
  • מעלדונגען: 258
  • האט שוין געלייקט: 584 מאל
    האט שוין באקומען לייקס: 764 מאל
  • קאָרמא: 4
myself געשריבן on ט' חשון התשפ"א 22:52:

אברהם העברי געשריבן on ט' חשון התשפ"א 22:46:

myself געשריבן on ט' חשון התשפ"א 22:34:

אברהם, פארוואס זעט מען נישט ווי די האלטסט,
עס איז א סוד?


בכלל נישט קיין סוד, זייענדיג אויסגעשטעלט צו געוויסע טשעלענדזשעס, האב איך מורא געהאט אז איך גיי ציילן אחת למעלה ושבע למטה... וגם איך האב שוין כמה פעמים געציילט ביז 90 אדער מער, איך בין אבער מקפיד אז יעדע 90'יגער זאל זיין אויף א ריינערע דרגא ווי די פריערדיגע, כ'האב בקרוב ארויסצוקומען פון קוואראנטין.


כאטש פריוואט דארפסטו מיר זאגן ווי די האלטסט,
עס איז בכלל נישט יושר אזא גוטע חבר זאל נישט וויסן,


איך צייל דערווייל נישט, נישט בנגלה און אויך נישט בנסתר. און אויב ווילסטו זייער שטארק וויסן פארוואס, אן אריינגיין אין דעבאטעס, וועל איך דיך זאגן אין א האלבע ווארט:

איך קוק אן 'ציילן' ווי א מאכטפולע רעקאווערי-געצייג - טו"ל בלע"ז - וואס, אזוי ווי יעדע טול, דארף דאס גענוצט ווערן אויפן ריכטיגן אופן און אויפן ריכטיגן פלאץ, און דאן איז דאס א געוואלדיגע הילף אין רעקאווערי ווי איך האב שוין עקספיריענסד בעבר ב"ה. אבער אין די זעלבע צייט, אזוי ווי יעדע טול, אויב ווערט דאס נישט ריכטיג באנוצט קען דאס צומאל גורם זיין מער שאדן ווי ריווח.

נקוט כלל זה, נישט ציילן, מיינט נישט אז איך בין חלילה נישט ריין אדער אז איך ארבעט נישט צו זיין ריין וכו' וכו', בסך הכל מיינט ביי מיר נישט ציילן אז איך שפיר נישט יעצט ווי ס'גייט זיין בענעפישעל זיך צו באנוצן יעצט מיט אט דעם געצייג, אבער א ריינע סעקונדע האט נאך ביי מיר די זעלבע וועליו אפגעזעהן צי איך צייל יא צי נישט, און איך קוק געוויס ארויס אויף צו זיין רייף אויף צו נעמען נאכאמאל אין די האנט אט דעם מאכטפולן טול פון 'ציילן', אבער נישט פאר צו לאנג, בלויז אויף איין טאג!

עד כאן איז וואס איך שפיר יעצט, ס'קען זיין איך גיי טוישן מיין בליק, איך האב שוין אסאך מאל געטוישט מיין בליק פון ווען איך האב באטראטן דעם באדן פון הדא ביז איצט, וועגן דעם זענען מיר דא, סוי פליז נעם נישט אן מיינע ווערטער כתורת משה מסיני, נאר ענדערשער ווי תורת לאקשן, און אויב גלייכסטו די סארט לאקשן דאן עס עס מיט'ן בעסטן אפעטיט, און אויב נישט דאן דזשאסט קויף עס נישט...
לעצט פארראכטן: ט' חשון התשפ"א 23:19 דורך אברהם העברי.

ענטפער: אברעמעל'ס טאגבוך ט"ז שבט התשפ"א 10:38 #270487

  • חיים חייקל
  • איצטיגע שטרעקע: 33 טעג
  • OFFLINE
  • שר חמישים ומאתים
  • מעלדונגען: 260
  • האט שוין געלייקט: 1437 מאל
    האט שוין באקומען לייקס: 505 מאל
  • קאָרמא: 16

וואס מאכט מען אברעמעלע, איך בענק מיך נאך דיר. קום אריין, לאז גריסן די עולם.

לעשות נחת רוח להבורא יתברך שמו

זיך צו לאזן היילן איז טאקע שווער. אבער צו בלייבן קראנק איז נאך שווערער

ענטפער: אברעמעל'ס טאגבוך ט"ז שבט התשפ"א 13:25 #270492

  • ich vil zan ehrlich
  • איצטיגע שטרעקע: 4 טעג
  • OFFLINE
  • שר האלף
  • מעלדונגען: 1814
  • האט שוין געלייקט: 4361 מאל
    האט שוין באקומען לייקס: 3226 מאל
  • קאָרמא: 60
חיים חייקל געשריבן on ט"ז שבט התשפ"א 10:38:

וואס מאכט מען אברעמעלע, איך בענק מיך נאך דיר. קום אריין, לאז גריסן די עולם.


גא"מ
אוי ווי ס'בענקט זיך.

ושמענו מצדיק אמתי שאמר, שאלו היה אומר לו אחד, יהיה מי שיהיה, בעת שעסק בעבודת השם בתחלתו: אחי, חזק ואחז עצמך – הייתי רץ ומזדרז מאד בעבודתו יתברך, כי גם עליו עבר כל הנ"ל, ולא היה שומע שום התחזקות משום אדם - ליקו"מ תנינא, מ"ח

***

Acceptance is the answer to all my problems today!!! - The big book, Page 417

ענטפער: אברעמעל'ס טאגבוך כ"ד ניסן התשפ"א 10:00 #271545

  • נישט שפעט
  • איצטיגע שטרעקע: 2 טעג
  • יעצט אנליין
  • שר חמישים ומאתים
  • מעלדונגען: 391
  • האט שוין געלייקט: 335 מאל
    האט שוין באקומען לייקס: 784 מאל
  • קאָרמא: 9

יא עס בענקט זיך נאך דעם גרויסן בעל תוכן און בעל דעה, א טייערע חבר, וואס איז לעצטנס געווארן א שטיקל צדיק נסתר.
אבער א ברכת מזל טוב מוז אים וואונטשן צו זיינע ריינע צוואנציג טעג. ביי כ' איז לא שלטא עינא, זאל נישט שולט זיין קיין עינא בישא חלילה און קענען בס"ד שטייגן העכער און העכער.

נעם דיר אריין אין קאפ:
דאס אז דו ביסט היינט ריין, מיינט נישט אז מארגן וועסטו אויך זיין ריין. יעדע טאג איז א טאג פאר זיך.
​דאס אז דו ביסט היינט געפאלן, מיינט נישט אז מארגן וועסטו אויך פאלן. יעדע טאג איז א טאג פאר זיך.
כללו של דבר: דו האסט א עול נאר פון איין טאג. סאו זיי נישט אנגעצויגן.

ענטפער: אברעמעל'ס טאגבוך כ"ד ניסן התשפ"א 11:41 #271553

  • אברהם העברי
  • OFFLINE
  • שר חמישים ומאתים
  • מעלדונגען: 258
  • האט שוין געלייקט: 584 מאל
    האט שוין באקומען לייקס: 764 מאל
  • קאָרמא: 4
נישט שפעט געשריבן on כ"ד ניסן התשפ"א 10:00:

יא עס בענקט זיך נאך דעם גרויסן בעל תוכן און בעל דעה, א טייערע חבר, וואס איז לעצטנס געווארן א שטיקל צדיק נסתר.
אבער א ברכת מזל טוב מוז אים וואונטשן צו זיינע ריינע צוואנציג טעג. ביי כ' איז לא שלטא עינא, זאל נישט שולט זיין קיין עינא בישא חלילה און קענען בס"ד שטייגן העכער און העכער.


א שטיקעלע סתירה ווען פונקט ביי כ' האט שולט געווען זיין עין, און ער שרייבט אז כ' איז לא שלטא עינא...

אלענפאלס, שכח פארן באמערקן, און אויך פארן ארויפברענגען דעם טרעד צום אויבערפלאך, וואס דאס איז מיר אויך גורם בענקעניש צו שרייבן, מי יתן והי' אז 'צייט' און 'חשק' זאלן זיך אמאל באגעגענען, אויף צו קענען שפייען אביסעלע טינט דא אינעם טאגבוך, עוד חזון למועד.

וועגן די אלע 'טיטלען' וואס דו האסט געגאסן, נעה אשאד צו קאמאנטירן דערויף.

אחראים: GYE YIDDISH
צייט צו מאכן א בלאט: 0.92 סעקונדעס

COM_KUNENA_ARE_YOU_SURE

יא