א גוט מארגן!
קודם כל וויל איך מיך באדאנקן פאר אלא חברים וואס האבן זיך כסדר נאכגעפרעגט אויף מיר און נישט אויפגעגעבן אויף מיר, און דאס האט גורם געווען אז "יא" איך שרייב יעצט ווייטער !
און דער אמת איז אז איך וויל שרייבן, און איך האלט אז עס וועט מיר זיין א גרויסע תועלת, אבער איך האב כסדר מניעות וואס מאכט עס שווער פאר מיר. (אזוי ווי איך האב שוין געשריבן פאר אנדערע חברים)
די סיבה פארוואס מען הערט נישט פון מיר איז דרייפאכיג
1. איך ארבעט אין איין אפיס מיט מיין בעה"ב.....והמבין יבין
2. איך קען נאך נישט טייפן אידיש גענוג שנעל (און איך בין א פערפעקשאניסט)
3.אסאך מאל וויל איך פרעגען קשיות און איך ווייס נישט ווי עס צו פרעגען (איך וויל נישט עפענען א נייע טרעד פאר יעדע קליינע קלייניקייט)

אבער אזוי פיל קען איך דיר יא זאגן, די חיזוק וואס איך באקום דא איז אומביישרייבליך, ממילא האב איך באשלאסן אז איך וועל זיך יא נעמען די מי און אנהייבן טון מו דער זאך.

Helpmeasap געשריבן on י"ז סיון התשע"ט 10:03 AM:

שלום וברכה

דיין טרעד וועט דיר זיכער העלפן אנצוקומען ווייטער אין ווייטער אויף די גוטע דירעקטאן

יעצט צום ענין. (אפשר מיט דער צייט וועל איך מער אנקומען צו רעדן פון מיין פערזענליכע היסטאריע)

אזוי ווי דער באשעפער האט מיך אראפגעשיקט אויף דער וועלט מיט 2 פערזענליכע באגלייטערס, זה מושך לכאן וזה מושך לכאן, איז שוין העכסט צייט צו ווייזן ווער ס'איז עומד בראש, און אפילו ווען ס'געלונגט פארן צווייטן צו שטיין העכער פאר אפאר מינוט, זאל ער קלאר וויסן אז בעז"ה איז דאס נאר צייטווייליג !!!

קלארשטעלונג:  עס איס מעגליך אז זאכן וואס איך וועל פרעגען איז שוין געווארן אויסגעשמועסט בעבר, ביטע זיין אזוי גוט און צוצייגן אדער פריש ענטפערן, 
יישר כח למפרע
הקדוש העלפמי 
(איך שרייב הקדוש, ווייל אסאך מאל איז די התגברות בבחינת מסירת נפש ממש)

לאמיר אנהייבן.

מיין גרעסטע נסיון קומט מיר געווענטליך אונטער און ארבעט.
איך ארבעט רוב טאג אין א אפיס, און מיין בעה"ב (נישט קיין חסיד) וויל בשום אין אופן נישט לייגן קיין גוטע פילטער אויף די קאמפיוטערס, עפעס א נארישע פילטער איז דא, און באמת פארשטיי איך אים ווייל אזוי אויך ארבעטן אונזער קאמפיוטערס זייער שטייט און ס'איז ברייט באוויסט אז פילטערס מאכן עס ארבעטען שטייט ממילא וויל ער נישט אז עס זאל ווערן נאך שטייטער.

איך כשלעצמי האב אויף מיין פערזענליכע קאמפיוטער ארויפגלייגט K9 און ס'ארבעט טאקע שטייט, אבל דא עקא אז ווי אויבענדערמאנט ארבעט איך מיט אים אין איין אפיס (והמבין יבין)  און בכלל האב איך עקסעסס צו אלע קאמפיוטערס און ארבעט.

איינמאל ווען איך מיך אפען אויסגעשמועסט מיט אים איבער דער ענין, האט ער מיר מודה געווען אז ער פאלט אויך דורך פון צייט צו צייט, אבער ער טענה'ט אז דאס שטארקט אים.... און אויב וועט ער האבן א פילטער וועט זיין יצר זיך מער צושפילן.

סא מיין שאלה איז, מה יעשה הבן שלא יחטא?????

ער מאכט מיר לאכן אזוי ווי די לבאווישטע זאגן מען דארף יא האבן אינטערנעט אין זיך שטארקען מען דארף וויסן וואס יא וואס נישט

עני וועי איך האב נישט עכט קיין עצה אויסער די דארפסט טרעפן עמיצער וואס זאל אים קאנווינסען צי לייגען א פילטער 
K9 איז א פארגאגענהייט ביז די ענד פון די חודש וועט עס שוין מיין איך נישט ארבעטן
עס דארפן לייגן א נארמאלע פילטער

יעצט וועגען מאכן שטייט ביי אונז אין אפיס איז געווען א פאר טעג וואס איז געווען שטייט מען האט געקאלט די קאמפעני און זיי האבן קעיר גענומען דערפון עס אפ נאו זעה איך נישט אז די פילטער זאל מאכן שטייט די אינטערנעט
(וואס קען זיין ער מיינט די געלט און ער ניצט די תירץ שטייט)

Effective immediately, K9 Web Protection is no longer available for purchase or download.  Technical Support for K9 will end on June 30, 2019.  Until then, support for K9 can reached via email at  This e-mail address is being protected from spambots, you need JavaScript enabled to view it .  We’ve also created an uninstall tool should you need help removing the application from your computer.

דאס איז זיכער אז א פילטער מאכט עטוואס שטייטער, אבער נישט געפערליך.
אבער מען קען האבן אן ענטערפרייס פילטער אויף די גאנצע נעטווארק וואס דארף יא צו גיין גאר שנעל און ער קען עס קאסטומייזן אליינס (אזוי מיין איך)
פאר בילדער האב איך אמאל געזען עפעס א לינק אויף טעגס וועבזייטל, וואס מען קען אליין עפענען בילדער וואס מען וויל זען, פארשטייט זיך אז עס איז נאר גוט ווען מען וויל נישט זען...
skinfilter.org

מזל טוב העלפמי פאר דיין נייע טרעד.
צו מיך שרייען די קליינע אותיות וואס דו האסט געשריבן, ווי די גרעסטע קידוש לבנה אויתיות. מסירות נפש איז נישט קיין קלייניגקייט.
ס'איז אונז א זכי' דיך צו האבן דא.
חזק!
נ.ב. טייפן געוואוינט מען זיך זייער שנעל

לויט ווי איך זע קען מען נישט געבן א עכטע עצה פאר מיין פראבלעם.
איך בין באמת פארלוירן, וואס קען איך טון ?????
זאל איך טאקע אויפגעבן?
זיצן ביי פתחי זונות און נישט זינדיגן איז לעת עתה נישט ביכולתי.
זיץ איך און איך וויין און טו ווייטער, אזוי ווי א ביבער וואס וויינט ווען ער שפאצירט אריין אין נעץ און גייט נאכאלץ אריין

רבש"ע וואס טוט מען דא ??
החותם בצער (ולא ביואוש)
העלפמי

Helpmeasap געשריבן on כ"א סיון התשע"ט 1:44 PM:

ס'טוט זייער וויי צו ליינען דיין פראבלעם, וואס איז כמעט נישט ביכלתך כעת צו טון עפעס ערענסט דערוועגן ווייל דו ארבעסט פאר א צווייטן. גלייכצייטיג פרייד זיך צו זען אז דו פאלסט נישט אריין אין יאוש נאר דו פרובירסט צו טון און צו רופן פאר העלפ.

אבער אפשר קענסטו אים פראבירן מסביר צו זיין, אז אה"נ אז ס'וועט ארבעטן אביסל שטייטער, אבער למעשה וועלן די ארבעטערס אוועקגעבן מער צייט פאר די ביזנעס ווייל זיי וועלן נישט קענען קלעטערן אין אנדערע פלעצער, און קענסט אפשר פראבירן צו האבן אנדערע היימישע בעלי בתים וואס האבן יא גוטע פילטערס אויף אלע כלים פון זייערע ארבעטערס, און זיי זענען פיין מצליח ב"ה, זיי זאלן רעדן צו דיין בעה"ב און אים מסביר זיין אז ער לעבט פשוט אין דינייעל.....

קודם כל א גרויסן יישר כח פארן זיך אנרופן אפילו ווען מ'האט נישט קיין עכטע עצה, וממנו ילמדו וכן יעשו !!
דער גרעסטע פראבלעם דא איז, אז מיין בעה"ב איז קלוגער און בעסער פון יעדעם....
ממילא איז דאס נישט קיין עצה וואס איך קען נוצן לעת עתה
יישר כח 

א גוט מארגן אלע חשובע אנ"ש  פה בקהילת הד"א!!

קודם וויל איך מודיע זיין אז "יא" איך לעב נאך, אמת איך פאל כסדר ליידער דורך, אבער ווי לאנג איך לעב נאך קען איך נאך האפינטליך מתקן זיין...

דער אמת איז אבער, אז איך בין זייער זייער דיפרעסט........
דער פראבלעם וואס איך האב גערעדט פון דעם, גייט נאך אן בתוקפו, און איך זע נאכנישט א וועג ארויס דערפון, און עס גייט נאר ווערן ערגער, די פילטער וואס איך האב (K9) גייט סטאפן צו ארבעטן.

ווייס איך נישט וואס צו טון, ובפרט אז איך זע אז דער עולם דא האט נישט באמת קיין עצות פאר מיר

וועלמיר ווייטער ממשיך זיין צו פראבירן און דאווענען צו השי"ת
החותם בצער
הק' העלפמי HASHEM !!!!

איז דאס נישט א שאלה פון א דיין א רבי 
צו מען מעיג ארבטען דארט
[איך זאג נישט אז די זאלסט אויף געיבן די דזשאב   נאר מען דארף פרעגן א דעת תורה]
סייווי אסאך הצלחה מיט א שמייכל
שמייכל הק' יחיאל ביי ביי

בדרך אגב וויל איך בשער בת רבים אויסדריקן מיין טיפע הכרת הטוב פאר צוויי גאר חשובע מעמבערס וואס געבן נישט אויף אויף מיר, און זענען מיר מחזק יומם ולילה ממש אויף פריוואטע מעסעדשזאלט עטס וויסן אז נאר בזכותם האב איך נאכנישט אויפגעגעבן!!!!
השי"ת ישלם שכרם וירפא לכל גופם ויסיר מהם כל מחלה וכו'
נ.ב. יאקאב דער זינגער שרייבט טאקע נישט דא, אבער ער איז FULLY דא, און וויבאלד ער קען מיך פערזענליך, העלפט ער מיר ארויס גאר שטארק. והלוואי זאל ער זיך לאזן הערן.

Helpmeasap געשריבן on כ"ז סיון התשע"ט 10:51 AM:

טייערע העלפמי.

מיין הארץ גייט אויס פאר דיר, און איך וויין מיט מיט דיין צער און פיין, דו ווילסט זיין גוט, אבער.... דו שפירסט אז דו קענסט נישט.

איך האב פאר דיר נייעס, איך האב יא גאנץ א גוטע פילטער, אבער מיט דעם אלעס קען איך אלע לעכער דערפון, און איך ווייס פונקטליך וויאזוי עס אויסצושפילען און אנקומען צו כמעט אלעס אויב איך וויל.

למעשה זייט איך בין דא אויף הדא בין איך נאך "קיינמאל" נישט אהינגעגאנגן, און נאך "קיינמאל נישט" אויסגעשפילט דעם פילטער, ווייל איך האב מיר אריינגענומען אין קאפ, אז דאס איז זייער דענדזשרעס פאר מיר, פאר מיין עתיד, און פאר מיינע דורות, און אז איך ווייס וואס ס'איז גוט פאר מיר, זאל איך בעסער שטיין ווייט פון דעם אלעם.

כ'זאג נישט אז ס'איז געווען גרינג, ניין ס'איז נישט געווען גרינג, אבער מיט די צייט איז עס געווארן אביסל גרינגער, ס'איז א כסדר'דיגע עבודה, האדם יראה לעינים וה' יראה ללבב, דו באשעפער זעהט דיין צובראכן הארץ, און ער ווייסט ווי שטארק דו ווילסט, און ער וועט דיר בעז"ה העלפן.

ס'קען זיין אז דו ביסט שוין אין די קאטעגאריע פון א עדיק (ס'מוז נישט זיין, אבער ס'קען זיין), אפשר איז עס עי דיין ישועה, אפשר נישט, מעגליך אז די 12 סטעפס וועט דיר שטארק קענען העלפן, ובפרט סטעפ נומ. 1 אז דו ביסט באמת פאוערלעס, זיי מתפלל יעדן טאג פאר דו עפענסט דיין קאמיוטער צום באשעפער, זאג אים אז דו קענסט נישט, אבער ער קען יא, בעט ער זאל דיר היטן. ווען דו שפירסט אז ס'איז כלו כל הקיצין, רוף שנעל א חבר פון דא, אדער הייב אן א הענג אוט מיט איינעם ווען דו שפירסט באקוועם, גיי ארויס פון אפיס פאר א מינוט ביסט ס'בארואיגט זיך די דראונג וכו'.

וואס יחיאל האט געמענטשעט איז נישט אויסגעשלאסן, איך וואלט דיר אויך געראטן צו גיין פרעגן א דעת תורה, אין פאקט איז דאך "אין אדם שומע לי ומפסיד", קען זיין אז דאס איז גאר א טירל פאר א בעסערע פאזיציע על טהרת הקודש, איך זאג גארנישט, אבער פרעג א גוטן יוד. איך האב שוין געשריבן ערגעץ אנדערש, אז איך האב כמעט געדאפעלט מיין אינקאם זייט איך בין דא אויף הדא און איך פיר מיך ערליך לויט מיינע בעסטע מעגליכקייטן, (איך האב נישט געדארפט טוישן פרנסה).

יחיאל, יישר כח פארן זיך וואוסונדיג מאכן, אוודאי איז עס א הלכה'דיגע שאלה, אבל מה אעשה אז איך שעם מיך צו פרעגען?
ועוד, אין טיפן הארצן האב איך צורא צו פרעגען ווייל איך האב מורא פון די תירוץ, איך האב ב"ה א פיין באצאלטע דשאב און איך ווייס נישט וואס וועט זיין נאכדעם

Helpmeasap געשריבן on כ"ז סיון התשע"ט 11:14 AM:

דאס איז א שווערע נסיון 
איך קען דיר גארנישט זאגן   וויבאלט איך האב עס קיינמאל נישט געהאט 
זיך שעמען איז נישט דא וואס לדעתי    די דארפסט נישט זאגן אז די זעיסט זיך אן מיט שמיץ
פארקערט די דיין וועט דיך ארוף קוקן פארן ווילן טוהן וואס עס איז ריכטיג
איך פיל מיט דיין שווערע סטראגל  זאל הש''י דיך געבן כח מיט מוח
און מיט א שמייכל
שמייכל הק' יחיאל ביי ביי

אחכה לו, וואס זאל איך דיר זאגן, איך האב שוין לאנג זיך געוואלט באדאנקן פאר דיר, דיינע ענטפערס זענען אייביג צו דער זאך, פול מיט מחשבה ובטוב טעם ודעת (קיינער זאל עס פליז נישט נעמען פערסאנעל) איך ווער יעדעס מאל עקסטער איבערגענומען פון דיין הפלא'דיגע וועג פון צונעמען א זאך און ענטפערן דערויף מיט א קלוגע דורכגעטראכטע מהלך.
א גרויסן יישר כח פאר אלעס!!!!!

אבער גלייב מיר אז כמעט די אלע עצות האב איך שוין געטרייד ולא עלתה בידי

אבער אזויווי איך האב געזאגט "איך געב נישט אויף" און איך וועל בעז"ה עס דורכמאכן !!!

קודם וויל איך דיר באדאנקען פאר'ן מיך צווינגען צו אנהייבן שרייבן, די סיבה פארוואס איך האב נישט געשריבן ביז יעצט, איז ווייל איך פיל נישט אז איך קען געבן חיזוק, איך אליין ווייס דאך ווי איך שטיי און ווי מיין הארץ ציעט...
טאמער האב איך מיך איינגערעדט און די לעצטע צוויי (ריינע) וואכן אז ביי מיר איז 'מוח שליט על הלב', בין איך געוואויר געווארן די סוף וואך אז פינקט פארקערט, און די מיינען אזוי (כוחי ועוצם ידי) איז גאר א חלק/עיקר פין מיין פראבלעם ה"י.
זאלסט וויסן אז דעס אז איך האב דיך געקענט זאגן, איז זיכער נישט מיינען כוחות, וויל איך האב נישט געפלאנט זיך צו מתוודה זיין.
דיין אפנקייט איז להפליא.
איך דאנק דיר פין טיפן הארצן פארן אויפוועקן מיין שמוציגע נשמה, און פארן נישט נאךלאזן.
איך בעט דיך און דעם 'מטהר את ישראל' געבטס נישט אויף אויף מיר!

יאקאב דער זינגער געשריבן on כ"ז סיון התשע"ט 12:36 PM:

מזל טוב יאקאב דער זינגער פאר דיין ערשטע פואסט  אסאך הצלחה
מיט א שמייכל
שמייכל הק' יחיאל ביי ביי

הרב העלפמי,
קעניסט נישט זאגן פאר דיין בעל הבית אז מלאזט נישט אריין דיינע קינדער אין די מוסדות אן א גוטע פילטער?
וועגן K9, איז דא נאך פארשידענע בחנם'דיגע פילטערס, און אפשר לוינט זיך דיר צו צאלן פון דיין טאש די 10$ א חודש פאר א פילטער אויף דיין קאמפיוטער, ער קומט דען בודק זיין צו עס פארמאגט א פילטער?

אזוי ווי מ'האט שוין אזוי פיל מאל דערמאנט דא אויף הד"א אז ס'איז זייער א גרויסע סגולה זיך צו האלטן ריין אז מען זאל ציילן הויעך, וועלמיר בעז"ה אנהייבן פון היינט צו ציילן דא ברבים, וחפץ ה' בידינו יצליח!!

הנני מוכן ומזומן לקיים מצות עשה של "והייתם נקיים" לעשות בזה נחת רוח ליוצרי
"היום יום אחד לטהרה"
ויה"ר שלא יצא מכשול מתחת ידינו

זייטס אלע מתפלל פאר מיר אויף 2 דאר וויכטיגע זאכן.
1) איך זאל זיך קענען האלטן ריין
2) איך זאל אייביג האבן די כוחות צו זאגן נאר דער אמת

wannabe געשריבן on כ"ז סיון התשע"ט 1:56 PM:

וועלכע פילטערס זענען גוט און מאכן נישט שטאט די קומפיוטערס?

Helpmeasap געשריבן on כ"ח סיון התשע"ט 12:46 PM:

די צווייטע איז מיין איך שווערער ווי די ערשטע

Helpmeasap געשריבן on כ"ח סיון התשע"ט 12:48 PM:


איך האב נישט קיין פילטער אויף די PC נאר ס'איז א עקסטערע באקס

אבער איך מיין טשענטעק דארף זיין גוט
gentechsolution.com/
אויף אייוועלט וועסטו האבן מער מענשטען מיט הילף פאר פילטערס

איך האב דזשענטעק (טעג) אויפן קאמפיוטער, אויב האט מען נארמאלע קאנעקשן דארף מען נישט אזוי מורא האבן פון ווערן שטייט, ס"ה אפאר מבפס שטייטער.
איך האב גאר שנעלע סערוויס מיטן פילטער אינאיינעם.
(נאר ליידער איז ביי מיר א פילטער גארנישט ווערד)

א גרויסע שקויעך פאר די אינפארמאציע, העמער זען וואס וועט זיך איינגעבן די בעסט בעז"ה

ביי דער וועי, איינער האט מיך מעורר געווען אז סתם ציילן איז נישט גענוג איך ברויך טון צו דער זאך אויך. וויל איך הערן דעם דעת הקהל אויף דעם.

איז עס ריכטיג?

אויב יא וואס וואלט געווען די פאסיגסטע זאך מיט וואס צו אנהייבן?

ביטע זיך נישט שעמען און ארויסברענגען די מחשבות אן קיין שום צוריקהאלט
יישר כוח למפרע

צי ס'איז ריכטיג??
זיכער איז עס ריכטיג
לומד פלעגט אלס זאגן גארנישט טוישט זיך נישט אויב גארנישט טוישט זיך
ווי אזוי מיינסטו אז דורך זיצען און ציילען יעדען טאג גייסטו בלייבן ריין ביי  סאם פוינט גייסטו ווערן באורד
אז די גייסט עפעס טון מאכן א כלי און וואס ס'זאל אריין גיין איז דא א גרויסע טשענס עפעס עט ווערן

איך פארשטיי דיין פוינט, אבער וואס?

פארשטייט זיך אז די ערשטע זאך איז א גוטע פילטער...

אויב האסטו נאך נישט געלייענט די האנט בוך פון הדא קען עס זיין א גוטע אנהייב

א גוט מארגן צו אייך מיינע טייערע און הארציגע חברים פה קהילת הד"א
ב"ה אז היינט קען מען ווייטער ארויסקומען דא ברבים ציילן הויעך אן זיך דארפן שעמען, כן יעזור ה' להלאה !
לאמיר כאפן א מקוה, זיך אנטון א גארטל, פארגלייזן די אויגן, און אויסשרייען מיט א קול שמחההיינט האב איך א ספיצעלע טאג, ווייל איינער פון די גאר חשובע אנ"ש האט מיר געבעטן אז היינט זאל איך זיך האלטן ריין לכבודו, ממילא האט עס א סאך געשמאקערע טעם, אבער אויב "טאטי" וועט מיר ווייטער אונטערהאלטן וועל איך זיך קענען האלטן ווייטער ריין. 

Helpmeasap געשריבן on כ"ט סיון התשע"ט 12:56 PM:

נישט פארגעסן... א מקוה נאר אויב ס'שאדט נישט... נאר אויב ס'איז נישט יצא שכרו בהפסדו...

ב"ה א מקוה פאר מיר מאכט נישט בעסער אדער ערגער ווי ווייט איל ווייס, אבער פאר וועם יא זאל טאקע שטיין ווייט דערפון

wannabe געשריבן on כ"ח סיון התשע"ט 5:12 PM:

אויף מיין קאמפיוטער האב איך ב"ה א פילטער, און אויף מיין בעה"ב בין איך נישט בעה"ב....

עבודת הבורא געשריבן on כ"ח סיון התשע"ט 6:28 PM:

איך האב שוין מער ווייניגער דורך געליינט, אבער פאר סאם ריזאן פיל איך אז דירעקטע ענטפערס פון אנ"ש מיינען מער פאר מיר.

און אז מ'רעדט שוין, וויל איך מיך באדאנקן פאר אלע וואס שיקן מיר פריוואטע מעסעדשעס וואס העךפן מיר גאר שטארק צו, און אפאר חברה האבן אפילו געשריבן אז איך קען שיקן אויף אימעיל דירעקט צו זיי, אבער במחילת כבודם וויל איך יא דווקא שרייבן דא ווייל איך וויל אז ס'זאל זיך דא לעבן און ס'זאל חלילה נישט איינשלאפן דא אזויווי עס איז געווען ווען איך האב אהערגעוואנדערט.
יישר כוחכם!

Helpmeasap געשריבן on כ"ט סיון התשע"ט 1:55 PM:

טייערע העלפמי, איך רעספעקט דיין החלטה און דיין וועג פון טראכטן.
אבער פשוט אויסצוקלארן, אז אסאך מאל איז פשוט נישט מעגליך צו העלפן ברבים, מ'קען שווערער אריינגיין אין פערזענליכע פרטיות'דיגע פרטים וכדומה, און מסתמא דאס איז די סיבה פ"וו עטליכע האבן דיר געגעבן זייער אימעיל אדרעסן. אזוי צו אזוי זאלסטו טון וויאזוי דו פארשטייסט, און וואס ער ארבעט פאר דיר.

וואס זאל איך דיר זאגן, אז דו ביסט גערעכט ביסטו דאך גערעכט.
שקויעך פארן אויסקלארן

אויב דער עולם באמערקט, פרוביר איך צו שרייבן דא אויף הד"א גאנץ אסאך ווייל ס'האלט מיך ביזי וואס דאס איז די בעסטע סגולה, בדוק ומנוסה.
אבער צוליב וואס איך לייד ב"ה פון "קאמפלעקס" (ס'פלעגט זיין שרעקליך, שוין בעסער היינט צוטאגס. קענסט מיך?) פיל איך טיילמאל אז עס איז אביסל איבערגטריבן.
איך האב שוין גראדע געשריבן פאר איינעם פריוואט וועגן דעם, און ער האט מיך אנגעשריגן פארן האבן אזעלכע 'מחשבות זרות'
אלזא, וויל איך בעטן דעם עולם, אויב פעלט מען אז "דער גייט שוין אויף דער נערווען" זייטס אזוי גוט און לאזטס מיך וויסן ולמצוה גדולה יחשב.
א דאנק

א גוטן העלפמי, איך האב דיך שוין לאנג געוואלט זאגן, אבער איך האב מיך אפגעהאלטן ווייל איך האב דיך נישט געוואלט וויי טוהן. אבער יעצט אז דו בעטסט אזוי שטארק און קלאר, וועל איך דיר זאגן אפן און גראב: דו קריכסט אויף די נערוון!!! יא יא, פשוט און פלאך. דו ביסט א געפערליכע נערוון קריכער. יעדע פאוסט וואס דו שרייבסט אויף הדא מאכט נערוועז און צופלאצט און קריכט ארויס פון די נאז.
אבער נישט פאר מיך און נישט פאר קיינעם דא. אדרבה, יעדער וואס איז דא איז זיך מחיה מיט יעדע פאוסט וואס דו שרייבסט.
אבער פארן יצר הרע גייט עס אויף די נערוון!!!! ער ווערט צופלאצט מיט יעדע מאל דו סיינסט אריין דא און מיט יעדע מעסעדזש וואס דו שרייבסט. ס'איז גירא בעיניו!!!
גיי ווייטער אן און זיי אונז ווייטער מחיה מיט דיינע זיסע אפנהארציגע מעסעדזשעס און קריך ווייטער אויף די נערוון....