WOW

ממש יציאת מצרים - קריאת ים סוף במלוא מובן המילה...

הצלחה אין דיין רייזע!

יונה'לע

שוין פאראכטן מיין פראפייל מיט מיין נייע אימעיל אדרעסס



(אגב, איינער וואס מיינט Enable karma display  די לעצטע אפשן אין די פארעכט פראפייל ??)

צוויי דיימאנטן געשריבן on ט' שבט התשפ"ב 5:41 PM:

דאנק און לויב דעם אייבישטער און דיינע חברים.
אבער בעיקר שבעיקרים לערן זיך אויס פון דעם אויף די געוואלדיגע כוח וואס דיין הייליגע נשמה האט!
קוק אין שפיגעל און זאג: יא איך דער חלק אלו' ממעל האט באוויזן בעז"ה טוהן אזא טריט! דאס מיינט אז איך וויל אמתדיג, אז איך האב די כוחות, אז איך קען באווייזן זאכן, אז איך קען מיך טוישן!

נאך די מחשבות דאנק נאך אמאל די אייבישטער ביתר שאת ועוז. בעט אים מעומק לבך ער זאל דיר ווייטער באגלייטן בחסד וברחמים, ער זאל דיר כסדר שיקן די כח און די ישוב הדעת, וויסן וואס דו דארפסט טוהן בכל עת ובכל רגע.
און אז זאלסט אנהייבן שפירן בקרוב ממש די געוואלדיגע זיסקייט פון זיין ריין און ניכטער. ס'זאל אנהייבן משפיע זיין אויף דיין גאנצע לעבן בכלליות, אויף דיין סיפוק און שמחת החיים, אויף דיין התנהגות מיט חברים און מיט די ווייב און קינדער, און מיט דיר אליין.

חזק חזק

לחיים ! לחיים !

לחיים טובים ולשלום !

איך האף אז איר האט טאקע געמאכט א לחיים אויף א גלעזל משקה
א קלייניגקייט?

ישראל אשר בך אתפאר! 

יעצט גייט מען גיין ווייטער אין וועג, איך האב אן אלטן אימעיל וואס איך האב אמאל גענוצט, שוין אפאר יאר וואס איך נוץ עס נישט פאר פרעזענליכע געברויכן, אבער אמאל אמאל פאר אומפאסיגע געברויכן יא, איך האב שוין מיט די צייט גאנץ אסאך אינפארמאציע וואס איך האב נאך געברויכט פון דארט איבערגעקאפיט, אבער ס'וועט מסתמא נעמען אסאך לענגער עס מסדר צו זיין אינגאנצן, ווייל ס'איז אסאך פילערע אקאונט מיט מער תוכן וואס איך דארף נאך האבן.

אבער אזוי ווי די שערי שמים זענען יעצט אפן, וועל איך עס שוין יעצט אנהייבן צו טוהן ווייטער, פרובירן אריבערפרירן נאר די גאר גאר וויכטיגע, אלע איבריגע וועט זיין א קרבן חטאת...

איך האף בקרוב צו מעלדן אז יענס איז שוין אויך מסודר.

WOW WOW WOW!

וואס דער באווייזט דא!

מי כעמך ישראל!

מזל טוב מזל טוב פאר הרב צוויי דיימאנטן פאר'ן אויסמעקען זיין נישט אויסגעהאלטנע אקאונט וכל מה שבתוכו 
די זאלסט וויסען אז די רעש און הימל איז מורדיג גרויס עס איז דא יעצט א גרויסע עת רצון זעה צו נעמען א תהלים און זאג א קאפיטל צוויי בעט דעם אייבערשטער אויף אידיש וועגן יעצט איז א געוואלדיגע עת רצון 
איין זאך ווען די ביסט מתפלל האט אויך אונזינען מיר און אלע הייליגע חברים און ידידים וואס זענען דא 
הצלחה רבה א גוטע נאכט

נ ב איך גיי מיר יעצט נעמען צו די ארבעט ווייטער אויסצומעקען מיינע אי מעיל'ס אקואנט און איך האף צו מעלדען ווען איך בין פערדיג אי''ה

הרה''ק רבי אהרן ראטה זצוק''ל בעל שומר אמונים ועוד אמר שכשאדם הולך ברחוב ונזדמן לפניו הסתכלות אסורה ומתגבר על יצרו  ועוצם עיניו מראות ברע ואינו מסתכל אז הוא שעת רצון בשמים וכל מה שהאדם ההוא יתפלל אז ויבקש מאת השי''ת סגולה שתפלתו תתקבל לרצון

            (קדושת עינים פרק ה' אות תס''א)  

ברוך השם מיטען הילף פון השי''ת האב איך יעצט זוכה געווען די אויסמעקען אלע מיינע אי מעיל'ס אקאנטס וואס עס האט געהאט צוטוהן מיט שמוץ ב''ה דעי אלע מענטשן פון דארט קען שוין נישט צוקומען צו מיר און איך קען נישט גיין צו זיי 
ב''ה אז איך געדענק נישט קיינעם'ס אי מעיל אדרעס איך האב עס נאר געהאט און די קאנדעקטס יעצט איז עס געגאנגען און וואסער אריין 

דאס איז זיכער אז אסאך קרעדיט דערויף קומט זיך פאר די חברים דא פאר הרב נישט שפעט און פאר הרב נטע'לע פאר'ן געבן די וועגן ווי אזוי מען קען עס טוהן און דער חיזוק דערצו
און בפרט קומט זיך אסאך קרעדיט פאר צוויי דיימאנטען פארן טוהן צו דער זאך און אויסמעקען זיינע אי מעיל'ס דאס האט מיר געגעבן דער חיזוק צו אויסמעקען מיינע 
א גרויסען יישר כח פאר יעדעם,

דא

איך שטיי און שטוין!!

עס האט גענומען א גאנץ א לאנגע צייט מסדר צו זיין די פארשטויבטע ארכיוון, און אינמיטן האב איך זיך אנגעטראפן מיט אסאך גאר געפערליכע זאכן, אבער געהאט די כוחות און עס בכלל נישט געעפנט אפילו פאר נייגער, און ב"ה יעצט איז שוין נישטא וואס צו זיין נייגעריג דארט, ווייל ס'איז שוין נישטא במציאות...
זיך ממש געפילט זכר ליציאת מצרים, ארויס פון די נ' שערי טומאה, אז דער אייבירשטער זאגט ויסעו, פאלגט מען אן קיין שאלות, און דערנאך געשעהט די קריעת ים סוף.
הצלחה וברכה, הק' צוויי החונה פה דיימאנטן יצ"ו

ב"ה אריין ביום עשרה לטהרה
איך קען שוין זאגן עש"ר תעשר בשביל שתתעשר.
דערלאנגט פאר פרעה די עשר מכות,
עשרה נסיונות נתנסה, יעדן טאג א באזונדערע נסיון, און ביזדערווייל עמד לויט מיינע מדריגות.

ברודערלעך, איך גיס טרערן פון התרגשות.

זאגט די הייליגע גמרא, א"ר אבין בר רב אדא א"ר יצחק מנין שהקב"ה מניח תפילין וכו'
פון וואנעט ווייסן מיר אז הקב"ה לייגט תפילין וכו'
א"ל רב נחמן בר יצחק לרב חייא בר אבין הני תפילין דמרי עלמא מה כתיב בהו
האט רנב"י געפרעגט רחב"א, וואס שטייט אין די תפילין פון דעם רבונו של עולם?
א"ל ומי כעמך ישראל גוי אחד בארץ
האט ער איהם גענטפערט מיטן פסוק ווער איז נאך ווי דיין פאלק ישראל אן איינציג אויסדערוועלט פאלק איבער דער גאנצע ערד
ומי משתבח קוב"ה בשבחייהו דישראל
וועסטו זאגן אז הקב"ה בארימט זיך מיט די לויב פון די אידישע קינדער?
אין, דכתיב את ה' האמרת היום וה' האמירך היום אמר להם הקב"ה לישראל אתם עשיתוני חטיבה אחת בעולם ואני אעשה אתכם חטיבה אחת בעולם וכו'

די מפרשים אויף די פסוק זאגן אלעס:
רש"י הק': לי נראה שהוא לשון הפרשה והבדלה הבדלתי לך מאלהי עובדי כוכבים להיות לך לאלקים והוא הפרישך אליו מעמי הארץ להיות לו לעם סגולה.

רמב"ן הק': כיון שקבלתם עליכם כל התורה בפירושיה ובדקדוקיה ובחדושיה הנה גדלתם השם ורוממתם אותו שיהיה הוא לבדו לכם לאלקים לא תודו באל אחר כלל.

ספורנו: [מורא'דיגע ווערטער, ממש לענינינו] כשקבלת עליך להכנס בברית בשבועת האלה אשר בה אבדן כל טוב גשמי אם תעבור עליו האמרת ורוממת את האל ית' בזה שיהיה יותר נכבד אצלך קיום רצונו מכל טוב גשמי.

בעל הטורים: ולתתך עליון. לתהלה. ולשם. ולתפארת. ולהיותך עם קדוש.

פירושים זענען איבעריג . . .

אמר ליה רב אחא בריה דרבא לרב אשי תינח בחד ביתא בשאר בתי מאי א"ל כי מי גוי גדול ומי גוי גדול אשריך ישראל או הנסה אלהים ולתתך עליון אי הכי נפישי להו טובי בתי אלא כי מי גוי גדול ומי גוי גדול דדמיין להדדי בחד ביתא אשריך ישראל ומי כעמך ישראל בחד ביתא או הנסה אלהים בחד ביתא ולתתך עליון בחד ביתא.

ס’קומט פאר א וועלט דא!
אונז האמיר זוכה געווען צו גאר חשובע חברים! 

מוראדיג!!

דו האסט אריינגעברענגט א רוח פון חיות און קדושה אין דעם פלאץ. 

We're rooting for you! 

צוויי וואכן פון התגברות, צוויי וואכן פון ריינקייט, צוויי וואכן פון עבדות ה'
פערצן טעג איז ב"ה אדורך אין די וועג צו ריינקייט,
אז מ'רופט מיר אן (שטאפל) עבד ה' איז שוין גוט...
ויאמינו בה' ובמשה עבדו, קוקט אויס אז איך דארף מער גלייבן אין זיך אז איך קען עס באווייזן...

יא יא הרב ר' צוויי דיימאנטן עס איז שוין אריבער 14 טעג 2 וואכען ווער האט זיך געגלייבט אז אונז וועלן דא האלטן חזק חזק ונתחזק 
געדענק אדער דער ייצר הרע שלאפט נישט יעצט עס ארבעט מיט אלע אופנים אויף צוקימען מיט געדאנקען וויאזוי צוריק שלפען הרב צוויי דיימאנטן און מיר אויף גרינבוים און זיין זאק די לעצטע צוויי וואכען איז געווען פאר אים אזא טויט קלאפ אז עס האט זיך געשווארען נקמה און אונז 
ממילא זאלסט וויסען אז ער גייט אנקומען מיט פרישע אייטיעס אבער לאמיר זיך מחזק זיין אינאיינעם און זיך האלטן פעסט אפילו עס קען זיין אז יעצט וועט קומען אויסטרלישע שווערע נסיונות 
גיי אן מיט א שטארקייט מיט דעם הילף פונעם אייבערשטער קען מיר חזק חזק

מזל טוב פאר די צוויי נייע חברים צוויי דיימאנטן און יוסף גרינבוים לכבוד ענקערע 14 טעג, צוזאמען איז כ"ח ימים. און ווען מ'גייט אינאיינעם איז די כוחות פיל מער.
די אייבישטער זאל ענק ווייטער געבן די רוח חיים און שמחה, די געפיל פון התחדשות זאל ענק ווייטער באגלייטן.

זיך פרייען שטארק מיט די טאג ביז אהער
און זיין שטארק פארזיכטיג אויף ווייטער
מיט אמונה, שמחה און האפאנונג
מיט קבלות טובות, מיט א פעסטקייט
וויסן אז נאר די אייבישטער קען ענק האלטן

א גרויסען יישר כח פאר הרה''צ ר' נישט שפעט פארן מיר אזוי ווארמעם באגריסען דא דאס גיט שטארק חיזוק אויף גייען ווייטער 
ובפרט ווען מען זעהט אז די האלסט שוין ק''ה ביי 81 טעג גיט דאס א געוועלדיגע חיזוק אז יא יא מען קען אנקומען אויב מען וויל 
איך קען באשטיין צו הערן פון דיר מער וויאזוי עס איז געגאנגען ביי דיר 
די עיקר וויל איך וויסען ווען עס איז געווען די שווערסטע ביי דיר 
ווייל ב''ה די אייבערשטער זאל העלפען ווייטער דערווייל ביי מיר פארט עס זייער לייכט איך פארשטיי נישט וויאזוי דאס איז מעגליך עס איז כמעט נאך נישט געווען ביי מיר אזא זאך ביז יעצט אזוי לאנג ריין,
קוקט אויס אז די עצם זאך זיין דא מיט חברים הייליגע אידען איז שוין א שטארקע חיזוק 
אבער איך וויל הערן מער וואס נאך גייט די ייצר הרע פרובירען צו טוהן צו מיר און מיט וואס דארף איך זיין קאמפס גרייט 
הצלחה רבה א גוטע נאכט  

יוסף גרינבוים געשריבן on ט"ו שבט התשפ"ב 12:54 AM:

פון איין זייט, זיי שטארק פרייליך אויף יעדע ריינע טאג! דאנק די אייבישטער, ווייל ביי מענטשן ווי אונז איז די ריינקייט א חידוש און נישט די דורכפעלער...

זייער גוט אז דו ביסט "שם על לב" אז מ'מוז זיין גאר שטארק פארזיכטיג אויף ווייטער.
צוזאמען מיט די שמחה און הודיה על העבר, מוז מען טוהן אויך אין די ריינע טעג פעולות אויף להבא.
מ'מוז וויסן אז יא, אונז זענען קראנק, און טאקע יעצט האבן אונז די רוח ההתחדשות, אבער אויב אונז וועלן נישט מוסיף זיין שמירות ופעולות אין די ריינע טעג, קען חלילה זיין נישט גרינג ווען די התחדשות וועט זיך ענדיגן.

טעג אן נסיונות - קענען אמאל זיין די נסיון גופא! ווייל מ'ווערט קאלט און מ'איז שוין נישט פארזיכטיג.

די רבי ר' אלימלך זי"ע זאגט, להזהיר גדולים על הקטנים, אז בימי הגדלות דארף מען זיך צוגרייטן צו די ימי הקטנות. והדברים פשוטים.
די פראבלעם איז, אז בימי הקטנות האבן אונז נישט די כוח, און בימי הגדלות האבן אונז נישט די מוח...

האסט שוין געליינט די האנד בוך? האסט אנגעהויבן בודק וחוזר זיין וועלכע זאכן זענען דיר גורם לאסט? וויאזוי דו קענסט זיך דערוואטערן פון מכשולות? ביסט מער מקפיד אויף שמירות עינים? דו שפירסט אין דיין הארץ אז דיין קבלה איז גאר פעסט אז יהיה מה שיהיה גייסטו נישט בשום אופן צוריק צו דארט פון ווי דו ביסט געווען?

לייג דיך אריין מיט א פעסטקייט, ליין און טוה, שעפ עצות און הדרכות, וסוף הכבוד לבוא.

חזק ואמץ

א גרויסען יישר כח פאר די ריכטיגע דיבורים און חיזוק 
דאס וואס די פרעגסט אויב איך האב שוין געליינט די האנד בוך ליידער האב איך עס נאר געליינט שנעל און נאכנישט בעיון איך גיי עס טאקע טוהן בקרוב 
און דאס וואס די פרעגסט אויב איך האב שוין אנגהויבן מיט הגדרת און שמירת עינין און א פעסטע קבלה דעי אלע זאכן האב איך שוין געטוהן ביז יעצט אויך און עס האט זיך אויסגעלאזט מיט גארנישט 
שוין יארן יארן וואס איך ביו מחליט יעדע טאג אז יהיה מה שיהיה גיי איך נישט צוריק ווי איך בין געווען און עס קומט א פאר טעג שפעטער און איך ביו צוריק און נאך א פאר מאל אסאך שטערקער 
דאס איז מיין פרעבלעם נישט אז איך בין נישט מחליט מיט א פעסקייט
אדרבה לאמיר הערן פון דיר מיר די שרייבסט זייער גוט און זייער תוכענדיג אדרבה לאמיר הערן וואס עס קען מיר העלפן
א גרויסען יישר כח

קבלות, אפילו "פעסטע", ווען מ'טוהט עס ווען מ'איז נאך פארמאכט פאר זיך אליין, האט טאקע נישט קיין לאנגע תוקף בדרך כלל, ווייל אין יענע קליינע נסיון, יעדע קליינע שווערעקייט, פאלט מען גלייך דורך. נישטא ווער ס'זאל מחזק זיין, מעודד זייין, זאגט א גוט ווארט און אן עצה טובה.

אבער ווען מ'איז דא, מ'האט די דיבוק חברים, מ'לערט און מ'ליינט, מ'באקומט מער חכמה און ידיעות וויאזוי די זאך ארבעט, מ'הייבט אן א געוויסטע וועג, מ'האט אויף וואס זיך בויען, דעמאלטס קענען די קבלות האבן היפש מער א תוקף.

אבער דאס פאדערט ערנסקייט, אמת, הכנעה, זיין גרייט מקבל זיין, אמונה, שמחה. און א פעסטע החלטה אויף מאכן א טויש אין לעבן.

עצה טובה: ליין גוט דורך די האנד-בוך. דארט איז דא אסאך חשוב און וויכטיגע יסודות פאר די "התחלה"! ס'איז זייער וויכטיג דאס ליינען. נישט אבי געליינט, נאר זיך זעהן אין די ווערטער וואס מ'ליינט, און ליינען על מנת לשמור ולקיים.

עס קען זיין שווער בתחילת הדרך. ס'איז זייער נארמאל.
אבער נאר נאך א אנהייב קומט מען אן צום המשך. מ'קען נישט אנהייבן מיט די המשך. מ'מוז האבן די התחלה.

חזק ואמץ

יא! דיבוק חברים איז א גאר שטארקער שליסל, א חבר קען דיר ארויסשלעפן אפילו ווען די גליטשסט טיף אין שניי (ווי מיר היינט) אדער אין מאראסט, א זאך וואס אליינס ארבעט מען שעות און אפילו אזוי גייט עס נישט אלעמאל, וועט א חבר מיט א קליינער שטופ אונז שטופן גאר גאר ווייט...

א גרויסען יישר כח פאר הרב נישט שפעט פאר די חיזוק און אויך פאר הרב בי ווערי סטארנג
מיט אייבעשטענס הילף וועל איך אנגיין און אנגיין וויפיל עס איז שייך מיט מסירת נפש ממש 
און איך בעט טאקע פונעם עולם זאל שטיין צו דער האנט א דאנק

היום זיבעצן ימים לטהרה

כי טו"ב ה' - ווייל דער אייבירשטער איז גוט

יא יא, אלמלא הקב"ה עוזרי איני יכול לו,
ווען נישט דער גוטער זיסער באשעפער וואלט איך דעם יצר הרע נישט געקענט בייקומען

שטעל דיך פאר דער אייבירשטער שיקט מיר אונטער נסיונות, און ער אליינס העלפט מיר עס בייקומען...

נישטא נאך אזא גאט ווי אונזער גאט אין כאלקינו!

צוויי דיימאנטן געשריבן on י"ז שבט התשפ"ב 5:36 AM:

איך האלט ב''ה היינט אויף ביי 17 טעג איך בין מיך מצרף מיט צוויי דיימאנטן'ס הודאה לה'

הודו לה' כי טו''ב כי לעולם חסדו

געלויבט ביזטו דער אייבירשטער וואס האט מיר געגעבן די זכיה אנצוקומען צו די אכצנסטע טאג לטהרה!

ברוך ח"י העולמים!

ח"י ה' וברוך צורי בה' תתהלל נפשי כי ה' יאיר נירו בהלו נירו עלי ראשי
ח"י ח"י יודיך וישבחוך, אוי וויי טאטע!!!

גם אני הקטן מצרף 

הרב צוויי דיימאנטן איך פיל ווי עס גייט שוין נישט אזוי גרינג ווי אנהייב בין איך גערעכט אדער פארקערט ביי דיר גייט עס בעסער נאך?

געווארן זייער שווער שוין נאך פאר ס'איז געווארן זיבן טעג דאכט זיך, ווי שוין געשריבן ערגעץ,
אינדערצווישן איז שוין בעסער געווארן, און פארשטייט זיך ס'מאכט זיך אינדערצווישן זייער שטארקע נסיונות, ס'ווענד זיך ווי א טאג, אבער ב"ה מ'דערהאלט זיך.
איך מיין אז ווען איך שרייב דא איז עס בעסער...

און איך וויל צולייגן עפעס.
איך האב עס שוין געשריבן ערגעץ דא, איך וועל עס איבער'חזר'ן:
איך בין יעצט אין א מצב אן קיין פת בסלו, איך האב געמיינט אז ס'וועט זיין אסאך אסאך שווערער, אנפאנג איז טאקע געווען אזוי, למעשה נאך עטליכע טעג איז געווארן אסאך אסאך גרינגער, אויך ווייל איך ווייס אז די פת רוקט זיך שוין נענטער צוריק,
איך טראכט צוריק, איך מיין אז צייטן וואס איך פלעג יא קענען וכו' בטהרה, האב איך אבער דייקא אויך דעמאלט'ס געהאט נסיונות... און ליידער אסאך מאל דורכגעפאלן, איך וואונדער מיך פארוואס.

צוויי דיימאנטן געשריבן on י"ז שבט התשפ"ב 11:42 PM:

אינטערסאנט, ביי מיר איז אויך אזוי געווען.
די לענגסטע שטרעקע [27 טעג] איז געווען דייקא אין אזא זמן

אויב איך מעג פרעגן הרב א' גרין פארוואס זעהט מען נישט דיינע נומבער ווי עס האלט 
איך מיין אז עס העלפט פאר דיר און פאר מיר און פאר יעדעם איינעם

א. גרין געשריבן on י"ז שבט התשפ"ב 11:49 PM:

יא, איך האב אייביג געמיינט אנדערש, אבער יעצט זעה איך טאקע אז ס'ווענד זיך נישט אין דעם, ס'ווענד זיך אין מיך אליינס, און דער יצר ארבעט שטערקער מיך צו מאכן דורכפאלן דייקא אזעלכע טעג וואס איך וואלט אים גרינגער געקענט אוועקשטופן,
אויך ווען איך קוק צוריק זעה איך טאקע אז דאס איז געווען אייביג די מציאות,

קוקטס אריין און דער פראנט פעטש פון דער סייט דער איז דא אן ארטיקעל וועט חתונה האבן לעזן מיין פרעבלעם 
דארט ווערט אביסעל אויסגעשמיסט דעי נקודה אז עדיקעשן האט נישט קיין שום שייכות מיט פת בסלו אדער נישט 

יוסף גרינבוים געשריבן on י"ח שבט התשפ"ב 1:31 AM:

ווער נאך ווי אונז קען דאס עדות זאגן…

רוב מאל געשעט פארקערט, מעקט אוט מיט די ווייב…

נטע'לע, אויב איך מעג וואלט איך פאראכטן דיינע ווערטער צו: "מ'עקט אויס אויף די ווייב'ס חשבון"

שלום אהליך געשריבן on י"ח שבט התשפ"ב 12:04 PM:

ניין, די ווייב ווערט א פראסטיטוד

נטע׳לע געשריבן on י"ח שבט התשפ"ב 12:43 PM:

טטטררראאאחחחח...........

יום ליבשה געשריבן on י"ח שבט התשפ"ב 1:15 PM:

סטוט זייער וויי.

אבער ממיז קוקן דעם אמת אין פנים