מזל טוב מזל טוב ידידי וידיד כל בית הד"א הרב הקדוש נישט שפעט לכבוד דיין אנקום צום אסטרנאמישע סכום פון 40 טעג ריין!!!!!
יעצט איז טאקע א פאסיגע זמן זיך צי באדאנקען פאר דיינע פילע לייסטונגען לטובת די גאנצע חבריה, עס איז כמעט נישט דורך א טאג וואס איך האב נישט געהאט די זכי צי פארברענגען אינאיינעם, עס האט מיר אריינגעגעבן גאר אסאך חיזיק.
זאל ג-ט ברוך הוא דיר געבן ווייטער כח זאסלט קענען גיין ממדריגה למדריגה ריינערהייט. "איין טאג אויפאמאל"....
"יא עס איז קיינמאל נישט שפעט"

מזל טוב מזל טוב פון טיפן הארצן פאר די 40 טעג.
דער באשעפער זאל דיך באגלייטן אויף ווייטער

מזל טוב כבוד הרב נישט שפעט!
זאל דיר דער אויבערשטער העלפן פאר לאנגע געזינטע יארן

יישר כח פאר אלע חיזוק געבער'ס. איך דאנק ענק אויף די אוועק געבן די צייט פון שרייבן.
איך בין מודה ומתוודה: יעדע ווארט חיזוק איז שטארק מחזק!
עס גיט אריין א רוח חיים און שמחה פנימית ווען מ'זעט חברים האלטן מיט און מ'פרייט זיך מיט.

זייער כדאי דאס טוהן ווי מער, איינער פארן צווייטן, איש את רעהו יעזורו ולאחיו יאמר חזק.
נעמט אין חשבון אז ענקער ווארט וועט מציל זיין א אידישע נשמה! און אפילו אויב נאר פון איין נפילה, איז ענקער שכר און זכות עד אין לשער.

ארבעים יום רצופין!
מזל טוב!

טאטע'ניו העלף מיר ענגידן די טאג ריין! 
איך וועל ביטער חרטה האבן 

חזק ואמץ

מיין הענט טוען זיך ווארפן,, פשוט איך שטיי אין ציטער,, וואס איז געווארן מיט ידידי הצדיק נישט שפעט איינער ווייסט עפעס  מער פרטים זאל ארויפקומען, ביזדערווייל לאמער בעטן ג-ט, ווייל נאר ער קען אים העלפן בלייבן סאבער...
זאל דער אייבערשטער העלפן מען זאל נאר הערן גוטע בשורות...אמן!!!!

מזל טוב מזל טוב א אמת'דיגע שמחה... ביז 400 אין 40000

געהאט א אראפגעקלאפטע נערוועזע טאג נעכטן, און איך האב געשפירט אז נאר פון "יענער מקום" וועט קומען די ישועה אין די גליק, אבער ב"ה דער אייבישטער האט מיר געהאלטן ריין. ש'כח טאטע און שכח חברים פאר די חיזוק

נישט שפעט געשריבן on ז' אדר התשפ"א 01:44:

WOW!!!! שכח נישט שפעט פאר די גוטע נייעס !!!!!
טאטע איך דאנק דיר טאטע איך לויב דיר.. 
שכח יעצט עמיר קענען צי גיין צום שבת מיט עטוואס מער רואיגקייט!!!

וואס טוט זיך חבר?
ביסט רואיג? ס'איז שווער?

ich vil zan ehrlich געשריבן on י' אדר התשפ"א 12:32:

ב"ה היינט איז די הנהגה פון באשעפער מיט מיר בחסדים באיתגליא, ממילא איז היינט ב"ה פיין און רואיג.
מארגן איז א טאג פאר זיך, איך דאגה נישט יעצט אויף מארגן.

הייליגע טאטע, יוצרי ובוראי, בוחן כליותי ולבי.

פארוואס? פארוואס ברענגסטו מיר צו אזעלכע נסיונות? פארוואס? 

איך ווייס אז אלעס איז פון דיר. איך ווייס אז אלעס איז בלויז פאר מיין טובה.

איך ווייס אז דו שיקסט מיר א נסיון נאר ווייל דו גלייבסט אין מיר אז איך וועל זיך קענען מתגבר זיין און דעמאלטס וועט זיין א געוואלדיגע שמחה און המתקה אין אלע עולמות.

איך ווייס אז יעדע נסיון איז מיט א חשבון. א נסיון ריקט זיך נישט אונטער, א נסיון קומט במכוון פון דיר טאטע אין הימל, און דו טאטע מיט די פמליא של מעלה ווארטן זעהן ווי איך בין זיך מתגבר.

איך ווייס דאס טאטע...

אבער, טאטע, מיין ליבער טאטע, וואס נאר דו פארשטייסט מיר באמת...

טאטע, איך האב נישט קיין כח צו נסיונות! דיינע הייליגע צדיקים האבן שוין מתקן געווען בעטן ביים דאווענען "אל תביאני לידי נסיון!". 

אפילו ס'איז לטובתי, ס'איז מצד החסד והרחמים, אבער איך בעט דיר "הראנו ה' חסדך", גיב מיר חסדים וואס איך זאל זיי קענען זעהן מיט מיינע אויגן און זיי פארשטיין מיט מיין פליישיגע מוח.

טאטע איך בין צו שוואך, איך וועל נישט קענען ביישטיין.

איך וויל דיר טוהן נחת רוח מיט תורה ותפילה און אהבת ישראל.

אפשר נאך א ריינערע געזונטע תקופה וועט מיר זיין גרינגער טוהן אויך די עבודה פון דיר דינען דורך שטיין אין נסיונות. אבער יעצט איר מיר עס נאך שווער.

אנא ה' הושיעה נא. 

אה, אזעלכע הארציגע דברים היוצאים מן הלב.
זאל דער בוחן כליות ולב זיך שוין מרחם זיין אויף אונז אלע און אונז ברענגען א רפואה שלימה במהרה.

יעפ, ערב פורים, ערב פסח, ערב סוכות, יעדער איז פארנומען, און מיר זענען פארנומען מיט אונזערע אייגנארטיגע עבודה, פון זיך קאנטראלירן די רייצנדע תאוות.

זאל דיר ה' געבן די כוחות צו ביישטיין די נסיונות, און דיר העלפן טרעפן א וועג ווי זאלסט נישט זיין אויסגעשטעלט צו קיין נסיונות.

ש'כח טייערע חברים פאר ענקער חיזוק, דא אין פריוואט.

און יא, מ'טאר זיך נישט לאזן נאכגיין נאך די ווייטאגליכע געפילן. אונז מוזן זיין שטערקער פון דעם. ואין הדבר תלוי אלא בי.
ס'איז טאקע שווער, אבער כי לכך נוצרת.

איך רעד צו מיר אליין: וחזקת והיית לאיש, מיט א פרישקייט.
און נישט פארגעסן די גרויסע כלל: איין טאג אויפאמאל! אינטרעסירט מיר נישט פון מארגן.

ב"ה ברוב רחמיו וחסדיו האלט מען ביי 52 ריינע טעג.

איך האב שטארק אנגעזעהן, בפרט די לעצטע פאר טעג, אז עיקר גדול, די ראש וראשון, איז: שמירת עינים!!
נישט לחינם הייסט די סייט "היט דיינע אויגן", ווייל אן היטן די אויגן, זאמלט זיך אין די מוח נאך און נאך נייע שמוץ, און ס'איז כמעט נישט שייך במציאות זיך האלטן ריין.

מ'מוז זיך היטן די אויגן. פינטל. דאס איז די ערשטע זאך. אזוי ווערט די מוח מער און מער ריין, און מ'ווערט ווייניגער אנגערייצט. מיט די צייט ווערט עס גרינגער און די אויגן הייבן זיך נישט אויף אטמאטיש ביי יעדע ראיה אסורה. ווייל די מוח איז שוין ווייניגער אנגערייצט.
אבער פארזיכטיג דארף מען זיין, ווייל מ'קען זייער שנעל צוריק פאלן.

כל זמן די שמירת עינים איז שטארק, איז די גאנצע נסיון בחסד. אויב מ'איז מזלזל בשמירת עינים, ווערט די נסיון אסאך שטערקער ווייל מ'איז סאך מער אנגערייצט.

שמירת עינים = דו זאלסט היטן דיינע אויגן
שמירת עינים = די אויגן היטן אויף דיר זאלסט נישט משוגע ווערן.

שטארק ווארט

איך האב געטראכט די פורים, אז עס שטייט לגבי עמלק "צא והלחם בעמלק מחר".
די וועלט טייטשט אז עמלק וויל אלעמאל אפשטופן די התעוררות אויף מארגן כדי די התעוררות זאל אויסוועפן.
האב איך געטראכט לאידך גיסא, עמלק וויל אייביג מ'זאל טראכטן פון מארגן. ער קומט אונז זאגן, ריכטיג אז יעצט ביסטו פיין און ריין אבער וואס וועט זיין מארגן? וואס וועט זיין איבער מארגן? ער וויל מיר מאכן שווער די גאנצע ענין און ברענגט פאר מיינע אויגן די קימעדיגע טעג כדי מאכן א שווערע עול און מיר מאכן אנגעצויגן.
הייסט אונז דער הייליגער באשעפער: צא הלחם בעמלק מחר, פאלג נישט עמלק וואס ער וויל זאלסט קוקן אויף מארגן, קוק נאר אויף היינט! היום אם בקולו תשמעו. ועכשיו קרבנו המקום לעבודתו. איך קוק נאר אויף יעצט. און יעצט איז ב"ה גוט, ש'כח טאטע.

נישט שפעט געשריבן on י' אדר התשפ"א 18:03:

wow wow דעס זענען באמת דברים היוצאים מן הלב איך האב עס גליינט און איבער געליינט אין עס איז מיר געקומען טרערן אין די אויגן צי זען ווי אין 2021 זענען נאך אלץ דא אידן וואס ווילן באמת זיין אזוי ערליך עס איז מוראדיג חזק חזק אזוי שרייבענדיג דערמאן איך מיר א מעשה וואס איך האב אמאל געהערט איך געדענק נישט מיט וועלכע צדיק דאס איז געשען אבער מעשה שהיה כך היה ערגעץ ווי אין רוסלאנד ווען עס איז געווען די צייטן וואס די אידן זענען געווען געצווינגען צו גיין אין מילטער האט דער צדיק אריין געוואקט אין ביהמ"ד שבת ביינאכט האט ער געזען ווי א רוסישער סולדאט אונגעטון אין די מונדירן זיצט אין לערנט הויך אויפן קול גמרא תוס האט ער עם געפרעגט וואס איז דאס האט עם דער סולדאט גענטפערט אז די רוסן ימ"ש געבן רשות פאר די סולדאטן 12 שעה א וואך זיך צי קענען אפרוען אין ער האט אויסגעקלויבט פרייטאג צונאכטס און ער קומט דא אין ביהמ"ד יעדן שבת אין לערנט האט זיך דער צדיק אונגערופן וועגן אזאלכע אידן ווי דיר קומט נישט משיח ווייל ווען משיח וועט קומען וועט דער רבוש"ע נישט האבן דעי נחת רוח וואס ער האט פין דיר און דאס איז וואס איך קען דיר זאגן הרב נישט שפעט פאר אזאלכע אידן ווי דיר קומט נישט משיח ווייל דער רבוש"ע זאגט אז ווען משיח וועט קומען וועל איך נישט האבען אזאלכע אידן וואס דראפענען זיך אויף די גראדע ווענט צו בלייבן הייליג אזויווי הרב נישט שפעט .

ש'כח אויף די חיזוק
די מעשה איז געווען מיטן פריעדיגע בעלזער רב זי"ע, ווען ער איז געווען אין וויען, און געהערט ווי א אידישע סאלדאט לערנט בקול ובהתמדה וכו'

א גרויסן שכח טייערע נישט שפעט איך בין זייער איבערגענומען געווארן פון דיינע ווערטער געווענדליך קאסטן מיר דיינע ווערטער אפאר טרערעליך      איך בין דא פריש     און די ווערטער איז מיר זייער צום הארצן ........ אפילו איך ווייס אז מיר זענען אלע דא פאר די זעלבע צוועק אבער אז מען זעט עס פון צייט צו צייט וועקט עס אויף די סטרונעס פון הארץ און סגיבט כח   שרייב נאך           סיי די און סיי ווער סהאט עפעס אויפן צינגל      עס בלזט אריין א חיות אינעם עולם ובפרט פאר די פרישע מעמבערס    (כהאף אז כהאב גוט געשריבן ......... פאר די ערשטע מאל איז עס זיכער גוט )

טויש געשריבן on נעכטן 18:48:

מזל טוב!!!! הרב טויש פאר דיין ערשטע תגובה... זייער שיין..כן ירבה!!!!