לכל חברי קהילה קדישא הדין הע"י

שוין באַלד א חודש צוויי וואס איך ליין און איך קוק דא אין דער מקום קדוש. איך האב געליינט האלט און ניי, חדשים וגם ישנים בעבר ובהווה, פון די אלטע חברים און פון די נייע. מיין הארץ איז נתעורר געווארן מיט קנאת סופרים זעהנדיג צענדליגע טייערע יודן, יונגערע און עלטערע, וואס ווילן זיין וואויל און טוהן צו די זאך, זיי רייסן פון זיך שטיקער לשבר את הטבע כדי ריין ווערן און פטור ווערן פון די ביטערע תאוה וואס מאכט חרוב די מענטשט.

איך בין א עלטערע יונגערמאן, און די הויעכע דרייסיג, און איך לייד פון די תאוה שוין בערך 25 יאר! אנגעהויבן אזויווי ביי אסאך דא, אלס יונגער בחור, געשפילט אליין און מיט חברים, בעסערע תקופות שוואכערע תקופות, פארלוירן א טעם אין א מצוה און אין תורה, מיט די צייט אויפגעהערט שפירן א געפיהל און יעדע דבר שבקדושה, תורה תפילה עניני חסידות וכו'. אסאך מאל זענען דורך טעג און וואכן בלי תורה ובלי תפילה. ווען איך האב עס שוין יא געטוהן איז עס געווען נאר ווייל אלע טוהען, כמצות אנשים מלומדה. לכאורה האט דאס אלעס געהאט א שייכות מיט די תאוה וואס האט מיר אויפגעגעסן מבית ומבחוץ.

עס האט אויך געמאכט אזא חומה ארום מיר פון זיין באהאלטן און פארלאשן, זיך דערווייטערט פון מענטשטן און פון חברים, אָן האבן אן אמת'ע קירבה מיט אנדערע - וואס דאס לכאורה איז געקומען כדי באהאלטן די אינעווייניגסטע פחדים און חששות און בארואיגן מיינע אויסגעלאשענע געפילן. איך האב נישט געהאט אסאך אמת'ע חברים, ווייל די גאנצע צייט האב איך געלעבט מיט א חשש אז יענער ווייסט אויף מיר וכדומה, און דאס האט מיר געמאכט לעבן מיט חשדנות א גאנצע צייט. מורא האבן פון מענטשטן.

עס האט זיך געצויגן אלע בחורישע יארן וואס זענען ליידער ירדו לטמיון רח"ל. געהאפט אז נאך די חתונה וועט עס בעסער ווערן, אבער א נעכטיגן טאג, מיין גאנצע ציגאנג צום חתונה איז נישט געווען מיט א ריכטיגע וועג. צוליב מיין פארמאכטקייט און דערווייטערטקייט פון מענטשטן האב איך נישט ריכטיג און אמת'דיג אויסגהערט און מקבל געווען וואס די מדריך האט מיר אויסגעלערנט אויף הנהגת הבית בכלליות.

אזוי זענען דורך יאר נאך יאר נאך יאר, אָן טוהן קיין שום פעולה אויף זיך ארויס זעהן. געלעבט טריקענע און נישט אמת'ע לעבן, א צומישטע לעבן, מיט א געוואלדיגע ירידה ברוחניות וואס איז מיר שווער ארויס שרייבן, תוך כדי זיין שקוע אין די תאוה די גאנצע צייט. צומאל געטוהן אזעלעכע שטותים וואס איך וויל נישט טראכטן וואס וואלט געווען ווען מען כאפט מיר.

איבעריג זאגן אז מזמן לזמן האט מיר געכאפט א הרהור תשובה וחרטה, בפרט נאך ווען איך האב געהאט א חשש אז איינער איז ארויף אויף מיר וכדומה. אויך איבעריג זאגן ווי לאנג דאס האט געהאלטן, אמאל א שעה, אמאל אפאר שעה, אמאל א טאג און אמאל דריי טאג, אמאל אביסל מער.

משך די אלע יארן בין איך כלפי חוץ א שיינע חסידישע יונגערמאן מיט די גאנצע לבוש, מ'קוקט ארויף אויף מיר ביי אונז אין קהילה מחמת כמה סיבות, אבער לב יודע מרת נפשו ווי טיף איך בין אין די בלאטע. ווי איך לעב א דאפלטע לעבן. איך שפיר אזוי אראפ געקלאפט, כאחד הריקים, חוטא ומחטיא, איך שעם זיך פון געוויסע מענטשטן ווען איך גיי אין גאס, איך בין א פארמאכטע קאסטן פאר מיר אליין, כמעט וואס איך האב נישט נאנטע חברים, די קשר מיט ווייב און קינדער איז זייער שוואך און נישט גענוג. איך אליין האב רחמנות אויף זיי אבער איך שפיר ווי געבינדן צום קאמפיוטער מיט אייזענע קייטן! נישט אז די קאמפיוטער איז דער פראבלעם, איך בין דער פראבלעם, אבער כרגע איז עס דורך די קאמפיוטער [הגם עס איז מיט א שטארקע פילטער].

הרבה יותר ממה שכתבתי חקוק על לבי.

מקנא בין איך די וואס כאפן זיך אין די יונגערע יארן און טוהן אלעס וואס איז שייך זיך ארויס זעהן. ענק טוהן אזוי קליג און ריכטיג, ווייל ווי מער יארן וואס גייען דורך, ווערט עס אסאך אסאך אסאך שווערער. און אויב מ'טוהט גארנישט - בלייבט מען מיט דעם ביז.... ה' ירחם.

איך האף זייער זיך קענען מיט כאפן דא מיט די גוטע מהלכים, בסייעתא דשמיא און מיט די הילף פון די חברים. איך בכח עצמי האב איך שוין לאנג לאנג אנגעזעהן אז איך קען גארנישט!! מיינע קבלות זענען ווערט כקליפת השום און האלטן פון תענית אסתר ביז פורים.

וחפץ ה' בידינו יצליח.

שלום עליכם כבוד הרב .... שליט"א
איך גיי אויס פון התפעלות פון אייך, אזוי שטארק ארויסקומען אין אייער ערשטע צוויי פאוסט'ס, קוקט אויס ווי איר האט זייער א שטארקע רצון צו טוישן די ביז יעצטיגע.
בלייבט דא מיט אונז, דריי זיך ארום, און מיט די צייט וועט זיך די אייז אויפלאזן און צוקומען בעז"ה צו די ריכטיגע וועג, וואס איז גוט פאר אייך.
וואלט אפשר כדאי געווען צו קוקן די האנד בוק און דורכגיין סטעפ ביי סטעפ, וואס האב איך שוין פרובירט, ס'האט געהאלפן/נישט געהאלפן אויב האב איך עס נישט גוט/גענוג שטארק געטון לאמיר פרובירן נאכאמל אויף די גוטע/שטערקערע וועג.
אויך וואלט אפשר אויך כדי געווען צו אנהייבן א 90 טאג טשארט.
און יא, אזוי ווי אייער ניק נאמען לויטעט עס איז קיינמאל "נישט שפעט" (ווילאנג מ'לעבט)
איר זענט אנגעקומען אויף א גוטן פלאץ ב"ה

יהא בואך לברכה
דיין חבר נחום - איין קוק ווינציגער

איין קוק ווינציגער געשריבן on כ"א טבת התשפ"א 15:33:

דער אייבישטער זאל דיר גוט באלוינען אויף דיינע ווארעמע ווערטער.
איך ליין שוין די בוק, עס איז זייער שיין געשריבן און העפנט די אויגן.
איך זאל זוכה זיין נמנה מיט די חברים לדבר מצוה.

שלום עליכם נישט שפעט,
איך בין זייער איבערגענימען פין דיין קומען און שרייבן וואס ס׳קומט פאר מיט דיר.
לויט ווי איך פארשטיי האסטו 100 מאל לפחות זיך איבערגעטראכט זאל איך יא שרייבן אדער זאל איך נישט שרייבן, און זיך געבראכן און ארויפגעקומען אזוי קלאר.
די פאקט אז די ביזט אזוי קלאר מיט דיין מצב איז א ברכה, זעלטן מ׳זעהט דאס.
איך בין אין דיין יארגאנג (אפשר קענען מיר זיך) איך בין אויך אריבער בערך דאס, א יוד בלויז מבחוץ וכו׳ און יא עס האט געדוירט אפאר יאר און היינט האב איך אפאר שיעורים קבועים, איך דאווען כמעט שטענדיג מיט מנין, קשר מיט די ווייב אין די קינדער איז ב״ה געוואלדיג כן יעזור ד׳ 
​נישט שפעט זעץ דיר ארויף אויפן וואגן,
עס וועט דיר זייער ווייט טראגען.
מיר אלע זענען דא דיר צו זיין פאר הילף,
אויב די דארפסט אונז גיב אונז א ריף.
מיר קוקן ארויס אויף די צייט וואס יעדער זעהט,
אז סאיז טאקע קיינמאל קיינמאל נישט שפעט.

חיים הקדוש

נישט שפעט  WOW א געוואלדיגע נאמען
אינעם נאמען אליין האסטו שוין דעם תירץ אויף אלע דיינע ווייטאגן.
מער ווייניגער האט יעדער דא געמיינט פארן אנקומען דא, אז עס איז שוין צו שפעט.
אבער נאכן אריינקומען דא איז מען געוואר געווארן אז לא מיניה ולא מקצתיה

עס איז קיינמאל נישט צו שפעט

גארטל דיך אן אין זעץ דיך צו צום חבורה הקדושה וואס שניידט שטיקער פונעם גוף העכור און פון אלע זיינע פארשימעלטע נישטיגע תאוות.
און דער עיקר געדענק, דו ביסט גוט, דו ביסט גוט - אינגאנצן גוט.
די אלע שמוציגע זאכן האט גארנישט מיט דיר קיין שום שייכות,
דער טאטע אין הימל האט דיך ליב אן אויסטערלישע און אן ענדלאזע אהבה.
טאנץ אריין אינעם 90 טאג'איגע טשארט און נעם דיך קנאקן טעג לשם ולתפארת.
געדענק דא ביסטו נישט אליין, האסט א גאנצע ריזיגע קהילה ה"ה קהילת הד"א וואס שטייט גרייט דיך צו העלפן באש ובמים. און מיר נעמען דיך אויף מיט אפענע ארעמעס. ויהא בואך לברכה ולהצלחה ולקדושה ולטהרה. 
עלה והצלח עלה והצלח

שלום וברכה טייערע פריינד.

קודם זאלסטו וויסן אז דו ביסט בכלל נישט אלט און בכלל נישט שפעט, פון צווישן די חבירים וואס איך קען דא זענען דא היבשע מעמבערס אין די יארגענג, עלטער און אויך יונגער, מיר זענען אלע אינעם זעלבן סטראגל.

איך וויין ווען איך ליין דיינע הארציגע ווערטער וואס איז געשריבן מיט אזא אמת, איך פארשטיי דיר אזוי גוט, ווייל איך קום גענוי פון דארט, און מיין האארץ גייט אויס פאר דיר.

זיי אבער וויסן אז ס'איז דא הילף, ס'איז דא א זאך וואס הייסט די 12 סטעפס, און דאס איז די איינציגסטע רפואה פאר אדיקשאן, איך וועל דיר געבן וויפיל צייט די ווילסט נאר דיר צו העלפן און דיר צו מסביר זיין וואס דאס איז, איך האבב אסאך חומר וואס איך קען דיר שיקן דערוועגן, קענסט מיר אלעמאל קאנטאקטן אויף:  This e-mail address is being protected from spambots, you need JavaScript enabled to view it פאר סיי וואספארע הילף.

איך מייין עס זייער אמת'דיג, און הלואי דו זאלסט אנקוממען צו אמת'ע ערהולונג ווי פריער, עס וועט דיר העלפן סיי אויף דיין אדיקשאן, און סיי אויף דיין ירידה ברחניות.

דיין פריינד און דיין ברודער אחכה לו.

נישט שפעט געשריבן on כ"א טבת התשפ"א 15:08:

WOW!!!! אזוי קלאר שוין פון אנהייב אריינקומען! .שוין לאנג נישט געזעהן אזאנס.
געדענק!! "נאר ג-ט קען אונז אןן וועט אונז היילען" אונז דארף מער געלייבען ווי נישט און קאנטראל מיר זענען און זיך גוט איו פעסט אנהענגען און ג-ט און בעיקר אים בעטן אז ער זאל דיר האלטן סאבער אין ריין. אין נאר אזוי קענען אונז אלע שטייגען. און אזוי ווי איין קוק האט שוין דערמאנט איז גוט צו דורך לינען די האנט בוךעס מאכט זייער קלאר די נושא אין די פלאן אויף ווייטער אז די זאלסט נישט צירוק פאלן
אין מזל טוב צו דיין נייע טרעד !!!!!!

holychaim געשריבן on כ"א טבת התשפ"א 17:41:

ביסט זייער גערעכט, איך האב אסאך געטראכט יא שרייבן אדער נישט, וואס און וויאזוי שרייבן. ביז איך האב מחליט געווען גארנישט לאזן באהאלטן אין מיר. גענוג געווען מיט די הסתרה.

ביים שרייבן האב איך געשפירט אז עס העפנט זיך א קליין לעכל ווי די אייטער רינט ארויס.

איך בין זייער פרייליך און מרוגש הערן אז דו ביסט שוין ב"ה אויף א גוטע וועג, דאס גיט מיר שטארקע כוחות אויך אנהייבן צוטוהן וואס מ'דארף.

זאלן מיר טאקע אלע זוכה זיין צו חיים הקדוש - הייליגע לעבן

ואטהר ואתקדש געשריבן on כ"א טבת התשפ"א 18:57:

יישר כח אויף דיין געוואלדיגע חיזוק.

מ'ווערט אזוי פארשמירט און אפגעקילט, ביז מען פארגעסט אז אונז האבן א טאטע אין הימל וואס ווארט אויף אונז.

מען פארגעסט, און מען וויל נישט גלייבן אז דער טאטע האט אונז אייביג ליב. עס איז טאקע אום פארשטאנד נאך די אלע מעשים מכוערים.

עס איז פאר מיר אזא שמחה טרעפן אזא קהילה און אז ען נעמט מיר אויף וויאזוי איך בין.

יישר כח אויף דיינע ברכות, זאל מקויים ווערן אין מיר דייינע ווערטער "ואטהר ואתקדש".

אחכה לו געשריבן on כ"א טבת התשפ"א 19:13:

יישר כח אויף דיינע ווארעמע ווערטער און אויף דיין מיטפילן מיינע פארווייטאגטע הרגשים. א הארץ שפירט א צווייטע הארץ.

עס איז א בחינה פון צרת רבים חצי נחמה. איך פארשטיי פון דיר אז בעז"ה איז דא א וועג ארויס!!!

איך וועל אי"ה זיך פארבינדן מיט דיר און הלוואי זאלסט זוכה זייין די ריכטיגע שליח

שיע געשריבן on כ"א טבת התשפ"א 20:31:

זאגסט זיייער ריכטיג, ווי חז"ל זאגן אין לנו להישען אלא על אבינו שבשמים, נאר ער קען עפענען אונזער אויגן און חונן זיין דעת אויף טוהן די ריכטיגע מהלכים.
יישר כח אויף די ווארעמע חיזוק

דאס אריינקומען גלייך מיט אזא פעסטקייט איז געוואלדיג

 זאלסט וויסן אז דו ביסט בכלל נישט אלט און בכלל נישט שפעט, פון צווישן די חבירים וואס איך קען דא זענען דא היבשע מעמבערס אין די יארגענג, עלטער און אויך יונגער, מיר זענען אלע אינעם זעלבן סטראגל.

א שאלה:
איך זעה דא 2 חלקים.
א. די שווערעקייט פון די תאוה
ב. די גאנצע מצב הרוחני וואס איז זייער זייער שוואך.

מיט וואס הייבט מען אן? אדער אפשר גייט עס צוזאמען?

נישט שפעט געשריבן on כ"ג טבת התשפ"א 02:50:

אוי האסטו גוט געזאגט, ביי מיר האבעך קודם געדארפט קעיר נעמען פון די תאוה דערנאך צו דער מצב הרוחני.

ווייל ווען איך בין שיכור פון תאוה איז נישטא קיין שום יודישקייט אדער העכערקייט, אלעס אין מיין מח איז ארום סעקס...

ידידיי היקרים
איף האף בעז"ה אנהייבן אביסל טוהן צו די זאך. איך וועל מיך פארבינדן מיט די מומחים הצדיקים זיי זאלן מיר מדריך זיין וויאזוי אנהייבן.
וואונטשט מיר און דאוונט אויף מיר איך זאל זוכה זיין לצאת מאפילה לאורה מיט א ריכטיגע מהלך, צוזאמען מיט אלע יודעלעך.

נישט שפעט געשריבן on כ"ג טבת התשפ"א 17:51:

אמן
זייער שטארק עס צו נעמען צו נעקסט לעוועל, און טון צו די זאך, כה לחי! ביזט א אינספעראציע פאר אונז אלע!

איין קוק ווינציגער געשריבן on כ"ג טבת התשפ"א 22:26:

יישר כח. א ברכה פון אידן האט א גרויסער כח. בפרט פון איינעם וואס פארשטייט יענעמס ווייטאג.
זאל דער אייבישטער העלפן אונז אלע

א גוטן אייך

איך וויל אריין גיין אין די 90-טאג-רייזע.
איך וויל נאר וויסן וואס מיינט: לענגסע שטרעקע/סך הכל ריינע טעג/איצטיגע שטרערקע

איך האב מיך ב"ה אריין געשרייבן ביים 90 טעג רייזע
איך האלט יעצט ביי 2 טעג.
דער אייבישטער זאל מיר העלפן ענדיגן אויך די היינטיגע טאג ריין

נישט שפעט געשריבן on כ"ו טבת התשפ"א 12:10:

יום השלישי ב"ה

נישט שפעט געשריבן on כ"ז טבת התשפ"א 12:51:

חזק ואמץ 

חזק ואמץ !

אויך מיר א עלטערע אינגערמאן.... נאך ניטאמאל קיין פערציג.... שארץ ארויף די ארבעל ראצער וואס דו ביזט! און הייב אן שמייסן !!!!

אדמו"ר מדראפעט

דראפעט געשריבן on כ"ז טבת התשפ"א 23:06:

נו אויב דער רבי זאגט מוז מען פאלגן... איך האב מורא פון די דראפעטע חסידים...

ב"ה מ'האלט ביי 6 טעג. דער אייבישטער זאל העלפן איך זאל קענען ענדיגן דעם טאג אויך ריין.
דער אייבישטער וויל אזוי, איך וויל אויך, נו שטומט דאך זייער גוט.

מזל טוב פאר דיינע 6 ריינע טעג.

מתוך גליון חסידי דראפעט :  אתמול בלילה כשישן רבינו, ראו החסידים ששפותיו דובובות, א' מזקני החסידים הרכין את ראשו ושמע אלו הדברים יוצאים מפורש מפי רבינו.... נעתק מלה במלה ממש...

זעקס א מורא'דיגע נאמבער, מורא'דיגע רמזים, 6 איז דאך קעגן ששה סדרי משנה, משנה איז דאך נשמה, נשמה איז דאך כל הנשמה תהלל י-ה, י-ה במספר קטן איז 6, 6 איז דאך געווען אין מצרים ששה בכרס א', וועגן נאך 6 שווערע טעג קומט שבת, שבת קען מען שוין רוען, און די שש מצות תמידיות טאקע אויך דערמאנען ביי די געלעגנהייט... אוי, כבלאנדזשע....

אקעי די רמזים פירן עפעס נישט אין קיין שום ריכטונג, אבער די 6 ריינע טעג וועט דיר מיטן אויבערשטנס הילף פירן צו א ריכטונג פון א רואיגע גליקליך לעבן, אן זיין פאר קנעכטעט צו פיטערן די נישט געזונטע רייץ.

איין שטארקע רמז וועל איך יא זאגן.... ויהי ערב ויהי בוקר יום השישי, השישי הידוע, אם ישראל מקבלים את התורה מוטב ואם לאו אני מחזיר אתכם לתוהו ובוהו, ידוע אז דער חטא פון דור המבול איז דאס געווען, אויב פיטערט מען די קראנקע רייץ, איז מען דאך גורם א מבול, א תוהו ובוהו, מיט 6 ריינע טעג איז מען מקיים את העולם, היינט איז דיין השישי הידועה שקבלת את התורה.......

ואח"כ הפך רבינו את עצמו על צד האחר, והתחיל לנשום ולנחור ברעש גדול כדרכו בקודש בכל לילה.

עד כאן מתוך הגליון

געוואלדיג געוואלדיג. איך ליין גראדע אסאך גליונות פון רעבישע הויפן, אבער סודות פון בעט שרייבט קיינער נישט. דאס איז נאר חצה"ק דראפעט.
אבער אלעס לוינט הערן אזוינע סודות התורא... מן הסתם האט ער אויך געזאגט אז 6 איז מדת יסוד וכו' וד"ל ואכהמ"ל...

ס'איז מיר א שטארקע חיזוק!

דראפעט געשריבן on א' שבט התשפ"א 17:16:

פלעצתי מאוד!

נטע׳לע געשריבן on א' שבט התשפ"א 20:39:

ב"ה 9 טעג
דער אייבישטער זאל העלפן אויף היינט אויך ברוב רחמיו וחסדיו

נישט שפעט געשריבן on ד' שבט התשפ"א 09:03:

WOW!! "נישט שפעט" איז אונזער וועג ווייזער, ער זיצט און אטעמט ריקאווערי, זאל דיר ג-ט ווייטער באגלייטען דיין גאנצע רייזע ריינערהייט. 

איך בין שולדיג א יישר כח פאר די חברים דא, היות אז לעצטע פרייטאג האב איך געהאט א שווערע נסיון, און כמעט געפאלן, אבער ווען איך האב מיך דערמאנט פון די פלאץ דא און פון די חברים, האב איך מיך געשעמט, איך האב ענק נישט געוואלט מצער זיין, און דאס האט מיר געגעבן די כח ביישטיין ב"ה.

נישט שפעט געשריבן on ד' שבט התשפ"א 09:03:

מזל טוב! די ניין טעג זענען געווארן איבערגעדרייט לשמחה!

מזל טוב נישט שפעיט פאר דיינע 9 ריינע טעג.

איך גיי ארויס פון התפעלות פון דיר, פון דיין שטארקייט צו שרייבן, און זיך נעמען אין די הענט אריין, זוכן די ריכטיגע וועג ארויס, ובפרט פון וואס דו ביסט אלטס אריבער אין לעבן, איך קען זאגן איך האב מיר געטראפן אין "יעדע ווארט" וואס דו האסט געשריבן דא, ב"ה איך אליין האב געטראפן די וועג וואס ארבעט פאר מיר, און איך פריי מיר צו הערן אז דו זיכסט אויך די וועג וואס ארבעט פאר דיר.

אזויפיל קען איך דיר זאגן פון מיין אייגענע עקספיריענס, ווען מען טרעפט זיך אינדרויסן איז דאס א געפיל ווי מען איז ארויס פון גיהנם אריין אין גן עדן.

ובפרט לויט ווי דער תולדות יעקב יוסף די וואך איז מסביר אז גיהנם מיינט מען נעמט א רשע וואס האט עוסק געווען אין תאוות עוה"ז, און מען זעצט אים אריין אין גן עדן ווי יעדער איינער איז פארנומען להתענג על ה', און מען ווייסט נישט וויאזוי מען געבט זיך א עצה מיט דעם, און ער זאגט נאכמער אז דאס איז געווען ביי מכת חושך,די אידן האבן געלעבט נאנט מיטן אויבערשטן, און די מצריים האבן זיך נישט געקענט רירן פון דעם אור וואס האט געשיינט דארט, זיי זענען פשוט פארבלענדעט געווארן פון די שטארקע ליכטיגקייט.

איז יעצט ווען דער אויבערשטער וועט דיר העלפן און דו וועסט טרעפן דיין וועג ארויס צו קריכן פון דעם וועסטו אנקומען אין גן עדן בעולם הזה

ב"ה איך בין יעצט ביים יום העשירי, העשירי יהיה קודש.
אבער איך שפיר ליידער א שטיקל רפיון און א שוואכקייט ביי די התחדשות וואס איך האב געהאט דא. דער אייבישטער זאל מיר העלפן.

טייערע ר' נישט שפעט דאס איז גאר נארמאל אונז אלע פאלירן די התחדשות איינער פריער און איינער שפעטער פארדעם איז גאר וויכטיג עפעס צו "טון" פאר ריקאווערי 

אויב געדענק איך גוט ביסטו שוין און קאנטאקט מיט גאר חשובע חבירים דא וואס העלפן דיר ארויס, זיי פאלירן נישט די התחדשות נאר זענען אייביג דא פאר דיר, דיר צו העלפן

זאל דער אייבערשטער דיר העלפן זאלסט האבן אסאך ריינע טעג גרינגערהייט 

ביסט 100% גערעכט.
איך האף זייער מארגן אנהייבן טוהן עפעס וואס מ'דארף טוהן.

נישט שפעט געשריבן on ה' שבט התשפ"א 17:50:


פליז קום ארויף שעירן די מערסטע וואס דו קענסט. ס'גייט זיין א push פאר מיך, און מסתם אויך פאר אסאך אנדערע.