מזל טוב!

דיין שמחה איז די שמחה פון גאנץ משפחת הדא!

כה יתן וכה יוסיף נאך אסאך ריינע טעג, איינס אויף אמאל פארשטייט זיך.

מזל טוב!!!!

שרייבן עפעס קען נאר מאכן ערעגער עס שרייט פין זיך אליין

אהה. ר' משה, איך פריי מיך אזוי פאר דיך. די האלסט בה ביי 90 טעג וואוו!!! כ'האלט נישט מיט פון אנפאנג. אבער מיין שמחה איז גרויס!! כ'מיין די סיבה איז, דיין גוט'ס קייט וואס די האסט, אלעמאל א גוט ווארט. און, והעיקר, דיין דברי חיזוק וואס די גיבסאן כסדר, פאר מיך און פאר די אנדערע בני הקהלה

מזל טוב ר' משה'לע

יעדער פרייט זוך ווי באלט יעדער פיעלט מיט דיין שמחה

די געסט זוך אזוי אוועק פאר דיין ריקאווערי
אין פאר די ריקאווערי פון אנדרע

זאל השם העלפן נאך אסאך געזונטע יארן

מזל טוב משה'לע
דיין שמחה איז מיין שמחה
עס איז מיר גאר שטארק צום הארצן
דער אויבערשטער זאל דיר ווייטער באגלייטן צו דיין ריכטיגע וועג

מזל טוב ר' משה'לע

אויב איך מעג צי לייגן אפאר ווערטער
די שמחה איז עד אין לשער

אבער די האסט מער פון 90 טעג

די אלע טעג  פון מיר און אנדרע חבירם וואס די העלפסט זיי ארויס זענען דיינע דיין זכות און דאס וועט דיר באגלייטען לנצח נצחים 

זאל דיר גאט געבען אסאך ריינע טעג און כח צי העלפון אנדרע און בעיקר צו מרחיב זיין די גבלי הקדושה עס איז ליידער דא נאך אסאך וואס מקען זיי נאך העלפון 

דער שפראך איז צו ארעם צו קענען ארויסברענגען אין ווערטער מיין שחמה און די שמחה פון אלע חברי הד"א מיט דעם וואס דער רי שבחבורה האט ווידעראמאל דערגרייכט ניינציג ריינע טעג,

אשר על כן וועל איך נאר אויסשרייען הויך און קלאר מזל טוב! משה'לע!

סטעפ 4 - חלק ג

יעצט ווען איך האב גענדיגט מיין ריזענטמענט ליסט, בין איך געווען זיכער איך בין שוין פארטיג, איך רוף אן מיין ספאנסער און איך זאג אים איך בין שוין פארטיג, איך האלט שוין ביי סטעפ 5, זאגט ער מיר בארואיג דיר, נאך ווייט פון פארטיג! 

אמת ריזענטמענטס איז פון די גרעסטע אורזאכן און פון די שעדליכסטע נאטורן וואס מיר פארמאגן, אבער מיר מוזן נאך אסאך בודק חמץ זיין. ער שיקט מיר אריבער א אנדערע עקסעל שיעט, דאס מאל זאגט ער גייט מען זיך נעמען איבער די פחדים. מה זה פחדים? איך בין נישט קיין נערוון קראנקע מענטש, איך האב נישט קיין פחדים, לאז געמאכט! איך קען גיין ווייטער!

ער זאגט בארואיג דיר! נעם דיר א שעה אין טאג מיט א רואיגקייט, און הייב אן טראכטן פון וואס דו האסט אלץ א פחד, אדער וואס דו טוהסט אין דיין לעבן צוליב פחד, אדער וואס דו טוהסט נישט אין דיין לעבן צוליב פחד.
א שטייגער, דו רופסט דיך אויף הד''א מיט א ניקנאמען, ווייל דו האסט ''מורא''!
דיין ווייב ווייסט נישט אז דו בוזט אן עדיקט, ווייל דו האסט ''מורא''!
גייסט נישט אויף א דאך פון א גאר הויכע בנין, ווייל דו האסט ''מורא''!
בעהט'ס נישט קיין רעיס פון דיין בעל הבית, ווייל דו האסט ''מורא''!
קויפסט נישט א דירה, ווייל דו האסט ''מורא''!
קויפסט יא א דירה, ווייל דו האסט ''מורא''!
די ליסטע קען גיין אן אויפהער!!!


אקעי, יעצט קומט מיין ארבייט, איך הייב אן מיין ליסטע! אט איז א ביישפיל!

איך האב מורא פון
מיין ווייב.

וואס האב איך מורא?
אז זי גייט וויסן אז איך בין א עדיקט.


פארוואס האב איך די פחד?
1) איך גיי פארלירן עפעס וואס איך האב (שלום בית, פרעסטיזש)
2) איך גיי נישט באקומען עפעס וואס איך וויל (כבוד, שלום בית)
3) איך האב געטוהן עפעס וואס איך וואלט נישט געדארפט (אה יע, ביג טיים)
4) וואס וועלן זיי טוהן אויב וועלן זיי מיר כאפן (אוי, פליז נאר דעס נישט!)

אפעקטירט מיין?
1) סעלף עסטיעם (די פחד אז מיין ווייב קען געוואויר ווערן, מאכט מיר אנידערגעשלאגן)
2) פערזענליכע רילעישאנשיעפ (איך קען נישט רעדן מיט איר וועגן מיין עדיקשאן, ווען איך רעד יא מיט איר ברויך איך אלץ פארדעקן געוויסע מעשים זי זאל נישט וויסן וואס גייט פאר, א שטייגער פון ווי קומסטו יעצט? מיט וועם האסטו יעצט גערעדט?)
3) פינאנציעלע זיכערקייט (ווייל אז איך האב פחד, קען איך נישט ארבייטן געהעריג, מיין קאפ איז מיר נישט דא, קען עס שאדן מיין פרנסה)
4) אימאצינאלע זיכערקייט (ווייל אז איך האב פחד, בין איך עמאציענאל אפעקטירט)
5) סעקס רילעישאנס (אויב האב איך פחד, קען איך אויסעקטן)
6) אמביציע'ס (איך וויל האבן די בעסטע שלום בית, פרנסה, רואיגקייט, אבער מיט אזעלעכע פחדים איבער'ן טאג שאדט עס פאר מיינע גאויל'ס)

וואס איז מיין חלק וואס האט אנגעהויבן די פחד, אדער מאכט עס ווייטער אנהאלטן?
איך האב אויסגעקט, און איך זאג איר נישט אויס.

פונקטליכע נאטור פון מיינע שלעכטע מידות?
סעלפיש, דיסאנאסט, סעלף סיקינג, אינקאנסידערעט.


אזוי האב איך אנגעפילט א גאנצע ליסטע מיט פחדים, אסאך מער ווי איך האב געטראכט אז איך האב, אוי איז דאס שווער אנצוקוקן, עס פאטשט אזוי אין פנים!! עס פלאמט!!! אבער עס איז נישטא קיין וועג צוריק, די אנדערע וועג מיינט אויסעקטן! און דאס קען איך מיר מער נישט ערלויבן!

סטעפ 4 - חלק ד

נאכן ענדיגן מיין ליסטע פון פחדים, האט מיר מיין ספאנסער געשיקט א ליסטע פאר סעקסואלע אויפירונג.
די ליסטע ארבייט אזוי, איך מוז אראפשרייבן אלע נעמען מיט וועמען איך בין געווען פארבינדן סעקסואל, קיין חילוק אויב עס איז געווען בהיתר אדער באיסור, אלע נעמען ווערן אראפגעשריבן, און דערנאך דארף איך שרייבן וואס איך האב זיי געשעדיגט, וואס דאס אפעקטירט מיר, וואס וואלט איך ווען געדארפט טוהן, און וואס זענען מיינע שלעכטע מידות וואס איז פארבונדן דערמיט.

מיין ספאנסער האט מיר געוויזן אינעם בוך אז מיר נעמען נישט קיין שטעלונג צו מיר ברויכן עקסטרעם אסאך דערפון, אדער עקסטרעם ווייניג, פאר אונז איז דא איין שאלה, איז דאס געווען סעלפיש אדער נישט?!
יעדע איינציגע פאל ברויכן מיר זיך פרעגן אליין, ווי זענען מיר געווען סעלפיש, אומ'אמת'דיג, אדער זיך נישט גערעכנט מיט יענעם? וועם האבן מיר וויי געטוהן? האבן מיר אומבארעכטיגערהייט אנגעצונדן קנאה, חשדות, אדער דערביטערקייט? וואו זענען מיר שולדיג, וואס וואלטן מיר געדארפט טוהן אנשטאט? מיר האבן אלעס אראפגעלייגט אויף פאפיר און געקוקט דערויף.

אט איז א ביישפיל פון מיין ליסטע.

נאמען
מיין ווייב

וואס האב איך געטוהן איר וויי צו טוהן.
איך האב געקוקט שמוץ וואס הייסט געטשיט אויף איר עמאציענאל, ווען איך קוק אויף אנדערע טוה איך שעדיגן מיין ווייב עמאציענאל, אפילו זי ווייסט נישט דערפון ווערט זי נאכאלץ געשעדיגט, איך בין נישט די זעלבע מאן פאר איר ווען איך קוק אויף אנדערע.

וואס אפעקטירט עס מיר?
סעלף עסטיעם, עמאשענאל פארזיכערונג, סעקסואלע פארבינדונג, אמביציעס.

וואס וואלט איך געדארפט טוהן אנשטאט?
איך וואלט נישט געדארפט קוקן אויף אנדערע, און אויב וויל איך א צווייטן וואלט איך איר געדארפט געבן א גט, זי זאל נישט דארפן ליידן וועגן מיר.

פונקטליכע שלעכטע נאטורן פון מיר.
סעלפיש, סעלף סיקינג, דיסאנאסט, אינקאנסידערעט, און פחד.

נאך יעדע שורה אויף מיין ליסטע האב איך געזאגט די פאלגענדע תפילה
גאט, העלף מיר  צו אויספארעמען מיינע געדאנקן איבער סעקס, און העלף מיר עס איינהאלטן.

בלויז צו קוקן אויף מיין גאנצע ליסטע איז געווען ממש גיהנם, אוי בושה תכסה פנינו!! אבער ליבערשט זעהן יעצט די ליסטע און יעצט פארעכטן ווילאנג איך לעב נאך אויף די וועלט, ווי איידער זעהן די ליסטע אויף יענע וועלט!

איך האב געהאט א שמועס מיט איינע פון די חבריא איבער ריסק וואס אן עדיקט נעמט, און וואו שטארק פאריקט ער איז ווען עס באטרעפט אים דעם ביטערן טרינק, איך האב צוריקגעקלערט מבשרי אחזה, עס איז ממש הפלא, בשעת מען טרינקט איז מען ממש ווי א שיכור, מען הייבט נישט אן צו כאפן אפילו וואסערע פאריקטע זאכן מען טוט דעמאלטס, ממש ווי א שיכור בעצם יום הפורים, קיין אהנונג וואס ער טוט, ווי נאר ער הייבט זיך אן צו דערוועקן פון זיין שיכרות, אך און וויי ווערט דעמאלטס, די קרובים הייבן אים אן צו זאגן וויאזוי ער האט זיך אויפגעפירט ווען ער איז געווען בגילופין, און ער קען זיך דעמאלטס נישט מוחל זיין אויף וואס ער האט געטוהן, וויפיל ער טראכט צוריק עסט עס אים אויף!

אבער א וויכטיגע נקודה, ווילאנג מען איז נאך אונטער'ן רושם פון די אלקאהאל איז נאך די מח היבש פארנעפלט, יא מען האט חרטה, מען טוט תשובה, מען ריסעט די זייגער, מען רופט דעם און יענעם, אלס פיין און וואויל, אבער עס איז נאכנישט באו מים עד נפש, אזוי ווי מען רייניגט אויס דעם מח, גייט דורך עטליכע וואכן און מען לאסט נישט, מען איז באמת זויבער, די מח הייבט אן ווערן קלארער, די אלקעהאל וועפט אויס, אוי אוי אוי, דעמאלטס ווען מען קוקט צוריק וואס האב איך געטוהן???!!! משוגענער וואס איך בין! ממש אזוי האב איך געטוהן? דאס איז איך? מען ווערט ממש אנגעגעסן אויף זיך, יא מען געבט זיך א קלאפ אין פלייצע איך בין דאך אן עדיקט, סאוי גאט איז זיכער נישט ברוגז, און וואס האב איך פון טראכטן אויף צוריק, טראכט וואו גוט איך בין יעצט! עס איז אלס אמת, אבער דוד המלך זאגט וחטאתי נגדי תמיד, ביי מיר מיינט דאס איך מוז אלס האלטן פאר מיר מיינע פאריקטע מעשים וואס איך האב געטוהן מיט זייערע קאנסעקווענצן, אזוי אז ווען איך הייב אן צו ווערן מסופק אויף א געוויסע סטעפ אין ריקאווערי, עה צו שווער פאר מיר, עס איז נישט פאר מיר, איך קען נישט, דעמאלטס קומט צונוץ די וחטאתי נגדי תמיד, וואס איז די אנדערע אפציע? יא יא איך געדענק נאך גוט, שרעקליך, ממש ווי א משוגענער! געלייגט מיין לעבן אין געפאר, בשום אין אופן דארטן גיי איך זיכער נישט צוריק, אינטערסירט מיר נישט וואו שווער מיין סטעפ איז, איך קען מיר מער נישט ערלויבן צוריקגיין פון וואו איך קום! און די וחטאתי נגדי תמיד ווערט שטערקער און שטערקער ווי נאר עס גייט פארביי נאך א וואך און מען איז גענצליך ריין אן קיין ברעקל לאסט, דער מח ווערט נאך קלארער, און מען שפירט די בזיונות פון אמאל נאך שטערקער.

דאס איז וואס איך שפור זייענדיג באלד 100 טעג זויבער און די מח קלארט זיך אויס ב''ה.

גוט געזאגט איך פיל די זעלבע אז האלט מיר ווייל איך ציטער צי גיין אויף די וועג וואס איך בין געווען אזא נעבעך אזוי צידרייט איך וווייס נישט ווי יא דארט נישט איך וויל זיין א נארמאלע מאן טאע יוד ארבטער ועוד און פלען נישט אוועק לויפן און זיך באהאלטען פון מיר אליין 

און יא אמת נאר נאךך אפאר וואכן וואס מטיט נארמאלע זאכן כאפט מען זיך וואס גייט פאר

מיך זעט אויס ווי די עולם האלט שוין אט אט ביי אמת'ע תשובה. ווי אזוי זאגט די רמב''ם אין הלכות תשובה פרק ב?
ג  [ב] ומה היא התשובה--הוא שיעזוב החוטא חטאו, ויסירנו ממחשבתו ויגמור בליבו שלא יעשהו עוד, שנאמר "יעזוב רשע דרכו, ואיש אוון מחשבותיו" (ישעיהו נה,ז).  וכן יתנחם על שעבר, שנאמר "כי אחרי שובי, ניחמתי, ואחרי היוודעי, ספקתי על ירך" (ירמיהו לא,יח); ויעיד עליו יודע תעלומות שלא ישוב לזה החטא לעולם, שנאמר "ולא נאמר עוד אלוהינו, למעשה ידינו--אשר בך, ירוחם יתום" (הושע יד,ד).  וצריך להתוודות בשפתיו, ולומר עניינות אלו שגמר בליבו.

סטעפ 4 - חלק ה

נאכן ענדיגן מיין סעקסואלע חשבון הנפש, האט מיין ספאנסער מיר געהייסן מאכן א ליסטע פון אלע מענטשן וועם איך האב אמאל געשעדיגט. דאס איז גראדע נישט געווען א גרינגע ארבייט! איך האב געדארפט אראפשרייבן א ליסטע מיט מענטשן וועם איך האב וויי געטוהן דורכדעם וואס איך האב מיר אויפגעפירט וואו א פאריקטע מענטש!

א חלק האב איך געקענט פשוט נעמען פון מיינע פריערדיגע ליסטעס נאכן זעהן מיין חלק אין די מעשה און וויאזוי איך האב יענעם וויי געטוהן, אבער איך האב נאך געהאט אסאך צוצולייגן.

איז איך וועל געבן א ביישפיל פון מיין ליסטע.

נאמען:
מוסדות וואו איך שיק מיינע קינדער.

וואס האב איך געטוהן זיי צו וויי טוהן:
איך האב נישט באצאלט אין צייט, און זיך נישט וואוסענדיג געמאכט פון זיי.

וואס אפעקטירט עס מיר:
מיינע פינאנציעלע פארזיכערונג, אימאציענאלע פארזיכערונג.

וואס וואלט איך געדארפט טוהן אנשטאט:
איך וואלט מיר געדארפט אנטשולדיג'ן, און ארויפגיין אויסשמועסן וויאזוי איך קען באצאלן.

פונקטליכע שלעכטע נאטורן פון מיר:
סעלפיש, סעלף סיקינג, דיסאנאסט, אינקאנסידערעט, און פחד.

נאכן ענדיגן יעדע שורה, האב איך מתפלל געווען די תפילה.
גאט, העלף מיר איך זאל האבן די רצון צו פארגוטיגן די וועלעכע איך האב געשעדיגט.

מאלשסטעשאן טייטשט ווען א עלטערע מענטש טוט דאס פאר א אינגערע, די לאנג טערמיניגע שאדן איז די זעלבע נישט קיין חילוק אויב דאס קינד האט געוואלט אדער איז געוועין געצווינגען, אין איין מאל א קינד ווערט מאלעסטערט געווענטליך גייט ער אריין אין א שרעקליכע טראמא, אין זיין קאפ קען מער נישט ארבעטן ווי א געזינט קינד און כדי אוועק צינעמען זיין פעין וועט ער דארפן נאך סעקס אין וועט זיך מאכן וואנערעבל פאר אנדערע מאלעסטערס, וועגען דעים א קינד וואס ווערט איין מאל מאלעסטערט וועט געוועינדליך ווערען מאלעסטערד אסאך מאל פון אסאך מענטשען אין זיכען אין מקוואות אאו נאך מאלעסטערס, וועיגען די איינציגסטע וועיג וויאזוי ער קען קאפען מיט זיין אינגע לעבען איז ווען ער באקימט מער פון די אזוי געריפענע ליבשאפט פון עלטערע מאלעסטערס, אבער אפילו ער איז מסכם וועט זיין קליינע מוח ווערן מער אין מער אפעקטירט אין טראמאטאזירט א יעדע מאל עקסטער אין די זעלבע צייט האלט דאס קינד אז דער מאליסטער איז די איינציגסטער וואס פארשטייט אים אין האט אים ליב. אין די טשאנסען פון בלייבן געזינט איז מינימאל

משהלע איך האב א געוואלד מיט ריספעקט פאר די כח וואס די האסט צו ריקאווערן נאך אזא דערכגאנג אין דאס גיט א מעסעדש פאר די קראנקע פעדעפיילס ניין ענק האבן נישט געקענט ציגרינד לייגן מיין לעבען אין איך וועל פיקסען וואס ענק האבן ציבראכן אין יא אויפשטעלכן א געזינטע שטיב

שלום עליכם הרב איין טאג אויפאמאל, און מזל טוב צו דיין ערשטע פאוסט! איך גלייך שטארק דיין נאמען, ס'זאגט דאך ממש אויס דער סוד וואס הדא איז. און א יי"שכ פארן אזוי גוט ארויסברענגן דער נקודה וואס דו האסט ארויסגעברענגט.

איך קוק שטארק ארויס אויף דיין הצלחה און ריינקייט, איך וואלט דיר שטארק געראטן צו עפענען אן אייגענער טרעד מיטצוטיילן דיינע שוועריקייטן ביז אהער, און דיינע הצלחות פון היינט און ווייטער בעז"ה, עס וועט דיר שטארק העלפן, אזוי ווי בייי גאר אסאך פון אונז, וואס דאס איז געווען זייער א שטארקע חיזוק שטופ אנצוקומען ווי מיר שטייען בחסדי ה' היינט.

איך בין זיכער אז דו האסט זיך שוין באגעגענט מיטן האנט בוך, און איך וואלט דיר שטארק מחזק געווען אנצוהויבן ציילן אויפן טשארד ברבים, קענסט זיך נישט פארשטעלן וויפיל חיזוק עס וועט דיר אליינס געבן.

איך קען דיר מיטיילן נאך א זאך וואס האט מיר שטארק געהאלפן בעיקר טאקע אין מיין ערשטע תקופה, וואס דאס איז געווען "שרייבן", "שרייבן", און נאכאמאל "שרייבן", די אלע 878 ענטפערס וואס דו זעהסט היינט אינטער מיין פראפייל, האט זיך אלעס אנגעהויבן מיט "איין ערשטע" תגובה וואס איך האב געשריבן דא מיט נאנט צו א יאר צוריק.

אוודאי נישט פארגעסן א תפלה לקל חי, אסאך הצלחה אויף דיין רייזע, און מיר זענען אלעמאל דא פאר דיר!

יישר כח פארן מיר אויפנעמען, איך האב זיך איצט באגעגענט מיט די אידישע הדא אין עס איז מיר שוער צו טייפען אידיש, איך בין שוין א שטיק צייט אויף gye אין געשריבן דארט אין עס האט געראטעוועט מיין לעבען

איין טאג אויף א מאל געשריבן on א' טבת התש"פ 14:59:

ווי איך פארשטיי ביסטו אויף דער ענגלישער סייט און דו ציילסט דארט, ריכטיג?

דאס איז קארעקט. איך בין יעצט ריין מיט די הילף פינעם אייבישטען אין די חבירים פאר 332 טאג נאכען סטראגלען אין צירוקפאלען טעיגליך פאר יארען לאנג, אין היינו בין איך ריין דוריכן האלטען אין איין צירוק קימען

דו ביסט אן אינספעראציע און א וועג ווייזער פאר אונז אלע!

משה'לע, איך מיין אז נישט אימזיסט האט דער מסבב כל הסיבות האט געמאכט אז הרב "איין טאג אויף אמאל" וואס איז שוין ריין פאר גאנצע 332 טעג זאל דאס שרייבן פונקט ביי דיין טרעד, נאר ווייל דו אזויפיל פאר אנדערע צו זיי העלפן זיין ריין ומגלגלין זכות ע"י זכאי !!!!
הצלחה מרובה !

ישר כח אלע באטייליגטע וואס האבן געמאכט א לחיים היינט אין מיין טרעד, קומט אריין דא מער אפטער!!! שפירט אייך היימיש און באקוועם.

געהאט ב''ה א געוואלדיגע טאג היינט! געלויבט השי''ת איך האב מיר משתתף געווען ביי א חנוכה פארברענג מיט עטליכע מעמבער'ס וואס זענען אויף די פי פי פאון מיטונג דאנערשטאג נאכט, נישט יעדער האט געקענט קומען, אבער אזוי האב מיר געהאט באלד מנין פאר מנחה, עס איז געווען גאר גאר דערהויבן, מיר האבן אנגעהויבן מיט די סערעניטי תפילה, און דערנאך האט יעדער מיטגעטיילט זיינע ערפארונגען מיט די פראגרעם, עס איז געווען פאר מיר ב''ה א שטארקע עונג רוחני צו זיין צוזאמען בחבורה אחת מיט אידן וואס האבן אן אמתדיגן רצון צו ריקאווער'ן.

ב''ה געהאט די זכי' זיך צי משתתף זיין ביים כינוס לצדיקים. עס איז געווען מיט א געוואלדיגע התרוממות געלויבט השי''ת.

די נישט פי פי מעמבערס . זענען דזשעלעס

יחיאל געשריבן on ב' טבת התש"פ 19:24:

יעדער איז וועלקאם! מען ברויך נאר צוויי זאכן.
1) מודה זיין אז מען איז א עדיקט.
2) האבן א רצון צו ענדיגן די אויפירונג.

עד כאן געשריבן on ג' כסלו התש"פ 20:37:

איך ווייס נישט וואס עס איז היינט געשען, און פארוואס עס איז היינט געשען, אבער היינט האב איך אריינגעבלאנדשט אין דעם אשכול...
איך דריי מיר לעצטענס נישט אזוי סאך דא, סיי צוליב וואס איך בין זייער פארנומען, און סיי צוליב וואס איך בין בקשר מיט עטליכע חברה דא אינדרויסן פון דער סייט כתקנת המקום, און עס קומט מיר נישט אויס צו באזוכן דא אזוי אפט, און אפילו ווען יא ליין איך מער ווי איך שרייב

אבער מאת השם היתה זאת, איך בין יעצט דא אריינגעפאלן און געליינט משה'לע'ס תגובות, און וואה... איך האב געשפירט איך מוז שרייבן
צום ערשט שכוח באשעפער אז איך בין קיינמאל נישט געפריווט געווארן מיט דער ביטערער פיל הנקרא מאלעסטעישאן און רעיפ, און צווייטנס.. אוי... וואס זאגט מען פאר אזא איד ווי משה'לע? וואס שרייבט מען? וואו איז דער פעדער? וואו איז דער שפראך פאר א נשמה וואס איז דאס דורך אין די ערשטע 20 יאר פון זיין לעבן אויף דער וועלט?
נישטא קיין ווערטער, הייליגע באשעפער העלף דו אים, זיי דו אים מחזק, ווייל מיר האבן נישט קיין ווערטער, און מיר האבן נישט מיט וואס
שרעקליך צו טראכטן אין וואסערע שווארצע וועלט מיר לעבן היינט, נישט נאר מיט מערדער און רוצחים אין דשערזזי סיטי און אין פארשעי, נאר אויך...
השם ירחם

סטעפ 5

נאכן האבן מיינע אלע ליסטע'ס פארטיג, און פארשטייט זיך געדאווענט צו השי''ת איבער יעדע איינציגע שורה די תפילה וואס די בוך רעקאמאנדירט, איך האב אנגערופן מיין ספאנסער מיט א שמחה, ענדליך נאך חדשים ארבייט און איך האב גענדיגט מיין חשבון הנפש.

מיין ספאנסער האט מיר געזאגט, איך זאל איבערגיין יעדע ליסטע באזונדער, יעדע איינציגע שורה, און זאגן צו גאט, דאס זענען מיינע שלעכטע כאראקטער'ס אנווייזענדיג ביי יעדע שורה וואו עס איז מיין חלק, מיינע שלעכטע מידות.

ווען איך האב גענדיגט מודה זיין פאר גאט מיינע שלעכטע מידות וואס איך באזיץ, האב איך באשטעלט מיין ספאנסער פאר 2 שעה ער זאל גרייט זיין אויסצוהערן וואס איך האב צו פארציילן.

איך בין אדורכגעגאנגען יעדע איינציגע שורה פון אלע מיינע ליסטעס, און אים געזאגט אלעס וואס איך האב אראפגעשריבן, מיין חלק אין יעדע זאך, מיינע שלעכטע כאראקטער'ס ביי יעדע שורה, איך האב אויפגעדעקט אלע מיינע געהיימעניסן וואס איך האב נאך פאר קיין שום נברא נישט אנטפלעקט האב איך מיר איצטערט געפונען ארויסגעבענדיג די סודות פאר נאך א מענטש! בכלל נישט בע'טעמ'ט! עס איז א שרעקליכע דערנידערונג, אבער אזוי ווי איך האב גענדיגט אלעס פארציילן, אן אויסלאזן אפילו איין קלייניקייט פון מיין לעבן, האב איך אנגעהויבן פילן וואו א שטיין איז אראפ פון מיין הארץ! אה! ענדליך א מנוחת הנפש! א שלות הנפש! איך האב געשפירט א שטארקע רואיגקייט נאכדעם.

דערנאך האט מיר מיין ספאנסער געהייסן אהיימגיין, און זיך אראפזעצן מיט אלע מיינע ליסטע'ס פאר איין שעה, און ער האט מיר געהייסן אנשטעלן א טיימער עס זאל געדויערן טאקע א גאנצע שעה און נישט ווייניגער, ער האט מיר געהייסן אויסלעשן די טעלעפאן און זיך איינשפארן ביחידות ביני לבין קוני, און איך בין איבערגעגאנגען אלעס וואס איך האב שוין געטוהן ביז אהער.
איך האב געדאנקט דעם אייבערשטן אז איך האב די זכי'ה צו ווערן נענטער צו אים, און אים בעסער קענען! איך האב געזאגט ''גאט, איך דאנק דיר פון די טיעפענישן פון מיין הארץ אז דו האסט מיר ארויסגענומען פון שאול תחתית דיר צו קענען בעסער דינען''
דערנאך האב איך געפענט די בוך און איבערגעגאנגען פון אינעווענדיג סטעפ איינס, איך האב געקוקט אויב איך האב געמאכט גוט די סטעפ אזוי ווי די בוך פארלאנגט אין די ערשטע קאפיטלן וואס מיין ספאנסער האט מיר צוגעוויזן. דערנאך בין איך געגאנגען צו סטעפ צוויי, געקוקט צו איך האב גוט געמאכט דעם סטעפ אויפמישענדיג די קאפיטל פיר, זיכער געמאכט איך האב נישט אויסגעלאזט קיין שום דעטאלן. דערנאך בין איך אריבער צו סטעפ דריי, אוי גאט איך געב מיר איבער פאר דיר, ''אלעס'' אן קיין רעזארוואציע'ס! דו זאלסט בויען מיט מיר און טוהן מיט מיר וואס דו ווילסט!!! אוי נעם אוועק מיינע שוועריקייטן כדי א זיג איבער זיי זאל שפעטער זיין עדות וואס דו קענסט טוהן מיט אונז! איך האב אדורכגעקוקט קאפיטל פינעף, זיכער מאכענדיג צו איך האב מיר טאקע אינגאנצן איבערגעגעבן, און אויב האב איך עס געטוהן ריכטיג אזוי ווי די בוך פארלאנגט. דערנאך בין איך געגאנגען צו סטעפ פיר, קוקענדיג אויף מיינע ליסטעס, האב איך זיי אלע גוט געמאכט? האב איך עפעס אויסגעלאזט? איז דא עפעס וואס איך ברויך נאך צולייגן?

הערענדיג די זייגער קלינגען אז עס איז שוין אריבער א שעה, און זעהנדיג אז איך האב אלעס גוט אדורכגעקוקט און עס זעהט אויס גוט, האב איך ענדליך גענדיגט סטעפ פינעף, וואס דאס איז;
מודה געווען צו גאט, צו אונז אליין, און צו אן אנדערע מענטש די פונקטליכע שלעכטע נאטורן פון אונז.

איך האב געהאט נעכטן אן אינטערסאנטן עפיזאד, איך בין געווען אין די געז סטאנציע (איך זאג נישט וועלעכע, נו גילוי...) און א ערל'טע איז צוגעקומען צו מיר אז זי דארף געלט פאר געז, און זי האט נישט איר געלט מיט זיך, אויב איך קען איר בארגן געלט פאר געז, און זי וועט נעמען מיין טעלעפאן נומבער און מיר באצאלן ווען זי קומט אהיים. 
איך דארף אייך נישט מסביר זיין וואס אזא פארשלאג מיינט פאר אן עדיקט! אבער איך בין געגאנגען, איך האב ארויסגענומען א צוואנציגער פון טאש און איר געגעבן, און איך האב איר געזאגט עס איז גוט איך דארף עס נישט צוריק און איך געב נישט מיין נומבער! זי האט מיר איבערגעפרעגט נאכאמאל בוזט זיכער? איך קען עס דיר באצאלן געב מיר דיין נומבער און איך וועל דיר שיקן די געלט, און איך האב געזאגט וימאן מיט א שלשלת! ניין!! האלט דיר די צוואנציגער און דו קריגסט נישט מיין נומבער!

זי איז אוועקגעגאנגען מיט די צוואנציגער, איך האב נישט געהאט קיין איין ברעקל חרטה, און קיין איין ברעקל טריגער נאכדעם. איך האב ממש עטליכע מינוט נאכדעם גערעדט צו מיין ספאנסער, און איך דערצייל אים די געשיכטע וואס האט ממש יעצט פאסירט, און איך שטוין אויף מיר אליין, הזאת נעמי? וויאזוי איז מעגליך אז איך האב געקענט זיך אויפירן נארמאל? עס איז בכלל נישט מיר! 
אבער די אמת איז, אז גאט האלט מיר זויבער! און ער קען מיר האלטן זויבער אפילו אין אזא פאל! איך וואלט זיכער געפאלן אויב וואלט דאס פאסירט אין מיינע אמאליגע יארן! עס איז ממש אומגלויבליך ווען איך טראכט צוריק וואס עס האט פאסירט מיט מיר נעכטן! ממש נסים גלוים! איך פארשטיי עס בכלל נישט!

דער אייבערשטער איז זייער גרויס!

Wowowo דאס זענען די מיריקעלס פון ארבעטן אויף ריקאווערי. איט ווארקס איף יא ווארק איט

אנבליוועבעל !!!!!!!!!

משה'לע, די עקסערסייז איז מער ווערד ווי דער צוואנציגער....

דער אייבישטער זאל דיר העלפן סזאל דיר גרינג אנקומען צו מוותר זיין אויף צוואנציגערס....

אגב, די קעפל פון דיין טרעד "ערגרייכונגען" הערט זיך גרייזיג, סברויך שטיין "ערייכונגען" אן א ג

משהלע איך געב דיר א קלאפ אין די פלייצע, דו ביסט א אינספאראציע פאר אונז אלע, איך לערן מיר אפ פון דיר

Heiligertzadik געשריבן on ה' טבת התש"פ 19:01:

יא . איך לערן זוך אויכעט אפ

דראפעט געשריבן on ה' טבת התש"פ 18:49:

איך האב געפענט דעם טרעד 4 יאר צוריק, איך געדענק נישט יעצט פארוואס איך האב מיר באנוצט מיט אזא לשון, איך האב יעצט גע'גוגל'ט (וואו דען דארף מען אנפרעגן אזעלעכע זאכן אויב נישט ביים גרעסטן גדול הדור?!) און איך זעה עס קומט ארויף מיט 7 רעזולטאטן, איינס איז א וויקיפידיע וואס נוצט די ווארט ביים באשרייבן דרוקעריי, און די צווייטע איז פארשטייט זיך משה'לעס טרעד!!! (אומגלויבליך וויאזוי גוגל אנערקענט אז מיין טרעד מוז קומען אויפן אויבן אן ביים סוירטש) דערנאך איז דא צוויי פון אידישע ליכט אויסגאבע'ס וואס ליגט אויף היברו בוק'ס, זעהט אויס עס איז א אלטע אידיש און עס איז מיר געליגן אין זכרון בשעת'ן עפענען די טרעד, איך פלעג גאר אסאך לייענען אין מיין יוגענט די אידישע ליכט, מיין טאטע פלעגט עס באקומען אויף די פאסט, קען זיין איך האב עס גענומען פון דארטן.

אלענפאלס, איך האב געזוכט אויף גוגל די ווארט ערייכונגען, ברענגט עס מיר ארויף די היינטיגע אויסגאבעס אדער אייוועלט וכו' אין אנדערע ווערטער געשריבענע זאכן פון די 20' יאר'ן, זעהט אויס אז ערגרייכונגען איז אן אלט אידיש, און מען פלעגט דאס נוצן אמאל, און ערייכונגען האט מען לכאורה גענומען פון דעם ווארט און מאדעריניזירט, איך זאג נאר שפעקולאציע'ס איך ווייס נישט.

סטעפ 6.

איצטערט איז געקומען א שווערע עבודה, מיין ספאנסער האט מיר געהייסן איבערגיין מיינע אלע ליסטעס, יעדע שורה וואס אנטהאלט מיינע שלעכטע כאראקטער'ס, און כאפן א בליק דערויף און זיך אליינס פרעגן די פאלגענדע פראגע, ''בין איך מסכים אז גאט זאל אוועקנעמען פון מיר די דאזיגע שלעכטע כאראקטער'ס?''

אויף געוויסע ריזענטמענטס האב איך געטראכט צו מיר אז עס איז צו שווער פאר מיר זיי אויפצוגעבן, איך קען פשוט נישט! עס איז אזוי ווייטאגליך וואס עס האט פאסירט מיט מיר אז איך קען עס פשוט נישט אויפגעבן! עס האט מיר אנגעהויבן אויסצוזעהן אז איך האב באמת גאר שטארק הנאה צו האבן די ריזענטמענט! עפעס א טיפע באהאלטענע הנאה פון קענען זיך נאכאמאל אפרעדן צו איינעם אז יענער האט מיר אזוי שטארק וויי געטוהן, און דערנאך זאל מיר יענער שענקן א גאנץ זעקל מיט רחמנות און איך וועל מיר באלעקן די פינגער'ס דערמיט און לויפן שנעל אויסעקטן נאכדעם!!!
דאס איז נישט פאר מיר!!!!
איך קען מיר נישט ערלויבן די ריזענטמענטס מיט די אלע רחמנות'דיגע בליקן וואס זענען געוואנדן צו מיר! עס הארגעט מיר גלייך!!!

איך האב מיר אוועקגעשטעלט דאווענען צו גאט, ''הייליגע באשעפער, איך בעט דיר, העלף מיר איך זאל קענען אויפגעבן די ריזענטמענט! עס איז נישט פאר מיר! איך קען מיר נישט ערלויבן עס צו האלטן ביי מיר! העלף מיר איך זאל זיין גרייט עס אוועקצוגעבן פאר דיר אינגאנצן!''

אזוי בין איך געגאנגען שורה ביי שורה, קוקענדיג צו איך בין מסכים גאט זאל עס אוועקנעמען פון מיר, דארטן וואו איך בין נישט געווען אינגאנצן מסכים האב איך מתפלל געווען ביז גאט האט מיר געגעבן די געפילן אז איך זאל מסכים זיין עס צו אויפגעבן אינגאנצן.

ווען איך האב גענדיגט אלע ליסטעס אדורכגיין, און איך בין שוין געווען פולקאם גרייט אויפצוגעבן אלעס, און לאזן גאט זאל אוועקנעמען מיינע שלעכטע מידות וואס זענען אנגעהאנגן דערמיט, האב איך גענדיגט סטעפ 6 וואס זאגט ''מיר זענען אינגאנצן גרייט אז גאט זאל אוועקנעמען פון אונז יעדע איינציגע שלעכטע כאראקטער''

אזוי ווי נעקסטע וואך איז דא א מעגליכקייט אז מיר גייען פייער'ן פיר חדשים זויבערקייט, האב איך געקלערט אז עס איז שוין געקומען די צייט אז משה'לע זאל בר מצוה ווערן! איך האב ביי מיר עטליכע בילדער וואס קען זיין פאסיג פאר אונזער בר מצוה בחור'ל, איך וואלט אבער געקענט באשטיין צו האבן אביסל א גרעסערן אויסוואל, איז מכאן הקריאה יוצאת לכל חברי וידידי, אויב האט איר א שיין בילד וואס פאסט ארויפצולייגן אויף משה'לעס אוועטאר אלץ בר מצוה בחור, ביטע עס שיקן צו מיין אימעיל כדלהלן
This e-mail address is being protected from spambots, you need JavaScript enabled to view it

ובחדא מחתא וויל איך איינלאדענען דעם גאנצן ציבור צו די סעודת בר מצוה די אנדערע וואך, די בר מצוה בחור וועט אפנעמען די דרשה געשאנק פון יעדן, וביום שמחתכם ישמח לבי גם אני.

פאר איך פארגעס, וועל איך ארויפלייגן די איצטיגע אוועטאר פון משה'לע אלץ א אינגל, כדי עס זאל בלייבן לעד ולנצח נצחים.

סטעפ 7

נאכדעם וואס איך בין געווען פולקאם גרייט אז גאט זאל אוועקנעמען פון מיר יעדע איינציגע שלעכטע כאראקטער, האב איך פארמאכט מיינע אויגן און געזאגט די פאלגענדע תפילה.

''מיין באשעפער, איך בין יעצט גרייט דו זאלסט האבן אלעס פון מיר, גוט און שלעכט, איך דאווען אז דו זאלסט יעצט אוועקנעמען פון מיר יעדע איינציגסטע שלעכטע כאראקטער וואס שטייט אין וועג צו זיין נוצליך פאר דיר און פאר מיינע ארומיגע, שענק מיר שטארקייט ווען איך גיי אוועק פון דא, צו טוהן דיין רצון אמן!''

און בשעת איך זאג די תפילה שפור איך באמת ווי איך געב אלעס פארן אייבערשטן, איך האלט מער נישט ביי מיר נישט מיינע שלעכטע נאטורן, און אויך נישט מיינע גוטע נאטורן, עס איז מער נישט מיינס, עס באלאנגט צום אייבערשטן, ווען איינער זאגט מיר א גוט ווארט ברויך איך ענטפערן עס איז נישט וועגן מיר, עס איז גאט! איך בין נישט מער וואו א שליח פון אים, און ער מאכט איך זאל מיר אויפירן נארמאל!
און פארשטייט זיך אז איך בין מתפלל פון טיעפן הארצן אז גאט זאל מיר שענקן שטארקייט צו טוהן זיין רצון.

די אויבנדערמאנטע תפילה רופט זיך די זיבעטע סטעפ תפילה, איך זאג עס יעדן טאג, און אויך די דריטע סטעפ תפילה. 

מיט דעם האב איך געמאכט די 7'טע סטעפ וואס זאגט; בהכנעה געבעטן פון אים ער זאל אוועקנעמען אונזערע שוואכקייטן.

 מזל טוב משה'לע פאר דיין 120 ריינע טעג. די ביזט אונזער וועג ווייזער.
איך וועל דיר אי''ה קויפן א עלייה פאר דיין שמחה. 

מזל טוב משה'לע פאר דיין בר מצוה
[ווי האסטו געקויפט די תפילן בייטל . רעקעל .היט ?]
זאל השם העלפן אז די זאלסט אויסוואקסן אן יוראת שמים אין א ריינע יוד ביזן הינדרעט אין צוואנציג יאר

לגבי די בר מצוה מתנה. דערמאן מיך נעקסטע וואך

שמייכל הק' יחיאל ביי ביי

עד כאן געשריבן on ט' טבת התש"פ 11:48:

מזל טוב משה'לע צו דיין בר מצוה! און צו דיינע 120 ריינע טעג!

אגב מען האט עפעס פארטיילט ביי די שמחה פאר אלע משתתפים??? ס'נאך פארבליבן??? אדער אפשר קען מען נאך יעצט עפעס מאכן???

אפשר זאל מען צוזאמנעמען אלע הארציגע ארטיקלען און מאמרים פונעם בר מצוה בחור'ל, און עס דרוקן מיט א שיינע דעקל, און מיט דעם פאראייביגן די שמחה... מ'וועט שרייבן אויפן דעקל אז דאס איז מעשה ידיו להתפאר פונעם בר מצוה בחור'ל אליינס....

אשרי זקנותינו געשריבן on ט"ו טבת התש"פ 00:43:


דערווייל זעהט נישט אויס אז איך וועל דאווענען אין דעם גלגול אין דיין מנין, נאכאמאל אלעס קען פאסירן, אבער איך רעד טבעיות'דיג זעהט נישט אויס אזוי.

יחיאל געשריבן on ט"ו טבת התש"פ 01:22:


קען נישט ארויסגעבן די דעטאלן וואו איך האב אלעס געקויפט, ס'איז געהעריג גילוי.......

כלפי די בר מצוה מתנה, די שענסטע מתנה וואס דו קענסט מיר געבן איז בלייב דא מיט אונז כסדר, בוזט א מוסטער פאר אונז אלע, דיינע כסדרדיגע חיזוק איז מים קרים על נפשות עייפות, איך בין נתפעל פון דיינע מידות.

אחכה לו געשריבן on ט"ו טבת התש"פ 09:34:


אדרבה, חלק א' קען מען זיכער מאכן, אפשר צו די חתונה וועט מען ארויסגעבן חלק ב