ברוכים הבאים, גאסט

טעמע: געטראפן מיין פלאץ 3680 באזוכער

געטראפן מיין פלאץ ט' תשרי התשפ"ב 10:43 AM #275991

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14

שלום עליכם אלע טייערע זיסע אידן!!!
אנגעהויבן ביי מיר האט זיך עס פון א יונגע עלטער, די מח האט שטענדיג פאנטאזירט פון די אלע זאכן וואס טויגן נישט, גענענען צו וועמען מען ברויך נישט, אבער קיינמאל נישט אויסגעפירט מכח אל הפועל, מיט מיין יונגע שכל, נאכנישט רייף, אומוואוסנד וואס צו טון.
עס איז אבער געקומען די שרעקליכע טאג, וואס מיר האבן דיסקאווערד די פולע סיקרעט, אליין נישט כאפנדיג אויפן ארט וואס דא האט פאסירט, נאר א קורץ שטיקל צייט נאכדעם האבן מיר פונקטליך פארשטאנען, אוי וויי וואס איז דא איז געשען.
אבער זייענדיג אן עדיקטיוו פערסענאליטי, האט זיך עס נישט אפגעשטעלט ביי דעם, עס איז געגאנגען ווייטער און ווייטער, נאן סטאפ ממש, שוין קרוב צו צען יאר וואס עס פליסט כמעיין המתגבר רח"ל.
איך בין נישט צו סאושעל, מיר איז שווער צו סאושעלייזן מיט די מענטשהייט, מיין בעסטע צייטן פון טאג איז פון צוועלף דרייסיג ביינאכט ביז פיר דרייסיג פארטאגס, די צייטן פלעגט זיין מיוחד צו אפזיצן אין ביהמ"ד אדער עוסק בתורה ועבודה, אדער פאנטארזירן כאזעריי רח"ל.
שווערע פלאגענישן און מיטמאכענישן בין איך אדורך, דעפרעסיעס, עצבות, בדידות, וכולהו וכולהו, קצר היריעה מהכיל, יכלה הזמן והם לא יוכלו.
טו מעיק די לאנג סטארי שארט, דער אייבערשטער האט מיך געהאלפן איך האב געטראפן מיין באשערטע, ב"ה א געוואלדיגע צדיקת (דעס אליין אז זי וואוינט נאך מיט מיר, און זי צאפט מיר נישט דאס בלוט פאר מיינע אומגינסטיגע אויפפירונגען), בין איך שוין חתונה געהאט א שיינע צאל יארן, איך בין שוין ב"ה געהאלפן געווארן מיט א זיס לעכטיג קינד קע"ה, דער אייבערשטער זאל מיר העלפן, מאוצר מתנת חנם חנני, איך זאל זוכה זיין צו זען פון איר פיל נחת דקדושה.
זאכן זענען ערגער געווערן, איך בין נאר געפאלן, און געפאלן, קריכנדיג און זוכנדיג שמוץ אל אויווער, כ'האב שוין איבערגעדרייט אזויפיל שטיינדלעך, דער אייבערשטער האט געהאלפן מיין חסרון פון נעטראלע באקאנשאפט מאכן האט מיר אפגעשטעלט פון זונקען טיפער וד"ל, א שיינע פאר טאללער פארטאכלעוועט צו טרעפן א גוט שטיקל שמוץ וכו'.
דער אייבערשטער האט מיר אונטערגעשיקט גוטע שליחים, קלוגע אידן, באשאנקען מיט געוואלדיגע מהלכים און עצות אין די עניינים, זיי האבן מיר אסאך געהאלפן, אויסגעלערנט געוואלדיגע מהלך המחשבה, וויאזוי צו עקסעפטן די גאנצע סאמעטוכע, און/אבער אביסל פראגרעס האב איך געמאכט, אבער די ליכטיגקייט פון די ענדע פונעם טונעל, האט זיך פאר מיך נאכנישט באוויזן, פאר געוויסע סיבות האב איך געדארפט אפשטעלן די באהאנדלונגען.
פון אזויפיל זיצן פארהאקט אין מיין שעלטער, פרובירנדיג צו טרעפן אין די ספרים הקדושים די ריכטיגע השקפות, און מהלכים און חיזוק, וואס מען דארף אונטערנעמען ווען מען מוטשעט זיך מיט די עניינים, בין איך שוין ב"ה צוגעקומען צו די הכרה, אז דער אייבערשטער האט מיך ליב וויאזוי איך בין, און אפילו איך בין אין שאול תחתית, דער אייבערשטער איז דארטן אויך, אם אסק שמים שם אתה, ואציעה שאול הנך, איך בין שוין געווען אסאך אין ביידע פון די דערמאנטע מקומות.
זייענדיג אליין, נישט האבנדיג קיין חברים, און אודאי נישט קיין חבירים וידידים וואס איך זאך שפירן באקוועם מיט זיי, אז זיי פארשטייען מיך אין דעם מצב, האב איך נישט געטראפן קיין שום וועג ארויס, האב איך גענומען אט דעם מהלך וואס איך גיי יעצט דא שרייבן, איך האב מיך אראפגעזעצט ווארטן, איך וועל ווארטן און ווארטן, מיט געדולד, אייזענע געדולד, ביז דער הייליגער דערבארעמדיגער באשעפער וועט אויסשטרעקן זיין האנט, און מיך ארויסנעמען פון דעם שמוץ, השיבני ה' אליך.
בקש הקדוש ברוך להיות לו דירה בתחתונים, עטליכע וואכן צוריק זיצנדיג פארשפארט ביי מיר, לעכצנדיג נאך א גוטן בא'טעם'טן שמוץ, אזוי א שמאלציגס, זע איך עפעס א וועבזייטל היטדיינעאויגן, guardyoureyes, האט עס מיר אנגעצינדן א לעמפל, איך האב עס אוועקגעלייגט אין מיין פאלדערס, איך דארף אויסטשעקן די פלאץ, נאך א שטיקל צייט, האב איך גענומען די מיה, און אויפגעזוכט די סייט, געבעטן מיין פילטער קאמפעני זאל עס עפענען, און ....
א נייע וועלט האט זיך אנטדעקט, זיסע באטעמט אידן, וואס פארשטייען אן עסק, לעבעדיג, מחוזק, מחזק, מען פיהלט מיט מיט א צווייטן, איך האב געשפירט אז איך מוז דשוינען דעם חבורה, איך בין געוואויר געווארן פון די טשארט, האט מיר איינער אינקארידשט איך זאל מיך אויפסיינען אויף די טשארט, איך האב נאך געוואלט נעמען מיין צייט אביסל, זיך אויסצוקלארן, זען וואס דא גייט פאר, אבער איך האב שוין געטון צו די זאך, און זיך אויפגעסיינט אויף די טשארט, בעז"ה גיי מיר גיין מחיל אל חיל, און די קומענדיגע מינוטן וועט ווערן אפדעיטעד נאך א קלין דעי, וואס איך האב שוין נישט געהאט אזא סטריעק ווי יעצט אין יארן יארן, ליידער איך געדענק נישט אויב איך האב שוין געהאט א דריי טעג סטריק, יעצט וועט עס בעז"ה, און מיט די כח הקדושה פון די הייליגע חבורה, וועט עס מקויים ווערן.
יעצט וועל איך מסיים זיין, די בריוו ווערט געשריבן אונטער אן איינפלוס פון גרויס שמחה, זייענדיג א חלק פון די הייליגע אידן, אשרינו מה טוב חלקינו ומה נעים גורלנו, צו זיין בגורל הצדיקים, און נאכמער איז די שמחה, ערווארטנדיג די הייליגע טאג, די הייליגסטע טאג פון יאר, וואס מיר ווארטן און קוקן ארויס דערויף א גאנץ יאר בכליון ענים יום הכפורים.
זאל יעדער איינער דא געבענטשט ווערן מיט א גמר חתימה טובה, א זיס לעכטיג יאר, א יאר מיט שמחה, א יאר מיט קדושה, שמחה של מצוה...., געזונט פרנסה נחת, ויהי רצון שיתקבלו תפלתינו ברחמים וברצון לפני אדון כל, אמן.

ענטפער: געטראפן מיין פלאץ ט' תשרי התשפ"ב 11:04 AM #275992

  • איין קוק ווינציגער
  • איצטיגע שטרעקע: 15 טעג
  • לענגסטע רייזע-שטרעקע: 225 טעג
  • OFFLINE
  • שר חמישים ומאתים
  • מעלדונגען: 375
  • האט שוין געלייקט: 173 מאל
    האט שוין באקומען לייקס: 520 מאל
  • קאָרמא: 18

שלום עליכם
מחמת טירדות היום קען איך נישט מאריך זיין מיט א געהעריגע אויפנאמע אבער יא 'געטראפן דיין פלאץ' אשריך אשריך די אויבערשטער האט דיר אזוי ליעב ער האט דיר דיירעקטעד צום ריכטיג פלאץ ברוך השם
איך קען צולייגן פון מיין עקספיריענס אז זייט איך איך בין דא אנגעקומען האב איך געטראפן מיין פלאץ אויף די וועלט בכלל, ביז דעמאלס האב איך בכלל נישט געהאלטן איך האב דא וואס צו זוכן... 
הודו לשם
דאנק די אויבערשטער - ביי יעדע פון די פינף תפילות ביום הקדוש - פאר די זאגסט די ווערטער 'וטהר לבנו לעבדך באמת' אויף דעם וואס דו האסט דא געטראפן די פלאץ א מקום פון טהרה וקדושה בעז"ה, און נאך אזא הודאה קומט ממילא פון זיך אליינס נאך א תפלה מעומק הלב:
אוי 'וטהר לבנו לעבדך באמת'... (בנוסח ימים נוראים), ס'איז דאך אזא זיסע תפלה (מ'קען עס זאגן מיט די ימים נוראים נוסח יעדע וואך שבת... )

גמר חתימה טובה און א זיס לעכטיגן פרייליך ריין יאר אויף דיר און אלע חברי קהלת הד"א

ענטפער: געטראפן מיין פלאץ ט' תשרי התשפ"ב 12:04 PM #275993

  • חנוכה
  • איצטיגע שטרעקע: 118 טעג
  • לענגסטע רייזע-שטרעקע: 118 טעג
  • OFFLINE
  • שר חמישים ומאתים
  • הדר פשטה נר חנוכה עדיף משום פרסומי ניסא
  • מעלדונגען: 312
  • האט שוין געלייקט: 181 מאל
    האט שוין באקומען לייקס: 513 מאל
  • קאָרמא: 19

שלום עליכם יום ליבשה!
אזוי ווי איין קוק ווינציגער האט געשריבן איז שווער היינט ערב יו"ט צו שרייבן, אבער טייער חבר ביסט טאקע אנגעקומען צום ריכטיגן פלאץ, מיר פרייען זיך מיט דיין אנקומען אהער. לויט דיין הערליך שריפט זעהן אויס ווי מיר אלע וועלן אסאך שטייגן און הנאה האבן פון דיר!

איך האב מיר אויסגערעדט דאס הארץ פאר מיינע חנוכה ליכט, איך האב זיי אלעס פארציילט. איך האב זיכער געמאכט אז מיינע טרערן זאלן זיי נישט פארלעשן.
זיי האבן מיר נישט גע'ענטפערט.
זיי האבן מיר געקוקט אין די אויגן אריין - און געשיינט.
ליכטיגקייט איז געווען דער ענטפער.

---
נישט יעדע מלחמה ענדיגט זיך מיט א קלינגעדיגן נצחון,
אבער יעדער אנטשלאסענער קעמפער איז א העלד.

ענטפער: געטראפן מיין פלאץ ט' תשרי התשפ"ב 12:54 PM #275994

  • שלום גאנץ
  • איצטיגע שטרעקע: 32 טעג
  • לענגסטע רייזע-שטרעקע: 225 טעג
  • OFFLINE
  • שר חמש מאות
  • יעדע התגברות איז א דימאנט אונעם אייבערשטענס קרוין!
  • מעלדונגען: 501
  • האט שוין געלייקט: 748 מאל
    האט שוין באקומען לייקס: 978 מאל
  • קאָרמא: 25

שלום עליכם יום ליבשה

שפירט אייך היימיש און א גמר חתימה טובה, ס' זעט אויס ווי דיין יאר האט זיך אנגעהויבן מיט די רעכטע פיס, אסאך הצלחה אויף ווייטער 

אנא עבדא דקדשא בריך הוא דסגידנא קמה ומקמי דיקר אוריתה בכל עדן ועדן

הייליגע באשעפער העלף איך זאל מיר שטענדיג קענען אינגאנצן מבטל זיין צו דיר, איך זאל אייביג טון דיין רצון מיט מיין גאנצע הארץ  

איך קען זיך שטארקן!!!
איך וויל זיך שטארקן!!!
איך וועל זיך שטארקן בעזר השם!!!

ענטפער: געטראפן מיין פלאץ י' תשרי התשפ"ב 2:38 PM #275996

  • נישט שפעט
  • איצטיגע שטרעקע: 210 טעג
  • לענגסטע רייזע-שטרעקע: 210 טעג
  • OFFLINE
  • שר האלף
  • מעלדונגען: 2261
  • האט שוין געלייקט: 1198 מאל
    האט שוין באקומען לייקס: 3519 מאל
  • קאָרמא: 60

ברוכים הבאים
איך האב א זכייה מקיים זיין "ילכו מחיל אל חיל" מוצאי יוה"ק מקבל זיין בברכה אזא הייליגע חשובע גאסט פאר זיין הצטרפות ללגיונו של מלך, זיין בתוך מחנה שכינה, צווישן טייערע הייליגע חברים וואס פארשטייען דיר און דיינע פלאגענישן, דיינע ווייטאגען און מיטמאכענישן וואס דו שלעפסט מיט דיר אזויפיל יאר.

דיינע ווייטאגליכע דיבורים היוצאים מן הלב, רייסן דאך אונזערע הערצער, אוי וויפל ווייטאג דא ליגט פארפארט אין יעדע ווארט.

אין זייער אסאך ענינים וואס דו האסט געשריבן טרעף איך מיך זייער שטארק, בעיקר מיט די חלק פון די באהאלטעניש און פארמאכטקייט, אזויווי איך האב געשריבן אין מיין טרעד, ממילא פארשטיי איך דיינע ווערטער גאר שטארק.

אבער טייערע הייליגע חבר, די אייבישטער פארגעסט נישט פון קיינעם. יעדער האט א וועג, פאר יעדעם איז באשערט ליכטיקייט. ביסט אנגעקומען צו א מקום קדוש, א מקום מיט הארץ און געפיל, וואס מ'פארשטייט דיינע שווערע געפילן און מ'גלייבט און מ'האפט צוזאמען מיט דיר אז דיין ישועה איז שוין דא.

חזק ואמץ, דריי דיך דא, שעפ עצות און חיזוק.
גלייב אין דיין ישועה! די אייבישטער האט דיר ליב מיט א געוואדליגע אהבה און ער וועט דיר זיכער העלפן. 


"יום ליבשה" וועט קענען זאגן "נהפכו מצולים" אויף זיין פארגאנגענהייט, און בעז"ה "שירה חדשה שבחו גאולים".

טראכט יעדן טאג אז דיין עבודה איז נאר אויף היינט. אזוי וועט יעדע ריינע טאג זיין 100% הצלחה.

אויב טראכסטו אויף פון היינט ביז דיין 120, וועט יעדע ריינע טעג זיין נאר 0.0001% הצלחה.

ווען דו טראכסט אמת'דיג נאר פון היינט, וועט דיר זיין היפש גרינגער. "ואותי יום יום ידרושון" [ועי' מתיקות נפלאה בספר ערבי נחל, פרשת בראשית, ד"ה ולעניננו יאמר].

לעצט פארראכטן: י' תשרי התשפ"ב 2:40 PM דורך נישט שפעט.

ענטפער: געטראפן מיין פלאץ י' תשרי התשפ"ב 11:19 PM #275998

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14

יישר כח נישט שפעט פאר דיינע ווארעמהארציגע ווערטער, און דיין מתיקות'דיגע אויספיר, דאנקע שען

לעצט פארראכטן: י' תשרי התשפ"ב 11:20 PM דורך יום ליבשה.

ענטפער: געטראפן מיין פלאץ י"א תשרי התשפ"ב 5:19 AM #276000

  • שלום אהליך
  • איצטיגע שטרעקע: 804 טעג
  • לענגסטע רייזע-שטרעקע: 804 טעג
  • OFFLINE
  • שר חמש מאות
  • מעלדונגען: 729
  • האט שוין געלייקט: 635 מאל
    האט שוין באקומען לייקס: 1124 מאל
  • קאָרמא: 23

שלום עליכם ליבער ברודער יהא באכם לברכה להרמת קרנינו זאלסט קענען מחוזק ווערן און מחזק זיין.

איך בין זייער נתפעל פון די נאמען וואס דו האסט געגעבן פאר דיין טרעד "געטראפן מיין פלאץ" עס ווייזט אז אלע יארן וואס דו האסט נאר געטוען און אויף וועלכע מקום דו ביזט נאר געווען האסטו נישט געפילט דארט "דיין פלאץ" אבער דא ווי נאר דו קומסט אהן אהער פילסטו אז דו האסט "געטראפן דיין פלאץ" אך ווי שיין, ווי א גרויסע חיזוק איז דאס פאר אונז אלע צו זעהן ווי נאך א אידיש קינד א הייליגע נשמה קומט אריין בתוכינו און געפונט זיך אינדערהיים.

הויב אהן דיין רייזע און איך וואונטש דיר א דרך צליחה א לייכטע וועג פיל מיט סייעתא דשמיא מיט התגלות אלוקית.


א קלייניקייט נאר, עס דערקענט זיך פון דיין פאוסט אז דו פארמאגסט בס"ד א הערליכע שפראך א לשון לימודים, נוץ עס אויס להשפיע ולחזק וזכות הרבים תלוי בך.

ענטפער: געטראפן מיין פלאץ י"א תשרי התשפ"ב 8:12 AM #276001

  • BeVeryStrong
  • איצטיגע שטרעקע: 7 טעג
  • לענגסטע רייזע-שטרעקע: 80 טעג
  • OFFLINE
  • שר האלף
  • האלט דיר פעסט!
  • מעלדונגען: 1622
  • האט שוין געלייקט: 314 מאל
    האט שוין באקומען לייקס: 1405 מאל
  • קאָרמא: 33

שלום עליכם מיין טייערער פריינט יום ליבשה!
כעל דיר זאגן דעם אמת, איך ווארט שוין לאנג אז דו זאלסט אנקומען דא צו ’דיין פלאץ’!
יא! א הארץ פילט א הארץ, איך האב שוין נישט געקענט אויסהאלטן און צוקוקען ווי דו ביסט אזוי אנידערגעשלאגען, איזאלירט און פארווייטאגט...
איך בין אזוי פרייליך פאר דיר אז ענדליך נאך יארן פון מיטמאכענישען האט דיר דער טאטע און הימל געשיקט א מתנה, האסט געטראפן דעם מקום קדוש דא! זעה טאקע אויסצונוצן דעם טייערען מתנה די ריכטיגע וועג, ס’דא אסאך עצות, חיזוק און מהלכים! 
דערמאנסט מיך וויאזוי אביסל מער פון דריי חדשים צוריק ווען איך האב אנדעקט דעם מקום קדוש, איך האב ממש אויפגעלאכטן! איך האב מיר שוין אסאך געטוישט זייט דעמאלס, כ’האב נאך א לאנגע וועג צו גיין אבער דאך האלט איך שוין אינמיטן די רייזע.
אלזא, כאפ דיר ארויף אויפן וואגן און היידא, נעם דיר שמייסן ריינע טעג אז ס’זאל גיין א רויעך!
דיין שרייבן איז אויסטערליש!

געדענק, והעיקר ~ BeVeryStrong 

תהום אל תהום קורא לקול צינורך כל משבריך וגליך עלי עברו

ענטפער: געטראפן מיין פלאץ י"א תשרי התשפ"ב 10:07 AM #276004

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14
שלום אהליך געשריבן on י"א תשרי התשפ"ב 5:19 AM:


איך בין זייער נתפעל פון די נאמען וואס דו האסט געגעבן פאר דיין טרעד "געטראפן מיין פלאץ" עס ווייזט אז אלע יארן וואס דו האסט נאר געטוען און אויף וועלכע מקום דו ביזט נאר געווען האסטו נישט געפילט דארט "דיין פלאץ" אבער דא ווי נאר דו קומסט אהן אהער פילסטו אז דו האסט "געטראפן דיין פלאץ" אך ווי שיין, ווי א גרויסע חיזוק איז דאס פאר אונז אלע צו זעהן ווי נאך א אידיש קינד א הייליגע נשמה קומט אריין בתוכינו און געפונט זיך אינדערהיים.


יישר כח פאר דיין אנערקענונג, עס איז מחי'דיג, ברוך ה'
איך מיין אז מען קען נישט אנווייזן אויף קיינעם פון די הייליגע קהלה דא, וואס האט געטראפן "זיין פלאץ" ערגעץ וואו אין דער עולם ה'כאזעריי, ברוך ה' פאר דעם.

ענטפער: געטראפן מיין פלאץ י"א תשרי התשפ"ב 4:14 PM #276016

  • WillKeepHoping
  • איצטיגע שטרעקע: 382 טעג
  • לענגסטע רייזע-שטרעקע: 382 טעג
  • OFFLINE
  • שר המאה
  • מעלדונגען: 226
  • האט שוין געלייקט: 298 מאל
    האט שוין באקומען לייקס: 389 מאל
  • קאָרמא: 9

שלום עליכם און ברוכים הבאים הייליגער חבר הרב יום ליבשה. 

דער אייבישטער האט מיט דיר געטוהן א גרויסער חסד אז דו ביסט אנגעקומען דא, און מיטן אייבישטענס הילף און מיט די ריכטיגע השתדלות וועסטו מצליח זיין. 

איך וויל דיר מציע זיין אז דו זאלסט דורכליינען די האנדבוך מיט יישוב הדעת (אויב דו האסט נאך נישט), עס אנטהאלט אסאך ווערטפולע אינפארמאציע. 

ווי אויך וואלט איך שטארק מציע געוועהן, צו פראבירן צו דערגיין וואס דיין דרגא אינעם סטראגעל איז, צו איז דאס פשוט'ע נסיונות אין שמירת עינים אזוי ווי אסאך אידן האבן נסיונות צו דאווענען מיט מנין און ליינען קריאת שמע בזמנה, וואס דעמאלטס ברויך מען לערנען מוסר און תשובה טוהן, אדער איז דאס עפעס שטערקער און טיפער, וואס דעמאלטס מוז מען צוקומען צו פראפעסיאנאלע הילף פון א טעראפיסט, אדער אריינגיין אין א 12 סטעפ גרופע, אדער אין זייער אסאך פעלער ביידע. 

ווען איינער האט רוקן ווייטאג, און נעמט מעדעצין וואס מען געט פאר א ברי, וועט עס געווענליך נישט ארבעטן. 

ממילא איז וויכטיג צו זיין קלאר וואס מיין פראבלעם איז, און קענען משקיע זיין צייט און כח אויף דעם. 

ס'איז קענטליך פון דיינע ווערטער אז דו האסט א גרויסע הארץ (אזוי ווי אלע פון אונז דא), און דו שרייבסט זייער שיין. 

דער אייבערשטער זאל דיר געבן פיל הצלחה און סיעתא דשמיא.

לעצט פארראכטן: י"א תשרי התשפ"ב 4:17 PM דורך WillKeepHoping.

ענטפער: געטראפן מיין פלאץ כ"ד תשרי התשפ"ב 9:58 PM #276174

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14

מיין רייזע האט זיך געענדיגט נאך אן ערך פון פערצן טעג......
איך בין שוין ברוך השם צוגעוואוינט צו די ירידות, ממילא איך שרעק זיך גאנץ ווייניג, מיר וועלן שטיין איתן כצור חלמיש, מיר מאכן נישט קיין רוקצוג, there is no reason to do so, ברוך השם אביסל פארברעגנט מיט די חברים החשובים דא אויפן סייט, געהערט און געליינט אביסל גוטע ווערטער, און מיר זענען שוין ברוך השם צוריק אין שוואנג!!!!!!!!!
הצלחה רבה אלע טייערע חברים, איט איז א גרעיט פלעזשור טו בי היער!!!

ענטפער: געטראפן מיין פלאץ כ"ד תשרי התשפ"ב 10:09 PM #276175

  • BeVeryStrong
  • איצטיגע שטרעקע: 7 טעג
  • לענגסטע רייזע-שטרעקע: 80 טעג
  • OFFLINE
  • שר האלף
  • האלט דיר פעסט!
  • מעלדונגען: 1622
  • האט שוין געלייקט: 314 מאל
    האט שוין באקומען לייקס: 1405 מאל
  • קאָרמא: 33

אז א קאר פאלט אריין אין א דיטש מיינט נישט אז די רייזע האט זיך געענדיגט.
ווי לאנג די ליכטעלע ברענט פארט מען און די רייזע ענדיגט זיך נישט ביז די ליכטעלע ווערט פארלאשן.
נר השם נשמת אדם!
איך קום פונעם זעלבן דיטש לאמיר פארן צוזאמען אויפן אונזער רייזע צו ליכטיגקייט! 
און געדענק ~ BeVeryStrong 

תהום אל תהום קורא לקול צינורך כל משבריך וגליך עלי עברו

ענטפער: געטראפן מיין פלאץ כ"ה תשרי התשפ"ב 12:54 AM #276181

  • נאר בשמחה
  • OFFLINE
  • שר חמישים ומאתים
  • מעלדונגען: 266
  • האט שוין געלייקט: 762 מאל
    האט שוין באקומען לייקס: 337 מאל
  • קאָרמא: 10

דיין רייזע האט זיך נארוואס אנגעהויבן....

געדענק,
נישט יעדע מלחמה ענדיגט זיך מיט א קלינגעדיגע נצחון אבער יעדע אנטשלאסענער קעמפער איז א העלד  [קרעדיט, חנוכה]

זאל די גרויסער באשעפער ווייטער זיין מיט דיר

ענטפער: געטראפן מיין פלאץ כ"ה תשרי התשפ"ב 8:01 AM #276204

  • נישט שפעט
  • איצטיגע שטרעקע: 210 טעג
  • לענגסטע רייזע-שטרעקע: 210 טעג
  • OFFLINE
  • שר האלף
  • מעלדונגען: 2261
  • האט שוין געלייקט: 1198 מאל
    האט שוין באקומען לייקס: 3519 מאל
  • קאָרמא: 60

אנהייבן פון ניי גלייך נאך א גליטש - די רבותא דערפון קענען פארשטיין נאר די חבריא קדישא דקהלתינו הק'.

חזק ואמץ טייערע חבר
שירה חדשה שבחו גאולים בקרוב ממש

טראכט יעדן טאג אז דיין עבודה איז נאר אויף היינט. אזוי וועט יעדע ריינע טאג זיין 100% הצלחה.

אויב טראכסטו אויף פון היינט ביז דיין 120, וועט יעדע ריינע טעג זיין נאר 0.0001% הצלחה.

ווען דו טראכסט אמת'דיג נאר פון היינט, וועט דיר זיין היפש גרינגער. "ואותי יום יום ידרושון" [ועי' מתיקות נפלאה בספר ערבי נחל, פרשת בראשית, ד"ה ולעניננו יאמר].

ענטפער: געטראפן מיין פלאץ כ"ה תשרי התשפ"ב 4:07 PM #276229

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14

אוי זאגסטו גוט, עס איז זייער שווער נאכאמאל אנצוהייבן, גלייב מיר איך האב גאנץ ווייניג חשק אנצוהייבן נאכמאל, אבער איך טו עס נאכאלץ, אפשר דארף איך גוט שלאפן אן זיבן אכט שעה אין א ציה, באקומען פרישע כוחות, 
אה פארגעסן, ליינען אביסל די דברי חיזוק פון חברי קהלתינו הקדושה. יישר כח

ענטפער: געטראפן מיין פלאץ כ"ח תשרי התשפ"ב 7:20 PM #276351

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14
!!!ALERT
א גרויסע פארדרייטער מענטש, א חולת אהבה דרייט זיך דא ארום אויפן סייט...‎
צום ווידערזען
לעצט פארראכטן: כ"ט תשרי התשפ"ב 11:34 AM דורך יום ליבשה.

ענטפער: געטראפן מיין פלאץ כ"ח תשרי התשפ"ב 7:31 PM #276352

  • holychaim
  • איצטיגע שטרעקע: 1980 טעג
  • לענגסטע רייזע-שטרעקע: 1980 טעג
  • OFFLINE
  • שר חמישים ומאתים
  • מעלדונגען: 470
  • האט שוין געלייקט: 566 מאל
    האט שוין באקומען לייקס: 1237 מאל
  • קאָרמא: 24
יום ליבשה געשריבן on כ"ח תשרי התשפ"ב 7:20 PM:


!!!ALERT

א גרויסע פארדרייטער מענטש, א חולת אהבה דרייט זיך דא ארום אויפן סייט...

צום ווידערזען


Welcome to the club

ענטפער: געטראפן מיין פלאץ כ"ח תשרי התשפ"ב 7:32 PM #276353

  • holychaim
  • איצטיגע שטרעקע: 1980 טעג
  • לענגסטע רייזע-שטרעקע: 1980 טעג
  • OFFLINE
  • שר חמישים ומאתים
  • מעלדונגען: 470
  • האט שוין געלייקט: 566 מאל
    האט שוין באקומען לייקס: 1237 מאל
  • קאָרמא: 24
יום ליבשה געשריבן on כ"ח תשרי התשפ"ב 7:20 PM:


!!!ALERT

א גרויסע פארדרייטער מענטש, א חולת אהבה דרייט זיך דא ארום אויפן סייט...

צום ווידערזען


Welcome to the club

ענטפער: געטראפן מיין פלאץ כ"ח תשרי התשפ"ב 8:37 PM #276363

  • BeVeryStrong
  • איצטיגע שטרעקע: 7 טעג
  • לענגסטע רייזע-שטרעקע: 80 טעג
  • OFFLINE
  • שר האלף
  • האלט דיר פעסט!
  • מעלדונגען: 1622
  • האט שוין געלייקט: 314 מאל
    האט שוין באקומען לייקס: 1405 מאל
  • קאָרמא: 33
יום ליבשה געשריבן on כ"ח תשרי התשפ"ב 7:20 PM:
.

Too late
איך האב טאקע קיין ווארט נישט פארשטאנען. זיי עס מסביר ביטע 

תהום אל תהום קורא לקול צינורך כל משבריך וגליך עלי עברו

ענטפער: געטראפן מיין פלאץ כ"ט תשרי התשפ"ב 1:01 PM #276410

  • א. גרין
  • OFFLINE
  • שר חמש מאות
  • מעלדונגען: 572
  • האט שוין געלייקט: 816 מאל
    האט שוין באקומען לייקס: 572 מאל
  • קאָרמא: 22

הרב יום,
דו ביזט מיט א טאג פאראויס פון מיר, [יא, יא, איך הייב אן מארגן און דו היינט],
איך קוק פאראויס אז דו וועסט מיר מיטשלעפן מיט דיר און נישט לאזן זיך אפרוקן

דאס איז עס, מיין לעבן איז געטוישט אויף אייביג. איך לייד פון א טויטליכע דיזיז. איך מוז מיך אויסלערנען א נייע מהלך החיים.

א. גרין'ס אשכול

ענטפער: געטראפן מיין פלאץ כ"ט תשרי התשפ"ב 1:16 PM #276412

  • נישט שפעט
  • איצטיגע שטרעקע: 210 טעג
  • לענגסטע רייזע-שטרעקע: 210 טעג
  • OFFLINE
  • שר האלף
  • מעלדונגען: 2261
  • האט שוין געלייקט: 1198 מאל
    האט שוין באקומען לייקס: 3519 מאל
  • קאָרמא: 60
יום ליבשה געשריבן on כ"ח תשרי התשפ"ב 7:20 PM:
!!!ALERT
א גרויסע פארדרייטער מענטש, א חולת אהבה דרייט זיך דא ארום אויפן סייט...‎
צום ווידערזען

טייערע הייליגע ליכטיגער חבר מיט א פייערדיגע נשמה פאר השי"ת.

דיין גרויסע ווייטאג שרייט ארויס און ס'איז בוקע רקיעים.

דיינע ווייטאגליכע ווערטער וואס זענען געשריבן געווארן מיט בליט [רויטע טינט] איז א בחינה פון "ויקרע מרדכי את בגדיו וילבש שק ואפר ויצא בתוך העיר ויזעק זעקה גדולה ומרה ויבוא עד לפני שער המלך".
קען זיין אז מרדכי הצדיק אליין האט נישט געקענט אריין גיין צום מלך אליין [מלכו של עולם], "כי אין לבוא אל המלך בלבוש שק", אבער די 'זעקה גדולה ומרה', די ביטערע געשריי, די ביטערע געוויין פון טופן הארץ, פון די אמתע פנימיות'דיגע פינטעלע איד - דאס איז זיכער אריין לפני ולפנים, אל הקודש בפנימה צו די בתי גואי ביזן כסא הכבוד ממש.

שערי דמעות לא ננעלו - האבן צדיקים געטייטשט אז ס'נישטא א טויער וואס בלייבט פארמאכט און פארשלאסן קעגן טרערן! טרערן איז א שליסל וואס עפנט אלעס.

איז ריכטיג אז אמאל קען זיין אז צוליב די מצב שפירט מען טריקן און די טרערן רינען נישט ארויס, אבער זיי זענען דא אין א אופן פון "במסתרים תבכה נפשי".
רחמנא לבא בעי. ער זעט דיין ציבארכן הארץ. קוב"ה משתמש במאנין תבירין.

איך האב געזען ברענגען פון איינע פון די פוילישע רבי'ס אויף די פסוק "ויבדל בין המים אשר מתחת לרקיע ובין המים אשר מעל לרקיע" - פארוואס שטייט קודם די מים שמתחת לרקיע פאר די מים שמעל לרקיע? ווייל די מים התחתונים זענען געווען זייער ציבראכן צוליב זייער נידעריגע פלאץ, ממילא איז די איייבשטער נענטער צו זיי ווי צו די מים העליונים!

טייערע חבר, אונז פארשייען דאך אזוי גוט וואס דו גייסט דורך! דו חלומס'ט נישט ווי גוט אונז פארשטייען דיין ווייטאג און דיינע אראפגעקלאפטע געפילן! אונזער הארץ איז מיט דיר, עס ווערט איין גרויסע הארץ פאר השי"ת.

מיט דעם אלעס, זיי דיך מחזק, שאקל דיך אפ פון וואס ס'איז געווען. פונקט וועגן דעם זענען אונז דא, וויסן וויאזוי די באהאנדלען נאך א גליטש.
חזק חזק ותתחזק, לאמיר זיך אינאיינעם מחזק זיין, אונז זענען אלע איין חבורה הקטנים עם הגדולים.

דו ביסט טאקע א גרויסע מענטש, א גרויסע הויעכע נשמה, א פארדרייטער מענטש - דהיינו א מענטש וואס פאדרייט זיין יצר הרע, ביסט א חולת אהבה פאר השי"ת...

לאמיר אלע זינגען מיט א ווארעמקייט פון די זמר "יום ליבשה":
וְשׁוּב שֵׁנִית לְקַדְּשָׁהּ וְאַל תּוֹסִיף לְגָרְשָׁהּ, וְהַעֲלֵה אוֹר שִׁמְשָׁהּ וְנָסוּ הַצְּלָלִים...
יְדִידִים רוֹמְמוּךָ, בְּשִׁירָה קִדְּמוּךָ. מִי כָמוֹכָה ה' בָּאֵלִים. שִׁירָה חֲדָשָׁה שִׁבְּחוּ גְאוּלִים

טראכט יעדן טאג אז דיין עבודה איז נאר אויף היינט. אזוי וועט יעדע ריינע טאג זיין 100% הצלחה.

אויב טראכסטו אויף פון היינט ביז דיין 120, וועט יעדע ריינע טעג זיין נאר 0.0001% הצלחה.

ווען דו טראכסט אמת'דיג נאר פון היינט, וועט דיר זיין היפש גרינגער. "ואותי יום יום ידרושון" [ועי' מתיקות נפלאה בספר ערבי נחל, פרשת בראשית, ד"ה ולעניננו יאמר].

ענטפער: געטראפן מיין פלאץ כ"ט תשרי התשפ"ב 1:45 PM #276413

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14

א דאנק, איך וואלט געדארפט אפשר וויינען פאר התעוררות און השתוקוקות ווען איך ליין די ווערטער.
אבער פון גרויס דעפרעסטקייט ווייס איך שוין נישט וואס צו טון, איך וואקל מיך פאר געלעכטער פון דיינע זיסע ווערטער. מיקסד עמאושענס
עס קומט גוט צייטן רבותי!!!!!!!
הוי דו ביזט א גוטע מענטש, הוי דו ביזט א גוטע מעעענטש, דו ביזט א גוטע מענטש, דוביזט א גוטעמענטש....
דעס דארף איך גלייבן באמונה פשוטה.
עס איז נאך נישט געווען זייט די וועלט שטייט א דור אזוי נידריג, און מיט דעם אלעם זאל מען זיין אזוי נאנט צום אייבערשטען, מען טראכט א גאנצע טאג פון אייבערשטען, 
אוי וויי כי לא ידח ממנו נדח,

לעצט פארראכטן: כ"ט תשרי התשפ"ב 8:46 PM דורך יום ליבשה.

ענטפער: געטראפן מיין פלאץ כ"ט תשרי התשפ"ב 1:55 PM #276415

  • ואטהר ואתקדש
  • איצטיגע שטרעקע: 404 טעג
  • לענגסטע רייזע-שטרעקע: 404 טעג
  • OFFLINE
  • שר חמש מאות
  • מעלדונגען: 546
  • האט שוין געלייקט: 850 מאל
    האט שוין באקומען לייקס: 670 מאל
  • קאָרמא: 12
WOW טייערער חבר "א טאג צום טריקעניש"
איך בין אימפרעסד פון דיין שפראך דיין שטויסקראפט.
זיי ממשיך דו געסט אונז אלע חיזוק.
געדענק עס וועט נאך קומען א טאג וואס אלע תאוות וועלן ווערן אויסגעטריקענט ווי פעפער.
יא יא יום ליבשה
דעפרעסקייט לייג אין דער ערד, און יא וואקל דיך פאר געלעכטער,
ווייל לאכן לאכט דער וואס לאכט דער לעצטער.
און אין אונזער פאל וועלן מיר לאכן צום סוף פונעם צר הצורר.
חזק ואמץ
אני מאמין באמונה שלימה שהבורא יתברך שמו יודע כל מעשה בני אדם וכל מחשבותם שנאמר היוצר יחד לבם המבין אל כל מעשיהם.
אני מאמין באמונה שלימה שהבורא יתברך שמו גומל טוב לשומרי מצותיו ומעניש לעוברי מצותיו.

ענטפער: געטראפן מיין פלאץ כ"ט תשרי התשפ"ב 5:30 PM #276441

  • BeVeryStrong
  • איצטיגע שטרעקע: 7 טעג
  • לענגסטע רייזע-שטרעקע: 80 טעג
  • OFFLINE
  • שר האלף
  • האלט דיר פעסט!
  • מעלדונגען: 1622
  • האט שוין געלייקט: 314 מאל
    האט שוין באקומען לייקס: 1405 מאל
  • קאָרמא: 33

ליכטיגער יום’עלע דו האסט געטראפן דיין פלאץ. מען קען נישט אין איין טאג אויסרייסן שלעכטע געוואוינהייטן, אונז פארשטיי מיר פונקטליך וואס דו גייסט אדורך. ס’זייער נארמאל. גייסט אבער ווערן בעסער און בעסער בעזרת השם יתברך! 
ווער משוגע, ווער צודרייט, גיי נאר נישט אוועק פון דא. ווייל איין טאג גייסטו זיין משוגע ריין, צודרייט ריין!

געדענק ~  BeVeryStrong 

תהום אל תהום קורא לקול צינורך כל משבריך וגליך עלי עברו

ענטפער: געטראפן מיין פלאץ ל' תשרי התשפ"ב 7:54 AM #276454

  • נטע׳לע
  • איצטיגע שטרעקע: 1426 טעג
  • לענגסטע רייזע-שטרעקע: 1426 טעג
  • OFFLINE
  • שר האלף
  • מעלדונגען: 1891
  • האט שוין געלייקט: 3289 מאל
    האט שוין באקומען לייקס: 2841 מאל
  • קאָרמא: 30

וואס דא קומט נישט פאר, מחמת טירדות הזמן והמח בינעך שוין לאנג נישט דא אריין געפאלן.

וועלקאם צו די חבריא הדין מיין ברידער, יא דער רייזע איז נישט אלעמאל א גראדע וועג, יעדע חודש האט א גרויסע לבנה און א קליינע לבנה און אפי׳ גארנישט קיין לבנה, יעדע פרוי האט א וסת, יעדע קאמפעני פארט ארויף און אראפ, יעדעמס הארץ פארט ארויף אין ארויפ.

ווען דער הארץ פארט גלייך ווייסט מען אז דער מענטש איז נישט מסודר, דאס איז לעבן, אבער ווען איך קוק צוריק זע איך אז סאיז טאקע געווען אפס און דאונס אבער דער טרענד איז אויף ארויף.

עני וועיס קיפ קאמינג בעק, גיי נישט אוועק פאר די ניסים געשען צו דיר אויכעט!

אויב פילסטע אז איך גיי דיר קענען העלפן קענסטו זיך פארבינדן מיט מיר פריוואט איך וועל מיך פרייען.

הצלחה

מיין אימעיל אדער הענגאוטס (בעסער הענגאוטס) איז אייביג אפן צו העלפן מיט וואס איך קען, צו  This e-mail address is being protected from spambots, you need JavaScript enabled to view it

מיין פאון נאמבער צו טעקסטן אדער דורך וואטס אפפ איז +1 (802) 359-7167 (בעסטע אפשען)

איך וועל פרובירן און מיך פרייען צו העלפן.

נטע׳לע

ניגון; דו ביסט א גוטער מענטש

ענטפער: געטראפן מיין פלאץ ב' חשון התשפ"ב 7:11 AM #276653

  • נישט שפעט
  • איצטיגע שטרעקע: 210 טעג
  • לענגסטע רייזע-שטרעקע: 210 טעג
  • OFFLINE
  • שר האלף
  • מעלדונגען: 2261
  • האט שוין געלייקט: 1198 מאל
    האט שוין באקומען לייקס: 3519 מאל
  • קאָרמא: 60

הייליגער חבר
די שבת איז די יא"צ פון הייליגן רוזינער זי"ע. ער האט געזאגט: א דאנק ברענגט א דאנק, א קרעכטץ ברענגט א קרעכטץ".

ליכטיגע נשמה, דאנק די אייבישטער אויף די ריינע מינוטן, אויף די ריינע שעות, אויף דעם וואס ער האט דיר אהער געברענגט, אויף דעם אז א גליטש טוהט דיר וויי. דאנק אים אויף די נסיונות וואס האסט זוכה געווען ביי שטיין. דאנק אים אויף די מאלן וואס דו האסט זוכה אפשטופן די גליטש מיט אפאר מינוט. אההה, האסט אזויפיל אויף וואס דאנקען!!

געדענק: א דאנק ברענגט א דאנק! דו דאנק און די אייבישטער וועט מסבב זיין זאלסט אים קענען דאנקען נאך און נאך.

האב א ליכטיגע פרייליכע שבת

טראכט יעדן טאג אז דיין עבודה איז נאר אויף היינט. אזוי וועט יעדע ריינע טאג זיין 100% הצלחה.

אויב טראכסטו אויף פון היינט ביז דיין 120, וועט יעדע ריינע טעג זיין נאר 0.0001% הצלחה.

ווען דו טראכסט אמת'דיג נאר פון היינט, וועט דיר זיין היפש גרינגער. "ואותי יום יום ידרושון" [ועי' מתיקות נפלאה בספר ערבי נחל, פרשת בראשית, ד"ה ולעניננו יאמר].

לעצט פארראכטן: ב' חשון התשפ"ב 7:15 AM דורך נישט שפעט.

ענטפער: געטראפן מיין פלאץ ד' חשון התשפ"ב 6:13 PM #276729

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14

העלאו צו אלע מיינע גוטע פריינט.
איך וויל ארויסברענגען געפילן אביסעלע.
איך בין שוין דא קנאפע עטליכע וואכן, און איך פיל זייער גוט דערוועגן, איך פיל ווי איך האב געטראפן די ישועה, איך בין נאכנישט קיין געהאלפענער, אבער אזויפיל האט עס מיר געהאלפן, אז נאכן הייבן הענט, געפאכעט מיט א ווייסע פאן פאר די יצר הרע, האב איך מיך עטוואס צוריקגעכאפט, און די מלחמה איז צוריק אריין אין שוואנג. נאר די זאך איז אינגאנצן נישט פשוט, איך פיל ווי א beginer. איך פיל זאכן וואס איך געפילט אלץ בחור'ל, ווען איך האב נאך פרובירט מלחמה צו האלטן, איך פיל מיך יעעצט ווי אין א מלחמה זאנע, יעדע טאג הייבט זיך אן א פרישע מלחמה. איים סארר, איך דארף פירן מלמות פאר אפאר טעג..
עניוועי, האפנטליך וועל איך דא זוכה זיין צו א גאנצע ישועה, 
די אלע ראיות אסורות שטייט מיר פאר די אויגן, איך קען מיך נישט אראפרייסן די אויגן פון וואס מען דארף נישט קוקן דערויף, עס גייט מיר זייער שווער, איך בין קאנעקטעד דערצו, איך דארף שטרייטן ווי א יונגער סאלדאט.
איך מיין איך וועל מיט דעם מסיים זיין, קיין ריקצוג וועל איך יעצט נישט מאכן, איך וועל ווייטער אנגיין, איך האב נאר געוואלט עקספרעסן אביסל פון מיין פילינגס, די שורש איז איך בין אויף א מלמה זאנע, איך דארף שטרייטן.
די גוטע נייעס איז, אז לכאורה איז דעס די מצב וואס איך דארף יעצט צו זיין, אין מלחמה, מען וועט מלחמה האלטן ביז מען וועט אים באזיגן, נישט טראכטן יעדע טאג וואס וועט זיין מיט די מארגן'דיגע נפילה, און די נעכטיגע ראי', ווען און וויאזוי וועל איך פטור ווערן דערפן, איך דארף פאוקוס'ן אויף דעם יעצטיגן מינוט, טרייען זיך ארויסצודרייען פון די נסיון און פארטיג.
הצלחה רבה כל טוב!!!

ענטפער: געטראפן מיין פלאץ ד' חשון התשפ"ב 6:17 PM #276731

  • BeVeryStrong
  • איצטיגע שטרעקע: 7 טעג
  • לענגסטע רייזע-שטרעקע: 80 טעג
  • OFFLINE
  • שר האלף
  • האלט דיר פעסט!
  • מעלדונגען: 1622
  • האט שוין געלייקט: 314 מאל
    האט שוין באקומען לייקס: 1405 מאל
  • קאָרמא: 33

גוט געזאגט! 
גיי פשוט ווייטער אן וועסט אי”ה אנקומען גאר ווייט

תהום אל תהום קורא לקול צינורך כל משבריך וגליך עלי עברו

ענטפער: געטראפן מיין פלאץ ד' חשון התשפ"ב 6:19 PM #276732

  • ואטהר ואתקדש
  • איצטיגע שטרעקע: 404 טעג
  • לענגסטע רייזע-שטרעקע: 404 טעג
  • OFFLINE
  • שר חמש מאות
  • מעלדונגען: 546
  • האט שוין געלייקט: 850 מאל
    האט שוין באקומען לייקס: 670 מאל
  • קאָרמא: 12

טייערער חבר די אלע פילונגס זענען זייער נארמאל ווען מ'האלט נאך אנפאנג,
אבער עס וועט ווערן גרינגער צוביסלעך,
ביי יעדן איז עס אנדערש, ביי מאנכע האלט עס אן אפילו ביז 30 טעג, (און אמאל מער, יצילך ה')
אבער דו דערשרעק זיך נישט נאר גיי אן מיט א שטארקייט, 
וועסטו זען ס'וועט ווערן גרינגער און גרינגער מיט די צייט.
ידידך המצפה להצלחתך

אני מאמין באמונה שלימה שהבורא יתברך שמו יודע כל מעשה בני אדם וכל מחשבותם שנאמר היוצר יחד לבם המבין אל כל מעשיהם.
אני מאמין באמונה שלימה שהבורא יתברך שמו גומל טוב לשומרי מצותיו ומעניש לעוברי מצותיו.

ענטפער: געטראפן מיין פלאץ ד' חשון התשפ"ב 8:34 PM #276741

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14

איך וויל זייער שטארק טון א גראבע נעבירה, איך האלט זיך איין, איך שטופ עס אפ אויף מארגן.
שוין אפאר טעג וואס עפעס א גייסט לויפט מיר נאך, ער ברענגט מיר ארויף אומווירדיגע צורות אין מיין מיינד, ער טענה'ט אז שוין אפאר טעג וואס איך האב נישט פוגם געווען, ענ"ד אי"ט אי"ז ט"ו מאט"ש, אי"ט דשאס"ט דא"ז נא"ט מעי"ק סענ"ס, 
שוין אפאר טעג וואס איך האב נישט פוגם געווען, און מיין קאפ טענה'ט אז עס איז שוין צייט זיך אביסל אויסצוגיבן, איך דארף מיך אביסל ענדשויע"ן, נישט ריכטיג??
אבער מיר וועלן אים יעצט לאזן טענה'ן, און מיר וועלן ווארטען אויף מארגן אדער איבערמארגן זען וואס די מסקנות וועלן זיין.

אסאך הצלחה מיינע גוטע פריינט

ענטפער: געטראפן מיין פלאץ ד' חשון התשפ"ב 8:55 PM #276742

  • שיע
  • איצטיגע שטרעקע: 587 טעג
  • לענגסטע רייזע-שטרעקע: 587 טעג
  • יעצט אנליין
  • אחראי
  • מעלדונגען: 1148
  • האט שוין געלייקט: 943 מאל
    האט שוין באקומען לייקס: 1321 מאל
  • קאָרמא: 40

זייער גוט טוסטו ביי מיר האט נאר געארבעט ווען איך האב געזעהן אז איך קען נישט אליין און איך קען מיר נישט איינהאלטן ווען עס קומט צי לאסט וכ"ו נאר איך בעט גאט זאל איבערנעמען פון מיר די נסיון אין מיר העלפן בלייבן ריין פאר נאך א טאג 

אויב האסטו סיי וואס פאר א פראגע אדער פראבלעם און דו ווילסט עס אויסשמועסן 
קענסטו מיר אלעמאל קאנטעקטן.
רופן אדער טעקסטן: ‪(646) 481-8319‬

אימעיל: This e-mail address is being protected from spambots, you need JavaScript enabled to view it  
און איך וועל בס"ד פרובירן צו טוען אלעס מעגליך דיר צו העלפן 

 שיע - מהנהלת היט דיינע אויגן 

ענטפער: געטראפן מיין פלאץ ד' חשון התשפ"ב 10:23 PM #276755

  • BeVeryStrong
  • איצטיגע שטרעקע: 7 טעג
  • לענגסטע רייזע-שטרעקע: 80 טעג
  • OFFLINE
  • שר האלף
  • האלט דיר פעסט!
  • מעלדונגען: 1622
  • האט שוין געלייקט: 314 מאל
    האט שוין באקומען לייקס: 1405 מאל
  • קאָרמא: 33

טו א תפלה צום אדון כל...!
איך וועל אויך מתפלל זיין פאר דיר. הייליגער באשעפער העלף מיין טייערער חבר יום אז א רוח טהרה זאל אים נאכלויפן. וישכם וימצא לבו בוער לעבוד את השי”ת..!
 א טרער צום רבונו של עולם פאר יום’ס וועגן!

תהום אל תהום קורא לקול צינורך כל משבריך וגליך עלי עברו

ענטפער: געטראפן מיין פלאץ ה' חשון התשפ"ב 1:47 AM #276765

  • נישט שפעט
  • איצטיגע שטרעקע: 210 טעג
  • לענגסטע רייזע-שטרעקע: 210 טעג
  • OFFLINE
  • שר האלף
  • מעלדונגען: 2261
  • האט שוין געלייקט: 1198 מאל
    האט שוין באקומען לייקס: 3519 מאל
  • קאָרמא: 60
יום ליבשה געשריבן on ד' חשון התשפ"ב 8:34 PM:

איך וויל זייער שטארק טון א גראבע נעבירה, איך האלט זיך איין, איך שטופ עס אפ אויף מארגן.
שוין אפאר טעג וואס עפעס א גייסט לויפט מיר נאך, ער ברענגט מיר ארויף אומווירדיגע צורות אין מיין מיינד, ער טענה'ט אז שוין אפאר טעג וואס איך האב נישט פוגם געווען, ענ"ד אי"ט אי"ז ט"ו מאט"ש, אי"ט דשאס"ט דא"ז נא"ט מעי"ק סענ"ס, 
שוין אפאר טעג וואס איך האב נישט פוגם געווען, און מיין קאפ טענה'ט אז עס איז שוין צייט זיך אביסל אויסצוגיבן, איך דארף מיך אביסל ענדשויע"ן, נישט ריכטיג??
אבער מיר וועלן אים יעצט לאזן טענה'ן, און מיר וועלן ווארטען אויף מארגן אדער איבערמארגן זען וואס די מסקנות וועלן זיין.

אסאך הצלחה מיינע גוטע פריינט


טייערע חבר
הייבסט אן מיט "איך וויל זייער שטארק טוהן א גראבע עבירה"
דאס איז דאך נישט ריכטיג. דו ווילסט נישט. נישט דו ביסט דער וואס וויל טוהן די זאך, ס'איז א אינדרויסנדיגע רצון פון א תאוה וואס האט א שליטה אויף דיר. ס'איז נישט דו.

דער נאך שרייבסטו: "איך האלט זיך איין, איך שטופ עס אפ אויף מארגן"
דא ביסטו שוין יא גערעכט. דו, דיין הייליגע נשמה חלק אלוקי ממעל וויל זיך האלטן ריין! ממילא שטופסטו אפ די תאוה. ביסט אים מדחה בכה וכה, גיי יעצט קום מארגן קום איבער מארגן.

זייער גוט גיין מיט אזא מהלך פון אפשטופן אויף א זמן קצר.
אבער טוה עס מיט די גאנצע אמת. טראכט נאר פון היינט, דיין רצון זאל זיין היינט בלייבן ריין, אן טראכטן וואס גייט זיין.

אויב די שווערעקייט ציהט זיך שוין טאקע אפאר טעג, אפשר יא כדאי טוהן נאך עפעס. מער מסיח דעת, מער זיך אריין לייגן אין אנדערע ענינים ביים ארבעט וכדומה, מער מתפלל זיין, ליינען גוט די האנד בוך דאס קען דיר ליכטיג מאכן אין די אויגן.

זיי דיר מקבל א קבלה וואס ברענגט צו הכנעה. כגון, גריסן פשוטע מענטשטן מיט א שמייכל. העלפן מער פאר אנדערע אפילו וואס דו קענסט נישט צוריק באקומען פון זיי. פארשטיין מער אנדערע מענטשן. דאס זיך ברענגען צו הכנעה האט א גרויסע כח אין זיך.

האלט אין איין חזרן אז די גליק ליגט נישט דארט!! אפילו אז עס ציהט דיר זייער און ס'זעט אויס אז דארט ליגט באהאלטן די אושר און שמחה - נעם שטארק אריין די אמת אז דארט איז נאר צער יגון ואנחה.

מיין הארץ איז מיט דיר.
שטארק דיך מיט די חיזוק אבער אויך מיט מעשים בפועל.

וה' יראה ללבב, ער זעהט דיין פייערדיגע הארץ.

טראכט יעדן טאג אז דיין עבודה איז נאר אויף היינט. אזוי וועט יעדע ריינע טאג זיין 100% הצלחה.

אויב טראכסטו אויף פון היינט ביז דיין 120, וועט יעדע ריינע טעג זיין נאר 0.0001% הצלחה.

ווען דו טראכסט אמת'דיג נאר פון היינט, וועט דיר זיין היפש גרינגער. "ואותי יום יום ידרושון" [ועי' מתיקות נפלאה בספר ערבי נחל, פרשת בראשית, ד"ה ולעניננו יאמר].

ענטפער: געטראפן מיין פלאץ ה' חשון התשפ"ב 10:27 AM #276774

  • Helpmeasap
  • איצטיגע שטרעקע: 321 טעג
  • לענגסטע רייזע-שטרעקע: 321 טעג
  • OFFLINE
  • שר האלף
  • מעלדונגען: 1466
  • האט שוין געלייקט: 1162 מאל
    האט שוין באקומען לייקס: 1385 מאל
  • קאָרמא: 24

איך האב שטארק הנאה פון דער נאמען "יום ליבשה"
אונז פילן דאך ווי אונז דערטרונקען זיך אין מים הזידונים, קומט ער מיט דער מהלך פון "יום ליבשה" איין טרוקענע טאג אויף אמאל, דאס איז גער איינציגסטע מהלך וואס איך ווייס אז עס ארבעט

הק' העלפמי

ענטפער: געטראפן מיין פלאץ ה' חשון התשפ"ב 10:28 AM #276775

  • Helpmeasap
  • איצטיגע שטרעקע: 321 טעג
  • לענגסטע רייזע-שטרעקע: 321 טעג
  • OFFLINE
  • שר האלף
  • מעלדונגען: 1466
  • האט שוין געלייקט: 1162 מאל
    האט שוין באקומען לייקס: 1385 מאל
  • קאָרמא: 24

ובדרך אגב, קוק אויף דער אונטערשריפט פון הר"ר נישט שפעט, עס איז גאר שטארקע דיבורים

הק' העלפמי

ענטפער: געטראפן מיין פלאץ ה' חשון התשפ"ב 12:05 PM #276784

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14

למעשה בין איך יא דורכגעפאלן, איך בין מיך מודה ומתודה איך צוטריט צו א כלי וואס האט נישט א פילטער, איך האב נישט אייביג קיין עקסעס דערצו, איך גיי זען עס זאל האבן א פילטער אין די ערשטע געלעגנהייט, 
און עניוועי, מען הייבט יעצט אן נאכאמאל פון פריש,
איך בין העפי אז איך האב אפגעשטופט די תאוה ביז אהער, און איך האב מיך עטליכע מאל איינגעהאלטן פון נאכגיין ראיות אסורות, דאס איז ביי מיר דערגרייכט א ריזן מיילסטאון
און פאר יעצט גיי מיר טון דאס אויבנדערמאנטע, און מען הייבט נאכאמאל אן פון אלף.
מיר הייבן אן פון אַלֶף אפילו פעם אֶלֶף!
יודו לה' חסדו, יודו לה' חסדו, ונפלאותיו לבני אדם.

ענטפער: געטראפן מיין פלאץ ה' חשון התשפ"ב 12:08 PM #276785

  • יום ליבשה
  • OFFLINE
  • שר חמישים ומאתים
  • מעלדונגען: 478
  • האט שוין געלייקט: 645 מאל
    האט שוין באקומען לייקס: 589 מאל
  • קאָרמא: 14
נישט שפעט געשריבן on ה' חשון התשפ"ב 1:47 AM:

יום ליבשה געשריבן on ד' חשון התשפ"ב 8:34 PM:

איך וויל זייער שטארק טון א גראבע נעבירה, איך האלט זיך איין, איך שטופ עס אפ אויף מארגן.
שוין אפאר טעג וואס עפעס א גייסט לויפט מיר נאך, ער ברענגט מיר ארויף אומווירדיגע צורות אין מיין מיינד, ער טענה'ט אז שוין אפאר טעג וואס איך האב נישט פוגם געווען, ענ"ד אי"ט אי"ז ט"ו מאט"ש, אי"ט דשאס"ט דא"ז נא"ט מעי"ק סענ"ס, 
שוין אפאר טעג וואס איך האב נישט פוגם געווען, און מיין קאפ טענה'ט אז עס איז שוין צייט זיך אביסל אויסצוגיבן, איך דארף מיך אביסל ענדשויע"ן, נישט ריכטיג??
אבער מיר וועלן אים יעצט לאזן טענה'ן, און מיר וועלן ווארטען אויף מארגן אדער איבערמארגן זען וואס די מסקנות וועלן זיין.

אסאך הצלחה מיינע גוטע פריינט


טייערע חבר
הייבסט אן מיט "איך וויל זייער שטארק טוהן א גראבע עבירה"
דאס איז דאך נישט ריכטיג. דו ווילסט נישט. נישט דו ביסט דער וואס וויל טוהן די זאך, ס'איז א אינדרויסנדיגע רצון פון א תאוה וואס האט א שליטה אויף דיר. ס'איז נישט דו.

דער נאך שרייבסטו: "איך האלט זיך איין, איך שטופ עס אפ אויף מארגן"
דא ביסטו שוין יא גערעכט. דו, דיין הייליגע נשמה חלק אלוקי ממעל וויל זיך האלטן ריין! ממילא שטופסטו אפ די תאוה. ביסט אים מדחה בכה וכה, גיי יעצט קום מארגן קום איבער מארגן.

זייער גוט גיין מיט אזא מהלך פון אפשטופן אויף א זמן קצר.
אבער טוה עס מיט די גאנצע אמת. טראכט נאר פון היינט, דיין רצון זאל זיין היינט בלייבן ריין, אן טראכטן וואס גייט זיין.

אויב די שווערעקייט ציהט זיך שוין טאקע אפאר טעג, אפשר יא כדאי טוהן נאך עפעס. מער מסיח דעת, מער זיך אריין לייגן אין אנדערע ענינים ביים ארבעט וכדומה, מער מתפלל זיין, ליינען גוט די האנד בוך דאס קען דיר ליכטיג מאכן אין די אויגן.

זיי דיר מקבל א קבלה וואס ברענגט צו הכנעה. כגון, גריסן פשוטע מענטשטן מיט א שמייכל. העלפן מער פאר אנדערע אפילו וואס דו קענסט נישט צוריק באקומען פון זיי. פארשטיין מער אנדערע מענטשן. דאס זיך ברענגען צו הכנעה האט א גרויסע כח אין זיך.

האלט אין איין חזרן אז די גליק ליגט נישט דארט!! אפילו אז עס ציהט דיר זייער און ס'זעט אויס אז דארט ליגט באהאלטן די אושר און שמחה - נעם שטארק אריין די אמת אז דארט איז נאר צער יגון ואנחה.

מיין הארץ איז מיט דיר.
שטארק דיך מיט די חיזוק אבער אויך מיט מעשים בפועל.

וה' יראה ללבב, ער זעהט דיין פייערדיגע הארץ.


א יישר כח פאר דיינע ווארעמע, הארציגע ווערטער, פון הארץ, עס רעדט צו מיר זייער שטארק, ובפרט די עצה וועגן גריסן פשוט'ע מענטשן, און טון טובות אפילו פאר איינעם וואס איך קען נישט צוריקבאקומען.
נאר די שאלה איז וואס איז די דירעקטע פארבינדונג פון די שיינע הנהגה מיט אונזער נושא??

ענטפער: געטראפן מיין פלאץ ה' חשון התשפ"ב 12:32 PM #276787

  • נישט שפעט
  • איצטיגע שטרעקע: 210 טעג
  • לענגסטע רייזע-שטרעקע: 210 טעג
  • OFFLINE
  • שר האלף
  • מעלדונגען: 2261
  • האט שוין געלייקט: 1198 מאל
    האט שוין באקומען לייקס: 3519 מאל
  • קאָרמא: 60

עס ברענגט צו הכנעה ומיעוט האיגא...
א גרויסע חלק פון די תאוה, ביי אסאך מענטשטן, קומט בשורשו פון איגא. דאס איז גורם זיכן כסדר נאך סיפוק און נישט זיין צופרידן פון וואס מ'האט.
היינו טעמא פון די ערשטע סטעפ אריין לייגן אין קאפ מיט א שטארקע אמת בבירור המוחלט די ידיעה אז איך אליין קען גארנישט, דאס קלאפט אויך אראפ די איגא ווען א מענטשט טראכט אזוי באמת.

עכ"פ עס דרייען זיך גענוג מענטשט אין בית מדרש אדער אין געגנט. לאו דווקא ציבראכענע מענטשטן מיט צירעסענע קליידער [ס'איז אויך זייער וויכטיג אבער דאס וועט דיר מאכן סיפוק אז האסט געגריסט א נעבעכע מענטש...], נאר עס קען זיין פארשידענע יונגעלייט וואס קיינער קוקט נישט אויף זיי, נישט קיין גבירים און נישט קיין למדנים, נישט קיין ראשי מדברים בכל מקום און נישט קיין עסקנים אדער אויפטוהער'ס, נאר שטילע יונגעלייט וואס זענען מתהלך בצדי דרכים, אפשר אפילו אביסל פראסט וכדומה.
און ווען מ'גייט צו זיי און מ'גריסט זיי מיט א שמייכל, מ'פרעגט וואס זיי מאכן וכו'. און אפילו ווען אנדערע מענטשטן זעהן דיר... דאס קלאפט אביסל אראפ די איגא

ווען די איגא איז מיט אביסל הכנעה, דארף זיין גרינגער זיך אפהאלטן ווען דיין איגא וועט פאדערן עפעס א ראייה... ס'וועט זיין גרינגער קומען צו די אמתע ידיעה אז אונז אליין קענען גארנישט.

טראכט יעדן טאג אז דיין עבודה איז נאר אויף היינט. אזוי וועט יעדע ריינע טאג זיין 100% הצלחה.

אויב טראכסטו אויף פון היינט ביז דיין 120, וועט יעדע ריינע טעג זיין נאר 0.0001% הצלחה.

ווען דו טראכסט אמת'דיג נאר פון היינט, וועט דיר זיין היפש גרינגער. "ואותי יום יום ידרושון" [ועי' מתיקות נפלאה בספר ערבי נחל, פרשת בראשית, ד"ה ולעניננו יאמר].

ענטפער: געטראפן מיין פלאץ ה' חשון התשפ"ב 3:21 PM #276802

  • טשולענט
  • איצטיגע שטרעקע: 15 טעג
  • לענגסטע רייזע-שטרעקע: 350 טעג
  • OFFLINE
  • שר חמישים ומאתים
  • מעלדונגען: 319
  • האט שוין געלייקט: 861 מאל
    האט שוין באקומען לייקס: 391 מאל
  • קאָרמא: 15
נישט שפעט געשריבן on ה' חשון התשפ"ב 12:32 PM:

עס ברענגט צו הכנעה ומיעוט האיגא...
א גרויסע חלק פון די תאוה, ביי אסאך מענטשטן, קומט בשורשו פון איגא. דאס איז גורם זיכן כסדר נאך סיפוק און נישט זיין צופרידן פון וואס מ'האט.
היינו טעמא פון די ערשטע סטעפ אריין לייגן אין קאפ מיט א שטארקע אמת בבירור המוחלט די ידיעה אז איך אליין קען גארנישט, דאס קלאפט אויך אראפ די איגא ווען א מענטשט טראכט אזוי באמת.

עכ"פ עס דרייען זיך גענוג מענטשט אין בית מדרש אדער אין געגנט. לאו דווקא ציבראכענע מענטשטן מיט צירעסענע קליידער [ס'איז אויך זייער וויכטיג אבער דאס וועט דיר מאכן סיפוק אז האסט געגריסט א נעבעכע מענטש...], נאר עס קען זיין פארשידענע יונגעלייט וואס קיינער קוקט נישט אויף זיי, נישט קיין גבירים און נישט קיין למדנים, נישט קיין ראשי מדברים בכל מקום און נישט קיין עסקנים אדער אויפטוהער'ס, נאר שטילע יונגעלייט וואס זענען מתהלך בצדי דרכים, אפשר אפילו אביסל פראסט וכדומה.
און ווען מ'גייט צו זיי און מ'גריסט זיי מיט א שמייכל, מ'פרעגט וואס זיי מאכן וכו'. און אפילו ווען אנדערע מענטשטן זעהן דיר... דאס קלאפט אביסל אראפ די איגא

ווען די איגא איז מיט אביסל הכנעה, דארף זיין גרינגער זיך אפהאלטן ווען דיין איגא וועט פאדערן עפעס א ראייה... ס'וועט זיין גרינגער קומען צו די אמתע ידיעה אז אונז אליין קענען גארנישט.


הערליך אויסגעשמועסט
הכנעה העלפט צו קימען צו עקסטעפענס, צו זיין מקבל באהבה וואס מאכט טוישן די מחשבה צו פארשטיין די תאוות אין טוען וויאזוי דער אייבערשטער וויל 
פארשטענדליך אז א עגא'יסטישע פערזאן וועט זיין אביסל שווערער צוציקומען צו הכנעה אבער ס'איז לאו דוקא, יעדער מענטש קען הנאה האבן דורך פארבעסערן דעם מידה

פאר צוואנציג יאר איז אמעריקע געווען אין קריג אין אפגאניסטאן טאקע אסאך שוועריקייטן אדורך אבער די מיסיע איז אנגעגאנגען אין אלע טעראריסטן זענען געווען אינטערדרוקט ווי די טשיקנס פאר יום כיפור
פארלוירן האט מען נאר ווען??? ווען מ'האט אויפגעגעבן!!

Think about it

ענטפער: געטראפן מיין פלאץ ו' חשון התשפ"ב 12:17 PM #276858

  • נישט שפעט
  • איצטיגע שטרעקע: 210 טעג
  • לענגסטע רייזע-שטרעקע: 210 טעג
  • OFFLINE
  • שר האלף
  • מעלדונגען: 2261
  • האט שוין געלייקט: 1198 מאל
    האט שוין באקומען לייקס: 3519 מאל
  • קאָרמא: 60
יום ליבשה געשריבן on ה' חשון התשפ"ב 12:05 PM:

מיר הייבן אן פון אַלֶף אפילו פעם אֶלֶף!


דאס איז גוט
ועל זה נאמר: ואת האאאללףף

טראכט יעדן טאג אז דיין עבודה איז נאר אויף היינט. אזוי וועט יעדע ריינע טאג זיין 100% הצלחה.

אויב טראכסטו אויף פון היינט ביז דיין 120, וועט יעדע ריינע טעג זיין נאר 0.0001% הצלחה.

ווען דו טראכסט אמת'דיג נאר פון היינט, וועט דיר זיין היפש גרינגער. "ואותי יום יום ידרושון" [ועי' מתיקות נפלאה בספר ערבי נחל, פרשת בראשית, ד"ה ולעניננו יאמר].

אחראים: GYE YIDDISH, שיע
צייט צו מאכן א בלאט: 2.37 סעקונדעס

COM_KUNENA_ARE_YOU_SURE

יא