גל עיני ואביטה.... אז אלעס איז זיין כח !

אוז״ע איך בין אויסערזיך פין שמחה, מיין קא׳ווארקער ווינדערט זיך זיכער וואס מיין אויסברעך פין שמחה איז

שכח פאר אלע וואס טשיפן אריין מיט א ווארט פון חיזוק.
איך צייל היינט די 34'סטע טאג ברוך ה'.
מקימי מעפר דל!

איך ווייס נישט פארוואס, אבער היינט זינגט מיר אין קאפ אגאנצן טאג די טרויעריגע תפילה פון די שטיקל "שומרון" אין די קינות לתשעה באב.

החומל על דל חמול על דלותם
וראה שפלותם וארך גלותם
ואל לעד תקצוף וראה שוממותם
רפא נא שברם ונחם אבלותם
כי אתה שברם ואתה אילותם
חדש ימינו כימי קדמוני
כנאמך בונה ירושלים ה'.

ארוממך ה' כי דליתני.....

יעצט איז שוין איינס מער ווי ד"ל. דאס מיינט אז ביזט שוין ארויס פון די דלות בעז"ה.
חזק ואמץ. איך שעפ אסאך חיזוק פון דיינע ווערטער כסדר און פון דיין אייגענע התעלות.

יא, ברוך ה' אז איך צייל ווייטער.
רמז: וספרה ל"ה

היינט האב איך געקאלט שלום גאנץ און גערעדט אביסל וועגן רעקאווערי. שכח שלום.

רמז "לעטס פייט לייק הל"

לאמיר אפדעיטן מיין טשארט צו 38 און איך קום שוין צוריק צו זעהן וואס מיינע חברים האבן מיך געשריבן דא
-----
אה! געוואלדיג! האדמו"ר שליט"א קומט אריין מיט רמזים קדושים, און הרב פרייליך איז ממשיך על פי דרכו. שכח!
ה' זאל זיין מיט ענק.

פאר די לעצטע יאר צייט האב איך געסטראגלט ווי א בהמה, געפאלן יעדע פאר טעג, און נישט געהאט קיין מוט זיך צוריקצוכאפן.
ה' האט אריינגעגאסן אין מיר אביסל טל און מיך צוריקגעברענגט צו די קארידארן פון ריינקייט און רעקאווערי.
טענק יו ה'.

געוואלדיג דיבורים דאס...
דאס שיט אריין שטארקע חיזוק אין אונז.
יעצט איז שוין 40 טעג! דאס איז זיכער א זמן פון א יצירה חדשה
דער אייבישטער זאל דיר געבן כסדר פרייליכע הייליגע ריינע טעג, זאלסט טאקע אז שפירן אז דו ביסט א "מענטשט"

יא! מ'האלט שוין ביי 40! ברוך ה'!

א"ם אמרתי מטה רגלי, חסדך ה' יסעדני!
מיין גוטע טאטע האלט מיך ריין.
איין און פערציג טעג אין א ציה!
שכח טאטע.

יעצט איז 42!
כמנין "ויכבד"
ועי' דברי חיים פרשת בא, אז דער אייבישטער האט מכביד געווען לב פרעה פון טוהן גוטס, אויסלערנען אידן אז דער אייבישטער קען מכביד זיין זייער הארץ פון טוהן שלעכטס.

ביסט שטארקע חיזוק דו.
בפרט דיין בילד ווי דו ביסט בדביקות דארט ביים דאוונען... מקנא צו זיין...

שכח פאר אלע גוטע חברים וואס קומען אריין לייקן, ס'געט מיך א גוט פילינג.

איינער האט מיך געשריבן אין הענגאוטס אז איך זאל שעירן וויאזוי איך מאך עס.
איך וואלט גערן געשעירט, איך האב נאר נישט וואס.
זאת חנוכה תש"פ האב איך געהאט מיין שווערסטע טראסק אין מיין היסטאריע און זייט דעמאלטס בין איך געפאלן יעדע וואך, צוויי דריי (איך מיין אז 3 וואכן איז געווען מיין לענגסטע) און זיך אפגעלאזט פון די טעראפי און פון די 12-סטעפ קאל.
זאת חנוכה תשפ"א האב איך געציילט מיין ערשטע ריינע טאג אין די יעצטיגע סייקל, אן קיין שום ספעשל סיבה פארוואס דעי סייקל זאל זיין עפעס מער פון די פאריגע. פלוצלינג האב איך מיך ארומגעזעהן מיט א שיינע streak פון ריינע טעג אן קיין שום סיבה. ווען איך האב דעיס געזעהן האב איך אנגעהויבן ציטערן אז איך גיי עס פארלירן פונקט ווי די אנדערע. האב איך גענומען אפאר סטעפס צו דעם. קודם בין איך צוריקגעקומען צו הדא, נאכדעם האב איך אויפגעגעבן א דיווייס וואס איז אסאך געווען שולדיג אין מיין עקטן אוט, איך בין מער אין קאנטעקט מיט חברים פון רעקאווערי. און מ'גייט זיך מיט ה'ס העלפ רוקן נאך ווייטער.
So, ס'איז אמת'דיג נישט דא וואס צו דערציילן, די אייבערשטער האט מיך סתם אונטערגעשיקט די פאר ריינע וואכן, איך האב "גארנישט" געטוהן מער ווי די לעצטע יאר צייט.

וואטעווער, איך האב שוין צו לאנג געבלעבלט דא.
מזל טוב פאר מיינע 6 ריינע וואכן און געגאנגען ווייטער...

אוז"ע לערן דיך אויס, דו גייסט אונז נישט אפלאזן דא, אפילו דו אנטלויפסט פון דא וועסטו צום סוף צורוק קומען. דו ביסט פון אונזערע שטארקסטע מעמבערס דא, דו קענסט אונז נישט איבערלאזן.

די רבוש"ע איז מיט דיר, און אונז אלע שטייען מיט דיר.

איך קען נאר צוענדיגן מיט איין ווארט אחי, חזק ואחז עצמך

ידידך עוז לנצח
חיים חייקל
וואס קוקט ארויס אויף דיין הצלחה

טייערע אוז"ע
ס'איז א גרויסע התרגשות ליינען דיינע ווערטער.

נאר צוויי תיקונים:
א. האסט געשריבן

כו"ע מודו אז דו האסט גארנישט פארלוירן ח"ו. געווען טאקע א הפסקה'לע, אפשר נישט רצופין, אבער חלילה פארלוירן. יענע 217 טעג זענען דיינע בקנין נצחי און דו קענסט עס נישט פארלירן אפילו אויב דו ווילסט...
*
ב. האסט געשריבן

די לשון איז נישט אזוי מדוייק... כ'האב געהערט אין א שמועס פון רא"מ מלאך, לגבי נסיונות, אז ס'איז נישט דא אזא זאך אז א נסיון האט זיך "אונטערגעריקט", נסיונות ריקן זיך נישט אונטער... נסיונות איז א זאך וואס דער אייבישטער שיקט עקסטר צו דיר און דאס איז לטובתך. ע"כ דברי הרב.
נו איז דאך מרובה מדה טובה, ווען דער אייבישער שיקט דיר אפאר ריינע וואכן, איז דאס נישט "אונטערגעשיקט", ס'איז געשיקט געווארן א מתנה בכוונה ברורה פאר זיין טייערע באליבטע קינד, לטובתו ולהנאתו.

דיינע הודעות זענען פוהל חיזוק, מתוקים מדבש ונופת צופים.

טשעקינג אין...
נאך א ריינע טאג ב"ה.

איך האב איינמאל שוין אין ריקאווערי געהאט זייער א שווערע סטראגל און איך האב געקאלט א אלדטיימער פרעגן וויאזוי צו באהאנדלן די נושא איך האב געזאגט אז איך ציטער איך וועל דורכפאלן וכו' האט ער מיר געזאגט ווילאנג די האסט מורא איז גוט מדארף ציטערן אזוי בין איך גרייט צו טוען וואס איך דארף די פראבלעם פאנגט זיך אן ווען איך האב שוין נישט אזןי מורא

א געוואלדיגע אמת'ע יסוד.
בדידי הוה עובדא ווי איך פלעג טוהן שטותים אן האבן שכל אז עס קען זיין זיייער נישט געשמאק וד"ל.
אויך לגבי רפואה גשמית, כל זמן די גוף ארבעט נאך אביסל און ער פייט, האט ער נאך סימן חיים. אויב ער איז שטיל, איז שוין א סכנה.

זיראו

אוז"ע סטוט אונז זייער וויי.....

אבער איין זאך בעהט איך דיר אנטלויף נישט יעצט פאר נאך א יאר. מדארף דיך האבן דא. דו ביסט פון אונזערע וועג ווייזערס

אוי וויי איך פיעל דיין וויייטאג.

איך פיל מיט דיר די צער און אנגסט
אבער דייין היסטארי ווייזט גוטס
לאמיר זען וואס קען מען טון זיך צו דערהייבן דורכדעם, (נישט סתם וויינען)?

טייערע ליכטיגער חבר

איך פיל מיט דיין צער, דיין ווייטאג, דיין צומישקייט און דיין פארלוירנקייט. איך שפיר עס און איך פארשטיי עס ליידער זייער גוט.

די גרויסע בלבול פון די ארויף-אראפ אראפ-ארויף איז אין לשער. עס קען משוגע מאכן.

אבער אונז האבן נישט קיין צוויי ברירות. בשום פנים ואופן. אונז האבן נאר איין ברירה.

איך האב לעצטנס געהערט פון א בדחן ביי א שבע ברכות, ס'איז געווען די לעצטע שבע ברכות, ביי א רעבישע שמחה וואס זיי מאכן צוויי מאל א טאג. האט ער געזאגט פארן חתן אז מן הסתם פון שבת אויפריף האט ער שוין געהערט בערך 100 דרשות, און דאס האט א מקור אין חז"ל, ווייל חז"ל דרש'נען הוכיח תוכיח, השב תשיבם, אפילו מאה פעמים. און ביי א חתן שטייט דאך שמח תשמח, און יעדע בעל דרשן טראכט אז ער איז משמח דעם חתן, ממילא האט ער געדארפט הערן 100 דרשות...

עכ"פ לעניינו, לענין התחזקות איז מקובל זאגן דריי מאל, חזק חזק ונתחזק. איז אויב ביי א לשון כפול דרש'נען חז"ל אפילו מאה פעמים, איז ביי א לשון משולש על אחת כמה וכמה, אסאך מער פון מאה פעמים...

איז טייערע חבר. יא, ס'איז זייער שווער, זייער נישט פשוט. אבער דו גייסט זיך נאכאמאל מחזק זיין!

די ערשטע טאג נאך א נפילה שפירט מען זייער אראפגעקלאפט, אבער יעצט איז שוין די צייט. שאקל דיך אפ פון אלע ווייטאנגען,  כאפ א טענצעלע [ווייל איך בין א יודעלע זינג איך מיר א לידעלע...] און הייב אן מיט א פרישקייט.

איך זעה אז דו האסט דא א געוואלד חברים. זיי זיי משמח, זיי זיי מחזק. קום אריין פון פריש.

איך דערמאן דיר נאר וואס דו האסט געשריבן אין די ערשטע הודעה פון די טרעד:

איין זאך איז זיכער, איך בין שוין נישט איינגערעדט אז מיין סוקסעס איז נאר אויב איך בין ריין אן קיין הפסק, ניין, וועל איך האבן א הפסק וועל איך נאכאמאל אנהייבן ציילן (וד"ל), מיטן אייבערשטענס הילף.

איך האב נאר איין ווארט אוטש!

יאפס פאר די לעצטע כמעט 11 חדשים האב איך אויך די זעלבע ראלי-קאוסטער (דער אייבערשטער זאל העלפן סזאל שוין נאר גיין אויף ארויף) און איך ווייס גאר גוט וויאזוי דאס שפירט, ביי איין געלעגנהייט האב איך געזאגט פאר מיין ספאנסער אז אויב וואלט ווען געווען אן אפשאן פון אויפגעבן וואלט איך אויפגעגעבן סאיז דאך אוי ביטער שווער אבער אויפגעבן איז נישט קיין אפשאן ווייל ווי שווער סאיז צו סטראגלען צו זיין ריין איז סאך שווערער צו זיין און עקטיוו אדיקשאן סאיז ממש חייו לאו חיים, מילא איז נאר דא איין עצה משאקלעט זיך אפ און צוריק צו דער ארבעט

און צו דיר נישט שפעט דו קומסט אריין קריסטאל קלאר! יישר כח גיי אן להחיות עם רב  

א ריזיגע שכח פאר אלע וואס האבן געקאמענט, מיטגעפילט און מחזק געווען.
חייקל, קיינער לויפט נישט אינערגעץ, איך בין דא און איך בלייב דא! אמאל איז עס מיט 50+ טעג, אמאל מיט 0 טעג, און היינט מיט 4 טעג! געלויבט ה' פאר דעם.
מר. גרין און אק"ו, שכח פארן מיטפילן.
שלום, פון דיך איז אייביג ספעשל צו הערן.
נישט שפעט, פאר דיר איז נישט דא קיין ווערטער! דו ביסט אייביג דא מיט די גוטע ווערטער, שכח.

גיימער טראקן ווייטער...

דער טראקט שוין פינעף טעג קעניינעהארע

איך האב היינט א ספעשל טריגער פון א פרוי (איך וויל נישט שעירן די דיטעילס אין פאבליק כדי נישט צו טריגערן קיינעם) איך בעט ה' אז ער זאל מיך העלפן איבערקומען די אבסעשן פון טראכטן פון די טריגער אגאנצע טאג און אגאנצע נאכט און איך זאל בלייבן ריין אויף היינט.

איך בעט אויך פאר דיר, דער אייבישטער זאל דיר געבן די כוח און די מוח און די ישוב הדעת, קענען ביישטיין די נסיון, זאל דיר נישט צוברענגען צו מחשבות נישט א חלק טאג און נישט א חלק נאכט.
ער זאל דיר געבן די ריכטיגע שכל וויסן וויאזוי זיך צו באהאנדלען. געדענקען אז דאס בלויז דמיון און איין-מינוט'דיגע-הנאה וואס קען ברענגען שפעטער אסאך עגמת נפש און ווייטאג.
חבר, מיר ווארטן הערן פון דיר די גוטע נייעס!

לויט ווי איך פארשטיי האט דער אייבישטער דיר געהאלפן דורך גיין די נסיון.
הודו לה' כי טוב כי לעולם חסדו [מיט די וויזשניצע ווארעמע תנועה]

איך קען נישט די תנועה, א שאד.
(אפשר זינג עס אריין אין א רעקארדער און שיק מיך עס)

כקען דיר עס שיקן בחפץ לב, פאר אימזינסט...