א גוטן ערב שבת

מיר שטייען יעצט די לעצטע שבת פון יאר. "שבת פרשת נצבים וילך". אלעס קומט פון דעם מסבב כל הסיבות. א מענטש מאכט זיך א שטיקל חשבון הנפש סוף יאר און ער געט א קרעכץ, וואס וועט זיין, איך האב דאך אזוי נישט גוט דורך געפירט די יאר. ענדיגט מען מיט א "שבת נצבים וילך" - נאך אלע נפילות און גליטשערייען, ביסטו א "ניצב", דו שטייסט ב"ה, ביסט נישט געפאלן. אפילו האסט געהאט א שטיקל גליטש, קענסטו מיט איין קרעכטץ זיך אויפשטעלן און בעטן די אייבישטער, "וילך" זאלסט קענען גיין ווייטער מיט א פעסטקייט בעז"ה.

זאל די אייבישטער הערן און מקבל זיין אונזרע תפילות און אונז געבן א כתיבה וחתימה טובה בספרן של צדיקים גמורים - מיט אלע פירושים.

דער יצר הרע איז פונקט ווי ביידן יר"ה...

איך האב היינט געטראכט אז דער יצר הרע איז פונקט ווי ביידן ירום הודו...

זייט ער איז דא, איז דא מלחמות ביי יעדעם אין הארץ, ער לאזט אריין אימיגראנטן רעכטס און לינקס הנקרא (לאסט),

קומט מיט פאני איידיעס אז מען זאל זינדיגען וואס יעדער און א קלארע מינוט פארשטייט אז עס איז א בלאף און ס'נישט נארמאל זיך אזוי אויף ציפירן...

ער איז שוין אלט און שוואך, ער פארגעסט געפערליך שנעל, מען זאגט אים קום צירוק מארגן, און צוויי שעה שפעטער איז ער דא... איך מיין מען קען נישט אזוי לעבן, א צייט איז א צייט, מארגן מיינט מארגן.

איך מיין אז יעדער איז מודה אז ער איז נישט גוט און ער דארף ריזיינענן asap. ער מיז איבער געבן די לייצעס פארן יצר טוב.

גיימער וואטן פארן יצר טוב...

גיימער צולייגען א קורצע תפילה יעדן טאג אז דער זאל אינטערגיין...

בשם השם נעשה ונצליח...

ארי'ס דאראן און משה לאזער'ס סטעשענערי סעט

ארי און משה לאזער ראזנוואסער, זענען טאקע געבוירן קוים מיט פיר מינוט אפגערוקט איינער פון צווייטן, אין נאטור אבער זענען זיי אפגערוקט מיילן מיילן...

מיילן זאג איך?? שטעט!! ריזיגע מדינות!!....

דאנט ווארי.. זיי זענען זיך ביידע ווערט זייער געלט.. אבער בעת וואס ארי איז דער ציהיצטער פארפלאמטער רוח שאינה מצוי' וואס ווען א יונגל אין קלאס נעמט זיך וויינען אדער לאכן דרייט זיך יעדער ספאנטאניש אויס צו אריס פלאץ וואס האט ער שוין ווייטער דא אנגעדרייט..... איז משה לאזער'ל  דער שטילער איידעלער פון וועם מ'הערט נישט קיין מוקל..

דעי וואס קענען אים אבער ווייסן אז ער גארנישט אזא תמימותדיגער .. ער איז א געזונטן אונטערגעציפטן בחור ..

יא יא קיינער ווייסט טאקע נישט אבער דעי קאפ וואסער וואס האט אראפגעטראסקעט אויפן רעבינס קאפ ווען ער איז אריינגעקומען דאס איז געווען מעשי ידיו להתפאר...

הקיצור דעי צוויי זענען געווען אזוי מין אנדערש אז מפלעגט זאגן אז דו וואלסט מיך געזאגט אז זיי זענען קאזינס וואלט איך דיר אויך נישט געגלייבט...

ויהי היום אין א ברוינעם מיטוואך סגעווען בערך זיבענע נאכמיטאג , דער טאטע איז שוין געווען אינדערהיים עסנדיג געמיטליך נאכטמאל בשעת'ן שמועסן מיט זיין ווייב וויאזוי די טאג איז דורך ווען פלוצלינג הערט זיך פונדרויסן א הילכיגן זעץ .. נאכגעפאלגט מיט יאמערליכע געשרייען.. יא יא סאיז אונזער ארי'ס קול..

דערשראקענערהייט הייבן זיך טאטע מאמע אויף פון פלאץ און לויפן מיט איין אטעם ארויס און בעקיארד בשעת וואס שרעקליכע סצענעס וועבן זיך שוין ביי זיי אין מח...

אנקימענדיג אינדרויסן האבן זיי אביסל אפגעאטעמט... נישט אזוי געפערליך ווי ס'האט זיך געהערט..

ארי איז נאכאמאל ארויפגעקראכן אויף זיין באקאנטע באליבטע בוים וואס זיין טאטע האט אים שוין אזויפיל מאל אנגעווארנט מיט אלע לשונות של אזהרה עס נישט אנצירין... "לא תגע בו יד".. דעי ווערטער האבן שוין געגראגערט ארי'נען אין מח...

זעט אויס ער האט זיך דאך נישט געקענט איינהאלטן..

אבער יעצט בשעת ער האט זיך אנגעכאפט אין איינע פון די צווייגן האט ער זיך געטראפן פליען צוזאמען מיט דעם און אראפגעטראסקעט מיט א פעסטן זעץ בשעת ס'נעמט זיך גיסן בלוט פון זיין פוס..

די מאמע האט אים שנעל אריינגענימען און ליבליכערהייט באנדאזשירט בשעת ארי שרייט און וויינט פון ווייטאג..

די טאטע איז צוריקגעגאנגען עסן טראכטנדיג צו זיך "יעצט איז נישט די צייט פאר א מוסר שמועס ס'וועט מיזן ווארטן אויף שפעטער.."

אזוי וועלנדיג ארויסנעמען דעם בענטשער פון קעבינעט באמערקט ער ווי עפעס איז די שעלף א טראפ ליידיגער ווי נעכטן ..הממ.. א רגע די טשאקלעד וואס מאמי האט געקויפט פאר די שבת פארטי איז נישט דא..

זעט אויס אז דער טאטע האט יא פיין געקענט זיין בן יקיר ווייל חשדות שטריכן האבן באלד געצויגן צו משה לאזער...

דער טאטע גייט שנעל ארויף צים קינדער צימער און האפ!... געכאפט רויטהאנטיג!!... משה לאזער האט זיך גלייך פארלוירן פרובירנדיג צו באהאלטן די חלק וואס איז נאך געבליבן אבער ס'שוין געווען לאחר המעשה... נאכדערצו אז ער האט בכלל נישט מצליח געווען קעיר צו נעמען פון די ברוינע פלעקן ארום זיין ליפן..

הא דעיס איז שוין יענץ געשיכטע -האט דער טאטע געטראכט-  ביידע ברידערליך אין איין טאג .. מדארף דא נעמען די זאך ערנסט אין די האנט אריין...

משה אלעזר! כדארף א מיטינג מיט דיר אכט אזייגער! אכט אזייגער אין שבת שטוב!...

ארי האט באקימען די זעלבע אינוויטעישן צוויי מינוט דערויף..

אכט אזייגער ביי משפחת ראזנוואסער אין סאלאן ... די לופט איז היבש שטומפיג... דער טאטע הייבט אן: קינדערלעך טייערע וואס דא איז היינט געשען ווייזט אז סקיין תכלית נישט אזוי אנציגיין ווייטער...

מגייט מאכן א פראגראם דא אינדערהיים!. פאר די נעקסטע צוויי וואכן גייט מאן עס אויסטרייען..

אויב וועט עס ארבעטן.......

צוויי וואכן שפעטער... מוצאי שבת ביי מלוה מלכה.. א פרייליכע שטימונג הערשט אין שטוב .. די טיש איז הערליך געדעקט ..וואס איז די מעשה ? טאטי האט געזאגט אז ער איז מורא'דיג ציפרידן איבער די התנהגות פון זיין צווילינג על כן וועט מען פראווענען א שיינע געשמאקע מלוה מלכה.. מחי'! די קינדער זענען געווען בשמחה ביזן דאך..

פלוצלונג באווייזט זיך אויפן טיש צוויי באקסעלעך איינגערעפט אין זילבער, אויף איינס שטייט אויפגעשריבן "אהרן" און אויף די צווייטע "משה אלעזר" .. די קינדער בליקן זיך איבער מיט איבערראשונג.. אויף דעם האבן זיי זיך שוין נישט געראכטן!..

יא, יא, זאגט דער טאטע.. פאר אזעלכע וואוילע קינדער ווי ענק קומט זיך טאקע א גוטן פרייז!...

די קינדער קענען זיך שוין נישט איינהאלטן.. ארי געט א כאפ זיין באקס..  ער געט עס א רייס אויף...

וואו!!! א דראון!! ווער ווייסט  דען נישט צו זאגן פון אריס חלום צו האבן "זיין" אייגענע דראון ... ארי טאנצט ביזן דאך...

משה לאזער נעמט אויך זיין באקסל. . ער רייסט עס אויף.. ממממ.... זיין פנים איז היבש איינגעפאלן .. עפעס א ביליגע סטעשענערי סעט..זיין פנים ווערט מער און מער פאלוואקענט... דער אמת איז ער פרייט זיך גאנץ שטארק דערמיט.. ער האט עס גאנץ שטארק געוואלט האבן .. אבער קעגן א דראון איז דאך דעיס ממש גארניט!! זילטש!!!..

טאטי!..וואס גייט דא פאר??

צדיק'ל מיינס לאמיר דיר מסביר זיין : ארי האט טאקע געטון א געפערליכע עולה .. א מער.. טאטי האט גאזאגט נישט צורירן צום בוים! און ער האט יא צוגערירט! אבער לאמיר אריינטראכטן .. האט ער געהאט עפעס ריוח דערפון?? ניין און ניין!! א צובליטוגטע  פוס מיט א צובויגענע הענט!! ס'האט אים נאר געברענגט שאדן!..

דו אבער !... למעשה האסטו געהאט א פיינעם טשאקאלאדע!!... פארשטייסטו?

*

זאגט דער הייליגער דובנא מגיד!!

אונז יודן טומיר תשובה אין די יעצטיגע טעג און אונז בעט מיר אויף א זיס לעכטיג יאר !!

זאג מיר אונז פארן אייבירשטן:

טאטע זיסער!!!! האב מיר אונז געהאט "עפעס" ריוח פון אונזערע עבירות???? נאופס!! זערא!!!! זילטש!! נאר צובלוטיגטע פיס!!! צובויגענע הענט!!!

ווער נאך ווי אונז ווייסן דעיס אזוי גוט!! די בושה וואס דעי עבירות ברענגען! דעי פחד!! דעי סטרעס!! דעי אינקזייעטי!!  סמאכט דאך איין שטיק חורבן פון אונז!!!

דעיס זאג מיר אונז יעדן טאג ביי תחנון און אין די יעצטיגע טעג גיי מיר אונז עס זאגן זייער אסאך:

סרנו ממצותיך ... ולא שוה לנו!!

ס'האט אונז נישט געברענגט גארנישט! נאר פונקט פארקערט!!

בעט מיר אונז דעם אייבירשטן אונז דארף מיר א דראון יאר!! אנגעפילט מיט די גרעסטע השפעות ברוחניות ובגשמיות!!!.

די הארץ פון א קליין מיידעלע

הערט א מעשה וואס הרה"צ רבי מיילך בידרמאן שליט"א פארציילט:

געווען איז א איד וואס האט א צורינג געשעפט (דזולערי סטאר).

ויהי היום קומט אריין א קליין מיידעלע, בערך 8-9 יאר אלט, און זי פרעגט דעם סוחר צו די צורינג איז עכטע, זאגט ער, יא. פרעגט ער דאס מיידעלע, פארוואס פרעגסטו? זאגט זי, ווייל די קייטל וואס איך האב געזען אין פענסטער איז פונקט וואס מיין שוועסטער האט ליב.

ער ברענגט ארויס דעם קייטל, אין זי באטראכט עס און זאגט אז זי וויל עס קויפן. פרעגט איר דער סוחרף דו האסט געלט? זאגט זי, יא. נעמט זי ארויס א קליינע טייסטער און הייבט אן ציילן שקלים, 1, 2, 3, וכו'. די צורינג קאסט פיל מער.

פרעגט ער, וואס איז די מעשה. זאגט דאס מיידעלע: אונזער מאמע ע"ה איז נפטר געווארן פאר א האלב יאר צוריק, די שוועסטער נעמט קעיר פון אונז מיט אזא געטריישאפט, זי באקט, קאכט, וואשט און נייט אונזער קליידער, מאכט מיט אונז היים ארבעט, און איז פונקט ווי אונזער אומפארגעסליכער מאמע ע"ה. היינט איז איר 18'צענטע געבורטסטאג, איך ווייס אז זי האט ליב געהאט די קייטל, וויל איך עס קויפן פאר איר א מתנה געבן.

הכלל זאגט איר דער סוחר, פיין וויפיל האסטו, 20-30 שקל, גוט, ער פאקט שיין איין די קייטל אין גיבט איר דאס אין זי גייט אהיים.

נאכמיטאג קומט אריין די גרויסע שוועסטער און פרעגט איהם: מיין שוועסטער איז דא געווען היינט? יא, זאגט ער. זי האט געקויפט די קייטל? יא! זאגט ער ווייטער. זי האט באצאלט? יא!! זאגט ער. זאגט זי, פון ווי האט זי געלט? דאס קאסט דאך אפאר הונדרעט דאללער, א קליין מיידעלע מיט עטליכע צוואנציג שקל?

זאגט דער סוחר פאר איר: הער זיך אן, מילעך ברויט פיטער וכו' האט א באשטימט פרייז, צורינג האט אן אנדערע וועג ווי אזוי די פרייז ווערט געשאפן, איך האב שוין באקומען באצאלט פאר די קייטל, די הארץ פונעם קליין מיידעלע האט מיר שוין איבערגענומען דאס הארץ, נוץ דאס געזונטערהייט. ופטרה לשלום.

איז דער חשובער מגיד רבי מיילך ממשיך (והוספתי כפי ענינינו): כלפי מה הדברים אמורים, מיר גייען דעם מוצש"ק זאגן: "לך ה' הצדקה ולנו בושת הפנים", מיט וואס קומען מיר בעטן? האבן מיר דען וואס צו ווייזען עפעס תוכן, עפעס שבירת המידות רעות, עפעס תורה, עפעס תפילה, עפעס גדרי קדושה, איי איי, א בושה א חרפה ווי מיר זען נעבעך אויס...

אבער דאס 'הארץ', די צובראכענע די צושאסענע, נשא לבבנו אל כפים אל קל בשמים, דאס קענען מיר יא געבן, דער יודע תעלומות איז בוחן כליות ולב, ער ווייסט אונזער צובראכן הארץ וויפיל מיר מוטשען זיך על כל נסיון, אויף יעדע ראי', אויף יעדע מחשבה, ווי שווער דער יצר רייסט פון אונז שטיקער, ווי ער איז מצליח אונז צוברעכן און וויפיל מיר האבן זיך נישט געלאזט און זיך מתגבר געווען.

דאס איז א פרייז מיט וואס מיר קענען אביסל צוגיין ליום הדין, זוכה צו זיין צו א שנת גאולה וישועה פרטית וואס יעדער דארף אזוי שטארק, וישועה כללית בב"א

נייע בליק אויף די הייליגע טעג וואס מאכט מיר גרינגער

254 טעג ב"ה ויעזור להלאה.

כמעט 2 חדשים צוריק האב איך געהאט זייער א שווערע צייט און איינער האט מיר דעמאלס שטארק צו געשטופט אז איך זאל אוועק ווארפן א אלטע פאון וואס איך האב געניצט פאר נישט קיין גוטע זאכן און מצוה גוררת מצוה האב איך אויך צו געמאכט א גוגל עקאונט וואס איז געווארן פארחזרט, און אז יענע גוגל עקאונט איז געווארן פארמאכט זענען מיר געלאקט געווארן אנדערע עקאונטס אין קיין נישט גוטע פלעצער וואס איז געווען אן געהאנגן אויף די גוגל עקאונט...

א האלבע יאר פאר דעם האב איך עס נישט געקענט באווייזן זיך צו אפ שאקלען פון יענע זאכן!

די לעצטערע 2 וואכן איז מיר געווען אביסל שווער און דער אייבישטער האט מיר געהאלפן אז איך האב געהאט גאנץ גוטע קאנטראל אויף מיר דורך די ארבעט וואס איך האב ביז יעצט אריין געלייגט אין מיר, אבער די שטן האט אויף אזוי פול אויף געטון אז אויף א אנדערע גוישע אויס געהאלטענע פלאץ האב איך געטוישט מיין ניק נעים אויף א נאמען וואס צוהט אנדערע... ב"ה אז עס איז גארנישט געשעהן למעשה.

היינט צופרי האט מיר מיין ידיד געמעסידזשט אויפגעלייגטערהייט און דעס האט מיר אריין געגעבן א חיות צו צוריק טוישן יענע ניק נעים פאר א נארמאלע נאמען און געטון דארט נאך א שטיקל דבר טוב אלץ פראטעקשן.

איך לייג דעס ארויף אויף מיין טרעד כדי איך זאל אליין איין זעהן ווי א גארנישט די נערישע תאוות זענען און איך זאל אויך זעהן וואס פאר א שטארקע מענטש איך ווער מיטן ארבעטן איין טאג אויף אמאל און טון מיינע זאכן אין רעקאווערי וואס דעס געט מיר די כוחות צו דורך קומען זאכן וואס איל האב אמאל געמיינט אז איך קען נישט

מיינטס נישט אז די נסיונות לאזן נאך!

אבער ב"ה אז איך קען זיי איבער קומען אפילו נאך קליינע נפילות.

און אסאך זאכן באמערק איך אפילו נישט.

די אלול תשרי צייטן פלעגט מיר אייביג זיין זייעער שווערע זמנים

פאריגעס יאר האב איך אין די זמנים זיך אסאך געלערענט אויף די סייט וואס עס מאכט מיר אזוי שוואך אין די צייטן און איך האב אריין געלייגט אסאך ארבעט מיט די חיזוק פון די טייערע חברים דא.

איך האב מיר געלערענט דעמאלס אז איך האב ביז דעמאלס קיין מאל נישט געוויסט וויזוי מען עסט די זמנים און וואס מען דארף טון דערמיט.

עס פלעגט מיר אויס קוקן עפעס זייער ספוקי און שרעקעדיג און איך פלעג אייביג פילן אז איך דארף עפעס טון אבער איך ווייס נישט וואס און איך פלעג מיר יעדעס יאר ארום דרייען מיט אזעליכע קשיות.

זאל איך נאך אמאל טרייען צו תשובה טון?

וויזוי טוט מען תשובה?

וואס זענען עכט מיינע עבירות?

וכו'

סאו איך האב מיר פאריגעס יאר אויס געלערענט נישט צו ווערן איבער גענומען נישט צו ווארעם און נישט צו קאלט און דעס האט מיר זייער געהאלפן זיך צו האלטן.

עס איז געווען זייער א שווערע ארבעט ווייל דעס מיינט אז זאכן וואס איך בין ביז דעמאלס געוועןצו געוואוינט אז דא דארף מען זיין זייער ערענסט אדער דא דארף מען וויינען אדער דא דארף מען זיך שטארק שאקלען וכו דארף איך יעצט זעהן עס זאל זיין נארמאל ווייל די זיך שאקלען און וויינען און זיין ערענסט איז נישט מער ווי א וועג וויזוי איך אנטלויף פון מיר אליין.

עס האט פארשטייט זיך געהאט סייד עפעקטס ווי למשל ערב יום כיפור האב איל נישט געוויסט וויזוי צו הענדלען די מין מהלך און איך בין ליידער צוויי מאל געפאלן שוין נאכן גיין אין מקוה און אזוי אריין אינעם יום כיפור עקעלדיג און גרויליג און דעפרעסט איך האב אפילו נישט געהאט די אפעטיט צו איין פאסטן.

But listen יעדע מחלה האט זיך זיין מעדעצין אפילו עס קומט אן שווער און אין מיין פאל האב איך געוויסט אז איך דארף דעס דורך ברעכן אן טראכטן פון קיין מנהגים און זאכן.

למעשה האב איך ארויס גענומען אסאך שטארקייט פון יענע שווערע ימים נוראים און איך בין געבליבן ארבעטן אויף יענע מהלך עד היום הזה.

פון די אנדערע זייט בין איך נאך היבש סטאק מיט אסאך פון די זאכן אבער צוביסלעך ווערט עס בעסער.

דעס יאר איז געווען די ערשטע מאל זייט איל געדענק נישט וויפול יאר וואס איך האב געזאגט יו"כ קטן.

דאווענען מיט מנין יעדן טאג און תקיעות שופר דארף נאך א גרויסע תיקון און דעס וועט נאך אויך דארפן ווארטם פאר די באשטומטע צייט ווען עס וועט זיין באשערט.

וויזוי זאכן קוקן יעצט אויס ווייס איך נישט צו דעס יאר גייט מיר יא געלונגען צו זאגן סליחות יעדן טאג און אנדערע מנהגי ישראל פונעם חודש.

און איל ווייס אפילו נישט אויב איך דארף יעצט ארבעטן דעראויף.

אבער איך בין פרייליך צו דינען דעם אייבישטער לויט מיין מצב און איך האף אז ער וועט מיר בקרוב צו ווייזן די ריכטיגע מהלכים וואס ריך דארף גיין און מיר געבן די כוחות עס צו אויס פירן און אויפן ןועג זאל ער מיר אויך אלץ ווייזן וואס צו טון