Heiligertzadik געשריבן on ה' שבט התשפ"א 11:44:

WOW אזא באמבע פון חיזוק!!
די חברים מוזן וויסן אז יעדע ווארט פון חיזוק איז ממש הצלת נפשות!
זייט מקדיש א מינוט און איר בויעט אויף מיט דעם נאך א אידישע נשמה (מיט אלעס וואס דאס איז כולל, ווייב, משפחה, קינדער, חברים וכו')

ב"ה היינט איז די פילינג בעסער ברוב רחמיו וחסדיו.

איך האף זיין היינט א איש בשורה מיט טוהן ריכטיגע טריט בעז"ה

ברוך השם אז היינט איז דיר בעסער

אונז ווארטן פאר אפדעיטס

הרב נישט שפעט, ס'איז קיינמאל נישט צו שפעט צו טון צו דער זאך, אבער לאז נישט די יצר הרע פון "מארגן" הייב אן היינט !!!

איך האף אז איך בין נאך נישט שפעט צו גראטולירן אייך הרב נישט שפעט עס איז קיינמאל נישט שפעט ווילאנג עס איז נאך נישט שפעט און מען לעבט און אטעמט נאך,די געפילן שטורמען מיר און מיינע הרגשים ציטערן מיר אויף זעהענדיג דיין קורצע ביאגראפיע וואס האסט געשריבן אויף זיך אין די ערשטע צוויי פאוסטס, וואס זאל איך דיר זאגן מיסטער פראפער איז נתגלה געווארן איך זעה מיר אין יעדע ווארט וואס די שרייבסט אבער ב"ה אז מיר זענען אויפן וועג צום ליכטיגען לעבן פון רואיגקייט און צעפרידענהייט און גם רוחניות'דיגע צעפרידענהייט,
איך כשלעצמי בין דא פאר אפאר וואכן און ווי די האסט ערווענט איז ביי מיר גם אויסגעוועפט געווארן די התחדשות אבער דווקא דאס אז ווען די התחדשות וועפט און דאך האלט מען זיך דאס איז בס"ד א הוכחה אז מען נעמט דאס ערענסט און נישט מען גייט אויפגעבן חלילה וויבאלד אויב ווארט מען צו לאנג קען חלילה זיין שפעט הגם  ווילאנג מען לעבט איז נישט שפעט דאך ווי פריער נישט שפעט איז בעסער
אחי חזק ואמץ זיי זיך מחזק לפחות אזוי פיל וויפיל דיין ערשיינונג דא האט מחזק געווען מיר און נאך לפחות אזוי פיל חיזוק נעם פאר דיר צו אנהאלטן דעם נייעם גלעענצענדן וועג פון זיין א איש מורם משטותים און בס"ד קדוש ייאמר לו,

יישר כח ר' Proper פאר דיין חיזוק און הדרכה. בקיצור מ'מוז טוהן א כסדר'דעדיגע התחדשות. המחדש בטובו בכל יום תמיד.

ב"ה איך האלט יעצט ביום 12. ז"ה היום עשה ה' נגילה ונשמחה בו. און איך בעט פון באשעפער זאל מיר העלפן אויך היינט.

מזל טוב! סאיז מיר א שמחה צו זען ווי די רוקסט זיך ארויף איין טאג אויף אמאל

איך שפיר עפעס אזוי אראפגעקלאפט, אן שמחה, צוליב פארשידענע זאכן:disappointed_relieved:
איך בעט דיר באשעפער דאס זאל מיר נישט ברענגען זיכן פאלטשע הנאה

באשעפער שיק מיר אביסל שמחה, חיזוק, התרוממות.

לאז דיך נישט ווען אראפגעשלעפט. סאיז סכנת נפשות. ביי מיר האט זיך אזוי אנגעהויבן מיין נפילה דאס לעצטע מאל.

שטארק דיך!  ​איך דאווען פאר דיר....

אויב מיינען ענק אז די אייבישטער מאכט נישט מופתים, זאג איך ענק אז יא!!
איך האב באקומען א סימן גלוי מן השמים אז דער אייבישטער האט א עינא פקיחא אויף מיר!
מעשה שהיה כך היה, געציילטע מינוט'ן צוריק!

איינער קלינגט מיר ביים פאון. איך גיב א קוק ווער עס רופט, און...
נישט מער און נישט ווייניגער איז דאס איינער וואס איז געווען מיט מיר א קליין שטיקעלע שותף לדבר עבירה, בערך 10 יאר צוריק, ביז איין טאג האבן אונז מחליט געווען אויפהערן.
שוין באלד 10 יאר וואס איך האב נישט געהאט קיין שום שייכות מיט אים!
און מיט אפאר מינוט צוריק קלינגט ער מיר!!!

ער האט גערופן פרעגן עפעס וואס איז נוגע צו די תחום וואס איך בין עוסק, דאס האט צוטוהן מיט רוחניות. איך האב פארשטאנען פון צווישן די ווערטער אז ער איז היינט שוין ב"ה פיין. ער האט ממש נאר געפרעגט וועגן יענע ענין וואס ער געדארפט, און פערטיג.

א מעשה וואס האט יעצט פאאסירט!!
איך האב באקומען חיזוק גלייך פון באשעפער!
פונקט ווען איך בין געווען אזוי אפגעשוואכט, אזויווי איך האב געשריבן פריער.

יא דער גרויסער באשפער וואס פירט אלע עולמות עליונים ותחתונים, די ים מיט די יבשה, די זין מיט די לבנה, אמריקא מיט רוסלאנד, איראן מיט פראנקרייך, אלע חיות ובהמות ועופות ודגים
דער גרויסער באשעפער האט געזען יעצט מיין שוואכקייט און עצבות, און ער האט מיר געשיקט א קרן אורה, א אות לטובה!

ס'איז מיר שווער צוריק קומען צו זיך
דער אייבישטער נעמט נישט אראפ זיין אויג פון מיר!

שכוח פארן מיטטיילן. א אפענע התגלות!!!

מדארף דאס אלעמאל געדענקן, אז די רבוש"ע נעמט נישט אראפ קיין אויג פון אונז אפילו פאר א רגע. אפילו מזעהט עס נישט אלעמאל אפען, דארף מען גלייבן אז די רבוש"ע איז מיט אונז אין יעדע מצב. אפילו ווען סאיז חושך כפול ומכופל.

חבירי יקר הרב נישט שפעט, איך בין נתפעל פון דיין עבודה וואס דו לייגסט אריין. גיי אן מיט א שטארקייט, מיר קוקן ארויס אויף דיין הצלחה.

ש'כח ידידי חיים חייקל אויף דיינע ווערטער און חיזוק!
ס'איז כמים קרים על נפש עייפה מאד!

הארת פנים במקום הסתרת פנים

ב"ה מ'האלט ביום 17 לנקיות ושכליות.
כי טו"ב ה' לכל ורחמיו על כל מעשיו.
והוא יושיענו להבא.

WOW מזל טוב!

גיי אן מיט א שטארקייט!

17 טעג איז גאר א שטארקע דורך ברוך אנצוקומען צו 90 טעג 
אזויווי עס איז מרומז אין פסוק (שמות ב' ב')
ותרא אותו כי טו"ב הוא,  ותצפנהו שלשה ירחים.

חפץ בטוב געשריבן on י"ב שבט התשפ"א 16:07:

גוט....

חפץ בטוב געשריבן on י"ב שבט התשפ"א 16:07:

געוואלדיג ווארט!!
נאר חפץ בטו"ב קען דאס מגלה זיין...


און ב"ה מ'האלט היינט ביי ח"י ימים.

זה לעומת זה עשה הקב"ה
ח"י ח"י יודוך ושבחוך לעומת ח"יי מררו בקושו

חפץ בטוב געשריבן on י"ג שבט התשפ"א 14:20:

אמן...
מזל טוב ידידי נישט שפעט פאר דיין 18 טעג ריין זאל ג-ט וויטער העלפן.... 

יישר כח פאר אלע אויף די טייערע און וויכטיגע חיזוק!
ב"ה מ'האלט ביום עשרים.

לויטן חשבון האלטסטו שוין היינט ביים איין און צוואנציגסטן טאג.

דער איין אין צוואנציגסטער טאג, דאס איז מכוון אקעגן דעם שם אהי"ה מכאן ואילך יערב לכם, דער פרישע דערגרייכונג פון 21 איז א שטארקע שטיפ אויף פאראויס, ווייל דאס וועט בעזהשי"ת ווערן אהי"ה אשר אהי"ה ווי דער הייליגער רבי מרדכי דוד'ל דאמבראווער זי"ע טייטשט אהי"ה אשר אהי"ה דאס איז אהי"ה פעמים אהי"ה וואס איז אמ"ת, און קושטא קאי, עס שטייט דאך שקר אין לו רגלים אבער אמ"ת האט יא רגלים און דאס איז דער תיקון אויפן פגם הרגלים וואו אונז אלע קענען מעיד זיין אויף זיך אליין אז ווילאנג מען איז אקטיוו אינעם עדיקשן איז מען אויך אקטיוו אין די מדת השקר (ווי אויך איז דאך ברית המעור מכוון כנגד ברית הלשון) און ווי מער מען איז ריין פון דעם אלץ מער רעד מען אמת בפועל.

זאל דער בוכ"ע העלפן אז מכאן ואיך יערב לכם, און זאלסט טאקע זיין ריין מיט אן אמ"ת.   

א גרויסער יישר כח פאר אלע חברים אויף די חיזוק און אויף די שטופ גיין ווייטער. בפרט פאר ידידי היקר רבי החפץ בטוב שליט"א אויף די גאנצע הילף בגלוי ובסתר.

ב"ה מ'האלט ביי יום 24, דער אייבישטער זאל העלפן כ"ה יתן וכ"ה יוסיף, ואל ישיב ד"ך נכלם

ז"ך ימים אזא לויטערקייט ה' זאל  די באגיסן מיט נאך אסאך ריינע מינוט'ן און טעג,

יישר כח דיר.
דער אייבישטער זאל געבן כ"ח אויף ווייטער.

טאטע איך דאנק דיר, טאטע איך לויב דיר
אויף די ריינע חודש וואס דו האסט מיר געגעבן א מתנה
דרייסיג ריינע טעג, פול מיט סייעתא דשמיא און השגחה עליונה יעדע רגע און יעדע מינוט
איך בעט דיר טאטע העלף מיר אויך די היינטיגע טאג, איך זאל האבן 31 איינציגע ריינע טעג!
און טאטע, העלף אויך אלע מיינע חברים, חברי ק"ק הד"א, את אשר ישנו פה ואת אשר עדיין איננו פה, זייער וועג צו ריינקייט זאל נישט אנקומען אזוי שווער. אונז פארשטייען אז די וועג איז נישט גרינג, אבער דאך, זאל עס נישט זיין מיט אזעלכע שווערעקייטן יעדע רגע און יעדע מינוט. גיב אונז כח זיך מתגבר זיין ווען עס קומט א שווערע מינוט. גיב אונז שמחה זיך קענען מחזק זיין נאך א דורכפאל. גיב אונז שכל וויסן וויאזוי זיך באהאנדלען.
האלט אונז ריין, האלט אונז געזונט, האלט אונז נארמאל.
נאר דו קענסט! בלתך אין להושיע!

נישט שפעט געשריבן on כ"ה שבט התשפ"א 02:55:

wow מזל טוב צי דיין ריינע אין הייליגע 30 טעג, איין טאג אויף אמאל!!!!
זאל ג-ט דיר און אונז אלע ווייטער באגלייטען ריינעהייט ביז סוף טאג!!

מזל טוב כבוד הרב הקדוש "נישט שפעט" שליט"א צו דיין דרייסיג ריינע טעג. די רבוש"ע זאל זיין מיט דיר ווייטער צו לאנגע געזינטע יארן.

איך וויל דא אויך ארויסברענגן א יישר כח פאר דיין כסדרדיגע דברי חיזוק וואס איך באקום פון דיר, סיי ברבים, און בעיקר אין פרייוועט. דער אויבערשטער זאל דיר באצאלן כפלי כפלים.

מזל טוב נישט שפעט צו דיין ריינע חודש!
קיפ אפ יור גוד ווארק...
דו לעבסט אויף גאנץ הדא מיט דיין חיזוק וואס דו ווארפסט אויף אלע זייטן, אין די זכות זאל דיך ה' געבן נאך און נאך ריינע טעג.

ל"ב טהור ברא לי אלקים
טאטע העלף מיר אויף היינט אויך, שויתי ה' לנגדי תמיד כי מימיני ב"ל אמוט

מזל טוב

וועלכע נוטריקון פאר היינט?

יישר כח טאטע אויף נאך א ריינע טאג.
איך שפיר בפועל אז יד"ך הקדושה והרחבה שיצט מיר יעדע רגע און יעדע מינוט.
אויך מיט די מחשבות, אויך מיט די שמירת עינים, אויך מיט באקומען אביסל שכל וויאזוי זיך באהנדלען. אויך ביים לערנען און אויך ביים דאווענען.
האסט מיר עס געטוהן די לעצטע 34 טעג, גיב מיר ביטע נאך א טאג.
טאטע, ס'איז נאר דו! ס'איז נישט איך! איך קען מיך זייער גוט און איך בין מודה ומתוודה, ס'איז נישט איך! נאר מיין טאטע וואס האט מיר ליב אין די גאנצע פינסטערקייט, און ער ווייזט מיר ארויס זיין ליבשאפט עד אין לשער.

איך האב געטראכט היינט ביי יו"כ קטן, ביי אבינו מלכנו.
מ'זאגט א"מ החזירנו תשובה שלימה לפניך, און גלייך נאכדעם א"מ שלח רפואה שלימה לחולי עמך.
ווייל ס'איז דא א ענין וואס איינער דארפן בעטן אויף דעם ביי החזירנו בתשובה, און א צווייטער ביי שלח רפואה שלימה...

איך בין מער און מער מכיר, אז איך בין פשוט א חולה. א חולה מסוכן. א חולה ליגט אין בעט און קען גארנישט טוהן, און איך האב אויך גארנישט  געקענט טוהן. איך האב נישט געוואלט טוהן די מעשה, אבער איך האב עס יא געטוהן. עס האט געפעלט א האר מ'זאל מיר כאפן און די בזיונות זאל זיין עד לב השמים, און אף על פי כן האב איך עס געטוהן.

איז עס טאקע ביי מיר נישט קיין בחינה פון אן עבירה? ווייל איך בין קראנק משוגע?

אונז ווייסן פון אלע ספרים, ספרי חסידות און קדמונים, אז ביי יעדע ענין פון עבודת ה', פון קיום מצוות, מוז זיין א בחירה. א מענטשט האט די שכל און די יכולת מחליט זיין אויב ער וויל טוהן די מצוה אדער נישט, ער וויל עובר זיין די עבירה אדער נישט.
ביי מיר, לגבי די תאוה, קען איך מעיד זיין על פי רוב, אז איך האב נישט געהאט א בחירה. איך האב 1001 מאל מחליט געווען אז מער נישט, יהיה מה שיהיה, איך ווער א הייליגער צדיק, אבער ביז אפאר שעה בין איך צוריק.
אסאך מאל, תוך כדי טוהן די מעשה האב איך ביי מיר געשפירט אז איך וויל נישט!! וואס טוהט זיך דא, איך וויל דאך נישט! אבער עס האט גארנישט געהאלפן. איך האב געטוהן די מעשה אנקעגן מיין אייגענע רצון. איך האב נישט געהאט א בחירה בכלל.

בין איך קראנק. זייט מתפלל לרפואתי. זייט מתפלל איך זאל נעמען די ריכטיגע וואקסין...

יישר כח פאר מיר אויסהערן

איך האב היינט גהערט פון איינעם אז זיין רבי האט אים געפרעגט אז ער זאל אים מסביר זיין פארוואס עס איז א מחלה האט ער אים פארציילט וויאזוי בשעת'ן זיך מסגף זיין נאכן עקטן אוט האט ער געטראכט הלוואי גייט יעצט אדורך א מיידל וכו' האט אים דער רבי געזאגט איך האב שוין געהערט אז דאס איז א מחלה איך האב אבער נישט געוויסט אז עס איז אזא שטארקע מחלה

נישט שפעט געשריבן on כ"ט שבט התשפ"א 15:36:

מה נאמר. יא איך געדענק ווען איך האב מיך אנגעהויבן זען אזוי.

פון מיינע בעסטע טעג איז לכאו׳ ווען כהאב איינגעזען אז איך בין פשוט א חולה, נישט סתם א חולה נאר א חולה מסוכן בסכנת נפשות, און איך דארף פשוט אנהייבן טון זאכן וואס ארבייטן פאר אזעכע חולאים.

שכח אייבישטער!

ב"ה מ'האלט ביי די 38'סטע טאג, יעדע טאג פאר זיך.
נעכטן געהאט נישט א גרינגע מוד, אבער ברוב חסדי ה' איז מען געבליבן ריין.
איך האב געשפירט אביסל רייץ, די שמירת עינים האט געוואלט אביסל שפילן מיט מיר. אבער איך האב געוואוסט ביי מיר אז איך וויל נישט צוריק פאלן! בשום פנים ואופן!! איך וויל נישט צוריק גיין צו די אלטע זאכן. וואס וועל איך האבן פון א נארישע הנאה המדומה פון איין רגע, קוקן אויף א זאך וואס וועט מיר נאר מאכן שווערער שפעטער?? פארוואס דארף איך טוהן א זאך וואס וועט מיר גורם זיין שפעטער עגמת נפש?? מ'דארף דאך זיין א חכם עיניו בראשו, וועל מיך הוטן מיינע אויגן כדי זאל זיך נישט צאמנעמען נייע שמוץ אין מיין מוח וואס קען מיר גורם זיין שווערעקייטן.
ב"ה דער אייבישטער האט מיר געהאלפן און מ'האט זוכה געווען היטן די אויגן.
און איך האב מיך משתדל געווען זיך מתחזק זיין מיט שמחה און זעהן די גוטע זאכן, כדי די נישט גוטע מוד זאל אוועק גיין.
טאטי האט מיר געהאלפן ב"ה.
איך האף און איך גלייב אז ער וועט מיר זיכער העלפן ענדיגן אויך די היינטיגע טאג ריין.

געלערנט היינט אין מסכת פסחים דף פ"ה, אז לגבי חבורת קרבן פסח האבן חז"ל נישט גוזר געווען טומאה אויף א שטיקל קרבן פסח וואס איז ארויס מחבורה לחבורה, ווייל בני החבורה "זריזין הן" און זיי דערמאנען איינער פארן צווייטן אכטונג געבן נישט ארויס נעמען און ביי אזא פאל דארף מען נישט גוזר זיין ווייל ס'איז נישט מצוי.
רש"י זאגט דארט: זריזין הן - שיש רבים, ומזרזים זה את זה מלהוציא.

ס'איז א גרויסע לימוד וואס א כח פון "בני חבורה" קען אויפטוהן, אז איינער איז מחזק און דערמאנט יענעם זיך אכטונג געבן, און העלפט א צווייטן נישט קומען צו א מכשול.
און בעיקר ביי אונזער נושא דא אין הד"א, און ווי ס'איז מרומז אין די לעצטע ווארט פון רש"י וואס איך האב פריער געשריבן, וד"ל...

יישר כח טאטע אין הימל
אז 40 טעג איינע נאך די אנדערע קען איך דריקן ביים טעג-רייזע אז "איך בין נאך אלץ ריין"!
ס'איז נאר דו!