חברה, איך עפן אויף דעם טרעד און איך בין עס מקדיש אז חברים וואס טרעפן זיך איינע מיטן צווייטן זאלן דא אהערברענגען רעפארטס פון זייער פגישה.

איך הייב אן מיט די היינטיגע באגעגעניש צווישן עד כאן, יחיאל און מיך.
יחיאל האב איך באגעגנט צום ערשטן מאל, און איך בין נתפעל געווארן פון וואספארא טייערע לעכטיגע יונגערמאן מ'רעדט דא און זיין ווילן צו טוהן וואס איז ריכטיג האט מיך שטארק מחזק געווען.
עד כאן האב איך שוין באגעגענט איין מאל און שוין עטליכע מאל גערעדט צו אים אויפן טעלעפאן. אבער יעדעס מאל וואס איך רעד צו אים קומט ארויס פרישע חידושים און איך בין מקבל פון אים אסאך קלוגע געדאנקען.
די מיטינג האט געדויערט ארום 45 מינוט, ס'איז געווען אזוי געשמאק אז איך האב ניטאמאל באמערקט ווי די צייט פליהט.
אונז האבן דורכגערעדט פארשידנס, אבער א גרויסע חלק פון די שמועס האט זיך געדרייט ארום די פארזיכטיגקייט וואס מ'דארף האבן לגבי מיטיילן פאר די ווייב.
איך בין ארויס מיט א שטארקע חיזוק אז איך האב מיט וועם דורכצושמועסן אויף אזא געשמאקע אופן מיינע שוועריקייטן און נסיונות. און אויך האב מיך שטארק מחזק געווען צו זעהן ווי טייערע זיידענע יונגעלייט טוען די ריכטיגע זאכן פאר זייער רפואה שלימה.

קביעין כן תהון בהנהו חבורתא!

איך האב ארויסגענומען חוץ פון דאס וואס אוז''ע האט געשריבן
איך האב געזעין צוויי טייערע יונגערלייט וואס ארבטען באמת צו זיין אמת'דיג מיט זוך אליין  און מיט די בני בית . עס האט מיך געגעיבן א שאקעל ווי ביסטו ווען גייסטו אנפאנגען צו זיין אמת'דיג מיט דיר .און נאך מער מיט דיין בני בית 
בעזהש'י בקרוב

איך בין ענק מקנא...
משהלע, איין טאג גייט עס פאסירען...

איז אזוי, משה'לע איז אביסעלע שפעט דא, ווייסט דאך ער איז נעבעך אזא צוריקגעבליבענע אינגל, אבער בעסער שפעט ווי קיינמאל.

איך האב מיר געטראפן מיט אוז''ע עטליכע וואכן צוריק, געווען דעמאלטס א קורצע באגריס, אבער די רושם וואס די אינגערמאן האט איבערגעלאזט אויף מיר איז מיר געבליבן שטארק איינגעקריצט, א אינגערמאן מיט פארשטאנד, שכל הישר, און באמת א געשמאקע אינגערמאן.


חילי האב איך געטראפן דאכט זיך 2 אדער 3 וואכן צוריק, די זכרון ארבייט מיר שוין נישט אויף דער עלטער, ווייסט דאך משה'לע איז א לעפט בעק פאר א סיבה, אקעי, חילי די שמייכל, אוי יע, שוין איינמאל א שמייכל, געשמאק בע'טעמ'ט, געקומען אן די רוקן עטרה טאקע, אבער חילי מעגסט עס אנטוהן אפילו אינדערוואכן! מען קען אסאך לערנען פון דיר. איך בין געווען ממש איבערגענומען ביז טרערן ווען חילי האט געשריבן אז נאך אונזער צוזאמטרעף האט ער געמאכט א דראסטישע שריט, און גערעדט צו זיין פערזענליכע דיין איבער זיין מצב, חילי בוזט א סעמפל פאר מיר וואס מיינט ''טוהן'' ריקאווערי, נישט סתם רעדן.

די דאזיגע וואך האט השם צוגעפירט אונזער מעמד שלשתן, ווען משה'לע האט זיך געטראפן מיט אוז''ע און חילי אינאיינעם, געווען א געשמאקע פארברענג, ווייסט דאך משה'לע איז דארט געווען אזוי צוריקגעבליבן,איך האב מיטגעברענגט די רבי'ס טיש כדי משה'לע זאל זיך קענען אראפזעצן לעבן דעם, מיר האבן אסאך ארויסגענומען פון די שמועס נעכטן, אסאך געלערנט פון ביידע, עס איז מיר א כבוד זיך צו האבן באקענט פון די נאנט מיט אזעלעכע צוויי טייערע אינגעלייט.

עד כאן געשריבן on ט"ז אלול התשע"ט 09:36:

אונז דארף מיר נאך אזאלעכע צוריקגעבליבענע יונגלעך ווי דיר משה'לע... רוף דיינע חבירים...

דאס קען איך נישט מער ווי בלויז באשטעטיגן די וואהרהייט דערפון, נאכדעם וואס איך האב אויך געהאט די געלעגענהייט זיך צו טרעפן מיט אים פאר עטליכע וואכן צוריק, א אברך כמשמעו וכמדרשו מט אלע מפורשים, מלא טעם וחן נסוך על פניו.

שכח משה'לע און חילי פארן אריינקומען מיט א ריפארט און א פערזענליכע שכח פאר די קאמפלימענטס וואס ענק (און אחכה) פארגינען מיך און גיסן כשמן הטוב על שבעה קני המנורה.
לאמיר נישט פארגעסן אז די ציהל פון דעם טרעד איז נישט צו געבן א פלאטפרמע צו גיסן שבחים איינער אויפן צווייטן, די עיקר ציהל איז אז חברים וואס דרייען זיך דא אויפן סייט און פארשטייען אז ס'איז דא אן אופן צו אפהאלטן א סעיף, אנאנאנימע, קאנפידענשל באגעגעניש נאר מחמת בושה, פחד וכו' זענען זיי נאכנישט גרייט צו נעמען אט דעם געבענטשטן שריט, זאלן דא קענען טרעפן באריכטן וויאזוי אזא באגעגעניש גייט צו, און הערן וויפיל תועלת ס'קומט ארויס פון דעם. וישמעו רחוקים ויבואו.

 די צווייטע צוזאםטרעף איין טאג נאכן צווייטען
בין איך ג'זעצן אין בית מדרש    צו שששאאאאא משלים זיין זאכען פון שחרית [ליידער זוך געיאגט היינט]
אין פליצלינג איינער שטרעקט אויס זיין האנט צו מיר,  "ס'געוועין אוז''ע "  איך בין געוועיזן אין שאק ,אבער עס איז ב''ה אריבער זייער פיין

א גרויסע יישר כח פארן עפענען אזא טרעד עס איז א געוואלדיגע געדאנק

איך האב געהאט די זכי' פארגאנגענע וואך זיך צו טרעפן מיט משה'לע, דאס איז געקומען נאך א לענגערע שמועס אויפן טעלעפאן, ער גיט מיר אינמיטן אזא פרעג אויב איך וואלט מסכים געוועהן זיך צו טרעפן, ער גייט פונקט זיין שפעטער אין מיין געגנט,
איך בין געווארן אביסל פארלוירן גיט ער מיר א זאג סאיז מעגליך אז היינט גיין געשהען מיט דיר עפעס וואס גייט טוישן דיין לעבן אויף אייביג, 
צו דעם האב איך מיר שוין צוגעכאפט, מהאט אפגעשמועסט א זמן, און מהאט זיך געטראפן, מיר האבן פארברענגט בערך א שעה,
וואס זאל איך ענק זאגן, ער האט מיר נישט דיסעפוינטעט, און יא איך האב שוין נעכטן געטוען א דראסטישע שריט וואס איך ווייס נישט צו איך וואלט דאס געטוען ווען נישט אינזער וויזיט,
איך האב געוואלט אביסל ארויסברענגן די מעלות פון דעם משה'לע און וואו איך בין נתפעל געווארן פון זיין גרייטקיט צו העלפן יעדן איינעם אין יעדע צייט, אבער אוזל"ע האט שוין געשריבן אז נישט דאס איז די ציהל פון דעם טרעד, ועוד סאיז דאך בפניו זאגט מען דאך נישט כולו, און איך ווייס דאך אז ער גלייכט דאס נישט.
אבער ווער סוויל קען קומען אין פ"מ....

פון די אנדערע זייט דארף מען זיכער מאכן מיט זיך פאר מטוט דעם שריט אז מגייט נישט דערלייגן דערויף.
איך ווייס פון מער פון איינעם דא וואס האבן געארבעט פעסט מיט א צווייטן, אבער די מינוט זיי זענען געוואר געוורן ווער דאס איז האבן זיי זיך אנגעפאנגן שעמען פון אים און סהאט געשטערט צו גיין ווייטער,
ממילא פאר איר מאכט דעם באשלוס זיך צו טרעפן מיט איינעם מאכט זיכער אז סגייט אייך נישט שטערן פאר ריקאווערי.

יעצט גערעדט צו חיים חייקל א געשמאקע קלוגע אינגערמאן א צדיק פון א איד 

אין שום יאוש געשריבן on י"ח אלול התשע"ט 11:00:

שכח פארן באריכטן.
געטראפן לייוו אדער גערעדט אויפן פאון? (לכתחילה האב איך געגרינדעט דעם אשכול פאר לעבעדיגע באגעגענישן).
קענסט איבערגעבן מער פרטים?

נאר אויפן פאון 

נישט געוואוסט אז עס איז נאר פאר לייוו

טענקס מיי פרענד

אין שום יאוש געשריבן on י"ח אלול התשע"ט 16:13:

אפשר איין טאג וועט עס זיין לייוו.......

שכח פארן עפענען דעם טרעד עס איז זיכער א גוטע זאך און דינט דעם ציל ווייל נאכן צליינען וואס דא שטייט הייב איך אן צו קאנסידערן זיךל צו טרעפן מיט בני החבורה וואס איך האב מיט זיי שייכות אויפן טעלעפאון

זיך געטראפן היינט מיט tuli
א געשמאקע אינגערמאן, מלא כשרונות, א בר דעת, ווייסט וואס ער וויל, און ווי ער וויל אנקומען, ממש מיר אויפגעלעבט, ישר כח tuli, איך קען אסאך לערנען פון דיר.

יעצט זיך געטראפן מיט שלאמקע א טייערע קלוגע באמת דורכגעטראכטע אינגערמאן א מחי' געווען יעדע מינוט

זיך געטראפן היינט מיט אין שום יאוש גערעדט האבן מיר פאר א קנאפע צוויי שעה, 
איך מיז ענק זאגן דא רעדט מען פון א אינגערמאן וואס איז אזוי קלאר ביי זיך, גרייס צו העלפן יעדן איד, א שכל הישר, ממש א מחיה געווען צו רעדן מיט אים.  
די צוויי שעה האט אויסגעקוקט ווי צען מינוט. 

זיך געטראפן היינט מיט helpmeasap 
זייער הנאה געהאט, יעצט ווען איך וועל זעהן די סמיילי ווייס איך שוין ווער עס איז, זייער א ערענסטער געשמאקע אינגערמאן, געווען א פארגעניגן צו פארברענגען צוזאמען.

יא יא, האמיר געהאט די זכיה זיך צו טרעפען פנים אל פנים מיט אונזער משה'לע פאר באלד איינס און אהאלב שעה, און וואס זאל איך ענק זאגן,
ס'ווערט געווען א יעדע סעקונדע!
ס'געווען א אמת'ע שעה של קורת רוח! 
מ'רעדט דא פון א אמת'ע געלונגענע און געשמאקע אינגערמאן !!

איך האב אים געזאגט פאר דעם אז איך ווייס נישט ווי לאנג אונז וועלמיר קענען פארברענגען, אבער איינמאל מ'האט זיך געטראפן האט זיך דער זייגער אפגעשטעלט....

א גרויסען יישר כח משה'לע פארן אוועקגעבן דיין צייט פאר מער שלא ע"מ לקבל פרס. און בד"וו אין ביהמ"ד בין איך בכלל נישט אזא ערענסטע מענטש, אבער מיט א נייע מענטש איז אביסל אנדערש...

נ.ב. איך וואלט געראטן א יעדעם איינעם זיך צו אוועקלייגן די בושות און טון צו דער זאך, ס'איז א מורא'דיגע געשמאקע פילינג וואס מ'קען דאס נישט פארשטיין פארדעם צו קענען רעדן מיט א מענטש וואס איז אויף דער סעים פעידש ווי דיר
טעמו וראו כי טוב !!!!!

הצלחה רבה

איך האב דעם שבת זיך געטראפן מיט אונזער טייערע חבר יונה עס איז געווען אויף אן אינטעסאנטע אופן ומעשה שהיה כך היה

איך האב געהאט גערעדט מיט יונה איינמאל און מיר האבן זיך געקאנטאקט אויף הענגאויט און איינמאל ווען איך האב גערעדט מיט אים בין איך דעמאלטס געווען אויסגעשפארט פון הד"א און איך האב אים געבעטן אז עכר זאל פאוסטן אז איך בין נאך ריין און ער האט דאס געפאוסט און איך האב באקומען אויף אימעיל דעם פאוסט האב איך געשיקט אויף אימעיל א שכח פאר יונה אבער בטעות האב איך עס געשיקט פון מיין אפיציעלע אקאונט און מיטט דעם אויפגעדעקט מיין נאמען אבער יונה האט דעמאלט נישט געוויסט ווער איך בין.

דעם געוועזענם שבת האב איך געמאכט א שמחה ב"ה און נאך שבת באקום איך א אימעיל פון יונה ווי ער פרעגט די ווייסט שוין ווער איך בין? זאג איך אים ניין פארוואס טראכסטו אז יא? זאגט ער מיר ווייל איך בין געווען ביי דיין שמחה און ווען די האסט מיר געוואונטשן  האט אויסגעקוקט ווי די קענסט מיר. האב איך גזאגט אויב די ווייסט ווער איך בין וויל איך אויך וויסן ווער ביסטו און דאן ווען ער האט מיר געזאגט דעם נאמען האב איך געהאט אזא שאק אז אפילו היינט ווען איך טראכט דערפון בין איך נאך שאקירט איך האב באמת נישט געקענט גלייבן אז א מענטש קען זיין אזי אנדערש ווי ער נקוקט אויס פונדרויסן און איך האב מיר דערמאנט אז ווען ער איז געקומעןם צו מיין שמחה האט איך מיר געוואונדערט צו ער האלטא אז איך קעו אים

נעכטען האבן מיר זיך ווידער געטראפן אוון מיר האבן די ערשטע מאל געירדעט פנים אל פנים געווען א געשמאקע און וויכטיגע שמועס איף פיל אז איך קען מיר אסאך לערנען פון אים

מה' מצעדי גבר כוננו דרכו יחפץ

א גוטן מועד‎
יעצט געטראפן אוז"ע'לע
‎געשמאקע קורצע שמחת בית השועבה געווען‎
צום ערשטן מאל געטראפן!!
באמת נישט צום ערשטן מאל, מהאמיר זיך שוין אסאך מאל געטראפן,
אבער צוום ערשטן מאל זייט מיר קענען זיך באמת, 
איך וואלט געוואלט לענגער אבער מהמיר געמוזט מסיים זיין
איך האף כוועל מיר מיט אים נאך קענען טרעפן מער און פארברענגען
יעצט העמער לאזן אוזל"ע מיט זיין פעדער'ל ארויסברנעגן זיינע הרגשים פון אונזער פגישה

עומד בנסיון געשריבן on י"ז תשרי התש"פ 13:35:

איך האב זייער הנאה געהאט פון די קליינע\גרויסע פארברענג מיט מיין אלטע\נייע חבר עומד.
ס'איז געווען - ווי געשריבן - א קורצע, מסתם קוים 5-10 מינוט, אבער געשמאק. ס'איז נישט געווען קיין איבערבייס צוגעשטעלט (חוץ לסוכה) אבער איך האב מיך באלעקט מיט די שמועס.
אונז האבן דורכגערעדט די חילוקים פון SA און PP, גערעדט איבער מעמבערס און טעראפיסט'ס וואס שטיצן ביידע זייטן (אדער קיין איין פראגרעם). אונז האבן געשמועסט פון די אומגלויבליכע פראגרעס פון האנעסטי וואס אונז ביידע זעען אין זיך, און ווי אויך אז אסאך מאל מיינט מען אז מ'איז האנעסט אבער מ'איז נישט, אונז האבן געשמועסט איבער די געשמאק און די תועלת פון טרעפן און פארברענגן מיט חברים פון די סייט און אין רעקאווערי.

טוט'ס אונז נאך! באגעגנטס זיך מיט (סעיף) חברים! טעמו וראו כי טוב!
א גוטן מועד!

ווען וועל איך שוין קענען שרייבען און דעם אשכול אז איך האב זיך געטראפן מיט איינעם?
איין באשעפער ווייסט

friend געשריבן on כ"ח תשרי התש"פ 04:02:

איך בין גרייט אויב דו ווילסט און אויב דו שפירסט עס וועט דיר זיין לטובה.

איך בין אביסל שפעט. אבער בעסער שפעט ווי איידער קיינמאל!

1) איך האב מיך געטראפן (שוין פאריגע וואך) מיט אונזער חבר "יש בורא עולם", די באגעגעניש איז געווען גאנץ א קורצע, אבער ס'איז ארומגענומען מיט לאנגע טעלעפאן קאלס פארדעם און נאכדעם.
אונז האבן מיר געשמועסט פארשידנס. איך בין זייער סורפרייזד ווי אנטשלאסן ער איז צו טוהן וואס ס'איז ריכטיג, און ער האט מיך אביסל מיטגעטיילט וויפיל ער האט זיך געטוישט זייט ער ארבעט אויף זיך און ווי שטארק זיינע ארומיגע פילן עס. ס'איז אמעיזינג.
ער טוט אסאך שטארקע סטעפס דעי טעג, איך שעץ אים, לערן זיך פון אים און נעם חיזוק פון דעם.
"יש בורא עולם" איז א חשוב'ע אינגערמאן א בעל צורה און איך האב זייער הנאה געהאט זיך צו טרעפן און מאכן א קשר מיט אים.

2) איך האב געהאט (אויך פאריגע וואך) א אייגנארטיגע באגעגענישט מיט אונזער חבר "פראביר נאכאמאל", די באגעגענישט איז פארגעקומען דורך די הענגאוטס ווידיאו קאל, ער האט מיך מיטגעטיילט אז ער איז 3 חדשים אין א פראגראם און די טויש וואס ער זעהט.
אונז האבן אויך געשמועסט וועגן "משה'ס טעלעקאנפרענץ" און וועגן די וויכטיגקייט פון האלטן קאנטאקט מיט חברים וואס קענען געבן סופארט.
כאטש ס'איז געווען היפש טונקל דארט וואו ער האט גערעדט האט זיין לעכטיגע פנים ארויסגעשיינט און איך האב הנאה געהאט אים צו זעהן.

טוט'ס אונז נאך! באגעגנטס זיך מיט (סעיף) חברים! טעמו וראו כי טוב!

ich vil zan ehrlich געשריבן on ו' חשון התש"פ 22:23:

נעכטן אפגעמאכט מיט איינעם צו רעדן אויפן טעלעפאן 
אבער ער האט נישט אויפגעהויבן

זיך געטראפן מיט Dac2813 נעכטן נאכט, באמת האב איך געטראכט צו רעדן נאר געציילטע מינוט אבער די זייגער איז אזוי שנעל געלאפן איך האב אליינס נישט געגלייבט אבער עס איז ווערט געווען יעדע רגע.

באמת האב איך שוין גערעדט מיט אים אויפן טעלעפאן שוין א צייט צוריק, און מיר האבן זיך גלייך איינגעטוישט אידענטיטעט, אבער נעכטן איז מיר אויסגעקומען זיך פערזענליך צו טרעפן מיט אים, און איך בין באמת נתפעל פון אים, א יודע ספר, א ריכטיגע חסידישע אינגערמאן, שטארקע טאלאנטן, און א הערליכע עתיד אי''ה.


איך האב זיך אויך געטראפן שוין א צייט צוריק מיט שלום גאנץ, א פיינע חסידישע אינגערמאן, אוי די שמייכל אויף זיין פנים ווערט אלע געלטער.

וואס זאל איך זאגן וועם האב איך געטראפן?  אה... יונהלען אבער וועל יעדע פגישה דא באריכטן קען עס ווערן א אפטע זאך 

אבער א שטיקל הספד מיז איך זאגן סיי ווייל דער מנהג איןם דעם טרעד איז אז מיט די זיך טרעפן קומט מיט א  הספד און אויך ווייל אטיך דארף ענטפערן אויף יונהס פאוסט

יונה איז באמת גאר א חשובע איך קלוגער יונגערמאן זייער צו די זאך איך האב שוין אמאל אים גערופן ווייל איך האב געדארפט הילף אין אן אנדערע נ ושא ער איז גרייט צו העלפן אנדערע מיטן גאנצן הארץ. שוין, גענוג געווען

אחי ורעי. איך זעה די עולם טרעפט זיך דא אינגרויסן.
איך געב א קוק אויף מיר, וועמען האב איך געטראפן????
אהה. איך האב געטראפן מיר אליין!!!!!
איך האב געטראפן דעם רבוש"ע!!!
איך האב געטראפן די ריכטיגע וועג!!!

איך האב אלעמאל געבלאנדשעט, תעיתי כשה אובד. אבער יעצט מיטן הילף פון השי"ת, האב איך זיך געטראפן, איך האב געטראפן מיין טאטען אין הימל. איך האף צום רבוש"ע ער זאל מיך העלפן איך זאל מיך מער נישט פארלירן.
טאטע אין הימל איך בלייב מיט דיר!! איך גיי נישט אין ערגעץ!!!

יא האב איך געהאט די זכיה זיך צו טרעפן מיט משה'לע, א אמתע ווארימע חסידשע איד פון די טאפ אף די טאפ, וועט נישט סעטלען אן עינטינג באט די בעסט, ארבעט זייער שטארק אויף זיך אויף די נושא און בכלל אויף זיין גאנצע קערקטער

געהאט זייער א געשמאקע שמעוס קודם וועגן די בושה פון זיך מגלה זיין און די שרעק אז מוועט אנטרעפן איינעם וועם מקען, דערנאך האט ער מיר מסביר געווען אז מדארף ארבעטן צו פארעכטן אונזער פראבלעם נישט צו טרעפן וועגן נישט צו פעיסן אונזער נסיון, למשל זיך אויסטון די גלעזער ווען מגייט און גאס, אוודאי איז עס זייער גוט צו טון אבער אויב דאס איז דיין מהלך וואס גייסטו טון ווען דו קענסט נישט אויסטון דיין גלעזער למשל ווען די דרייווסט?  אונז האבן אנגעהויבן צו ארומרעדן וועגן די 12 סטעפ פראגרעם אבער איך האב שוין געמוזט לויפן

רבותי ס'נישט אזוי שרעקעדיג ווי דו מיינסט אויב פילסטו אז דאס קען דיר העלפן דשאסט דא איט! שטופ עס נישט אפ, וועסט אי"ה שטארק הנאה האבן    

וואס העלפט זיך טרעפן?
פארוואס איז נישט געניק רעדן אויפן טעלעפאן?

friend געשריבן on ט' חשון התש"פ 03:25:

אינו דומה שמיעה לראיה

עד כאן געשריבן on ז' חשון התש"פ 17:36:

יא עס האט זיך געלוינט, איך בין זייער נתפעל געווארן, וואס דאס מיינט א איד וואס האט גענומען גאר גרויסע שריט און לעבן, און ער האט מצליח געווען צו טוישן און איבערדרייען זיין גאנצע מציאות, ממש הכרת פניו ענתה בו, די איידלקייט ערליכקייט יראת שמים מידות טובות, איך בין ממש ארויס פון די כלים.

אבער מער פון אלעס בין איך נתפעל געווארן פון די גרייטקייט צו העלפן א צווייטן מיטן גאנצן הארץ, און דער געפיל וואס ער האט מיר געגעבן אז ער איז נישט דא מיר צו העלפן, נאר פאר זיך.
דאס איז באמת א סימבאל פון מידות טובות

Dac2813 געשריבן on ט' חשון התש"פ 04:03:

איך הער 
נאר דאס?

friend געשריבן on ט' חשון התש"פ 04:52:

ניין איך האב געמיינט צו זאגן אז דאס איז א זאך וואס מען קען נישט מסביר זיין
דארפסט עס אליין פרובירן זיך טרעפן מיט איינע פון די טייערע חברים וואס זענען גוט אויסגעקאכט אין די נושא, עס קען דיר גאר אסאך העלפן.
נישט איינער וואס איז פריש אין די נושא אזוי ווי מיר.
נאר דוקא איינער וואס איז שוין דא יארן און ער איז גוט אויסגעקאכט

friend געשריבן on ט' חשון התש"פ 03:25:

א גוטען פריינד איך פארשטיי דיך זייער גוט, איך בין אין די זעלבע מצב פין דיך עס איז מיך זייער שווער אויף צי דעקען מיין פנים אין אפי מיין קול פין פחד... למעשה די לעצטע פאר טעג האב איך זיך גשריבען מוט א פאר מעמבערס זייער אסאך וואס האבין מיך(פאר מיין טובה) געבעטען אין אפי' אביסעל געמיטשערט איך זאל רעדען מיט זיי אופען אובער איך האב שוין א פאר מאל גטראכט אז איך גיי עס טהון אובער למעשה האב איך נישט געקענט ברענען צי דעם,
איך בין נעכטין געווען ביי מיין טערפיסט האב איך איהם פארציילט ועגען דעם האט מיך גזאגט אז עס דאס וואס איך וויל נישט רעדען מיט זיי דאס איז מיין קרענק ''פארוואס וויל איך נישט ווייל איך האב מורה אז זיי גייען אראפ קיקען אויף מיך'' דאס מיינט אז איך קיק אליינס אראף אויף מיך די בליק אויף זיך אליינס דאס איז סם פאר מיין קרענק
 אין אזוי האט איין חבר מיך געשריבען:
די קרענק לעבט פין אייסאלעשן, פין זיין פארמאכט מיט זיך,  יעדע עדיקט מוטשעט זיך מיט דעם, די קרענק שטארבט פין אפענקייט

למעשה מיט די אלע מעשות האב איז זיך נאך נישט געקענט זיך עפנען איין טאג אי"ה

5050 געשריבן on ט' חשון התש"פ 07:23:

וואס דען זאל איך מיך ארויף קיקען?

friend געשריבן on ט' חשון התש"פ 07:31:

יא ווייל די ביסט נישט קיין שגץ א חזיר די ביסט א קראנקע מענטש אין די ביסט זייער זייער א גוטע מענטש

אין שום יאוש געשריבן on ט' חשון התש"פ 07:37:

עס קען זיין א מיטל וועג 
נישט אראפ
נישט ארויף