איך עפען אויף מיין אשכול, אז איך זאל דא אריין קומען ציילן, און דערציילן ברבים.

ווען די צייט וועט קומען (??) וועל איך דא דערציילן מיין היסטאריע, הגם ס׳איז בכלל נישט אינטערסאנט... 

איז טוט׳ס ענק אן דעם היט און רעקל.

היום יום אחד שהם שנים וארבעים יום שהם ששה שבועות לטהרה.

איך בין אדורך 40 טעג מאל איין טאג ריין! ווער האט דאס געקענט גלייבן ביים אנהייבן אז איך גיי אנקומען צו 42 טעג!! 6 וואכן ריין!! ב״ה!! און איך בעט אויף ווייטער וְאַל תִּטְּשֵׁנוּ ה׳ אֱלֹקינוּ לָנֶצַח.

מגלגלין זכות ע״י זכאי. ענק חברי הקהלה און הנהלת הדא, ענק האבן 100% רעכטן אויף מיינע 42 ריינע טעג!!!

דער רבי ר׳ אלימלך שרייבט און צעטל קטן, אז 40 טעג איז הרגל נעשה טבע. איך פארשטיי אז דאס איז נישט קיין מדות ווי ס׳קען ווערן א טבע.
אבער ס׳איז זיכער אז עפעס א מיילשטיין (אזוי איז עס אין יודיש?) איז עס!!!

מזל טוב צום נייעם אשכול.
סוועט זיין א געוואלדיגע חיזוק פאר אונז אלע.

ר' נטע איך גיי אויס פאר קנאה פין אייך 
איך לאז מיר אי"ה שפעטער ארויס איך גיי מיר נעמען פליען ביז איך וועל דיר דערגרייכען

נ,ב ביטע דריי דיר נישט אויס צי מיר די פלי ווייטער אין ווייטער ביז  די 120 ריינערהייט 

מיר פארן אלע צוזאמען, איין טאג אויפמאל!!!

מזל טוב נטע'לע צו דעם דערעפענונג פונעם פרישן געהענגל. ווי דער עבר האט געוויזן גייט דער פלאטפארמע זיין א תל תלפיות שהכל פונים אליו נהנה צו זיין פון די זיסע פרייליכע ציילעכץ און דערציילעכץ פון ידידינו מאז ומקדם הרב נטע שליט"א.

נטע'לע דיין ששה שבועות ברענגט אין אונז אויף שמחה און התרגשות ביז גאר, ניין ס'איז נישט קיין שפיל, כ'שפיר באמת ווי דער נטע'לע אטעמט ריינע לופט, און בלאזט דאס אריין צו אונז מיט א פרישקייט.

אגב, דיין דערציילן איז פאר אונז גאר אינטערעסאנט, נישט ווייניגער ווי דיין ציילן, אפגעזעהן צי ס'איז יא אדער נישט דא קיין חידושים, אדרבה אין אונזער פאל זיכן מיר דירעקט נישט קיין חידושים, מיר זיכן דוקא צו ליינען דאס מיט וואס מיר זענען באקאנט, מיר זיכן זיך צו טרעפן אין דיינע שורות, און אזוי - רילעטנדיג צו דיין עבר און הווה - שפירן מיר געשמאק און פיל מיט חיזוק זיך מיטצוכאפן איינער מיטן אנדערן.

מיר קוקן ארויס נטע'לע פאר דיינע זיסע סחורה...

ישר כח אברעמעל פאר דיינע קאמלימענטס.

אז דו רעדטסט שוין, וועל איך דיר זאגן.
מיין ווייב זאגט מיר פאריגע וואך, דו ביסט לעצטענס מורא׳דיג געשטיגען!

זעט אויס זי זעט אויך די ריינע ליפט!


א דאנק צו דיר הייליגער באשעפער פארן מיר גיבן ריינע ליפט!!!

נטע געשריבן on כ"ח אב התשע"ח 04:44:

קיינער איז נישט אזא גוטע מבין ווי די ווייב!!
גאר א גוטע סימן!

נטע געשריבן on כ"ח אב התשע"ח 04:44:

ווען דו פילסט אן א גלעזל מיט זייער אסאך וואסער וועט עס איבער-רינען אויך אינדרויסן פון די ראמען פון די גלעזל.
ווען דו פילסט זיך אן מיט זייער אסאך ריינקייט וועט עס איבער-רינען אויף די ארומיגע לופט.
חזק ואמץ.

צוזאמען! היום יום אחד שהם ארבעה וארבעים יום שהם ששה שבועות ושני ימים לטהרה.
א דאנק צו דיר טאטע פארן מיר גיבן די זכיה מו זיין נאך א טאג ריין!

איך בין היינט געווען אויף א פלאץ ווי א יונגער שגצל האט מיר געטרייט עפעס צו מרמז זיין... (אזוי מיין איך...) אבער ב״ה דער אייבישטער האט מיר געהיטן אפי׳ פון באמערקן, איך בין אנגעגאנגען כאילו לא היה. הגם די תאוה איז דא געווען בתוקף. אבער ב״ה, ס׳איז דורך נאך איין טאג ריין!!!
באשעפער איך דאנק דיר איך לויב דיר!!!

אגב, די ערשטע זאל וואס כ׳האב געטון איז אריין לאגן צו הדא זען אפדעיטס!!! מגלגלין זכות ע״י זכאי!

האטס מיר א גוטן שבת ר״ח אלול

צוזאמען בקול רם: היום יום אחד שהם ששה וארבעים יום שהם ששה שבועות וארבעה ימים לטהרה!

איין טאג אויפאמאל!
באשעפער איך לויב דיר פארן גיבן נאך א טאג ריין, האלט מיר ריין פאר היינט אויכעט!!

פריער האבעך געזען אזאך וואס איך האב נישט געוואלט! ב״ה נאר דער ערשטער בליק. (וואס איז דעם אייבירשטנס, קרעדיט הדא) כ׳האב תיכף אראפ געקוקט, און געזאגט פארן אייבירשטן, קוק!!!

שכח פארן מיר אויסהערן!

נטע געשריבן on א' אלול התשע"ח 17:14:

ש'כח פארן מיטטיילן

צוזאמען בקול רם היום יום אחד שהם שבעה וארבעים יום שהם ששה שבועות וחמשה ימים לטהרה.

א דאנק צו דיר טאטע פארן גיבן נאך א טאג ריין. העלף מיר ווייטער אויף היינט אויכעט!!

איין טאג אויפאמאל... מ׳מאכט נאר בעיבי סטעפס!

איך וויל אנהייבן מיט מיין היסטאריע.
הגם ס׳איז בכלל נישט אינטערסאנט, נישטא קיין חידושים. 
אבער איך פול ווי ס׳קען מיר צוהעלפן מיט דעם ריקאווערי, מיט א דאנק פאר ידידי היקר אברעמעל און נאך, פארן מיר צושטיפען.

נטע׳לע איז אין כתה ט׳

פארדעם געדענק איך נישט איך זאל בכלל ליידן אויף דעם, קען זיין איך בין שוין צו אלט…

איך געדענק נישט וויאזוי ס׳האצעך אנגעהויבן, אבער איך האב אנגעהויבן צו טראכטן פון דעם אגאנצן טאג, דימיונות אויף מיר און אויף אנדערע…

פון קיין ז״ל אדער קישוי האבעך נישט געהאט קיין אנונג, אבער סתם זיך צו טאטשען איז געווען א תאוה.

איך דערמאן מיך ווען איך פלעג מיך שפילן מיט מיין קליינע ברידערל באותו מקום, נישט געווען שייך קיין קישוי ביי אים און אויך נישט  ביי מיר, איך בעט צום אייבירשטען אז מיין ברידער זאל גארנישט ליידן וועגן דעם. איך האף אז מיין ברידער זאל מיך מוחל זיין, איך האב נישט געוויסט אז מיט דעם קען איך חרוב מאכן זיין לעבן.

איך האב געוויסט אז מ׳טאר נישט, ווען מ׳האט גערעדט אין חדר א דרשה פון די ענינים האבעך מיר פריש מקבל געווען… געהאלפן האט עס פון היינט ביז מארגן… אפשר אביסל מער…

מקוה איז דאך פשוט, אז ס׳האט מיר זייער לאנג גענומען…

אזוי בין איך אריין אין ישיבה קטנה, מיט א פרישקייט.

ביז די פרישקייט האט אויסגעוועפט...

דארט האב איך באמערקט א נייע זאך, לעכער אין ביהכ״ס… כ׳האב אנגעהויבן פארברענגען גאנצעטע טעג דארטן, צו דימיונען פון דעם און פון יענעם…

איך דערמאן מיך אז ערגעץ אינמיטן האבעך פראבירט צו פרעגן איינעם צו ער וויל… ער האט מיר געזאגט ח״ו, ער האט מיר געזאגט מוסר וכו׳ ער איז געווען פון די שוואכערע סארט, דאס האט מיר געכאפט און איך האב מיר פון פריש מקבל געווען פעסטערהייט, עד כאן!

אבער ס׳האט נישט אנגעהאלטן אויפאייביג…

מסתם עפעס א קישוי איז שוין געווען אבער נישט געוויסט פון קיין ז״ל ביז און דריטע עידש וואס דאס איז די העכסטע עידש אין ישיבה קטנה, האב איך געזען דורך די לעכער ווי איינער טוט עס, ס׳האצעך אנגעהויבן א שרייבעריי… 
גע׳ענדיגט מיט אפשמועסן א צייט…

נטע׳לע נטע׳לע א שאד אז דו האסט נישט געוויסט אז מיט דעם מאכסטו זיך חרוב  ברוחניות ובגשמיות. דו מאכסט חרוב גאנצעטע וועלטן… 



איך דארף צולייגן אז איך בין געווען פון די עוורידש בחורים אדער אפי׳ אביסל מער, כ׳בין געווען זייער סאשעל און פאפולער, אבער געפערליך געליטן פון מיין פראבלעם…


איך קען שוין נישט יעצט מער, ס׳צוברעכט מיר זייער שטארק, 
איך וועל מיזן צוריק קומען א צווייט מאל.

איך וויל בעטן, איך גיי דארפן חיזוק פונעם עולם ווייטער צו פארזעצן ס׳איז מיר זייער שווער אליינס.

א גרויסן שכח פאר יעדעם דא, פארן מיר גיבן א פלאטפארמע ווי איך קען מיר אויפשטעלן פארציילן מיין שווארצע זייט, אנדעם וואס איינער זאל מיר אראפ קוקען.

ערשטענס נטע א ריזן שכ'ח פארן נעמען דעם פעדער אין די האנט, א זאך וואס קאסט שרעקליכע כוחות הנפש צו טאן, דעריבער דארף עס אמת'דיג באדאנקט ווערן. עקסטער דארף באגריסט ווערן דיין געשמאקע הארציגע שפראך וואס נעמט אונז אלע מיט מיט דיינע געפילן.

דאס וואס דו שרייבסט אז דו ברענגסט נישט קיין חידושים, דארפסטו וויסן קודם אז אין ביהמ"ד בלא חידוש, און אפילו לאמיר זאגן אז ס'איז נישטא קיין חידושים, לאמיר נישט פארגעסן אז איינס פון די וויכטיגע סיבות צו שרייבן, חוץ פון די אייגענע ריקאווערי, איז דאס אז אנדערע 'געסט' וואס טראכטן אז זייער געשיכטע האט אויך נישט קיין חידושים, זאלן דאס ליינען, און אזוי זיך אויך שפירן באקוועם אין דעם אטמאספער.

דאס וואס דו געסט מיר קרעדיט שפיר איך אלץ א געוואלדיגע כבוד און זכי' פארן קענען צוהעלפן הלואי זאל איך דאס אויך קענען ביי מיר פועל'ן…

בכלליות רילעטן מיר צו זייער אסאך סיעופים אין די געשיכטע, און דיין שרייבן דערמאנט אונז תקופות מיט וואס מיר אלע האבן זיך געראנגעלט דערמיט, דעריבער באקומט דיין ציילונג ביי אונז אויך א זעלטענע משמעות, שפירנדיג זיך גענוג נאנט מיטצוציילן מיט דיר אינאיינעם.

אוי די דרשות אין חדר, די קבלות, די מ-ק-ו-ה, די לעכער… מיט די פארשווענדעטע שווארצע יארן דארטן, די שטילע אבער הויכע מוסר פארציעס צו וואס מיר האבן זוכה געווען מפיהם פון די 'שוואכערע' פון אונז…, די התחדשות מיט אירע אויסוועפערייען…

נטע'לע ס'צוברעכט נישט בלויז דיר מיר אלע ווערן צוזאמען צובראכן, און טאקע וועגן דעם קענען מיר אלע בעזר השם צוזאמען פיקסן, לייג נישט אראפ דעם פעדער – ס'זאגט זיך גרינג – אבער דאס געבט אונז אלע די נויטיגע געזאלין אנצוהאלטן און פארזיכערן אונזער לעכטיגן הווה און עתיד און אזוי איבערדרייען אונזער עבר אויך בעזרת השי"ת.

נטע'לע דער באגריף 'שווארצע זייט' לאמיר לאזן פאר די דרויסנדיגע וועלט, דא אין הדא לאמיר זיך נישט אזוי פארשווארצן, אדרבה דא אין הדא גיימיר בלויז געוואויר ווערן אז דאס איז גאר אונזער 'ווייסע זייט' ווייל דאס איז די זייט וואס האט אונז לסוף נענטער געברענגט צו אונזער טאטן אין הימל, דאס האט אונז מודיע געווען ווי אנגעוויזן מיר זענען אויף אים, אט דאס האט געברענגט אונזער פערזענליכע טיפע קשר צו אים, דאס איז דאס וואס האט אזוי ארויסגעברענגט אונזער כיסופין וגעגועין צו אים ממעמקים קראתיך, און דאס וועט אונז עווענטועל פירן צו אונזער ענדגילטיגע באפרייאונג פון א לעבן פון שמחה און פרייהייט.

מיר ווארטן מיט שפאנונג אויפן דראמאטישן פארזעצונג, און מיר זענען אלע אויף דיין זייט דיר צו שטיין צו די האנט.

איך האב נישט יעצט קיין צייט דיר צובאדאנקען געהעריג... אבער פטור בלא כלום אי אפשר!
א דאנק!!

איך קום באלד צוריק צו דיר אברעמעל

ש'כח נטע פארן מיטטיילן דיין געשיכטע, דיינע ווערטער האבן מיך זייער בארירט, איך פארשטיי זייער גוט דיין שוועריקייט צו שרייבן און עפענען די הארץ און פארמאכטע וואונדן, ווייל זעענדיג ווי שטארק סהאט מיך געטאטשט ביז די טיפעניש פון מיין הארץ, שטעל איך זיך פאר וואספארא שווערע זאך סדארף זיין פאר די בעל הסיפור (תרתי משמע) צו אראפשרייבן. אפשר אז דו וועסט וויסן ווי שטארק דו ביסט מיך מחזק מיט דעם וועט דיר עס געבן א שטופ.
בנוגע די "שווארצע זייט" וואס דו האסט גערעדט פון, אברמ'ל האט מיר שוין ארויסגענומען די ווערטער, איך וויל נאר צולייגן תינח אז סאיז שווארץ, ווערט עס אבער פארשיינט און לעכטיג מיט דיין זיסע שפראך און הארץ וואס גיסט זיך פון דיינע ווערטער און פון "איין טאג" וואס דו ציילסט שוין זיבן און פערציג מאל.
חזק בעבודתך הקשה.

נישט קיין צייט און נישט קיין מח יעצט צו ענטפערן, איך קום באלד צוריק...

קודם א גרויסן שכח פאר אלע חבירים וואס האבן מחזק געווען סיי דא אויפן טשעט סיי פרייוועט, סיי דעי וואס האבן געלייקט…
עקסטער א גרויסן דאנק פאר ידידי וידיד כל קהלות הדא ה״ה אברעמעל פארן אזוי שיין ענטפערן, ס׳מיינט אסאך פאר מיר.

מ׳האט עס ביז יעצט געגלייבט, יעצט זע איך עס בחוש ס׳העלפט באמת דאס ארויס שרייבן. 
אדרבה פראביר עס אויס.

און אפאר האבן מיר געזאגט אז זיי קענען רילעיטען, אדער איינער האט מיר געשריבן ער פילט מורא׳דיג נאנט צו מיר. 
וואס דאס איז אזאך וואס איך פיל אז ס׳קען מיר שטארק צו העלפן צו מיין ריקאווערי.

א דאנק פאר ידידי היקר ׳איך וויל זיין ערליך׳ מיט אברעמעל וואס האבן פראבירט צו ווייס מאכן דעם שווארצן זייט… 

נאכאמאל א שכח פאר יעדען הן פאר די חיזוק, פאר די קאמלימענטס, פארן ענטפערן און פארן  דאנקען.


יעצט וויל איך אביסל גיין ווייטער, ווייל ארבייטן האבעך נישט קיין נערווען היינט, ווי רוב עולם וואס האצעך דא געדרייט היינט ווייסט...

מיר האלטן ביים ערשטן מיטינג… דארט איז שוין ארויס געגאנגען פון בין אדם למקום צו לחבירו אויך, ליידער ליידער.
דארט בין איך געוואר געווארן קישוי מיט ז״ל.
פון דארט איז שוין געפארן א באן, אבער בארג אראפ… ר״ל 

ווען איך דערמאן מיך פון יענע מינוטן וואס איך בין פון דעם געוואר געווארן גייט מיר אדורך טשילס, געווען א תמימות׳דיגער בחור, פון דעמאלטס און ווייטער איז עס געווען ממש אויף א טעגליכער פארנעם, אן דעם וואס איינער זאל וויסן וואס באהאלט זיך אינטערן מאנטל פון דעם בחור׳ל…


ס׳איז זיכער אז כ׳וואלט געקענט ביישטיין די אלע נסיונית אפי׳ מיט דעם ידועה, והא ראיה אז דער באשעפער האט עס מיר געשיקט, אבער ס׳איז זיכער געווארן אסאך שווערער.

פון איין זיך טרעפן איז געווארן 2 אפשר 3.

דעמאלטס האט איינער באמערקט ווי איך קוק אים נאך אין ביהכ״ס - הגם ער האט אויך געליטן פון די נסיונות וד״ל - איז ער געגאנגען אויסזאגן.

דער מנהל האט מיר אריינגעריפן און מיר אנגעשריגען…

זיך מקבל געווען מיט אן אמת, און פארטיג, ער האט מיר אפאר וואכן שפעטער געפרעגט, נו, הגם כ׳בין שוין געווען אביסעלע צוריק געפאלן, פארשטייט זיך גע׳ענטפערט ב״ה, און דער קעיס איז געשלאסן.

ווען דער מנהל וואלט ווען פארשטאנען עד היכן הדברים מגיעין, וואלט איך נישט דא היינט פארציילט דער מעשה, ער וואלט מיר ווען געדארפט שיקן צו איינעם שמועסן, אנקניפן א נאנטקייט וכו׳ וכו׳…
אבער אזויווי פריער געזאגט אז דער אייבישטער האט עס מיר געשיקט וואלט איך זיך געקענט מתגבר זיין.
איך זאג עס נאר אז מ׳זאל וויסן, ווייל איך ווייס שוין, שטרענג רעדן האט מיר נישט געהאלפן…

עכ״פ ס׳איז אזוי דורך געגאנגען נאך א יאר אדער צוויי ביז אריין אין די ישיבה גדולה, מיט עליות (הגם ווייניג…) און ירידות. דימיונות אז כ׳האב מיר ממש געשעמט פון מיר אליינס.

שפעטער האבעך אין מקוה געמאכט שייכות מיט איינעם, ליידער ליידער, איך באדויער דעם פאקט, בערך מיין יארגאנג, מ׳זעמער אסאך אסאך ארויס צוזאמען.

איך שפיר ווי איך וויל וויינען, ווי בין איך געווען, אזויפיל מאל נכשול געווארן, בין אדם למקום ולחבירו. די גאנצע זאך שפילט זיך יעצט אפ לייף ביי מיר אין קאפ.

ווען איך זאל דעמאלטס וויסן אז דאס גייט אמאל זיין מותר וואלט איך נישט אנגעקומען דארט. אזוי ווי פריער געזאגט אז דער אייבישטער האט עס אזוי געשיקט וואלט איך געקענט ביישטיין, אבער ס׳וואלט געווען אסאך גרינגער ווען איך וואלט געווען אביסל אויפגעקלערט… פארשטייט זיך דורך א מומחה.

אזוי איז דורך געגאנגען ביז אלץ חתן ווערן, איך געדענק א קליינע צייט געוואטשט פ… ר״ל, אבער נישט געהעריג געכאפט וואס ס׳גייט פאר… 

אלץ חתן האב איך מיך שוין רוב מאל גובר געווען. געווען ירידות אבער ממש נישט.

ביי די חופה האבעך זייער תשובה געטון ב״ה.

ביז בערך 3 יאר נאך די חתונה האבעך אפי׳ נישט געהאט דעם נסיון.

איך קען שוין נישט, מיין קאפ דערהייבט עס מער נישט פאר יעצט. ס׳וועט דארפן ווארטן.


איך בעט יעדעם איך דארף חיזוק, ס׳מיינט פאר מיר זייער אסאך.

שכח נאכאמאל.

איך פיל ווי איך וויל מיטוויינען...
איך טרעף מיך אזויפיל מאל אין דיין געשיכטע, בעיקר אין די געפילן וואס דו ברענגסט אזוי שארף ארויס.
איך האב נישט די ווערטער....
אבער פאר עכט...
אז איך האב נישט די ווערטער שרייב איך נישט...

דיין שטארקייט עס אראפצושרייבן איז להפליא, קיפ איט אפ.
איך פארשטיי נישט וויאזוי דוקא דיין הארציגע מעשה מיט די ווייטאג וואס ליגט אין דעם געט מיך אזויפיל חיזוק. אפשר ווייל ס'ווייזט מיך אז סאיז דא א וועג אויף צוריק?
אפשר...

אויף דערווייל, שטארק זיך! דיין שרייבן געט מיך א שטופ פאר מער אפנקייט מיט זיך און מיט אנדערע.
יעדעמס געשיכטע דא איז אזוי אנדערש... אבער אזוי די זעלבע...

שכח ערליך, איך פריי מיך אז דאס גיט דיר חיזוק!
ס׳האט זיך שוין געלוינט.

נטע'לע נטע'לע שרייב שרייב 
ס'געט חיזוק פאר יעדעם און פאר דיר
אזוי הארציג געשריבן מ'שפירט עס 
איך פארשטיי נאר נישט פארוואס די זאגסט נישטא ספיצעל קיין חדושים
אזוי ווי אברמל האט געזאגט יעדעם'ס מעשה איז בערך די זעלבע אבער יעדעם'ס איז אנדערש

נאך אזאך אויב מעג איך מחולק זיין מיט דיר דאס וואס די זאגסט אז אויב די וואלסט געוויסט אז ס'גייט אמאל מותר זיין וואלסטו עס נישט געטון 
דאס האלט איך ס'איז נישט אמת 
אבער ווער ווייסט אפשר יא 

שכח פאר דיין חיזוק! ס׳מאכט זייער אסאך אויס!
״יעדעם׳ס מעשה איז בערך די זעלבע אבער יעדעם׳ס איז אנדערש״ דאס א זייער שטארק! יא מיר טיילן כמעט די זעלבע עבר׳ס, און מיר טיילן די זעלבע יעצט!!!

איך וויל נישט אריין דא אין א טענה׳ריי און פארדרייען דעם גאנצן אשכול, אבער איך האלט יא אזוי קלאר, כ׳האב שוין ערגעץ אנדערש אויך אזוי געשריבן, מיט א מעשה.

נטע א שרעק וואס די ביזט אלס דורך, און קוק אכ"ז האט הקב"ה דיר נישט פארלאזט און אהערבאגלייט ביז הדא און באגלייט דיר ווייטער ביזן וועג אהיים

נטע'לע גראדע ענדלסטו זייער ווי איינע פון מיינע חבירים וואס איך האב אויסגעשמועסט ביי מיין טרענד

כרעמזל געשריבן on ג' אלול התשע"ח 15:26:

ישר כח!

כרעמזל געשריבן on ג' אלול התשע"ח 15:27:

לאמיך איבערליינען דיין טרענד זען צו איך טרעף מיר דארט...

אפשר קען איינער לייגן די לינק?

אה! פיינע פרישע כרעמזלעך, כאפט א שמעק.

א דאנק