א גוט געבענטשט יאר טייערע ליבער חבירים

היינט חמשה עשר בשבט ר"ה לאילנות קום איך אריין מיט א פרישקייט מיט א בקשה צום בוכ"ע אז ער זאל מיר העלפן אין מיין וועג, איך זאל זיין ריין און הייליג בפי רצונו יתברך.

מיין עבר איז נישט נוגע אויפן מינוט, איין זאך איז נוגע: לאן פני מועדות, וואו אהין וויל איך אנקומען, איך וויל אנקומען צו א לעבן פון הייליגקייט און ריינקייט, א לעבן פון דבקות בבורא תמיד, א לעבן פון געשמאק ברוחניות ובגשמיות.

איך ווייס וואס הייסט זיין ריין, איך וויס די אויסטערלישע אמת'דיגע געשמאק וואס מ'האט ווען ס'גייט דורך א טאג און מ'איז נישט דורכגעפאלן אבער דאך, די נסיון איז דאך אזוי שווער און כמעט אוממעגליך, ניין, נישט כמעט נאר ממש אוממעגליך נישט אדורכצופאלן, גאט ב"ה ער איז דער וואס קען מיר האלטן און איך איך ווייס בידיעה ברורה אז ווילאנג איך וועל אליינס פרובירן וועל איך בלייבן ביים פרובירן...

ווי פאסיג איז אז השי"ת האט צוגעפירט איך זאל זיך ארויפסיינען היינט ביום ט"ו בשבט ר"ה לאילנות כי האדם עץ השדה, פונקט ווי א בוים האט סעזאנען, ער איז שיין און פיל מיט בלעטער צווייגן און פירות, און דאן הויבן אהן די בלעטער צו פאלן און די פירות פארלירן זייער געשמאק ס'ווערט ערגער און ערגער, נאך א שטיק צייט שטייט די בוים גענצליך נאקעט און פארשעמט, אבער דייקא דאן הויבט זיך אהן איר ישועה, ס'איז ר"ה פאר איר ס'הויבט אהן א פיצעלע בלעטע שפראצן, קוים וואס מ'זעהט איר, איינער קען פרעגן מיט יאוש, "דאס הייסט גוט? א ליידיג בוים האט גארנישט וואס צו פארקויפן..!

אבער ניין דייקא יעצט הויבט זיך אלעס אהן מיט א פרישקייט און התחדשות, מיט א תפלה צום רבון עולמים אז אלעס זאל זיך פירן כשורה און מ'זאל נאר קענען טוען זיין רצון תמיד, אמן.

שלום עליכעם "נאכאמאל"!
האסט געגעבן א הערליכע איינצוגס דרשה!
איך קוק פאראויס אויף ווען דו וועסט זיך "נאכאמאל" אויפשטעלן רעדן.
קום אריין, הער אויס, טייל מיט, זיי מחזק, שעפ חיזוק און בלייב ריין!

וועלקאם

שלום עלכים! 
מזל טוב צי דיין נייע טרעד ..

טאג נומבער איינס, אח"ד מי יודע אח"ד אני יודע אח"ד אלוקינו בשמים ובארץ, איך דאנק דיר און לויב דיר הייליגער באשעפער פארן מיר האלטן ריין היינט טאג איינס.

מזל טוב "נאכאמאל" פארן נעמען די שטארקייט און ציילן דיין ערשטע ריינע טאג.
פון די מספר פון לייקס וואס דיין ערשטע פאוסט האט באקומען, זעהט מען ווי שטארק די עולם follow'ט דיין רייזע, אפילו נישט יעדער קומט אן עס צו שרייבן פערזענליך.
קיפ איט אפ און אפדעיט אונז אפט!

שלום עליכם שלום עליכם
אזוי שטארק אריינצקומען, גראד טון צו די זאך, מורא'דיג
מיט א שטארקע רצון וועסטו מיט אויבעשטנס הילף אנקומען, צו א ריינע הייליגע צופרידענע לעבן 
און מזל טוב פאר דיין ערשטע טאג, נאך אסאך אסאך טעג, מיט פרישקייט ווי היינט
גוט שבת

היום יום שלישי לטהרה, והיו נכנים ליום השלישי כי ביום השלשי ירד ה' לעיני כל העם על הר סיני, יא אפילו צו אזעלכע עניים וואס האבן זיך רח"ל אנגעזעהן מיט אלדאס בייזענס און אפילו צו אזעלכע וואס זענען נאך בבחינת עם, יעדער איינער האט די זכי' אז גאט ב"ה באווייזט זיך צו איהם און ער איז כביכול יורד אפילו צו נידעריגע פארשוינען און העלפט זיי אנקומען נענטער צו איהם.

א גרויסן יישר כח אלע הייליגע חבירים וואס ענטפערן אויף סיי וועלכע אופן צו בדיבור (מיט טעקסט) צו במעשה (מיט א לייק) און אפילו במחשבה, כל אחד בשמו הטוב יבורך, וטוב עין הוא יבורך.

רעספאנדס זענען גאזאלין, ס'מאכט נישט פילן איגנארירט און #פיפטע-ראד-צום-וואגן געפיל…

שלום עליכם הרב נאכאמאל, קומסט אריין מיט א שטארקייט און פעסטקייט.

איך בין נייגעריג וואס די ״נאכאמאל״ איז. נאכאמאל וואס?
(פארשטייט זיך נאר אויב דו ווילסט מיטטיילן)

יונה׳לע

יעדע רגע בין איך נאכאמאל אנגעוואנדן אינעם בוכ"ע ער זאל מיר האלטן ריין און הייליג, יעדע דורכפאל איז נאך א טשאנס זיך צו נעמען פונדאסניי און יעדן טאג דארף איך נאכאמאל חזר'ן ווי מאכטלאז איך בין און ווי אוממעגליך ס'איז פאר מיר אליין זיך צו האלטן ריין.


און וויבאלד יעצט האב איך געהאט א פעסטע גליטשט לתפ"צ וועל איך מיט טרערן אין די אויגן ריסעטן מיין טשארט און "נאכאמאל" אנהויבן ציילן בעטענדיג השי"ת זיי ווייטער מיט מיר און האלט מיר ריין נאכאמאל יעדע מינוט.

שטארק!!!!!!
keep it up

וואס מיינט ״לתפ"צ״?

לא תקום פעמיים צרה, אנדערע שרייבן עס לא תקפ"ץ

יונה מצאה געשריבן on י"ח שבט התשפ"א 15:33:

גא"מ להבין דברי חכמים וחידותם.

און א ברוכים-הבאים צו אונזער קהילה. נאר גוט וועט דיר ארויס קומען בעז"ה.
צוזאמען מיט ריינקייט קומט נארמאלקייט... האבן א רואיגע לעבן, א רואיגע קאפ, א רואיגע מוח.

אמן, הלואי!

נאכאמאל געשריבן on י"ט שבט התשפ"א 09:27:

ס'איז זיכער אזוי.
מ'הייבט אן מיט א פרישקייט, מיט אביסל הכנעה, מיט אמת, מיט רצון, מיט מכיר זיין אז נאר אונזער טאטע אין הימל קען אונז העלפן.
אסאך דא האבן שוין זוכה געווען. דו ביסט נישט אנדערש פון אלע אנדערע...
קום אריין, באקום חיזוק און הדרכה פון די חברים דא.
עס וועט דיר לוינען. מיינס א ווארט! וואס, האסט מיר שוין געכאפט אמאל אין א ליגנט?...

ר' נישט שפעט, איך האב שוין זוכה געווען צו זעהן פילע לעבעדיגע עדות אויף יעדעס ווארט וואס איר זאגט דא.

זאל דער אויבערשטער העלפן מיר אלע זאלן אויך זיין לעבעדיגע ביישפילן אויף דעם אינאיינעם מיט אונזער חשוב'ער חבר הרב נאכאמאל. 

א קלייניקייט וואס כ'האב געקלערט צו מיר בע"ה און כ'וויל עס שעירן מיטן עולם.

ס'זענען דא - כידוע - ביי די גוים פילע טויזענטער וואס זענען עדיקטעד צו דעם זעלבן פראבלעם וואס מיר זענען און אסאך פון זיי פרובירן זיך העלפן און פילע מיט גרויס סוקסעס, ס'איז מיר געווען א גרויס וואונדער וואס באדערט פאר א גוי די גאנצע ענין ער קען האבן א גוד טיים און זיך ענדזשויען וויפיל ער וויל? נאר די זאך איז פשוט די עדיקשאן איז א דיזיז און איינער וואס איז דערצו עדיקטעד איז קראנק און די קראנקייט איז גאר א מאכטפולע וואס שלעפט גאר שטארק אראפ א מענטש פיזיש, גייסטיש, ספיריטואל און עמאצניאל, און דאס איז די סיבה וואס מאכט זיי זיך וועלן היילן און ארויסגיין פון זייער פראבלעם.

אנדערש זענען אבער מיר אידן, יא מיר האבן אויך די אלע פראבלעמען וואס קומען ארויס פון די עדיקשאן אבער איך מיין אז יעדער קען דא עדות זאגן בפה מלא אויף זיך אליין אז קיינער איז נישט דא צוליב די אלע אומבע'טעמ'טע תוצאות פון די עדיקשאן, קען טאקע זיין אז זיי האבן אונז אהער געבענגט און זיי מאכן אונז אויך געדענקן וואס וועט געשען אויב וועלן מיר בלייבן אריינגעטונקען דערין אבער סוף סוף איז די סיבה בלויז ווייל "לעשות רצונך אלוקי חפצתי" ה' מיר ווילן טוען דיין רצון נאר דאס, אחת שאלתי מאת ה' אותה אבקש.

שלא עשנו כגויי הארצות ולא שם חלקנו כהם, אנו רצים והם רצים, וויפיל זיי וועלן נאר לויפן וועלן זיי צום ענד סייווי אנקומען לבאר שחת אבער אונז גיימער לחיי העולם הבא.

זייער שיין וואס איר שרייבט הרב נאכאמאל, אבער סתם פאר אונטערעסאנטקייט איך האב אמאל געהערט פון א גאר אלדטיימער פון SA יענער האט שוין 28 יאר סאברייעטי, און ער איז פון די ערשע אויב נישט די ערשטע חסיד'שע איז אין SA.
זאגט ער אז צוויי דריטל SA מעמבערס אין אמעריקא זענען אידן.

כלפי וואס זאגסטו עס?

האסט געשריבן אז אסאך גויים ארבעטן אויך אויף סאברייעטי זאג איך דיר אז כאטשיג אידן זענען נישט קיין גאנצע צוויי פראצענט פון די אמעריקאנער באפעלקערונג פונדעסטוועגן זענען צוויי דריטל פון SA מעמבערס אין אמעריקא אידן, זעהט אויס אז אידן זיכן אסאך מער סאברייעטי ווי להבדיל די גויים.

נישט שפעט געשריבן on י"ט שבט התשפ"א 09:26:

מבשרי אחזה, פאר איך האב אנגעהויבן ארבעטן אויף מיין ריינקייט, ווען איך בין געלעגן אין שמוץ יומם ולילה, בין איך נישט געווען קיין נארמאלע מענטש, נישט קיין טאג, נישט קיין נאכט, נישט קיין דאווענען, נישט קיין לערנען, נישט קיין ווייב, נישט מיין קינדער, נישט קיין שבת, נישט קיין יו"ט, גארנישט גארנישט האט מיך נישט אינטערסירט, אלס איז געווען יבש, טריקן טריקן במלא מובן המילא. איך האב שוין געהאלטן לאחר יואש, איך האב געהאלטן אז סוועט שוין אזוי אייביג בלייבן.

היינט נאך א לענגערע תקופה פון ארבעטן אויף ריינקייט, האט זיך מיין גאנצע לעבן געטוישט, און דאס אומגלויבליכע איז געשעהן בסייתא דישמיא, איך האב צורוקבאקומען נארמאלקייט, כהאב צורוקבאקומען מיין ווייב און קינדער, איך בין צורוקגעווארן א איד.

יא, מיט אסאך ארבעט, און אסאך סייעתא דישמיא וועסטו אי"ה מצליח זיין.

די עיקר איז דאווענען און דאווענען למי שהקדושה שלו.

עלה והצלח

חיים חייקל געשריבן on י"ט שבט התשפ"א 12:01:

דאכט זיך אז יעדער איינער פון די חברים דא קען דאס מעיד זיין אויף זיך.
ואף אנכי הקטן. איך האלט נאך ממש אנהייב, אבער מ'שפירט א גרויסע שינוי בכלליות ב"ה. דער אייבישטער זאל העלפן ווייטער.

נאכאמאל געשריבן on י"ט שבט התשפ"א 10:05:

איך גיי מיך מחלק זיין אויף דיינע ווערטער ביג טיים.

איך בין דא אנגעקומען און אפי׳ אריין אין עס עי ווייל איך וויל זיין אן ערליכער יוד.
איך האב בכלל נישט געזען דיספאנקשן אדער אנמעדשעביליטי אין מיין לעבן חוץ פון האבן גילט און שעים אלץ יוד וואס איך עקט אוט.

אבער נאכן מאכן א ערשטע סטעפ, און ווי מער איך בין סאבער און ווי מער איך בין אין ריקאווערי, און ווי מער איך רעדט מיט אלד טיימערס אין פראגראם, אלץ מער זע איך ווי מיין לעבן איז געווען א מעסס ווען איך בין געווען אין עקטיוו עדיקשן.

היינט צופרי ווען איך בין אויפגעשטאנען פארטאגס, און געבעטן גאט בתחנונים אז ער זאל מיר האלטן סאבער פאר היינט, און אז איך זאל מיך קענען איבער געבן פאר אים 100%, איז עס גארנישט געווען ווייל איך וויל זיין אן ערליכע יוד, נאר ווייל איך וויל האבן א געזינטע לעבן, ווייל איך וויל קענען הנאה האבן פון מיין לעבן, ווייל איך וויל קענען האבן א געזינטע שטוב עמאושינעל, און נישט שטארבן ווי א צודרייטער.

איך בין אין א פראגראם וואס גוים קומען אויך צו מיטינגס, און גוים ארבייטן אויך די סטעפס, און גוים בלייבן אויך סאבער, און דאס איז וואס דערמאנט מיר מיין ערשטע סטעפ, איך וויל זיין סאבער נישט אלץ יוד נאר אפי׳ אלץ גוי, איך וויל זיין סאבער נישט אלץ חתונה געהאטער נאר אפי׳ אלץ סינגעל, איך וויל זיין סאבער נישט וויל איך האב קינדער נאר אפי׳ איך בין קינדערלאז.

אפי׳ אלץ סינגעל קינדערלאזער גוי אויכעט.

און פארדעם האבעך זייער ליב צו זיין ביי מיטינגס מיט גוים, צו רעדן מיט גוים אויפן פאון, און צו גיין צו די קאנווענשנס מיט גוים.

און דאס איז מיין ערשטע סטעפ, גארנישט אלץ יוד צו טון.

א פלעינער זייער שטערבליכער דיזיז וואס אסאך אסאך האבן שוין פארלוירן זייער לעבן פון דעם דיזיז וואס הייסט עדיקשן און פאר דעם ווילעך זיין סאבער.

און ווי מער איך בין סאבער אלץ מער ווילעך בלייבן סאבער און אלץ קלארער ווערט מיר פארוואס איך וויל בלייבן סאבער.

און ביז ווילאנג איך לעב אזוי, ווייסעך אז איך פאר גוט, איינצאל איך וויל זיין סאבער נאר וועגן עפעס (אלץ יוד, אלץ ווייב, אלץ קינדער, וכו׳) קענעך מיר שוין גרייטן צוריק צו פאלן צו זייער א טינקעלער לעבן.

הצלחה רבה.

חפץ בטוב געשריבן on י"ט שבט התשפ"א 11:17:


און נאמבערס האבעך נישט קיין איינונג, ביי די קאנווענשנס ווי איך בין געווען האבן ממש רוב עט ליעסט אויסגעזען ווי גוים.

אבער אפי׳ די יודען וואס זענען אין פראגראם זענען - עט ליעסט מיט וועם איך רעדט, און איך רעדט צו גאר אסאך - דא וויל סאיז א דיזיז נישט וועגן איך בין א יוד.

נטע'לע איז לעבעדיג!!!

קעי, איך דארף אויך עפעס צולייגן. און געדענק יעדער רעדט פון זיין אייגענע עקספיריענס. ממילא קען זיין אז יעדער רעדט פון זיך.

עס דא א מושג פון געמישטע מאטיווען. עס קען זיין אז איינער מיינט אז ער איז דא ווייל עס קרענקט אים די דיזיז ווען באמת טוהט אים וויי אז ער פילט ווי א שגץ. דער צווייטע קומט אהער ווייל ער פילט ווי א שגץ ווען באמת פילט ער אז ער איז באמת קראנק.

אני הגבר וואס יאהרן האב איך עוסק געווען אין תשובה און תיקון המעשים און פונדעסטוועגן נישט געקענט סטאפן. איך פלעג דאווענען און גיסן טרערן ביי השיבנו אבינו און ביי שמע קולינו באשעפער איך וויל זיין וואויל און איך וויל זיין 'ערליך' און איך האב צוגעזאגט אלף פעמים ככה אז איך גיי מעהר נישט קוקן קיין שמוץ. בין איך געווען לאקי האט עס געהאלטן פאר עטליכע טעג, אז נישט האט עס געהאלטן פאר א טאג, און דערנאך, איז מפטירין כדאתמול. 

ביז איך האב אהנגעהויבן צו טראכטן אז עס קען זיין איך בין קראנק. אבער עס קען נישט זיין, יעדער קען זיך 'איינהאלטן' פארוואס קען איך נישט? ביז איך האב אהנגעהויבן דאווענען פאר זיך ביי השיבינו און ביי רפאינו. איך פלעג יעדן טאג זאגן די יהי רצון שתשלך במהרה רפואה מן השמים רפואת הנפש ורפואת הגוף לחולה  לומד בן לומדת בתוך שאר חולי ישראל. אבער איך בין געווען צומישט.

די מעהר ריין איך בין געווארן די מעהר האב איך איינגעזעהן אז מיין פראבלעם איז מעהר א דיזיז ווי א אידישקייט פראבלעם. 

אדרבה, במקום אז דברים האסורים שבתורה זענען געמאכט מיר צו העלפן אז איך זאל עס נישט טוהן, ביי מיין פאל, די זאך אז עס איז א איסור בתורה האט עס צוגעלייגט בענזין צום פייער און שווערער געמאכט פאר מיר צו סטאפן צוליב צוויי סיבות.  איינס, דעס אז עס איז אסור מאכט די אבסעסיע שטערקער. צוויי, די בלבול הדעת פון ווויאזוי זיך צו העלפן האט עס געמאכט שווערע צו זיכען הילף. דהיינו אויב בין איך עדיקטיעד אדער אבסעסד מיט בלאזן מייין נאז, וואלט איך געזיכט עצות ותיקונים בתורה? זיכער נישט. איך וואלט פראבירט אליינס צו סטאפן און נאך עטליכע חדשים פון פראבירן אליינס און נישט מצליח זיין וואלט איך געגאנגען צו א מומחה און פערטיג. לעומת זה ביי דעם עדיקשאן וויבאלד עס איז א נושא וואס גרעניצט זיך מיט איסורי תורה, האב איך יאהרן זיך געווואלגערט מיט זיכן עצות בתורה, ווען די אמת איז אז איך דארף הילף אינדרויסן פון די ראמען פון תורה פונקט ווי יעדער עבסעסיע.

דאס קען איך יא מסכים זיין אז מען זעהט ביי געוויסע אז זיי קומען אהן צו א ראק באטטאם פאר אנדערע צוליב דעם וואס די אידישע שולד געפיל מאכט זייער לעבן אומעטיג און זיי גייען שנעלער פאר הילף.

אבער גם זה יכול להיות אז עס איז נישט אמת, ווי דוב האב מיר מסביר געווען יאהרן צוריק באריכות.

על כל פנים איך האף אז איך האב עפעס דא מוסיף געווען. ואם לאו האט עס כאטשיג געהאלפן פאר מיר אליינס

קודם שלום עליכם ר' נאכאמאל,
באמת נאכאמאל אריינגעקומען 'נאכאמאל' אן התחזקות צו אונזער ווארעמקייט ווען מיר זעען ווי נאך א הייליגע יוד קומט אריין מיט א שטארקע רצון, און מיט א פעסטקייט אזוי קלאר גרייט זיך צו ארויסזעהן פון דעם פלאנטער ווי מען פיהלט זיך טיעף באדראבן און ווייט פונעם אייבערשטען,
יהא בואך לברכה,

איך האב דא אזוי אדורכגעבלעטערט דעם רייכן בלאט דא, 
זע איך אז מען האט זיך לעבעדיג געהאלטן אויף דיינע הארצליכע ווערטער, און עס קען דיר אביסל שווערער מאכן דעם לעשות רצון אבינו שבשמים,

זייענדיג שוין דא אריבער א יאר, און זייענדיג אין א פולע היימישע פראגרעם און רעדענדיג אסאך מיט פילע אנדערע וואס זענען אינעם זעלבן מצב פון אונז אלע, וויל איך דיר אביסל קלאר מאכן טייערע נאכאמאל,

ראשית דארף מען וויסן אז די עדיקשאן איז א קרענק און דאס איז א קרענק אין לעבן וואס ביי יעדעם קלאפט עס אויס אויף אן אנדערן מהלך און מען קען בכלל נישט לערנען פון איינעם אויפן אנדערע ווייל די עדיקשאן איז נאר וואס קומט ארויס פון דעם קרענק וואס מען האט, און טאקע פארדעם איז די רפואה פון די 12 סטעפס בכלל נישט אויסצוהערן מיט די עדיקשאן נאר אויסצוהיילן (איינשטילן) די קרענק, און דאס איז זיכער אז ביי יעדעם קומט אנדערש ארויס די עדיקשאן, והא ראי' די רפואה איז פאר אלע עדיקשאן'ס בדרך כלל די זעלבע,

שנית, זייער אסאך פון אונז האבן זיך געטראפן טיעף באגראבן ביי א בחינה וואס די גוי זעהט ניטאמאל איין קיין פראבלעם דערפון, ווייל ביי אים איז עס מותר לכל הדיעות (ווי לומד האט דערמאנט אויפן שפיץ גאפל) ממילא ער דארף זיין אסאך ווייטער און טיעפער כדי צו כאפן אז ער איז אן עדיקט, און דאס איז איינע פון די הויפט מעלות אז מיר זענען יודן און מיר ווילן טוען דעם רצון השם,
און אוודאי עס איז דא אסאך דא וואס זענען געווען זייער ווייט, אבער עס איז דא אסאך וואס זענען ב"ה נישט אנגעקומען דארט, און דאך האבן זיי אנגעהויבן צו ארבעטן אויף זיך, און זיי האבן איינגעזעהן זייער ווייטע קרענק נאך פארן דארפן זיין טיעף אינעם אדמה דארט ווי דער גוי דארף אנקומען כדי זיך צו כאפן ווי ווייט ער איז פארקראכן,

שלישית, סעקס עדיקשאן ביים גוי איז אינגאנצן אנדערש ווי ביים יוד! 
ביי אונז איז עס טאקע פון איין זייט פיל גרינגער ווייל דער אייבערשטער האט אונז אנגעגרייט אסאך זאכן אז עס זאל אונז גרינגער זיין נישט צו דארפן זיך פארקוקן, צו נישט דארפן האבן שייכות מיט פרויען וכו' אבער פון די צווייטע זייט ווען מיר בליקן אריין אינעם צווייטן זייט מחוצה איז עס פאר אונז עפעס און פאר זיי גאר א לכתחילה, (דאס איז נאר א משל, יעדער קען עס אליין אויסטייטשן),

רביעית, ביי יודן איז סעקס עדיקשאן אסאך מער ווי אלקאהאליק טאקע ווייל מיר דארפן נישט גיין אזוי ווייט ווי דעם גוי צו זיין א סעקס עדיקט און מיר קענען עס גרינגער האלטן ביי זיך ווי דעם גוי, און טאקע פארדעם די קרענק איז טאקע די זעלבע, אבער ווי באלד מיר צילן צו טון דעם רצון השם קלאפט אונזער עדיקשאן אויס ביי סעקס און אסאך מער צוזאמעגעצויגן ווי ביים גוי,

חמישית, נישט יעדער דא איז אן עדיקט!
און טאקע דאס איז זייער א שטארקע זאך, ווען מיר האבן אויך א ייצר הרע און ער רעדט אונז צו נישט צו טון דעם רצון השם און אפילו ווען מיר זענען נישט קראנק האבן מיר האך אלץ א חטא הידוע וכו' און טאקע ווייל מיר ווילן יא טוען דעם רצון השם ווילן זיך אפטון דערפון, און אוודאי זעען מיר דערנאך ווי שטארק עס האט אונז שאדן געמאכט אונזער לעבן ביז אהער, הן ביודעים והן בלא יודעים, נישו יעדער כאפט עס באפאר און נישט יעדער אפילו דערנאך, אבער עס איז זיכער אז עס שאדט פאר לעבן און פארן משפחה, אבער זייער אסאך קומען צו דערצו צו ארבעטן און גרייט זיין צו ענדיגן טאקע ווייל דער אייבערשטער האט אונז דאס באפוילן, און טאקע דורך ווילן טון דעם אייבערשטען ווילן און פאלגן דעם ייצר טוב און תשובה טון איז דא פילע וואס קענען זיך היילן פון זייער קרענק טאקע נאר ווייל זיי האבן געהיטן די מצוות,

און דערנאך איז טאקע דא וואס זיי זענען נאכנישט צו ווייט אינעם עדיקשאן און עס קומט זיי אויס צו טראכטן אז איך האב יא אזוי הנאה און דערווייל האב איך נאכנישט איינגעזעהן אז פאר מיר שאד עס, פארוואס זאל איך נישט אויסנוצן נאך די שטיק צייט הנאה צו האבןף און טאקע נאר די דברי מוסר, און דאס וואס זיי ווילן וויסן אז זיי קענען נישט גובר זיין דעם ייצר הרע וואס דאס איז ביי זיי די סטעפ 1 דאס העלפט זיי ארויס פיל שנעלער אנצוהייבן זיך ארויסצוזעהן פון זיין קרענק,

סיום, מיר באקומען שכר פארן ארבעטן, און די גוי נישט!
פארוואס געבט מיר דער אייבערשטער שכר אויב עס האט נאר מיט מיין קראנקייט און גארנישט מיט יודישקייט?! נאר טאקע ווייל ווען איך האב אינזין זיך צו היילן איז עס אויך לעשות רצון אבינו שבשמים,

טייערע נאכאמאל איך האף אז די האסט פארשטאנען מיינע אריכות הדברים, ואדרבה אויב האסטו סיי וועלעכע שאלה (און סיי ווער) פרעג מיך דא אדער פריוואט, און דארט וועל איך דיר אויך קענען געבן מיין אימעיל און דיך קלאר מאכן די פרטים,

הצלחה אלע מיינע פריינד
גדלי'

א גרויסן יישר כח אלע מגיבים.

איך בין נאך ניי אין נישט אזא מבין אין אלע סארטן מהלכים און געדאנקן וויאזוי זיך צו היילן, אבער לאמיר פרובירן זיך מסביר זיין אביסל בעסער, יא אונז ווייסן אז דאס איז א דיזיז און א מערדערליכע קראנקהייט וואס איז ממש אין לשער און דאס אליין איז א סיבה זיך צו וועלן ארויס זעהן דערפון אבער ביי אונז אידן איז דא דאס ענין פון זיך וועלן היילן ווייל דאס איז דער רצון ה', אודאי וויל איך האבן א בעסערע לעבן אבער לאמיר אייך פרעגן א טעארעטישע שאלה, טאמער הער איך א בת קול מארגן צופרי "נאכאמאל נאכאמאל (בניגון אברהם אברהם...) גיי עקט אויס דאס איז יעצט מיין רצון" גיי איך עס טוען אדער נישט? אויב איז מיין בלויזע ווילן נאר צו טוען דער רצון ה' און שוין וועל איך לכאורה פאלגן אפילו עס גייט צוברעכן מיין לעבן און אפילו ס'גייט מיר אריינשלעפן טיפער אין מיין דיזיז.
יעצט, יעדער פארשטייט אז דאס קען נישט געשעהן ווייל השי"ת וועט קיינמאל נישט הייסן פאר א ברנש עובר זיין אויף אן איסור ספעציעל אזא הארבע (אדער אפשר יא, כליהו בהר הכרמל בבמה לצורך שעה, זאלן די למדנים ענטפערן) אבער איך דארף מיך שטענדיג פרעגן מיט אן אמת "וואס איז מיין ציל און ווי וויל איך אנקומען און פארוואס, טאמער איז מיין תירוץ, ווייל איך וויל טוען רצון ה' דאן הבא לטהר מסייעין אותו.

דאס אלעס איז עניית דעתי ואיני אומר קבלו

ווען איך גיי צו א דאקטאר זיך היילן איז עס ווייל איך בין קראנק.
עס איז אויך באמת די רצון  ה' צו גיין זיך היילן עד מקום שידי מגעת.
אבער א מענטש וועט שנעלער זיך גיין היילן ווען ער וועט שפירן אז ער איז נישט און ארדענונג.
וואס איך פרוביר צו זאגן איז אז ווען איך האב זיך געמוטשעט יארן לאנג מיט קדושה איז וויפיל איך האב פרובירט זיך צו העלפן מיט וואס איך האב געזען און ספרים בין איך געווארן נאר ערגער איך בין געגאנגעו עקטן אוט גראד פון וויינען ביי א אפענע ארון קודש ווען איך האב דערהערט אז איך בין פשוט קראנק איך האב א מחלה בין איך געווען גרייט זיך צו לאזן היילן בעזהשי"ת 

אפהיטן געשריבן on כ' שבט התשפ"א 00:23:

איך וויל מיך נישט אנ-נעמען פארן גוי, אבער איך מיין אז:
אין הקב"ה מקפח שכר כל ברי' מיינט א גוי להבדיל אויך
פארשטייט זיך אז זיין שכר איז אויף די וועלט.
און להבדיל אונזער שכר איז עין לא ראתה אלקים זולתיך.

נאכאמאל געשריבן on כ' שבט התשפ"א 11:07:

מ'קען די נושא אנקוקן אביסל פון אן אנדערן פרעספעקטיוו:

יום הקדוש איז א חיוב אויף יעדן איד צו פאסטן אן קיין אויסנאם, פונדעסטוועגן אויב א דאקטאר זאגט פאר א איד א בר חיובא אז ס'איז פאר אים א סכנה צו פאסטן איז דער איד מחויב צו גיין פרעגן א שאלה פון א רב אויב ער איז פטור פון פאסטן.

די זעלבע זאך קען זיין אויב וועט קומען א נביא אמת און אויסרופן בשמו של השי"ת א הוראת שעה אז יעדער איד איז מחויב צו גיין אויסעקטן, קען זיין אז איינער וואס איז ס. אדיקטס, וועט מוזן גיין פרעגן א שאלה פון א רב אויב ער איז פטור פון דעי מצוה ווייל פאר אים איז עס א סכנה, אין די מצוה איז נאר א חיוב פאר איינער וואס איז נישט קיין ס. אדיקט.

כן נראה לעניית דעתי בדרך אפשר.

חפץ איך גלייך דיין פארגלייך, אבער דו פארשטייסט אז אזא איד וועט נאכן פרעגן זיין רב נישט פילן אזוי גוט אזויווי יום הקדוש ווען ער טאר נישט פאסטן און אטא דא קומט אריין די באקאנטע מעשה פון רבי חיים בריסקער זצ"ל וואס איד איז איהם געקומען פרעגן אז ער טאר נישט פאסטן יוה"ק און ער פילט זייער שלעכט דערוועגן, האט איהם ר' חיים גענטפערט, "אויב ברויכסטו מאכן א ברית פאר דיין זוהן בעצם יום השבת וועט עס דיר באדערען? זיכער נישט וועסט עס טון מיט די זעלבע שמחה ווי סיי וועלכע אנדערע מצוה, פארוואס, ווייל אזוי האט דער אויבערשטער באפוילן, דאס זעלבע איז גילטיג ביי דיר יעצט, דער אויבערשטער האט דיר באפוילן נישט צו פאסטן ולך אכול בשמחה לחמיך" ע"כ המעשה און ביי אונזער ענין איז רעלעוואנט די זעלביגע, מיר ווילן בעצם טוען דער רצון ה' וואס עס זאל נאר זיין.

טאטע זיסער איך דאנק דיר און איך לויב פארן מיר געבן א ריינע וואך, א ליכטיגע הייליגע ריינע וואך פון קיין איינמאל נישט דורכפאלן מיט דיין הילף.
און יעצט טאטי בעט איך דיר אויף ווייטער אויך, איך וויל טוען דיין רצון בלויז איך וויל זיין הייליג ווייל אזוי האסטו מיר באפוילן און באשוואוירן, אבער איך קען אליין זיך נישט האלטן ווייל לפתח חטאת רובץ, באשעפער זיסער, דער הייליגער רמב"ן שרייבט אויף דעם פסוק זיין הייליג הסבר "אתה תמשול בו, אם תחפוץ כי תיטיב דרכיך ותסירנו מעליך הורהו על התשובה שהיא נתונה בידו לשוב בכל עת שירצה ויסלח לו" אז טאמער וועל איך באמת וועלן זיין וואויל און ערליך דאן ויסלח לו, טאטי פארגעב מיר אויפן עבר און העלף מיר אויף ווייטער, מיין תשוקה איז מער נישט צום יצר הרע נאר צו דיר מיין באשעפער, זיי מיט מיר און האלט מיר אהן שטארק און טו מיט מיר וואס דו ווילסט לויט וואס איז גוט פאר מיר.

אמאל פלעג איך זיך מקבל זיין מיט א שטארקייט אז מער פאל איך נישט אדורך, ס'האט אנגעהאלטן פון תענית אסתר ביז פורים,
שפעטער האב איך געלייגט גאר א שטארקע פילטער אויף מיין קאמפיוטער, ס'האט אנגעהאלטן פון תענית אסתר ביז פורים,
שפעטער האב איך געלייגט א פעסווארד אויף מיין פילטער, ס'האט אנגעהאלטן פון תענית אסתר ביז פורים,
שפעטער האב איך צוטיילט מיין פעסווארד צווישן מיר און א באקאנטע, ס'האט אנגעהאלטן פון תענית אסתר ביז פורים,
שפעטער האב איך צוגעלייגט וועבחבר, ס'האט אנגעהאלטן פון תענית אסתר ביז פורים,
שפעטער האב איך אינגאנצן אראפגענומען אלע בילדער פון מענטשן פון מיין בראוזער ס'האט אנגעהאלטן פון תענית אסתר ביז פורים,
איך בין פארלוירן און צומישט, וויל דען דער באשעפער מיין עבודה? פארוואס יעדע גדר וואס איך פרוביר נאר צו טוען פאלט אדורך און איך טרעף די לעכער שנעלער ווי גע'חלומ'ט?
ביז מיין גוטער באשעפער האט מיר אויפגעשיינט, "מיין קינד אין הדבר תלוי אלא בי, די דארפסט פארשטיין אז די אלע זאכן זענען נאר גדרים און סייגים וואס העלפט איינעם טאמער וויל ער באמת זיך היטן און בלייבן ריין און אנגעקלעפט אין מיר אבער טאמער וועסטו זיך פארלאזן אויף די אלע און זאגן שלום עלי נפשי וועט עס נישט אנהאלטן לאנג, קיין שום פילטער, גדר אדער סייג וועלן דיר נישט העלפן טאמער נעמסטו זיך נישט אליינס אין די הענט אריין, נאר איין זאך מיין קינד, טאקע אין הדבר תלוי אלא בי, אלעס ווענדט זיך אין דיין אמת רצון, אבער אין הדבר אלא בי, דו מוזט געדענקן אז אלעס אלעס טוה איך און אלעס איז תלוי אין מיר דער מלך מלכי המלכים, גיב זיך איבער פאר מיר און לאז זיך פון מיר פירן וועסטו מצליח זיין אין דיין רייזע.

נטע׳לע געשריבן on י"ט שבט התשפ"א 13:38:

די ווערטער דערווייטערן אסאך מענטשן פון נישט וועלן מיטיילן מיט אזעלכע סארט רפואות
א איד וואס איז דבוק אין באשעפער און לעבט מיט אלע י"ג עיקרים ווייסט אז די תכלית הבריאה איז צו זיין א ערליכער איד
צו ארבעטן אויף זיך פון מודה אני ביז נאך המפיל אז מען וויל זיין א ריינע הייליגער מענטש פונקט אזוי אלץ האמלעס-קינדערלאזע-סינגל גוי איז א סתירה מיט די אתה בחרתנו וואס א איד לעבט דערמיט מיט די והייתם לי סגולה מכל העמים וואס די תורה הקדושה זאגט אינז פארגאנגענע וואך
א ריינער איד איז מיליאן מאל [און ניטאמאל בגדר מספר] העכער ווי דער שפל'דיגער פארזינקענער גוי וואס איז סאבער און ריין.

חפץ בטוב געשריבן on כ' שבט התשפ"א 17:12:

איך האב פאר דיר נייעס
אז אין די ערשטע מצוה וואס אינזער הייליגער באשעפער האט געגעבן לעמו ישראל איז דאס אז מען מוז דאס טון צו ברענגן קינדער אויף די וועלט
איז ערגעצווי דא א פוסק וואס פסק'ט פאר א עדיקט אז ער איז דערפון פטור און מעג זיך ארויסדרייען מיטן אויסרייד אז פאר אים איז עס מסוכן?
לכאורה וואלט אזא זאך געדארפט ווערן מוזכר אין די פוסקים

נאכאמאל געשריבן on כ"ה שבט התשפ"א 11:18:

הערליך!
שכח פארן שעירן.
איך רילעיט צו דיין שמועס מיט ה'

קאוונע געשריבן on כ"ה שבט התשפ"א 14:52:

וואס גייט פאר?
עפעס איז צומישט?

איך האב נייעס פאר אייך הרב קאוונע,
מצוות עונה איז בכלל נישט קיין פראבלעם מיט אדיקשאן 
איך בין אן עדיקט, און אלץ אקטיווער אדיקט, האב איך געהאט ווייניג געדולד צו מצוות עונה, און אלץ אדיקט אין ריקאווערי האב איך הנאה פון מצוות עונה אבער איך שפיר נישט אז איך דארף עס צו שטילן מיין עדיקשאן, און ס'טריגערט נישט מיין אדיקשאן.