תהילים פרק-לב

{א} לְדָוִד מַשְׂכִּיל אַשְׁרֵי נְשׂוּי פֶּשַׁע כְּסוּי חֲטָאָה:

{ב} אַשְׁרֵי אָדָם לֹא יַחְשֹׁב יְ-הוָה לוֹ עָוֹן וְאֵין בְּרוּחוֹ רְמִיָּה:

{ג} כִּי הֶחֱרַשְׁתִּי בָּלוּ עֲצָמָי בְּשַׁאֲגָתִי כָּל הַיּוֹם:

{ד} כִּי יוֹמָם וָלַיְלָה תִּכְבַּד עָלַי יָדֶךָ נֶהְפַּךְ לְשַׁדִּי בְּחַרְבֹנֵי קַיִץ סֶלָה:

{ה} חַטָּאתִי אוֹדִיעֲךָ וַעֲוֹנִי לֹא כִסִּיתִי אָמַרְתִּי אוֹדֶה עֲלֵי פְשָׁעַי לַי-הוָה וְאַתָּה נָשָׂאתָ עֲוֹן חַטָּאתִי סֶלָה:

{ו} עַל זֹאת יִתְפַּלֵּל כָּל חָסִיד אֵלֶיךָ לְעֵת מְצֹא רַק לְשֵׁטֶף מַיִם רַבִּים אֵלָיו לֹא יַגִּיעוּ:

{ז} אַתָּה סֵתֶר לִי מִצַּר תִּצְּרֵנִי רָנֵּי פַלֵּט תְּסוֹבְבֵנִי סֶלָה:

{ח} אַשְׂכִּילְךָ וְאוֹרְךָ בְּדֶרֶךְ זוּ תֵלֵךְ אִיעֲצָה עָלֶיךָ עֵינִי:

{ט} אַל תִּהְיוּ כְּסוּס כְּפֶרֶד אֵין הָבִין בְּמֶתֶג וָרֶסֶן עֶדְיוֹ לִבְלוֹם בַּל קְרֹב אֵלֶיךָ:

{י} רַבִּים מַכְאוֹבִים לָרָשָׁע וְהַבּוֹטֵחַ בַּי-הוָה חֶסֶד יְסוֹבְבֶנּוּ:

{יא} שִׂמְחוּ בַי-הוָה וְגִילוּ צַדִּיקִים וְהַרְנִינוּ כָּל יִשְׁרֵי לֵב:

תהילים פרק-לג

{א} רַנְּנוּ צַדִּיקִים בַּי'הוָה לַיְשָׁרִים נָאוָה תְהִלָּה:

{ב} הוֹדוּ לַי'הוָה בְּכִנּוֹר בְּנֵבֶל עָשׂוֹר זַמְּרוּ לוֹ:

{ג} שִׁירוּ לוֹ שִׁיר חָדָשׁ הֵיטִיבוּ נַגֵּן בִּתְרוּעָה:

{ד} כִּי יָשָׁר דְּבַר יְ-הוָה וְכָל מַעֲשֵׂהוּ בֶּאֱמוּנָה:

{ה} אֹהֵב צְדָקָה וּמִשְׁפָּט חֶסֶד יְ-הוָה מָלְאָה הָאָרֶץ:

{ו} בִּדְבַר יְ-הוָה שָׁמַיִם נַעֲשׂוּ וּבְרוּחַ פִּיו כָּל צְבָאָם:

{ז} כֹּנֵס כַּנֵּד מֵי הַיָּם נֹתֵן בְּאֹצָרוֹת תְּהוֹמוֹת:

{ח} יִירְאוּ מֵיְ-הוָה כָּל הָאָרֶץ מִמֶּנּוּ יָגוּרוּ כָּל יֹשְׁבֵי תֵבֵל:

{ט} כִּי הוּא אָמַר וַיֶּהִי הוּא צִוָּה וַיַּעֲמֹד:

{י} יְ-הוָה הֵפִיר עֲצַת גּוֹיִם הֵנִיא מַחְשְׁבוֹת עַמִּים:

{יא} עֲצַת יְ-הוָה לְעוֹלָם תַּעֲמֹד מַחְשְׁבוֹת לִבּוֹ לְדֹר וָדֹר:

{יב} אַשְׁרֵי הַגּוֹי אֲשֶׁר יְ-הוָה אֱלֹהָיו הָעָם בָּחַר לְנַחֲלָה לוֹ:

{יג} מִשָּׁמַיִם הִבִּיט יְ-הוָה רָאָה אֶת כָּל בְּנֵי הָאָדָם:

{יד} מִמְּכוֹן שִׁבְתּוֹ הִשְׁגִּיחַ אֶל כָּל יֹשְׁבֵי הָאָרֶץ:

{טו} הַיֹּצֵר יַחַד לִבָּם הַמֵּבִין אֶל כָּל מַעֲשֵׂיהֶם:

{טז} אֵין הַמֶּלֶךְ נוֹשָׁע בְּרָב חָיִל גִּבּוֹר לֹא יִנָּצֵל בְּרָב כֹּחַ:

{יז} שֶׁקֶר הַסּוּס לִתְשׁוּעָה וּבְרֹב חֵילוֹ לֹא יְמַלֵּט:

{יח} הִנֵּה עֵין יְ-הוָה אֶל יְרֵאָיו לַמְיַחֲלִים לְחַסְדּוֹ:

{יט} לְהַצִּיל מִמָּוֶת נַפְשָׁם וּלְחַיּוֹתָם בָּרָעָב:

{כ} נַפְשֵׁנוּ חִכְּתָה לַי-הוָה עֶזְרֵנוּ וּמָגִנֵּנוּ הוּא:

{כא} כִּי בוֹ יִשְׂמַח לִבֵּנוּ כִּי בְשֵׁם קָדְשׁוֹ בָטָחְנוּ:

{כב} יְהִי חַסְדְּךָ יְ-הוָה עָלֵינוּ כַּאֲשֶׁר יִחַלְנוּ לָךְ:

וויפיל משמעות האט די קאפיטל פאר אונז אלע
וויפיל האב איך ביי דעם צאמגעוויינט
ווי טיף אין שאול / שחת איך בין געווען גוט אין די ערד (עפר), נישט געוויסט ווי מ'קריכט ארויס פון זאק (שקי), נישט נאר בערב ילין בכי נאר ווען אומער, ווי נבהל  ונשתומם טאפענדיג א בארג,
אבער ווי גליקלעך איז מען אז מען פילט די שמחה די יזמרך, אז מען שפירט אז עס איז דא איינער וואס הערט דיר אויס און העלפט דיר
און אי"ה לעולם אודך
א גרויסן יישר כח

חָנֵּנִי יְ-הוָה כִּי צַר לִי עָשְׁשָׁה בְכַעַס עֵינִי נַפְשִׁי וּבִטְנִי: אין כעס אויף וועמען? אויף וועמען ניישט? אויף מיר זעלבסט! און אויף יעדן! יויש, די מצב רוח איז אין די אדמה, כִּי כָלוּ בְיָגוֹן חַיַּי וּשְׁנוֹתַי בַּאֲנָחָה כָּשַׁל בַּעֲוֹנִי כֹחִי וַעֲצָמַי עָשֵׁשׁוּ:
מִכָּל צֹרְרַי הָיִיתִי חֶרְפָּה ווען מען האט מיר געפאקט ביי די מעשה  וְלִשֲׁכֵנַי מְאֹד
וּפַחַד לִמְיֻדָּעָי איך ציטער אוועק מיינע באקאנטע און נאנטע זאל נאר נישט געוואר ווערן
הָיִיתִי כִּכְלִי אֹבֵד: זיך געפילט א פארלוירענע
וַאֲנִי אָמַרְתִּי בְחָפְזִי נִגְרַזְתִּי מִנֶּגֶד עֵינֶיךָאין בין געווען זיכער אז דאס איז דאס, איך האב שוין פארלוירן ביידע וועלטן

מיין תפילה איז בְּךָ יְ-הוָה חָסִיתִי אַל אֵבוֹשָׁה לְעוֹלָם בְּצִדְקָתְךָ פַלְּטֵנִי: הַטֵּה אֵלַי אָזְנְךָ מְהֵרָה הַצִּילֵנִי הֱיֵה לִי לְצוּר מָעוֹז לְבֵית מְצוּדוֹת לְהוֹשִׁיעֵנִי: כִּי סַלְעִי וּמְצוּדָתִי אָתָּה וּלְמַעַן שִׁמְךָ תַּנְחֵנִי וּתְנַהֲלֵנִי: תּוֹצִיאֵנִי מֵרֶשֶׁת זוּ טָמְנוּ לִי כִּי אַתָּה מָעוּזִּי: בְּיָדְךָ עִתֹּתָי הַצִּילֵנִי מִיַּד אוֹיְבַי וּמֵרֹדְפָי: הָאִירָה פָנֶיךָ עַל עַבְדֶּךָ הוֹשִׁיעֵנִי בְחַסְדֶּךָ:

מיין חיזוק איז, אז איך ווייס אֲשֶׁר רָאִיתָ אֶת עָנְיִי יָדַעְתָּ בְּצָרוֹת נַפְשִׁי:וַאֲנִי עָלֶיךָ בָטַחְתִּי יְ-הוָה אָמַרְתִּי אֱלֹהַי אָתָּה:
מיין שמחה איז אזבָּרוּךְ יְ-הוָה כִּי הִפְלִיא חַסְדּוֹ לִי בְּעִיר מָצוֹר: אָכֵן שָׁמַעְתָּ קוֹל תַּחֲנוּנַי בְּשַׁוְּעִי אֵלֶיךָ:וְלֹא הִסְגַּרְתַּנִי בְּיַד אוֹיֵב הֶעֱמַדְתָּ בַמֶּרְחָב רַגְלָי:

איך בין זיכער אז אין די זכות פון מיין התחזקות אז מָה רַב טוּבְךָ אֲשֶׁר צָפַנְתָּ לִּירֵאֶיךָ פָּעַלְתָּ לַחֹסִים בָּךְ נֶגֶד בְּנֵי אָדָם:

די פיינעל מעסעדז' פונם מורא'דיגע קאפיטל איז

צוויי דיימאנטן געשריבן on כ' סיון התשפ"ב 10:57 PM:

צוויי דיימאנטן געשריבן on כ' סיון התשפ"ב 10:54 PM:

{ה} חַטָּאתִי אוֹדִיעֲךָ וַעֲוֹנִי לֹא כִסִּיתִי אָמַרְתִּי אוֹדֶה עֲלֵי פְשָׁעַי לַי-הוָה וְאַתָּה נָשָׂאתָ עֲוֹן חַטָּאתִי סֶלָה:

{ו} עַל זֹאת יִתְפַּלֵּל כָּל חָסִיד אֵלֶיךָ לְעֵת מְצֹא רַק לְשֵׁטֶף מַיִם רַבִּים אֵלָיו לֹא יַגִּיעוּ:

לעת מצוא, שטייט אין גמרא, זו אשה, איך בעט השי"ת אלעמאל און ספעציעל ווען ס'טרעפט זיך פלוצלינג א ראי' אסורה פארענט פון מיינע אויגן, עס זאל מיר נאר נישט פארשוועמען, איך זאל נישט פארשלעפט ווערן אין די מים רבים, די מקור התאוות, און דורך דעם וועל איך זוכה זיין צו:

{י} רַבִּים מַכְאוֹבִים לָרָשָׁע וְהַבּוֹטֵחַ בַּי-הוָה חֶסֶד יְסוֹבְבֶנּוּ:

{יא} שִׂמְחוּ בַי-הוָה וְגִילוּ צַדִּיקִים וְהַרְנִינוּ כָּל יִשְׁרֵי לֵב:

קאפיטל ל"ב איז געוואלדיג !

צוויי דיימאנטן געשריבן on כ' סיון התשפ"ב 10:57 PM:

יעצט געזאגט לזכות נישט שפעט
און געדאנקט, צופרידען צו שטעלן  צוויי דיימאנטן

תהילים פרק-לד

{א} לְדָוִד בְּשַׁנּוֹתוֹ אֶת טַעְמוֹ לִפְנֵי אֲבִימֶלֶךְ וַיְגָרֲשֵׁהוּ וַיֵּלַךְ:

{ב} אֲבָרֲכָה אֶת יְ-הוָה בְּכָל עֵת תָּמִיד תְּהִלָּתוֹ בְּפִי:

{ג} בַּי-הוָה תִּתְהַלֵּל נַפְשִׁי יִשְׁמְעוּ עֲנָוִים וְיִשְׂמָחוּ:

{ד} גַּדְּלוּ לַי-הוָה אִתִּי וּנְרוֹמְמָה שְׁמוֹ יַחְדָּו:

{ה} דָּרַשְׁתִּי אֶת יְ-הוָה וְעָנָנִי וּמִכָּל מְגוּרוֹתַי הִצִּילָנִי:

{ו} הִבִּיטוּ אֵלָיו וְנָהָרוּ וּפְנֵיהֶם אַל יֶחְפָּרוּ:

{ז} זֶה עָנִי קָרָא וַי-הוָה שָׁמֵעַ וּמִכָּל צָרוֹתָיו הוֹשִׁיעוֹ:

{ח} חֹנֶה מַלְאַךְ יְ-הוָה סָבִיב לִירֵאָיו וַיְחַלְּצֵם:

{ט} טַעֲמוּ וּרְאוּ כִּי טוֹב יְ-הוָה אַשְׁרֵי הַגֶּבֶר יֶחֱסֶה בּוֹ:

{י} יְראוּ אֶת יְ-הוָה קְדֹשָׁיו כִּי אֵין מַחְסוֹר לִירֵאָיו:

{יא} כְּפִירִים רָשׁוּ וְרָעֵבוּ וְדֹרְשֵׁי יְ-הוָה לֹא יַחְסְרוּ כָל טוֹב:

{יב} לְכוּ בָנִים שִׁמְעוּ לִי יִרְאַת יְ-הוָה אֲלַמֶּדְכֶם:

{יג} מִי הָאִישׁ הֶחָפֵץ חַיִּים אֹהֵב יָמִים לִרְאוֹת טוֹב:

{יד} נְצֹר לְשׁוֹנְךָ מֵרָע וּשְׂפָתֶיךָ מִדַּבֵּר מִרְמָה:

{טו} סוּר מֵרָע וַעֲשֵׂה טוֹב בַּקֵּשׁ שָׁלוֹם וְרָדְפֵהוּ:

{טז} עֵינֵי יְ-הוָה אֶל צַדִּיקִים וְאָזְנָיו אֶל שַׁוְעָתָם:

{יז} פְּנֵי יְ-הוָה בְּעֹשֵׂי רָע לְהַכְרִית מֵאֶרֶץ זִכְרָם:

{יח} צָעֲקוּ וַי-הוָה שָׁמֵעַ וּמִכָּל צָרוֹתָם הִצִּילָם:

{יט} קָרוֹב יְ-הוָה לְנִשְׁבְּרֵי לֵב וְאֶת דַּכְּאֵי רוּחַ יוֹשִׁיעַ:

{כ} רַבּוֹת רָעוֹת צַדִּיק וּמִכֻּלָּם יַצִּילֶנּוּ יְ-הוָה:

{כא} שֹׁמֵר כָּל עַצְמוֹתָיו אַחַת מֵהֵנָּה לֹא נִשְׁבָּרָה:

{כב} תְּמוֹתֵת רָשָׁע רָעָה וְשֹׂנְאֵי צַדִּיק יֶאְשָׁמוּ:

{כג} פּוֹדֶה יְ-הוָה נֶפֶשׁ עֲבָדָיו וְלֹא יֶאְשְׁמוּ כָּל הַחֹסִים בּוֹ:

תהילים פרק-לה

{א} לְדָוִד רִיבָה יְ-הוָה אֶת יְרִיבַי לְחַם אֶת לֹחֲמָי:

{ב} הַחֲזֵק מָגֵן וְצִנָּה וְקוּמָה בְּעֶזְרָתִי:

{ג} וְהָרֵק חֲנִית וּסְגֹר לִקְרַאת רֹדְפָי אֱמֹר לְנַפְשִׁי יְשֻׁעָתֵךְ אָנִי:

{ד} יֵבֹשׁוּ וְיִכָּלְמוּ מְבַקְשֵׁי נַפְשִׁי יִסֹּגוּ אָחוֹר וְיַחְפְּרוּ חֹשְׁבֵי רָעָתִי:

{ה} יִהְיוּ כְּמֹץ לִפְנֵי רוּחַ וּמַלְאַךְ יְ-הוָה דּוֹחֶה:

{ו} יְהִי דַרְכָּם חֹשֶׁךְ וַחֲלַקְלַקּוֹת וּמַלְאַךְ יְ-הוָה רֹדְפָם:

{ז} כִּי חִנָּם טָמְנוּ לִי שַׁחַת רִשְׁתָּם חִנָּם חָפְרוּ לְנַפְשִׁי:

{ח} תְּבוֹאֵהוּ שׁוֹאָה לֹא יֵדָע וְרִשְׁתּוֹ אֲשֶׁר טָמַן תִּלְכְּדוֹ בְּשׁוֹאָה יִפָּל בָּהּ:

{ט} וְנַפְשִׁי תָּגִיל בַּי-הוָה תָּשִׂישׂ בִּישׁוּעָתוֹ:

{י} כָּל עַצְמוֹתַי תֹּאמַרְנָה יְ-הוָה מִי כָמוֹךָ מַצִּיל עָנִי מֵחָזָק מִמֶּנּוּ וְעָנִי וְאֶבְיוֹן מִגֹּזְלוֹ:

{יא} יְקוּמוּן עֵדֵי חָמָס אֲשֶׁר לֹא יָדַעְתִּי יִשְׁאָלוּנִי:

{יב} יְשַׁלְּמוּנִי רָעָה תַּחַת טוֹבָה שְׁכוֹל לְנַפְשִׁי:

{יג} וַאֲנִי בַּחֲלוֹתָם לְבוּשִׁי שָׂק עִנֵּיתִי בַצּוֹם נַפְשִׁי וּתְפִלָּתִי עַל חֵיקִי תָשׁוּב:

{יד} כְּרֵעַ כְּאָח לִי הִתְהַלָּכְתִּי כַּאֲבֶל אֵם קֹדֵר שַׁחוֹתִי:

{טו} וּבְצַלְעִי שָׂמְחוּ וְנֶאֱסָפוּ נֶאֶסְפוּ עָלַי נֵכִים וְלֹא יָדַעְתִּי קָרְעוּ וְלֹא דָמּוּ:

{טז} בְּחַנְפֵי לַעֲגֵי מָעוֹג חָרֹק עָלַי שִׁנֵּימוֹ:

{יז} אֲדֹנָי כַּמָּה תִּרְאֶה הָשִׁיבָה נַפְשִׁי מִשֹּׁאֵיהֶם מִכְּפִירִים יְחִידָתִי:

{יח} אוֹדְךָ בְּקָהָל רָב בְּעַם עָצוּם אֲהַלְלֶךָּ:

{יט} אַל יִשְׂמְחוּ לִי אֹיְבַי שֶׁקֶר שֹׂנְאַי חִנָּם יִקְרְצוּ עָיִן:

{כ} כִּי לֹא שָׁלוֹם יְדַבֵּרוּ וְעַל רִגְעֵי אֶרֶץ דִּבְרֵי מִרְמוֹת יַחֲשֹׁבוּן:

{כא} וַיַּרְחִיבוּ עָלַי פִּיהֶם אָמְרוּ הֶאָח הֶאָח רָאֲתָה עֵינֵינוּ:

{כב} רָאִיתָה יְ-הוָה אַל תֶּחֱרַשׁ אֲדֹנָי אֲל תִּרְחַק מִמֶּנִּי:

{כג} הָעִירָה וְהָקִיצָה לְמִשְׁפָּטִי אֱלֹהַי וַאדֹנָי לְרִיבִי:

{כד} שָׁפְטֵנִי כְצִדְקְךָ יְ-הוָה אֱלֹהָי וְאַל יִשְׂמְחוּ לִי:

{כה} אַל יֹאמְרוּ בְלִבָּם הֶאָח נַפְשֵׁנוּ אַל יֹאמְרוּ בִּלַּעֲנוּהוּ:

{כו} יֵבֹשׁוּ וְיַחְפְּרוּ יַחְדָּו שְׂמֵחֵי רָעָתִי יִלְבְּשׁוּ בֹשֶׁת וּכְלִמָּה הַמַּגְדִּילִים עָלָי:

{כז} יָרֹנּוּ וְיִשְׂמְחוּ חֲפֵצֵי צִדְקִי וְיֹאמְרוּ תָמִיד יִגְדַּל יְ-הוָה הֶחָפֵץ שְׁלוֹם עַבְדּוֹ:

{כח} וּלְשׁוֹנִי תֶּהְגֶּה צִדְקֶךָ כָּל הַיּוֹם תְּהִלָּתֶךָ: