א גוטן ערב שבת

אין אונזערע צייטן קענען אונז זייער גרינג פארשטעלן וואס דור המבול איז געווען... די פריצות, די טומאה און שמוץ, וואס איז דעמאלטס געווען - קען דאך ליידער האבן היינט יעדער איינער ביי זיך אין שטוב, אין אפיס, אין טאש...

לאמיר אריין שפרינגען צום תיבה... לאמיר אריין קומען צו הד"א... לאמיר אנהייבן א נייע לעבן, לאמיר ריין מאכן אונזער גוף און נשמה, אנהייבן א אמתע זיסע געשמאקע לעבן. לאמיר אנהייבן א נייע וועלט. א וועלט אן די 'דור המבול סימפאטום'.

ס'דא פלאץ פאר יעדן...

***

בשורה משמחת

מיט פרייד זענען מיר מודעה וועגן דעם פרישן

מחזור 12 סטעפ'ס טעלעפאון - קאנפרענץ אין אידיש,

וואס וועט בס"ד ווערן אהער שטעלט,

אין די קומעדיגע וואכן בס"ד

דער שוין-בארימטער טעלעפאן-קאנפערענץ ווערט געפירט דורך משה נ"י, וועלכער איז שוין ריין אינעם SAפראגראם פאר איבער אכט יאר, און ער ניצט זיין אייגענעם נסיון החיים און עקספעריענס, אויפ'ן מהלך פונעם וואונדערליכן 12-סטעפס פראגראם, דאס איבערצוגעבן אויף אן אופן וואס מ'קען עס ניצן אויפ'ן אייגענעם מהלך החיים בס"ד.

אויפ'ן קאל האט מען אויך די געלעגנהייט:

ארויסברענגען אלע שאלות בנוגע אדיקשאן, איבער דעם 12-סטעפס פראגראם, און אלעס איבער ריקאווערי, און דאס איבערשמועסן אָן קיין בושה און פחד פון שמא יאמרו...

אויסגעפינען אויב מען איז עדיקטעד אדער מ'האט סתם א שלעכטע געוואוינהייט וואס דארף א פארבעסערונג; זיך פילן באקוועם צו זיך קוקן אין פנים אריין, און זען דעם גאנצן אמת וועגן זיך און וואס קען געטון ווערן איבער דעם.

לערנען וואס מיינט אמת'ע פרייהייט פון די עבדות וואס די תאוה ברענגט אונז, און וויאזוי מען קען דאס באקומען.

זיך איינצושרייבן אינעם קאנפערענץ-קאל דארף מען זיך פארבינדן מיט משה, וועלכער וועט אדורכגיין מיט יעדן באזונדער די ספיקות און מיטמאכענישן, און זען צי מ'איז געאייגנט פאר דעם קאל. דאס וועט ערמעגליכן פאר יעדן באטייליגטן אינעם קאנפערענץ-קאל זיך צו שפירן פארזיכערט, צו קענען זיין אפן און אמת'דיג מיט זיך און מיט אנדערע, וויסנדיג אז יעדער אויפן קאל איז קודם געווארן געסקרינט און איז דא פאר'ן זעלבן ציל.

אויב ביסטו אינטערעסירט צו זיין א חלק פון דעם קאל, אזוי אויך אויב דו ווילסט דורכרעדן צי דאס איז געאייגנט פאר דיר, פארבינד דיך מיט משה דורך דעם פאלגנדן אימעיל אדרעס: moisheone@gmail.com

מען קען זיך אויך פארבינדן מיט הנהלה דורך שיקן אן אימעיל צו די אחריא שיע צו sihagye@gmail.com.

וויכטיגע קלארשטעלונג: דער קאנפערענץ-קאל איז אויסדרוקליך נישט געאייגנט פאר איינעם וואס וועלכער האלט נאך אנהייב פון זיין וועג פון ריינקייט אדער פאר איינעם וואס האט נאכנישט פרובירט אנדערע מהלכים און/אדער פרובירט זיך צו האלטן ריין דורך אונזער פארום דא אויפ'ן סייט. דער 12 סטעפס מהלך איז דער לעצטער פרואוו פאר אזעלכע וואס האבן אלעס פרובירט און איינגעזען אז גארנישט האט זיי געהאלפן, אדער - ווי פארשטענדליך - פאר אזעלכע וועלכע טוען למעשה'דיגע שריט וואס קענען זיין פאר זיי אן ערנסטע ריזיקע אויב העלפן זיי זיך נישט תיכף ומיד.

הבהרה: דער קאנפערעץ-קאל איז נישט דירעקט פארבינדן מיט'ן SA פראגראם

דריי איינציגסטע...

האב איך געהערט די יו''ט נאכזאגן פונעם הייליגן גר''א, אז ווען א איד זעצט זיך לערנען דארף ער געדענקען די 3 זאכן:

איך בין דער "איינציגסטע מענטש" אויף דער וועלט!

דאס איז די "איינציגסטע עמוד גמרא" אויף דער וועלט!

אז היינט איז די ''איינציגסטע טאג'' אויף דער וועלט!

און דאס איז זייער נוגע לענינינו, יעדער אויף זיין מצב.

ס'נאר דא איך, און ס'נאר דא היינט! הייליגע טאטע האלט מיר ריין אך הפעם הזה.

(קרעדיט: צדיק ב)

די חסרון פון נישט זיין מיט א חבורה

געהערט אמאל בשם די הייליגע חתם סופר:

אז אפי' ווען די גאנצע דור המבול האט געבוזשעוועט מיט די גרועסטע זוהמה - וואס אפי' די בהמות זענען געווען משוקץ ומתועב, א דור מלא גזל, חמס, ותשחת הארץ. אז אפי' די ערד אליין איז געווען אזוי שמוציג, און געדארפט צוגיין אינעם מבול. דאס אלעס האט נישט געשטערט נח פון בלייבן א צדיק. איינער אליינס בדור של רשעים.

אבער איינמאל מ'איז ארויס פון די תיבה, און איז געווען אליינס אויף דער וועלט, וישאר אך נח לבדו. בדד וביחודית, אנע ארומיגע סביבות.... שוין איז ער געפאלן. ויחל נח איש האדמה ויטע כרם, און געטרינקען וויין דארטן....

די לימוד איז:

נישט זיין פארמאכט איינער אליינס. דאס איז די גרעסטע שטער!

זיין דא צוזאמען בדיבוק חברים, נישט קיין חילוק וועלכע מצב מ'איז. הויך צו נידריג.

קום אריין, טייל מיט דיינע שוועריקייטן, אפשר קען דיר איינער ארויסהעלפן.

פארצייל אן עצה וואס האט דיר געהאלפן, אפשר קען עס העלפן א צווייטן אויך.

דער עיקר צוזאמען אינאיינעם. איש את רעהו יעזורו ולאחיו יאמר חזק ואמץ.

(קרעדיט: צדיק ב)

אויסנוצן די אויל אויף די ריכטיגע ציל

א "לייכט-טורעם" איז א נאמען פון א זאך וואס איז א צוזאמשטעל פון צוויי זאכן: "לייכט" און "טורעם". די צוויי ווערטער דריקן למעשה אויס זייער א ספעציעלע מיסיע - א טורעם וואס ווארפט א ליכטיגקייט כדי צו פירן שיפן אינעם שטורעמישן ים. די היסטאריע פון 'לייכט-טורעמס' איז כמעט אזוי אלט ווי די היסטאריע פון שיף-רייזנדע. די רייזנדע האבן געקעמפט קעגן די שווערע כוואליעס, דער נעפל און די פעלזן וואס זענען באהאלטן אין די וואסערן.

און אין די פינסטער, ווען די סכנה איז פילפאכיג גרעסער, איז די ליכטיגקייט פונעם לייכט-טורעם געווען ווי א שיינענדיגער שטערן אויפ'ן טונקעלן האריזאנט, וועלכעס האט געוויזן פאר די העלדישע שיפס קאפיטאנען זיך נישט צו דערנענטערן צום בארטן וואס דארט געפונען זיך די גרויסע פעלזן-שטיינער וועלכע קענען צושמעטערן זייערע שיפן.

אין איינס פון די גרויסע לייכט טורעמס וועלכע זענען געשטאנען ביים פראנצויזישן ים בארטן, איז געשטארבן דער אלטער וועכטער, דער וואס איז געווען געשטעלט אנצוצינדן יעדע נאכט דעם גרויסן 'פאקל' אויפ'ן שפיץ פונעם טורעם. א פרישער מענטש, זייער א גוטהארציגער, איז אויפגענומען געווארן אויף זיין פלאץ. מען האט אים געגעבן א גרויסן פאס מיט אויל, עס זאל זיין גענוג פאר לאנגע חדשים צו באלייכטן דעם הימל אין דער פינסטערער נאכט.

איין נאכט, האט א מענטש וועלכער האט געוואוינט בשכינות צו דעם טורעם, געדארפט אביסל פון דעם טייערן ארטיקל צו קענען באלייכטן זיין כאטקע, און דער נייער וועכטער האט אים מיט זיין גוט הארץ געגעבן אביסעלע אויל. אן אנדערע נאכט האט אן ארעמער דורכגייער זיך געבעטן ביי אים ער זאל אים געבן אביסל אויל צו קענען צוריק אנצינדן זיין לעמפל און ווייטער גיין זיין וועג. דער גוטער וועכטער האט אים אויך געגעבן, און ווען אינמיטן די קומענדיגע נאכט האט זיך דער שומר אויפגעוועקט פון קלאפן אויף זיין טיר - אן ארעמע אלמנה איז געשטאנען ביים טיר ציטערנדיג פאר קעלט און געבעטן אביסל אויל זי זאל קענען אנצינדן איר אייוועלע עטוואס צו דערווארעמען און פיטערן איר געזינדל - האט ער ווייטער גערן מסכים געווען צו ערפילן איר געבעט.

זייער שנעל איז אויסגעגאנגען דאס גאנצע אויל וואס איז געווען אין זיין באזיץ, און דער פאקל פונעם לייכט-טורעם האט זיך אויסגעלאשן. אסאך שיפן האבן זיך אנגעקלאפט אין די שארפע פעלזן, צושפלעטערט געווארן אויף פיצלעך, און פילע אומשולדיגע רייזנדע האבן נעבעך פארלוירן זייערע לעבנס.

מען האט געשטעלט דעם וועכטער צום געריכט, אויף די הארבע קלאגע פון דעם מארד פון הונדערטער מענטשן, אומשולדיג פון יעדע זינד. ער האט אויפגעטרעטן פאר זיין פארטיידיגונג וויינענדיג פאר'ן ריכטער אויף זיין אומשולד, זאגנדיג: איך האב זיך בלויז דערבארעמט אויף ארעמע מענטשן און וועגן דעם איז די אויל אויסגעגאנגען.

אבער דער ריכטער האט זיך בכלל נישט גערעכנט מיט זיינע טרערן און צו די כלומר'שטע 'חסדים' וואס ער האט געטון מיט די אויל, זאגנדיג: דאס איז נישט געווען קיין 'חסד', נאר "מארד"! ווי אויך האסטו אויסגעגעבן רעגירונג פארמעגן אויף אנדערע צוועקן, און דאס ווערט פאררעכנט אלס "רויב"!... און ער האט אים פאראורטיילט אויף לעבנסלענגליכע טורמע מיט צוואנגס ארבייט!

***

די דאזיגע דערציילונג, איז די לעבנס געשיכטע פון יעדן איינעם פון אונז. יעדער איינער איז אראפגעשיקט געווארן אויף דער וועלט כדי צו באלייכטן זיין נשמה! כדי צו באלייכטן די וועלט! יעדעס ביסל צייט אדער כח וואס איז נישט אויסגענוצט געווארן כדי צו באלייכטן דעם פייערל פון זיין נשמה, איז אן אומפארגעבליכער זינד, עס איז א מארד פון זיין רוחניות'דיגע גרויסקייט! א שענדליכער מארד פון זיין אייגענעם פאטענציאל!

דאס איז די סיבה פארוואס מענטשן קומען נישט אן צו רוחניות'דיגע דערגרייכונגען, ווייל זיי געבן אויס די לעבנס-אויל פאר אלע מינע זייטיגע צוועקן, ביז מען טרעפט זיך אז פאר די ערנסטע אמת'דיגע מטרה פון דעם לעבן – וואס דאס איז צו טון דעם רצון השם, צו קענען די תורה און איר מקיים זיין, פארדעם בלייבט שוין נישט איבער גענוג אויל.

* * *

מיט אט די דאזיגע דערציילונג, הייבט זיך אן דער וואונדערליכער ספר "48 דרכים לחכמה" פון מורינו ורבינו הגה"צ ר' נח וויינבערג זצ"ל, ראש ישיבה פון 'אש התורה'. דער מוסר השכל דערפון איז גענוג פאר זיך, אבער איך איך בעט אייך טייערע חברים: לאמיר נעמען די טייערע אויל, די חיזוק-פערל ווערטער וואס דער באשעפער שיקט אונז צו, און דאס ניצן אויף די ריכטיגע מטרה! לאמיר דאס ניצן צו באלייכטן אונזער הארץ און וועג! לאמיר דאס אריינלייגן אין אונזער געדאנקען-גאנג און טאג-טעגליכע לעבנס-שטייגער און נסיונות, אזוי וועלן מיר זיי אויסנוצן אויפ'ן בעסטן און וויכטיגסטן צוועק.

פארגעסט נישט אויף וואס צו ניצן דעם לעבנ'ס אויל, די טייערע צייט...

(קרעדיט: סערענטשער רב)

חודש תשרי מיט מסירת נפש!!

אנגעהויבן פון ראש השנה די גרויסע יום הדין שטייט התגברות אויף וויסענדיג אז ער האט זייער א גרויסע פעקל צים יום הדין, אבער פון די אנדערע זייט אויך אסאך מסירת נפש, אינגאנצן ציבראכן נעמט התגברות ארויס א תהילים'ל פון שאנק און עס נעמט זיך גיסן ווי א קוואל וואסער מיט פיל חרטה ווי אזוי מיין יאר האט אויסגעקיקט און פין התגברות איז געווארן שברי שברים אינגאנצן ציבראכן.

אנגעוויקלט מיטן טלית ווען עס גיסן זיך טרערן פין די צוויי לעכטיגע אויגען טייכען טרערן ווי פין א קוואל שטייט התגברות ראש השנה ביים יום הדין אין מיט א פעסקייט איז ער מחליט נישט היי יאר, דעס יאר וועט ער מיר נישט מנצח זיין, אבער טראכטענדיג וויאזוי די קבלה פין שנת תשפ"ב אין פ"א איז אריבער איז התגברות געווארן ציפיצלט אויף שברי שברים, פרעגענדיג די גרויסע קשיא "וועל איך נאך אמאל האבן האפענונג צי זיין אינגאנצן ריין???? איך בין טאקע אויף הד"א אין די הייליגע באשעפער זעט ווי שטארק איך וויל, אבער וואס טיט זיך מיט אלע שמיציגע בילדער אין ווידיאס וואס איך האב שוין אלס געזען??"

פין התגברות איז גאווארן אויס, ער איז נישט פארהאן מער, וקרא שמו בישראל  "שבר"  ציבראכן.

אזוי שטייט ר' שבר ביים דאווענען אינגאנצן ציבראכן וויסענדיג אז "אין לנו על מי להשען אלא על אבינו שבשמים" הייבט ר' שבר אויף זיינע פייכטע אויגן צים הימל אין געט א שריי מיטן גאנצן כח "המלך" ווען אינמיטן פלעצט ער אויס אין א יאמערליכן געוויין, גרויסע טאטע אין הימל איך דארף דיין הילף , איך קען נישט אהן דיר, איך מיז פטור ווערן פין די אלע מחשבות אסורות ווען אין אט די הייליגע מיניטן היט אינזער בעל המעשה באקימען א אימגעווינטשענע גאסט אינזער גרעסטע שונה האט גענימען די אלע מחשבות אין ראיות אין געדריקט רימיינד אין אלעס אנגעפאנגן איבערשפילן,

אוי איז דעס געווען א ביטערע מלחמה אבער איך האב מיך נישט געלאזט אזוי אגאנצע דאווענען מלחמה געהאלטן מיטן שונא. געהעריג דאווענען האב איך שוין נישט געקענט אבער א נחת רוח פארן טאטען האב איך זיכער געטוהן.

פארמאכט די סידור "איך האף כאטש אויף מארגן" האב איך געטראכט אין אהיים צי מאכן קידוש.

(קרעדיט: התגברות)