ס׳איז נישט מיינס. אונזער ידיד דרך ממוצע האט עס אמאל גענוצט

באלד וועסטו נאך פארטרייבן ר חב'ד פון אונז
לומד פלעגט אלס זאגן (מסתם זאגט ער נאך נאר איך הער נישט)
אז יעדער קען זאגן וואס ס'האט גע'ארבעט פאר אים נישט זאגן אויף זיכער וואס וועט יא אדער נישט ארבעטן פאר יענעם
חב'ד בלייב דא אפשר וועט פאר דיר יא זיין אנדערש ווי שמע
די וועסט דיר אי'ה ארויס זען דערפון אויב די זעסט איין וועג העלפט לייג צי נאך אבער חלילה אויף געבען וועגען די וואס זאגן אז ס'ארבעט נישט

חס ושלום, איך האב עס נישט געמיינט אין א שלעכטע וועג, אדרבא, אויב איינער האט אן אנדערע עקספיריענס, זאל יענער דא ארויף קומען, אין זיך לאזען הערען.
קען זיין פאר א נישט עדיקט איז די זאך אנדערש, אבער דעמאלטס קען זיך יענער בדרך כלל העלפען אן הדא אויך..

זייער גוט געזאגט! פאר יעדעם ארבייט עפעס אנדערש, אזויווי כהאב פריער געשריבן.

מ׳קען אפי׳ נעמען א ראיה פון פרובירט וואס ער איז סאבער דשאסט פון זיך דא דרייען.

חב״ד הענג ארואנד. וועסט שוין אליינס זען דיין מצב!!

פון מיר זאלסטו נישט ברענגען קיין ראיה ווייל יעך האב בכלל נישט די נסיוינות אויף די זעלבע לעוועל ווי ענק
(ס'האט מיר אבער פיין געשמעקט די קאמפלימענט) 

איך האלט נישט אז איך בין עדיקט אבער אן הדא קען איך נישט

איר האט מיר נישט גוט פארשטאנען.... אפשר פרובירט אבער....
איך דארף נישט מיין ווייב פאר קיין טערעפיסט... (און ביי דע וועי איך בין יא מיין ווייבס טערעפיסט.... איך ווייס נישט צי דו האסט קינדער אבער איך האב געווארט אויף קינדער א גוטע 3 יאר.... מיט 2 נפלים אינצווישן.... [משום נאטירליכע סיבות גארנישט ספעציעל ב"ה....] (איך בין נישט קיין רחמנות דאנט ווארי.....) און איך דארף דיר נישט מסביר זיין אז יעדע 30 טעג ווען די וסת איז אנגעקומען איז א קליינע ת"ב ביי מיר אינדערהיים און ס'האט געקאסט אסאך כוחות עס מסדר צי זיין..... און בכלל די קללה פון בעצב תלדו בנים איז על פי עניות דעתי נישט נאר ווען מ'איז מעוברת ס'איז די גאנצע מהלך פון האבן קינדער דאס הייסט וסת וכל המתתעף..... ואכמ"ל)
איך האב נאר געמיינט צי שרייבן אז זי וועט מיך פארשטיין און אפשר אפי' העלפן...(וואס זי האט שוין געטון אוין די פארגאנגענהייט.... אין כאן מקומו....)

אסאך הצלחה!!!
דיין חבר 
בערעלע.

האב איך דיר דיר געזאגט ס'איז דא צדדים אויף ביידע זייטן און ווען איך זאג טערעפי מיין איך נישט דוקא טערפי נאר הילף פון איר 
אבער נאך אלעם איז דאס דיין פראבלעם און ס'איז דא צד וואס זאגט לאז איר בלייבן מיט איר ערליכע מאן זי דארף נישט יעצט אנהייבן טראכטען וואס איר מאן איז און וואס ער איז געווען דאס אז די דארפסט העלפ איז דיין פראבלעם נישט אירס
איך האף אז די האסט מיר יעצט בעסער פארשטאנען
אויב נישט איז אויך גוט 

נטע'לע איך מיין די שמועס בלאנגט אנדערש און יענע טרעד

עס איז ב"ה אדורך א הייליגע ריינע יו"ט פסח, איך האב נישט קיין צייט פאר קיין לאנגע תגובות, אבער איך וויל נעמען דעם געלעגנהייט צו דאנקען אונזער ליבער פאטער בתוך רבים, פאר די הייליגע ריינע 108 טעג. ק"ח נא את ברכתי אשר הבאתי לך כי חנני אלקים וכי יש לי כל.

טאטע, איך שענק דיר די אלע ריינע טעג אלס א מתנה פאר דיין הילף, אז איך זאל זיך קענען האלטן בגדר אנושי.

אויך וויל איך אפגעבן א באזינדערע דאנק פארן רבוש"ע ווייל עס איז מיר געווען א גרויסע חיזוק צו באמערקן, אז מיין 70'סטע טאג איז געווען אינעם הייליגן טאג פורים, 100 איז געווען דער ערשטן טאג פסח, און 150 וועט בעזר השי"ת זיין ביום מתן תורתינו דער ערשטן טאג שבועות.

און עקסטער וויל איך אפגעבן א שבח והודאה פאר קוב"ה אז איך גיי יעצט ב"ה אדורך שווערע זמנים אין א צווייטע גשמיות'דיגע נושא, און לשעבר פלעגן אזעלכע זמנים זיין א רעסעפי פאר דיזעסטער, און דורכפעלער איינס נאכן צווייטן.

דעריבער וויל איך דאנקען דעם רבוש"ע צוויי-פאכיג, איינס, חייב לברך על הרע כשם שמברך על הטוב, פשוט א דאנק פאר די שווערע צייטן, איך בין זיכער אז עס איז מלא טוב. און צווייטנס, אז דו האסט מיר געוויזן אז איך קען ביישטיין אפילו אין די שווערע צייטן, און פאר דעם אליין איז עס שוין ווערט געווען.

יישר כח, דיין סוקסעס איז אינזער סוקסעס, קיפ איט אפ....

ליידער קום איך לעצטנס ווייניג אן צו שרייבן דא אין שטעטעלע הדא, אבער היינט אריינטאנצנדיג דא, האב איך געמערקט די בלוי-געשריבענע 'געכאפט ביי די מעשה' געשיכטע פון ידידינו הצדיק, און כ'קען בלויז מגיב זיין מיט א: wowowow
כ'האב באמת נישט וואס צוצולייגן, דער געשיכטע שרייט פון זיך אליינס, אין מילים!

מזל טוב צדיק12 פאר דיינע 120 טעג סויבער 

איך האב יעצט דארעך געליינט די גאנצע מעשה איך בין שאקט איך ווייס נישט וואס צו זאגען  [size=2]פון צדיקל12][/size]
 צו אין שום יואש  נאך איין טאג אין נאך איין אין נאך איין טאג מיט סייעתא דשמעיא 
          90

הנ"ה מ"ה טו"ב (122) ומה נעים שבת אחים גם יחד.

עס איז אזוי גוט און אזוי זיס, צו זיצן דא אויף הד"א מיט מיינע ליבע חברים, וואס פערזענליך קען איך קיינעם נישט - עכ"פ אויף וויפיל איך ווייס - אבער בפנימיות קענען מיר זיך אלע, בעסער ווי אונזערע נאנטע ידידים און משפחה אינעם עולם התוהו.

ווען איינער זאל מיר קומען זאגן פאר 6 חדשים צוריק, אז איך קען באמת זיין ריין, און אז באמת קען איך עומד זיין בנסיון, פארשטייט זיך מיטן הילף פון אןנזער ליבער טאטע, וואלט איך איהם געזאגט אז ער לעבט אין פאנטאזיעס.

טייערע ברודערלעך! הגומל חסדי"ם טובים לעמו ישראל! אונזער ליבער פאטער, האט באוויזן חסדי"ם 122 הייליגע ריינע טעג, און מיר שטעלן זיך נישט אפ, מיטן היף פונעם בוכ"ע פארן מיר פול טעמפא פאראויס, האפענטליך ביז ביאת המשיח.

לכבוד מיין 122'טע טאג וועל איך לויבן דעם בורא מיטן 122 קאפיטל פונעם נעים זמירות ישראל.

א  שִׁיר הַמַּעֲלוֹת, לְדָוִד. שָׂמַחְתִּי, בְּאֹמְרִים לִי--    בֵּית ה' נֵלֵך.
עס איז מיר געווארן א געוואלדיגע שמחה, ווען מען האט מיר דערציילט וועגן דעם בית ה' הד"א.

ב  עֹמְדוֹת, הָיוּ רַגְלֵינוּ--    בִּשְׁעָרַיִךְ, יְרוּשָׁלִָם.
ווען איך בין געשטאנען ביים טויער אויפן וועג אריין קיין ירושלים-הד"א, זענען מיינע פוס געבליבן שטיין אונגאנצן פארגאפט.

ג  יְרוּשָׁלִַם הַבְּנוּיָה--    כְּעִיר, שֶׁחֻבְּרָה-לָּהּ יַחְדָּו.
דער שטעטעלע הד"א איז געבויט געווארן מחבר צו זיין און צוזאם צוברענגען טייערע אידישע ברודערלעך תחת כנפי השכינה

ד  שֶׁשָּׁם עָלוּ שְׁבָטִים, שִׁבְטֵי-קהּ--עֵדוּת לְיִשְׂרָאֵל:    לְהֹדוֹת, לְשֵׁם ה'.
דא אויף הד"א קומען יעדן דאג אחב"י שבטי ק-ה צו דאנקען און לויבן דעם באשעפער'ס נאמען, אז מען האט זוכה געווען צו זיין ריין נאך א טאג

ה  כִּי שָׁמָּה, יָשְׁבוּ כִסְאוֹת לְמִשְׁפָּט:    כִּסְאוֹת, לְבֵית דָּוִד.
דארטן אין הד"א טוט מען זיך דערנענטערן צום בורא, און זיך גרייטן צום משפטו של עולם, און דורך דעם טוהט מען דערנענטערן די כסאות לבית דוד, די גאולת משיח בן דוד.

ו  שַׁאֲלוּ, שְׁלוֹם יְרוּשָׁלִָם;    יִשְׁלָיוּ, אֹהֲבָיִךְ.
מען פרעגט זיך נאך איינער אויפן צווייטן, ווי אזוי עס גייט, און מען איז זיך מחזק איינער דעם צווייטן ווי ליבע פריינט.

ז  יְהִי-שָׁלוֹם בְּחֵילֵךְ;    שַׁלְוָה, בְּאַרְמְנוֹתָיִךְ.
זאל דער רבוש"ע אונז אלע העלפן, אז עס זאל רוען שלום ושלוה, דא אין אונזער מיליטער, א רואיגקייט, און אונזער פאלאץ.

ח  לְמַעַן, אַחַי וְרֵעָי--    אֲדַבְּרָה-נָּא שָׁלוֹם בָּךְ.
טייערע ליבע ברודער און חברים, איך וועל ווייטער מתפלל זיין פאר ענקער הצלחה.

ט  לְמַעַן, בֵּית-ה' אֱלֹקינוּ--    אֲבַקְשָׁה טוֹב לָךְ.
און בזכות זה זאל די רבוש"ע אראפ ברענגען דעם בית ה' אלוקינו, וואס מיר ווארטן שוין אזוי לאנג דערויף.

טייערע צדיק'ל
הגם איך געב געווענליך כמעט נישט קיין "לייקס" אויף קיין תגובות, מחמת טעם הכמוס עמדי, נאר ווען איך האב עפעס צוצולייגן שרייב איך וואס איך האב צו זאגן, בין איך אבער היינט ארויס מגדרי, ווערענדיג שטארק נתפעל פון דיין הערליכע ארבעט, און דיין גאלדענעם פעדער!

זייער שיין, און מורא'דיג שטארק און גוט ארויסגעברענגט דיין הארציגע תפילה צום בורא עולם, אין אזאלעכע טייערע און הייליגע מינוטן, מי יתן והיה לבבינו זה כל הימים, דער באשעפער איז מיר דיר, און ער זאל דיר ווייטער באגלייטן אויף דיין וועג, דיין הצלחה איז אונזער הצלחה!

כי לק"ח (138) טוב נתתי לכם תורתי אל תעזובו.

פון טיפעניש פון הארץ וויל איך געבן א שבח והודאה צום ליבער פאטער אין הימל, אז ער ווייזט אונז כסדר, אז אויב מען בעהט שיין באקומט מען. ער האט מיר געגעבן א געשמאקע לק"ח, א הייליגע ריינע לק"ח, א שטיקל לק"ח אויף וואס איך האב זיך קיינמאל נישט געראכטן פאר איך האב זיך געטראפן מיט די הייליגע קהלה הד"א.

איך האב מתפלל געווען צום טאטן אין הימל:
בצו"ם (138) - מיט תעניתים, מיט עינוים קשים, עינוי הנפש ועינוי הגוף
בקו"ל (138) - איך האב געוויינט בדמעות שליש, צום הייליגן טאטן ער זאל מיר שוין נעמען מעבדות לחירות
בממו"ן (138) - איך האב זיך געלאזט קאסטן צדקות, נסיעות לקברי צדיקים, און ספרים זיך צו העלפן 

אבער ב"ה די קהלה דא אויף הד"א איז געווען דער מנח"ם משיב נפשי, עס האט מיר צוריק געגעבן מיין נפש, מיין הייליגע נשמה וואס איז געווען אזוי פארשקלאפט, אזוי שמוציג, אזוי פארזינקען אין מאראסט.

זאל די רבוש"ע העלפן אלע חברים דא אז יעדער איינער דא זאל זוכה זיין אז חל"ק כחל"ק יאכלו, יעדער זאל קענען גרינגערהייט זעהן די פירות פון זיין עבודה, און יעדעם'ס יגיעה זאל געקרוינט ווערן מיט א געוואלדיגע הצלח"ה.

שטארק!

דידן נצ"ח! (148)
נצ"ח ישראל לא ישקר! אויף אייביג טוהט כלל ישראל נישט זונדיגן, סוף סוף טוהט מען תשובה און מען קערט זיך צוריק צום ליבער פאטער. כי לא לנצ"ח ישכח אביון

און אונזער ליבער פאטער, נעמט אונז תיכף ארום מיט זיין ליבשאפט, כי אתה סלח"ן לישראל. 

אם אין קמ"ח אין תורה! אויב וואלט אויך  נישט אנגעקומען היינט צו 148 הייליגע ריינע טעג, ווי אזוי וואלט איך געקענט מקבל זיין די תורה.

ל"א בחי"ל ול"א בכ"ח! אבער הייליגע טאטע! דאס איז נישט געווען מיין כח, עס איז אלעס געווען דיין כח! פאר דיר אליין, דיר קומט זיך די קרעדיט! און פאר מיר גארנישט! איך וואלט ווען געדארפט שטיין טאג און נאכט און דאנקען פאר דעם! און דערווייל בין איך שטום, איך האב נישט קיין ווערטער ארויס צו ברענגען מיין דאנק!

כחצי"םביד גיבור כן בני הנעורים. עס טוהט מיר כסדר וויי, "פון ווי נעמט מען די אינגע יארן?" ליידער אנגעברענגט מיט גארנישט. אבער דא נעם איך אביסל חיזוק אז די חצי"ם קענען אפשר מתקן זיין די בני הנעורים.

וויל איך טאקע בעטן פונעם הייליגן טאטן, אנא ה' הצליח"ה נא, העלף מיר טאטע, צו קענען ממשיך זיין ווייטער, כי זה חלק"י מכל עמלי, דאס איז אלעס וואס איך דארף פאר מיין גאנץ לעבן.

כמים קרים על נפש עיפה.... דיין שמחה איז אונזער שמחה.....

פָּתַחְתִּי אֲנִי לְדוֹדִי = דו האסט געעפענט דעם פתח של מחט און אנגעהויבן צו טון פון דיין זייט וויפיל דו האסט געקענט, וְדוֹדִי חָמַק עָבָר, און דער באשעפער האט דיר געהאלפן און דיר געגעבן א מתנה צו קענען דערגרייכן צו 148 הייליגע ריינע טעג!

כה לחי! א לעכטיגן יום טוב....

יודו להוי"ה חסדו (160) ונפלאותיו לבני אדם
איך וויל דאנקען דעם הייליגן בורא פארן טוהן מיט מיר וואונדעליכע זאכן, מיטן מיר העלפן צוקומען צו 160 הייליגע ריינע טעג.

עץ חיים הוא למחזיקים בה
דער ע"ץ, דער 160 טעג, וועט מיר בעזרת השי"ת געבן לעבן, זיך צו קענען מחזיק זיין, און זיך מחזק זיין אין דעם, און געבן כח צו גיין ווייטער

מגדל עוז שם ה' בו ירוץ צדיק ונשגב
אויף דעם פסוק זאגט די הייליגע רש"י צוויי ווערטער "והוא מתחזק". קאמענטארן זענען איבעריג. 
די רלב"ג איז אביסל מער מאריך "הנה, שם ה' הוא מגדל עוז, כי בו עוז לאדם ותוקף עד שלא ינצחהו שום דבר רע, ובו יחסה מכל מזיק מחוץ, כי השם יתברך אשר דבק בו יצילהו וכו'"

מי ימלל גבורות ה' ישמיע כל תהלתו
פון ווי נעמט מען ווערטער, צו דאנקען דעם הייליגן בורא אפילו אויף איין ריינעם טאג, און ווער רעדט נאך פון 160...

הוא יתברך עושה נסים לכל הבוטחים בו
נאר וואס דען, די הייליגע טאטע טוהט נסים, ווען ער זעהט אז מען פארלאזט זיך נאר אויף איהם

קול דודי הנה זה בא מדלג על ההרים
דאס גייט ארויף אויף די געוואלדיגע אהבה וואס אונזער ליבער טאטע אין הימל האט צו אונז, אז ער איז מדלג על ההרים - די יצר הרע איז דאך נמשל להר - ער איז מדלג אויפן יצר הרע, ער העלפט אונז אריבער שפרינגען דעם יצר הרע, און זיך האלטן ריין.

כנפי יונה נחפה בכסף
די גמ' זאגט אין שבת דדמיא כנסת ישראל ליונה שנאמר כנפי יונה נחפה בכסף ואברותיה בירקרק חרוץ מה יונה זו כנפיה מגינות עליה אף ישראל מצות מגינות עליהן וכו':
זאל די רבוש"ע העלפן פאר מיר און פאר אלע חברים דא אין הד"א אז די זכות פון די אלע הייליגע ריינע מינוטן, שעה'ן, טעג, וואכן, חדשים, און יארן, פון אלע חברים דא צוזאם, זאל מגין זיין אויף אונז אלע צו האבן אונזער ישועה פרטית, און אויף גאנץ כלל ישראל צו האבן די ישועה כללית בב"א.

אשריך! און מזל טוב!
הערליך שיין.....

גאנצע 25 טעג זענען פארלאפן זינט צדיק12 האט זיך געלאזט הערן אין זיין ווינקל.
צוויי פעידזשעס מיט פרישע טרעדס האבן עס שוין באדעקט.
איך האב עס ארויסגעשלעפט נאכצוקוקן דא עפעס.....

ריכטיג, ער האט שוין לאנג נישט געשריבן אין זיין אייגענע טרעד, אבער שוין איינמאל געשריבן מחזק צו זיין אנדערע חבירים וידידים, קוקט אויס אז ער הארט מחליט געווען אז אויף יעצט איז אים דאס וויכטיגער. איך מיר גייען דאך אלעמאל מיטן כלל אז יעדער דארף טון וואס ער שפירט אז ס'ארבעט די מערסטע פאר אים.

קוקט אויס ערגעץ חלילה מיאוס געגלי...
אויפן צורך עליי' לייטער כ'האף ס'נישט עכט נאר אין חלום אזוי געקלערט.

טייערע הייליגע ברידערלעך, איך בין ב"ה דא געזונט און ריין, איך קום כמעט יעדן טאג ארויף דא אויף הד"א, עס האלט מיר ביים לעבן, ביים כי הם חיינו ואורך ימינו.

אבער ליידער בין איך לעצטנס שטארק פארנומען מיט אנדערע ענינים וואס האלטן מיך ביזי, און איך האב נישט געהעריג די קאפ אויפן פלאץ און די צייט זיך צו זעצן שרייבן סתם אפדעיטס, ממילא שרייב איך נישט אויף מיין טרעד.

איך שרייב נאר ווען איך זעה אז איינער פון אונזערע חברים נויטיגן זיך אין א שטיקל boost. ווייל ווען יענעם'ס הארץ קלעמט, ווער איך זייער איבערגענומען.

איך האף אז בקרוב וועט די רבוש"ע מיך שענקען אביסל מער שלוות הנפש, וועל איך קענען שרייבן מער...

ווי אזוי קען מען טועם זיין א טעם גן עדן און א טעם פון חיי עולם הבא אויף די וועלט?! ווען מ'האט די זכיה צו פראווענען 187 ריינע הייליגע און לעכטיגע טעג!

אויב איך מעג, וויל איך מחולק זיין מיט דעם וואס די שרייבסט "ליידער" איך מיין אז דאס איז די שטערקסטע שליסל צו זיך האלטן ריין.....
און דאס וואס דו זאגסט אז דו שרייבסט נאר ווען איינער דארף א BOOST, אפשר טרעפסטו מיר די טאג וואס "קיינער" דארף נישט א BOOST ??
איך מיין דיך נישט צו אונטערייסן חלילה, נאר פונקט פארקערט אז דו זאלסט וויסן אז מיר ברויכן דיר האבן דא בכל יום ויום

צום ווידערזען

מחר יהי' האות הזה:

מארגן וועלן מיר זיך אלע מיטפרייען מיט דער גרויסער שמחה פון אונזער טייערע חבר וואס איז אן אינספעראציע פאר אונז אלע צדיק12 צו דער דערגרייכונג פון 200 טעג!

והברכה אחת היא:

אז כשם שהגעת צו 200 אזוי זאלסטו ווייטער קענען אנקומען צו נאך אסאך הונדרעטער און טויזענטער ריינע און הייליגע לעכטיגע טעג.

זאגסט אלע אמן!

איי....... א שאד אז די אטעטשמענט איז נישט גוט.

מ    יינע אויגן זענען דורכגעווייקט, הישמע כזאת, גאנצע מאתים ימי ם
א    מאל איין טאג אויך נישט געקענט, און יעצט כמה וכמה פעמי ם
ת    הלת ה' ידבר פי, וויל איך דאנקען דעם בורא כדברי חכמי ם
י     מין ה' עושה חיל, אז מ'ען זוכה זיין צו התהלך לפני והיה תמי ם
ם    את ה' היתה זאת, אז עס ווערט מקויים שמוני נוטרה את הכרמי ם

מזל טוב! מזל טוב!

כה יוסיף וכה יתן ה'!

טאלאנט!
מייסטערווערק!
איך רעד פון די 200 טעג.
און פון די פאום אויך.

מזל טוב !!
זאל השם העלפן די זאלסט ווייטער שטייגן בטהרה ובשמחה
עס זאל דיך זיין גוט ברחניות ובגשמיות

י"ג עקרים - לחברי הד"א

א גוטן מיינע טייערע חבירים, הגם איך האב שוין לאנג נישט געשריבן, בין איך נאך אבער אלץ דא, עיני ולבי שם כל הימים, איך אפדעיט כסדר מיין טשארט, און איך בליק אריין דא דארט אינעם פארום מיטהאלטענדיג למחצה לשליש ולרביע דא שיינע און הייליגע שמועסערייען אינעם פארום, אבער צו שרייבן זעלבסט בין איך נישט אנגעקומען צוליב מאנגל אין צייט – ומה שהרצון חושק הזמן עושק.

למעשה האבן מיר די טייערע חבירים דא געבעטן אריינצו-ווארפן עפעס, און היות איך האב דאך אזוי הנאה, און אזא הכרת הטוב צו קהילות הדא, האב איך מחליט געווען אז איך מוז שוין עפעס שרייבן, און דאסמאל טאקע עפעס וואס איך גלייב אז דער עולם וועט שטארק הנאה האבן דערפון.

איך וויל מיר אויך פון פארויס באדאנקן פאר מיין טייערע חבר ידיד נפשי וידיד כל חברי הדא ה"ה אונזער טייערע חבר "אחכה לו", וואס איז עומד לימיני במסירות נפלאה בכל עת ועונה, ובפרט האט ער מיר שטארק ארויסגעהאלפן מיט דער פאלגענדער תגובה.

עס איז אויסגעשטעלט אויף א פארום פון 13 "אני מאמין'ס", וואס דאס זענען 13 גאר וויכטיגע יסודות וואס מיר דארפן כסדר געדענקן און זיך חזר'ן אז מיר זאלן קענען מצליח זיין מיט אונזער מלחמת היצר. איך וואלט פארגעשלאגן דאס ארויסצופרינטן און האלטן ביי זיך אין טאש, און דאס זאגן לכה"פ איינמאל א טאג, און מיט'ן באשעפער'ס הילף וועט דאס פיל פארגרינגערן זיך צו האלטן און בלייבן ריין.

איך האף אי"ה אין קומענדיגע תגובות, אביסל מער מאריך זיין אויף יעדע איינס פון די אני מאמין'ס, און אריין גיין אביסל טיפער דערין, צו פארשטיין די וויכטיגקייט און תועלת דערפון.

 א.     אני מאמין באמונה שלימה שרצוני האמת לעשות רצוניך, ומי מעכב, שאור שבעיסה.

איך גלייב באמונה שלימה אז איך בין א הייליגע נשמה א חלק אלקי ממעל וועלכע וויל נאר טוהן דיין רצון באמת, און מוטשעט זיך מיט ביטערע שווערע נסיונות וואס דער יצר שטעלט אלץ אינטער לכל אורך הדרך.

ב.     אני מאמין באמונה שלימה שהשטן המשחית משתדל בכל פעולות שבעולם להכשילני ולהחטיא אותי.

איך גלייב באמונה שלימה אז דער שטן המשחית וועט ניצן אלע מיטלען אין די וועלט מיר מכשיל צו זיין, און מיר צו מאכן זינדיגן.

ג.      אני מאמין באמונה שלימה שכחי ועוצם ידי בלבד לא יועילני לנצח את היצר הבוער בקרבי ואלמלא הקב"ה בעזרי איני יכול לו.

איך גלייב באמונה שלימה אז איך בין נישט ביכולת אליין מיט מיינע מענטשליכע כוחות צו באזיגן דעם יצר הרע וואס פלאקערט אין מיר מיט א פלאקער און ברען, און אן די הילף פונעם רבוש"ע קען איך גאר נישט טוהן.

ד.      אני מאמין באמונה שלימה שאבותי ואבות אבותי דבעלמא דקשוט וכל מלאכי ושרפי מעלה, עומדים ומצפים להצלחתי.

איך גלייב באמונה שלימה אז מיינע אבות הקדושים בעלמא דקשוט, און אלע שרפי מעלה שטייען און ווארטן אויף מיין הצלחה.

ה.     אני מאמין באמונה שלימה שבכל רגע ורגע שהנני מקיים לא תתורו אחרי לבבכם ואחרי עיניכם, הנני עושה רושם אדיר בעולמות עליונים.

איך גלייב באמונה שלימה אז יעדע רגע וואס איך האלט מיך איין פון מיינע נסיונות, און יעדע רגע וואס איך האלט מיך ריין, מאכט עס א געוואלדיגע רושם אין הימל.

ו.        אני מאמין באמונה שלימה שאין הקב"ה בא בטרוניא עם בריותיו ואינו מנסה אותי בנסיונות שאין בי יכולת לעמוד בהם.

איך גלייב באמונה שלימה אז די באשעפער קומט נישט מיט קיין געוואלד אויף זיינע קינדער, און עס איז קלאר אז די רבוש"ע געבט מיר נישט קיין נסיון וואס איך קען נישט בייקומען.

ז.       אני מאמין באמונה שלימה שהבא לטהר מסייעין אותו.

איך גלייב באמונה שלימה אז אויב איינער טוהט פעולות זיך צו האלטן ריין, העלפט מען איהם פון הימל.

ח.     אני מאמין באמונה שלימה שהבורא יתברך שמו שומע תפלתי, ובפרט כשאני מתפלל להינצל מפגעי היצר הרע ושהוא יצילני ממצודתו.

איך גלייב באמונה שלימה אז די רבוש"ע הערט מיינע תפילות, און אז איך בין מתפלל צו איהם, מיר צו העלפן מיט מיינע נסיונות, וועט ער מיר ראטעווען פון דעם שטן'ס ביטערן נעץ.

ט.     אני מאמין באמונה שלימה שהקב"ה ברא היצר הרע, והוא ברא התורה לתבלין כנגדו.

איך גלייב באמונה שלימה אז די באשעפער אליין האט באשאפן דעם יצר הרע, און ער האט אויך באשאפן די תורה, וואס דאס איז די מעדיצין צו קענען באזיגן דעם יצר הרע.

י.        אני מאמין באמונה שלימה  שאע"פ שנכשלתי בנסיונותי, אשתדל להמשיך ללחום כי שבע יפול צדיק וקם.

איך גלייב באמונה שלימה אפילו ווען איך פאל אדורך, וועל איך פרובירן זיך אויף צו שטעלן און ממשיך זיין ווייטער מיטן מלחמת היצר, ווייל שבע יפול צדיק וקם.

יא.   אני מאמין באמונה שלימה שאין שום יאוש בעולם כלל, ויאוש הוא עצת היצר להחזיק אותי במצודתו.

איך גלייב באמונה שלימה, אז עס טאר נישט זיין קיין שום יאוש אין די וועלט, און אז יאוש איז די עצת היצר מיך צו האלטן איין געשפארט אין זיין נעץ.

יב.   אני מאמין באמונה שלימה שאע"פ שיתמהמה הנצחון לבוא עם כל זה אלחום בעקשנות, ואחכה לו בכל יום עדי נזכה לנצח אותו.

איך גלייב באמונה שלימה אז אפילו מיין הצלחה און נצחון וועט זיך פארזוימען צו קומען, פון דעסטוועגן דאך וועל איך ממשיך זיין די מלחמת היצר מיט אן עקשנות ביז איך וועל זוכה זיין צו זיין ריין.

יג.    אני מאמין באמונה שלימה שהתאוה בוערת בקרבי עד לב השמים עם כל זה הסנה איננו אוּכָּל ונשמתי הטהורה איננו נשרפת לגמרי.

איך גלייב באמונה שלימה אז אפילו די יצר הרע פלאקערט אין מיר אויף א געפערליכע פארנעם, אבער א אידישע נשמה ווערט קיינמאל נישט פארברענט, און קען אייביג תשובה טוהן.