ברוכים הבאים, גאסט

טעמע: מיין רייזע צו ליכטיגקייט 10348 באזוכער

מיין רייזע צו ליכטיגקייט י"ט תמוז התשפ"א 7:56 PM #273517

  • BeVeryStrong
  • איצטיגע שטרעקע: 37 טעג
  • לענגסטע רייזע-שטרעקע: 80 טעג
  • OFFLINE
  • שר האלף
  • האלט דיר פעסט!
  • מעלדונגען: 1814
  • האט שוין געלייקט: 337 מאל
    האט שוין באקומען לייקס: 1586 מאל
שלום עליכם מיינע טייערע פריינט!
איך פיל ווי א נייער מענטש פיל מיט פרישע ענערגיע זייט איך האב אנגעטראפן און מיך אויפגעסיינט אויף הדא.
באמת האב איך אריגינעל אנגעטראפן די ענגליש סייט פון GYE בערך פיר וואכן צוריק זייענדיג טיף אין דער אדמה, איך האב שוין אנגעהויבן פארלירן האפענונג אויף דעם פראבלעם וואס מוטשעט מיר שוין פאר איבער צוואנציג יאר זייט מיין צוועלעף, איך בין געווען באמת מיואש און פארלוירן נישט וואוסענדיג וואס צו טון אדער וואו אהין זיך צו ווענדן, אפשר וועל איך שפעטער מיטטיילן מער פון מיין רייזע (journey) בעיקר וויל איך יעצט פאוקאסירן אויף די לעצטע כמעט יאר.
ערגעץ אינמיטן חודש אלול תש”פ האב איך אפגעמאכט מיט א פעסטקייט. ’זאל זיין וואס זאל זיין איך גיי מיטן קאפ אין וואנט און איך וועל זיך מער נישט ברעכן’. און טאקע דאס יאר די הייליגע טעג איז ב”ה געווען עפעס אויסנאם איך האב תשובה געטון און זיך אויסגעוואשן ווי קיינמאל בעפאר!

אזוי האט עס אנגעהאלטן ביז חנוכה. די ערשטע פאר טעג פון חנוכה זענען אדורך באמת דערהויבן איך האב שוין יארן נישט אזוי געשפירט, אבער דאן... דאן... בין איך געפאלן, טיף געפאלן, די תאוה האט געפלאקערט אן א מעגליכקייט צו גיין אויף צוריק איר ווייסט מסתמא ווי נידריג און פוסט עס האט זיך געשפירט.נאך א צוויי וואכן איז מיר בעזרת השם געלונגען זיך צו געבן א דריי אויף צוריק, זיך אפגעשאקלט און צוריק אויפגעהויבן.

איך געדענק נישט פונקטליך איבער די ווינטער וויאזוי עס איז געגאנגען מעגליך אז האב איך האב געהאט נאך נפילות אבער נישט אזאלעכע וואס האבן מיר טיף צובראכן, איך האב אקטיוו געארבעט אויף מיין ריינקייט.פורים איז געווען גאר דערהויבן ענדליך צו מיין ערשטע האלב חנוכה. ליידער... שושן פורים אינדערפרי... בין איך געווען אין א מקוה מיט רינעדיגע וואסער... מיין תאוה איז געווארן אויפגערייצט און איך בין ליידער אדורך געפאלן.

א טאג דערויף האב איך מיט מיינע חברים אנגעהויבן פלאנען א נסיעה צו אייראפע ’מקומות הקדושים’ עס האט מיר געגעבען א פרישע חיות און מיך געגעבן מוט זיך צו אויפהייבן. ב”ה די פאר טאגיגע נסיעה האט מיר געגעבן פרישע חיזוק, זיך אויסגעוויינט און אויסגעוואשן אויף די קברי צדיקים און אנגעגאנגן מיט א שטארקקייט.

א וואך נאך ל”ג בעומר האט די תאווה ווידער אנגעהויבן פלאקערן, ווידער טיף געפאלן און זיך שטארק צוקלאפט. דא, דא האב איך פארלוירן מיין קאנפידענס און געהויבן הענט, איך האב נישט געקענט זען וויאזוי איך גיי דא ווייטער, מיין רוח החיים האט געטראסקעט.דאך האב איך נישט אינגאנצן אויפגעגעבן, און זיך נאכאלץ געשלאגן  אין א בחינה פון ’איין טאג א גלח איין טאג א מלאך’ שבועות איז גראדע געווען גאר געהויבן.

מוצאי שבועות, יא מוצאי שבועות איז עס געשען, איך בין געפאלן, און געפאלן און מיין הארץ און אפגעמאכט, דאס איז נישט פאר מיר, איך קען נישט מער, דאס איז נישט א זאך וואס איך קען בייקומען, גענוג געליטן, איך גיי פלאקערן אין גיהינום, דאס איז מיין גורל, איך מוז מיך נאכגעבן מיינע תאוות, איך ווייס נישט ווי זיך צו ווענדן אדער בכלל וויאזוי איך קען נאך עפעס טון מיך צו פאררעכטן, איך בין פארלוירן... ’אויף אייייביג’... רחמנא ליצלן.

מיין רוח החיים און ענערגיע איז געפאלן צו גאר נידעריגע שטאפלען. צו אלע צרות בין איך אדורך גאר שווערע צייטן (וואס איז גראדע נאכאלץ אקטיוו) מיט מיין פרנסה, מיין גייסט איז געפאלן נאך נידעריגער, מיינע נאנטע האבן אנגעהויבן נודזשען ’וואס גייט מיט דיר פאר לעצטנס’ אויף וואס איך האב מיר נאר געקענט בייסן מיינע ליפן.

דא, און די פינסטערע צייט האט אויפגעשיינט די ליכטיגקייט פון GYE און הדא. איראניש איז אז דורכען זיכן און נישטערן ’נישט דווקא גוטע סחורה’ האט זיך די ליכטיגקייט באוויזן.ב”ה איך בין שוין דא קרוב צו א חודש (26 טאג ריין) די ליכטיגקייט איז צוריק דא, איך לעב אויף אלע באקן, איך שטייג און וואקס ב”ה, מיין שלום בית און באנעמונג מיט חברים איז ווי קיינמאל בעפאר. איך בין א נייער מענטש, איך האף און בעט צום בורא עולם נישט נאכאמאל צו דורכפאלן, אבער וויכטיגער פון אלעם איז די הכרה אז אפילו אויב חס ושלום איך וועל יא אדורכפאלן בין איך נישט אליין און איך האב די ’קאמיוניטי סופארט’ און איך וועל נישט ווערן שטארק צוקלאפט. דאס אליין גיט מיר די רואיגקייט און העלפט מיר זיך צו האלטן שטארק בעז”ה.שלום וברכה וכל טוב סלה.
האלטס ענק שטארק
BeVeryStrong

והעיקר בעטן און בעטן און נאכאמאל בעטן און ווידעראמאל בעטן פון השי"ת! 

לעצט פארראכטן: י"ט תמוז התשפ"א 7:58 PM דורך BeVeryStrong.

ענטפער: מיין רייזע צו ליכטיגקייט י"ט תמוז התשפ"א 8:06 PM #273518

  • שיע
  • איצטיגע שטרעקע: 42 טעג
  • לענגסטע רייזע-שטרעקע: 622 טעג
  • OFFLINE
  • אחראי
  • מעלדונגען: 1368
  • האט שוין געלייקט: 1099 מאל
    האט שוין באקומען לייקס: 1605 מאל

אוי איז דעס געוואלדיג... דאס איז אונזער רייזע נישט נאר דיין...
מיין טייער פריינד, יא האסט געטראפן די גוטע פלאץ.
זאל דיר גאט ווייטער העלפן זאלסט קענען בלייבן סאבער "איין טאג אויפאמאל"
דיין שטארקייט איז גרויס איך האף האסט דורכגעליינט די האנט בוך וואס מאכט זייער קלאר וואס איז די ריכטגיע שריט צי טוען.
איך בעט פאר דיר אין פאר דיין הצלחה. 
קום ארויף אפט אין טייל מיט דיין רייזע מיט אונז דיינע פריינד 
הצחה רבה

אויב האסטו סיי וואס פאר א פראגע אדער פראבלעם און דו ווילסט עס אויסשמועסן 
קענסטו מיר אלעמאל קאנטעקטן.
רופן אדער טעקסטן: ‪(646) 481-8319‬

אימעיל: This e-mail address is being protected from spambots, you need JavaScript enabled to view it  
און איך וועל בס"ד פרובירן צו טוען אלעס מעגליך דיר צו העלפן 

 שיע - מהנהלת היט דיינע אויגן 

ענטפער: מיין רייזע צו ליכטיגקייט י"ט תמוז התשפ"א 8:36 PM #273519

  • טויש
  • איצטיגע שטרעקע: 548 טעג
  • לענגסטע רייזע-שטרעקע: 548 טעג
  • OFFLINE
  • שר המאה
  • מעלדונגען: 167
  • האט שוין געלייקט: 771 מאל
    האט שוין באקומען לייקס: 274 מאל
דיין ארטיקל האט מיר זייער איבערגענומען !
דיין פעסטקייט מער נישט צו פאלן איז מוראדיג !
און כוויל דיר וואונטשען הצלחה אויף דיין רייזע
און איך בין מתפלל פאר דיר
פון: א הארץ וואס שפירט א הארץ.
טויש

ענטפער: מיין רייזע צו ליכטיגקייט י"ט תמוז התשפ"א 9:22 PM #273520

  • נטע׳לע
  • איצטיגע שטרעקע: 1503 טעג
  • לענגסטע רייזע-שטרעקע: 1503 טעג
  • OFFLINE
  • שר האלף
  • מעלדונגען: 2009
  • האט שוין געלייקט: 3499 מאל
    האט שוין באקומען לייקס: 3050 מאל

שלום עליכם!

איך רילעיט צו זייער אסאך וואס דו האסט געשריבן.

קיפ קאמינג בעק!!!

מיין אימעיל אדער הענגאוטס (בעסער הענגאוטס) איז אייביג אפן צו העלפן מיט וואס איך קען, צו  This e-mail address is being protected from spambots, you need JavaScript enabled to view it

מיין פאון נאמבער צו טעקסטן אדער דורך וואטס אפפ איז +1 (802) 359-7167 (בעסטע אפשען)

איך וועל פרובירן און מיך פרייען צו העלפן.

נטע׳לע

ניגון; דו ביסט א גוטער מענטש

ענטפער: מיין רייזע צו ליכטיגקייט י"ט תמוז התשפ"א 10:58 PM #273524

  • דראפעט
  • איצטיגע שטרעקע: 157 טעג
  • לענגסטע רייזע-שטרעקע: 447 טעג
  • OFFLINE
  • שר המאה
  • מעלדונגען: 206
  • האט שוין געלייקט: 114 מאל
    האט שוין באקומען לייקס: 748 מאל

שלום עליכם

סאיז שווער, אבער קיין ברירה איז נישט דא, ממוז.

האלט דיך שטארק, האלט אונז שטארק, אין די לעצטע יאר צוויי זייט איך בין דא, בין איך טאקע געפאלן איינס אדער צוויי מאל, אבער אינו דומה צו בעפאר, קודם די צאל ריינע טעג, צווייטנס דאס וויסן אז איך בין נישט אליין, דריטנס די ריכטיגע מחשבות, די ריכטיגע וועג פון חרטה, זיך קענען שנעל צוריק אויפהייבן, און בעיקר לעבן מיט האפענונג שוין צו פארבלייבן ריין, פונקט ווי פילע וואס האבן דאס באוויזן.

בלייב מיט אונז, און זיי פאר אונז א מוסטער.

ה' נגדך כל תאותי, ואנחתי ממך לא נסתרה.

לעצט פארראכטן: י"ט תמוז התשפ"א 10:59 PM דורך דראפעט.

ענטפער: מיין רייזע צו ליכטיגקייט י"ט תמוז התשפ"א 11:16 PM #273526

  • לומד
  • איצטיגע שטרעקע: 20 טעג
  • לענגסטע רייזע-שטרעקע: 1377 טעג
  • OFFLINE
  • שר האלף
  • מעלדונגען: 1167
  • האט שוין געלייקט: 4924 מאל
    האט שוין באקומען לייקס: 1947 מאל

ברוכים הבאים!

יישר כח פארן שרייבן דא. פאר מיר איז עס געווען א שווערע טריט און איך בין זיכער פאר דיר איז מן הסתם אויך געוווען. פאר מיר איז דאס געווען פון די ערשטע טריט וואס האט מיר געלייגט אויף די שינעס פון ריקאווערי, און איך האף פאר דיר אויכעט וועט עס זיין.

איך רילעיט זייער שטארק צו דיין מעשה. דער הייליכע די צייט אדער די התעוררות איז די מעהר בין איך געפאלן דעמאלס אדער דערנאך. מחרת יום הכיפורים, חנוכה, שושן פורים, מוצאי שבועות, און נאך. גראדע מיין תאוה איז נישט מקפיד אז דוקא נאך דיע צייטן. מיין תאוה קען מיר איבערנעמען ווען איך  בין פרייליך, טרויעריג, מיעד, אויסגעריט, ביזי, אדער בארד, נישט קיין חילוק ווען. דער תאוה קומט און גייט צו מיר אזויוווי א בעל הבית און טוהט וואס ער וויל. ביז איך האב זיך געטראפן אין א מצב ווי איך קען זיך נישט העלפן.

איש בשורה אנכי היום לפניך!! טאמער איך קען היינט זיין ריין בחסדי שמו פאר א טאג, דער זעלבע באשעפער קען דיר אויך האלטן ריין!! בלייב דא און גיי נישט אוועק פאר דו טרעפסט די ריכטיגע מהלך וואס קען דיר האלטן ריין.

אסאך הצלחה

ענטפער: מיין רייזע צו ליכטיגקייט כ' תמוז התשפ"א 8:17 AM #273531

  • נישט שפעט
  • OFFLINE
  • שר האלף
  • מעלדונגען: 2553
  • האט שוין געלייקט: 1255 מאל
    האט שוין באקומען לייקס: 4063 מאל
.
אֵלֶיךָ ה' אֶקְרָא וְאֶל אֲדֹנָ"י אֶתְחַנָּן.
מַה בֶּצַע בְּדָמִי בְּרִדְתִּי אֶל שָׁחַת הֲיוֹדְךָ עָפָר הֲיַגִּיד אֲמִתֶּךָ.
שְׁמַע ה' וְחָנֵּנִי ה' הֶיֵה עֹזֵר לִי.
לעצט פארראכטן: כ' תמוז התשפ"א 8:48 AM דורך נישט שפעט.

ענטפער: מיין רייזע צו ליכטיגקייט כ' תמוז התשפ"א 8:50 AM #273533

  • נישט שפעט
  • OFFLINE
  • שר האלף
  • מעלדונגען: 2553
  • האט שוין געלייקט: 1255 מאל
    האט שוין באקומען לייקס: 4063 מאל
ברוכים הבאים טייערע הייליגע חבר
האמת אומר, אז כ'האב געהאט היינט זייער א שוואכע מוד, כמבואר כאן, אבער ווען איך האב געזעהן א נייע הייליגע חבר קומט אריין להצטרף ללגיונו של מלך און איך האב געליינט דיינע ווארעמע הארציגע ווערטער - האט מיר עס געגעבן שטארקע חיזוק און א שטארקע שטופ זיך קענען דערהייבן און זיך מחזק זיין. האסטו שוין א גרויסע זכות.

טייערע חבר
האסט א זכייה אהער קומען נאך מאכן אזא גרויסע הכנה די לעצטע יאר. זעט אויס אז פארן אנקומען צו די ריכטיגע ישועה דארף מען דורך גיין שווערע זמנים. איז בנוסף צו דיינע 20 יאר ביז אהער - כמעט ווי ביי מיר... - האסטו נאך געהאט לעצטע יאר אסאך התעלות צוזאמען מיט אסאך עגמת נפש - דאס אלעס כדי זאלסט אהער קומען מיט א פעסטקייט און גאר א שטארקע החלטה, וויסנדיג אז דו מוזט מאכן א שטארקע טויש אין דיין לעבן מיט ריכטיגע מהלכים בעז"ה.

די מקום קדוש דא איז א מקום מסוגל. ראשית, ווייל דא איז א קהילה וואס יעדער דא מאכט מיט די זעלבע ענין ווי דיר, זה בכה וזה בכה, דא ביסטו שוה בין שווים. דא קוקט קיינער נישט אראפ אויף דיר, ווייל אונז פארשטייען זייער גוט אז ס'איז נישט באמת דו, ס'איז די תאוה וואס איז שולט.אונז זענען גוטע וואוילע זיסע ליכטיגע נארמאלע מענטשטן, נאר מיט א זייטיגע פראבלעם פון די תאוה, וואס דאס קען משפיע זיין אויף אונזער גאנצע לעבן בהיחבא.
די רגע וואס דו ווייסט קלאר אז דו ביסט א נארמאלע מענטש, און אפילו אן ערליכער און א ירא חטא - ווייל די תאוה איז נישט דיין אמת'ע מהות - וועסטו קענען אנהביין ארבעטן ריכטיג, ווערן ריין און אויסגעהיילט פון די תאוה.

און אגב, נישט נאר מ'קוקט דיר דא אן נארמאל, נאר נאך מער, ווי א צדיק און בן עליה גדול מאד!! פארוואס? ווייל אונז ווייסן זייער גוט וויפל די תאוה ציהט אויף א שרעקליכע אופן, וואס אסאך מאל איז כמעט נישט ביכולת פון א בשר ודם דאס דורך טראגן - און אעפ"כ קומסטו מיט א התלהבות דקדושה טוהן אלעס אין די וועלט זיך ארויס זעהן פון דעם! דו ביסט גרייט גיסן בלוט און רייסן שטיקער פון דיר כדי ווערן הייליג, ריין און ניכטערנו, זאג דו אליין, ביסטו נישט א צדיק? ביסט נישט א בן עליה??

צדיק'ל, מאך דיך באקוועם, גרייט דיר צו א קאווע, ליין וואס אנדערע שרייבן, שעפ חיזוק, טרינק עצות, כאפ אריין הדרכה, זיי מקיים ותשועה ברוב יועץ.

שרעק זיך נישט פון שווערעקייטן וואס קענען פארקומען, בעיקר אין אנהייב וועג, דאס איז א נארמאלע זאך. די חברים דא וועלן טוהן אלעס אין די וועלט וואס איז ביכולתם די העלפן בעצה בהדרכה ובמעש.

אויף די התחלה זיי דיר מקבל אפאר קבלות, עפעס גדרים ביים פילטער, שטערקער שמירת עינים, וכדומה - דאס וועט זיין א שטארקע כלי אנהאלטן דיין התעוררות.

און א הארציגע מזל טוב פאר דיינע 26 טעג, כמנין שם הוי' - מקור הרחמים. זאל די אייבישטער העלפן דיין הייליגע וועג וואס דו הייבסט יעצט אן, זאל זיין באגלייט מיט רחמים וחסדים, המתקות און טובות, דו זאלסט שפירן די גוטע השפעה פון דיין ריינקייט אויף דיין גאנצע מהלך החיים!

חזק ואמץ
אֵלֶיךָ ה' אֶקְרָא וְאֶל אֲדֹנָ"י אֶתְחַנָּן.
מַה בֶּצַע בְּדָמִי בְּרִדְתִּי אֶל שָׁחַת הֲיוֹדְךָ עָפָר הֲיַגִּיד אֲמִתֶּךָ.
שְׁמַע ה' וְחָנֵּנִי ה' הֶיֵה עֹזֵר לִי.
לעצט פארראכטן: כ' תמוז התשפ"א 8:51 AM דורך נישט שפעט.

ענטפער: מיין רייזע צו ליכטיגקייט כ' תמוז התשפ"א 10:49 PM #273576

  • WillKeepHoping
  • איצטיגע שטרעקע: 455 טעג
  • לענגסטע רייזע-שטרעקע: 455 טעג
  • OFFLINE
  • שר המאה
  • מעלדונגען: 231
  • האט שוין געלייקט: 298 מאל
    האט שוין באקומען לייקס: 407 מאל
שלום עליכם הרב Be Very Strong. 

ס'איז מוראדיג וויאזוי דו ביסט אריין געקומען מיט א פעסטקייט, די שרייבסט זייער שיין און ווארעם, קיפ איט אפ.  

ענטפער: מיין רייזע צו ליכטיגקייט כ"א תמוז התשפ"א 10:35 AM #273587

  • i want
  • איצטיגע שטרעקע: 20 טעג
  • לענגסטע רייזע-שטרעקע: 59 טעג
  • OFFLINE
  • שר חמישים ומאתים
  • מעלדונגען: 282
  • האט שוין געלייקט: 323 מאל
    האט שוין באקומען לייקס: 392 מאל
WillKeepHoping געשריבן on כ' תמוז התשפ"א 10:49 PM:
שלום עליכם הרב Be Very Strong. 

ס'איז מוראדיג וויאזוי דו ביסט אריין געקומען מיט א פעסטקייט, די שרייבסט זייער שיין און ווארעם, קיפ איט אפ.  

גא''מ. אריינגעקומען זייער שטארק און מיט א פרישקייט וואס לעבט אויף דעם גאנצען קהילה!!

האלט דיר שטארק!! און אסאך הצלחה!!

נעם נאר די היינטיגער טאג פאר דיין ציל!!
ווייל נאר אזוי וועסטו אנקומען צי גאנצע ריינע וואכן!!

נייער אפטיילונג *ספעציעלע רייכע אינטערוויוס מיט אונזערע מעמבערס* ליינט אין האט הנאה!
אחראים: GYE YIDDISH, שיע
צייט צו מאכן א בלאט: 0.75 סעקונדעס

COM_KUNENA_ARE_YOU_SURE

יא