שלום עליכם טייערע אידן.

איך דריי מיר שוין א שטיק צייט דא אויף "היט דיינע אויגן", עס איז באמת צום באוואונדערן וואס עס גייט דא פאר! איך מיין אז עס געקומען די צייט אויפצוסיינען און ציילען ריינע טעג, איך האף אז איך וועל בעז"ה אויך ווערן געהאלפן דא.

ווער בין איך: איך בין א 30 יעהריגער צעשלאגענעם און צו'מזיק'טע סאלדאט אויפן פראנט וואס וועט בעז"ה קעמפן ווי לאנג מען קען! א פאטש פאר א פאטש, אבי מען גיבט נישט אויף!

מיין מעשה: איך זעה נישט קיין תועלת פון פארציילן די פרטים פון מיין עבר, איך בין בעיקר דא צו באקומען הילף צו קעמפן ווייטער.

די מעשה און קורצן איז: אלס בחור ווען איך בין געוועהן אין ישיבה און זיך טרענירט ארויסצוגיין אויפן פראנט, האב איך נישט גענוג שטארק באקומען ווארענונג און טרענירונג אויף די יסוד היסודות פון די מלחמה, ממילא נאך די חתונה ווען מיר האבן זיך געטראפן אויפן פראנט בין איך אריינגעפאלן טיף טיף ביים שונא, און יעצט דא קום איך אהער פארשמעקט און פארשמוצט...

מיינע איצטיגע מלחמה: קוקן שמוץ און ז"ל.

פלאן אויף ווייטער: איך האב נישט געלייגט מיין טרעד אין די "אויפן וועג צו 90" קאלום, ווייל בעזר אדון כל וועט זיך עס ציען סאך מער פון ניינציג!
איך וועל פרובירן צו קומען מיט אפדעיטס פונ'ם פראנט גאנץ אפט און פרובן צו שעפן חיזוק פון ענק מיינע נייע און טייערע חבירים.

יישר כח פאר'ן אויסהערן

מזל טוב פארן האבן קוראזש און אויפסיינען מיט א ניק אויף הד''א.
מזל טוב סאלדאט פאר דיין ערשטע פאוסט.
מזל טוב פארן עפענען דיין אייגענע שנירל. (טרעד בלע''ז)
מזל טוב פארן אנהייבן ציילן ריינע טעג.

עס זעהט אויס מיר וועלן קענען געניסן דא פון דיר אסאך, האלט דיר פריש, לאז נישט דעם שנירל פארשטויבט ווערן.

און בעיקר הצלחה אויף דיין רייזע.

שלום עליכם סאלדאט

ביסט אנגעקווען אויף זייער א גוטע פלאץ די וועסט דא זיכער שטייגן אויב די האסט א שטארקע רצון צו סטאפן צו טון די זאכן וואס די טוסט יעצט 

אויב די האסט שוין באמערקט דרייען זיך דא ביי עדדיקטס אין סיי נישט עדדיקטס איך ווייס נישט וואס די ביסט.... (מ'קען זיין א עדיקט אן הוז"ל אויך אין אפי' אן שמוציגע בילדער) נאר וואס עס העלפט פאר עדדיקטס קען איך דיר זיכער זאגן איז אז מ'דארף איינזעהן אז מאיז נישט בכח זיך צו קריגן מיטן תאווה ווייל מאיז כח-לאז קעגן דעם מען רופט עס דא powerless.... די סברה פון דעם איז אז איך האב שוין געטרייט אלע מיינע יארן אלע מינע וועגן ווי אזוי צו סטאפן אין גארנישט האט נישט געקענט העלפן אלא מאי מוז איך צוקומען אז עס איז דא א שטערקערע כח פון מיר וואס קען מיר ארויסנעמען פון יעדע טריגער וואס איך האב אין איך קען בלייבן ריין פון אלע מיינע שלעכטע דרכים אין פון יעדע צער וואס איך גיי דורך אויפן וועלט דורכן עס איבערגעבן פאר די שטערקערע כח וואס דאס איז אונזער הייליגע באשעפער
די שטערקסטע וועג ווי אזוי מען קען צו קומען צו די הכרה איז דורך אפשרייבן די מעשה אין אויב מ'האט א מעגליכקייט עס צו דערציילן פאר איינעם מיטן מויל איז מה נעום ווייל אזוי זעהט מען אז איך קען נישט נאר גאט ב"ה קען אין אזוי ווערט מען מקושר מיטן אייבירשטן אין מקריכט ארויס פון אלע פראבלעמען 

אש"י סעקסהאליק 

איך ווער נישט נכשל זייער אפט מיט גראבע ראויות אדער ז"ל, איינמאל אין אפאר וואכן קומט א שוואכקייט פאר עטליכע טעג... 

עדיקט???

קודם שלום עליכם און מזל טוב.

מיינע צוויי סענטס:

לויט ווי דו לייגסט עס אראפ זעסטו מיר נישט אויס צו זיין אן עדיק, אז דו ווילסט וויסן מער זיכער קענסטו זען די 20 שאלות דא.

בנוגע שערן די מעשה קען איך נאר מיטיילן מיין עקספיריענס, איך האב אויך קיינמאל נישט געפילט אז פאר מיר איז עס וויכטיג, כ'האב אבער נישט געוואלט זיין דער פוסק אחרון, האב איך עס געפרעגט מיין טעראפיסט ווען איך בין געגאנגען צו אים (ווי שוין געשריבן אין אנדערע פלעצער דא אויפן סייט), האט ער מיר געזאגט אז איך מוז קענען טראסטן מיינע געפילן, און אז איך שפיר אז ס'וועט מיר גארנישט ברענגען, האט טאקע נישט קיין פשט צו סתם אזוי אריינקריכן דערין הלא דבר.

כ'האב אויף אזויפיל יא געשערט די שפיץ פון מיינע נסיונות פון הוז"ל און קוקן פארן וכו', וואס איז שוין ב"ה א פארגאנגענהייט פאר די לעצטע 134 טעג, וכן יעזור השי"ת אויף ווייטער.

ס'איז דא זייער אסאך עדיקטס וואס עקטן אויט נאר איינמאל אין א שטיק צייט דאס רופט זיך א periodic עדיקט 

אבער פון דעסטוועגן אזוי ווי אחכה זאגט קוק די 20 שאלות אין פרוביר צו זעהן אויב די ביסט אדער נישט 

שלום עליכם סאלדאט!
הגם מיר זענען אלע אין אקטיווע שלאכטן אויפן פראנט איז דא א פלאץ וואו אלע זעלנער שמועסן זיך אויס און פארציילן נייעס פונעם ספעציפישן פראנט וואו מ'האט זיי אהינגעשיקט.

עטליכע נקודות איבער הדא וואס איז נוגע פאר א נייער.
1) דא איז א פלאץ וואו אלע פארשטייען דיך, אפגעזעהן וויפיל דו ביסט דורך אין די עבר און וויפיל דו גייסט דורך אין די הוה און וואס דיין סטראגל איז.
2) אלע דא פרייען זיך מיט דיינע נצחונות  און פילן מיט דיינע דורכפעלער.
3) די נייעס פון פראנט וואס דו טיילסט מיט אינטערעסירט אלע דא און קוקן ארויס אז דו זאלסט כסדר זיין אקטיוו און אינפארמירן איבער אלעם וואס דו גייסט דורך (פארגעס נישט: "קיינער" קוקט דיך נישט אראפ אויב דו פאלסט דורך.
4) זייער אפט מאכט זיך אז פון די התעוררות פון אנקומען אהער איז מען מצליח צו ציילן א לאנגע תקופה פון ריינע טעג. אויב לייגט מען בשעת מעשה אריין כח עס צו אריינלייגן אין פאקטישע שריט קען זיך עס האלטן. אויב בלייבט מען אבער צופרידן פון די ריינקייט וואס קומט פון א התעוררות האלט זיך עס נישט (אזויווי אלע אנדערע התעוררות וואס מ'האט שוין געהאט אין לעבן ולא נתקיימה בידנו).

מיינע צוויי צענט: אין מיין מיינונג זאלסטו זיך נישט אריינטוהן יעצט אויב דו ביסט אן עדיקט אדער נישט. זיי דא אביסל, קום אריין, מאך דיך היימיש, לאז דיך הערן, הער אויס, זיי מחזק, ווער מחוזק וסוף הכבוד לבוא...........

הצלחה אין דיין מלחמה,
אוזע

נעכטן: א ריינע טאג ב״ה, נאך אלעם האט איך זיך אויפגעסיינט אהער…

היינט: מיר זענען אויפן פראנט גרייט צו קעמפן בעזהשי״ת!

איך דארף ענקער עצה און הילף:

איך גיי היינט האבן א ביזנעס מיטונג מיט א גויטע, וואס צוויי וואכן צוריק ווען איך האב איר די ערשטע מאל געטראפן האב איך ליידער זייער הנאה געהאט אז זי האט נישט גענוג געלט צו קויפן געהעריגע קליידער… אבער יעצט ווען איך בין שוין ב״ה דא, און איך וויל זיין ריין, ווייס איך נישט ווי אזוי מען גייט צו צו אזא מיטונג, איך קען נישט אריין גיין אן גלעזער, און קוקן אויפן טיש איז אויך נישט קיין מהלך (לכאורה).

קען מיר איינער זאגן ווי אזוי א סאלדאט דארף האנדלן אזא מלחמה? וואס וויל דער אויבערשטער איך זאל טוען אין אזא פאל?

ביטע ווארפ אריין דיין צוויי צענט, און זאג וואס דו טראכסט איז ריכטיג.

איך וועל ענק בעזהשית אפדעיטן ווי אזוי עס איז דורך.

יישר כח למפרע

איך ווייס נישט אויב דו האלטסט נאך פאר די מיטינג צו נאך צו אינמיטן אבער איך דאוון פאר דיר אז דו זאלסט קענען האלטן ריין דיינע אויגן, מחשבות און מעשים.

נ.ב. איך האב זייער ליב דיין אוועטער.

צו א סאלדאט. יעצט געזאגט א קאפיטל תהלים פאר דיר

פארגעסן שלום עליכם .
זאל די באשעפער העלפן אז עס זאל גיין מיט הצלחה מיט געשמאק און מיט א שמייכל
אגב פון א סאלדאט קען מען זוך זייער אסאך זאכען לערנען אויף עבודת השם כידוע.
פון נאפאלין לערנט מען זוך אייביג צו זיין פרייליך אויפגעלייגט אזוי קען מען געווינען
אפילו יעצט גייט עס זייער שווער
[ער האט דאך איינגעפירט מוזיק בענדס ביי א מלחמה]

(איך האב זייער ליב דיין בילד) 
(איינער געדענקט די ניגון פון יוסלע פליט
א א א א  א סאלדאט ..  אה אה אה אה א סאלדאט .....  פון מלך מלכי המלכים וכו')

זאל זיין מיט הצלחה
שמייכל הק' יחיאל ביי ביי

ברוך השם! סוקסעס!!!

קודם כל וויל איך באדאנקען יעדער וואס האט צוגעלייגט זיין געדאנק, עצה און תפילה, עס איז מיר באמת א חיזוק.

און יעצט צום באריכט פונ'ם פראנט.

צום ערשט האט דער אויבערשטער געהאלפען אז די פרוי האט באקומען געלט און שכל צו קויפן גאנצע קליידער אפילו עס איז געוועהן 85 גראד (האלבע נסיון פארביי), און דערנאך ווען איך בין אריין צום מיטונג מיט הייסע תפילות און עס האט זיך געצויגן פאר 2 שעה! און יעדע מאל וואס איך האב געשפירט אז איך וויל הנאה האבן האב איך געטראכט "באשעפער העלף מיר בלייבן ריין"

רבותי! איך קען ענק נישט מסביר זיין ווי אזוי עס פילט!

יישר כח פאר ענק אלע!!!

מזל טוב פאר דיין נצחון אין די היינטיגע 2 שעה'דיגע מלחמה

איין שאלה האב איך צו דיר חבר טייערע. (כ'מיין גארנישט פערסאנעל).

וועלכע מין מענטש ביסטו, ביסטו א בעל דמיון?

וואס איז דיין מיינונג? אז דו דארפסט אליין צו קענען זיך מתגבר זיין אויף דיין יצר הרע? צו קלערסטו אז דו פארמאגסט די כוחות זיך צו פארמעסטן מיטן יצר התאוה?

אויב דיין ענטפער איז: יא! דאן איז שטארק מעגליך אז דאס איז די (עיקר) סיבה פון דיין שוואכקייט. 

פארוואס?

ווייל דו לעבסט נישט מיט'ן מציאות.    דו פרובירסט צו ניצן געווער וואס דו פארמאגסט נישט. 

איז, וויאזוי קענסטו מצליח זיין?

איך קען מיטטיילן מיט דיר אז איך בין געווען א ריזן בעל דמיון פאר יארן לאנג. 
למעשה, היינט ווייס איך אז איך פארמאג נישט קיין שטארקייט. איך בין א שטיק שוואכקייט.

דער באשעפער איז דער איינציגער מקור פון שטארקייט. החיל והחוסן לחי עולמים.
ווען איך שפיר א צורך פאר שטארקייט, וועל איך עס נישט נעמען פון מיין ארסענאל, ווייל עס איז נישט בנמצא דארט קיין שטארקייט. מה גברותינו... איך וועל זיך ווענדן צום קעניג, מלך מלכי המלכים מיט א ביטע, טאטע! פליז טוה עס פאר מיר.

בתקוה להבנה 
ידידך המצפה להצלחתך

קודם כל, איים סארי פאר די באליידיגונג. איך האב בכלל נישט דיר געמיינט פערסענעל. 

אונזער מיסיע: ובחרת בחיים!       בוחר זיין. 

אויספירן וועט דער אייבערשטער.
ווייל נאר ער האט די מעגליכקייט און שטארקייט אויסצופירן סיי וואס.

טון נישט אויפטון. 

דער באשעפער גיבט אונז א צוזאג, אז אויב מיר וועלן ניצן אונזער בחירה, וועט די מיסיע ווערן אקאמפלישט.

איך טוה עס? ניין! זיכער נישט!
עס ווערט געטון דורכ'ן באשעפער? יא! זיכער!

ווען מיר זענען בוחר אין גוט. דאן גיבט אונז דער באשעפער וועט אונז די זכיה צו פייערן די זיג.

די געשמאקע געפיל פון אקאמפלאשמענט איז א מתנה! נישט קיין תוצאה פון אייגענע גבורה חס ושלום. 

קצרתי במקום שאמרו להאריך. כל טוב פאר אלע חברים. 

אויב אונזער מיסיע איז נאר צו בוחר זיין, דאס האב איך שוין געטוען נאך פאר איך האב אנגעהויבן צו ציילן ריינע טעג, און פארוואס בכלל דארף איך ציילן? איך האב בוחר געוועהן צו זיין ריין און גענוג?

אלא מאי מיר דארפן עפעס מער ווי בוחר זיין.

Please explain....

איך פיל ווי איך שפיל די "געים בוי" וואס איך פלעג שפילן 20 יאהר צוריק, ווי מען האט געדארפט אדורך גיין א לאנגע וועג און עס זענען אנטקעגן געקומען שונאים פון אויבען און פון אונטען און מיר האבן געדארפט אכטונג געבן נישט צו ווערן געפאנגען...

all of the sudden איז די גאס פול מיט נסיונות, פרויען און אלע מינע ראוית אסורות לויפן דורך און מען דארף ארבעטן צו בלייבן ריין, גגין אויפן גאס איז געווארן אן ארבעט... I don't know why but ,צוויי וואכן צוריק האב איך עפעס נישט געמערקט (ליידער) אז עס איז דא בכלל נסיונות אויפן גאס...

יא סאלדאט כמעט אזוי איז געווען ביי מיר אויך... פרויען וואס איך פלעג בכלל נישט ווערן געטריגערט ביי זיי האבן פלוצלינג נאך עטליכע טעג זיין סויבער מיר אנגעהויבן צו טריגערען ווי משוגע איך האב דענמאלטס געכאפט מיין פאון אין געקאלט נטע'לע אין דערציילט איין זאך וואס ער האט געקענט טון איז צו שאקלען מיט זיין קאפ אז אזוי גייט עס 
פשט פון דעם איז אז ווען די האלטס צוריק די דראג וואס די פלעגסט נעמען דיין אינערליכע הונגער צו דעם ציט זייער שטארק ווייטער צו לאסטן סוי גייט ער אריבער צו א צווייטע זאך ווי ער גייט קענען אנפילן אין זיך בארואיגען... דורך נעמען די פויזן אין א צווייטע וועג 

דו"ק 

עס דערמאנט מיר וואס מיין משגיח אין ישיבה פלעגט זאגן אז א קאר וואס איז ביי די מיקעניק איז א סימן מען ניצט עס. א קאר וואס ליגט און גאראדזש דארף נישט קיין פיקסער מען...

אז מען האט נסיונות איז א סימן אז מען ארבעט...

יא הרב סאלדאט. אזוי'זעס. ווילאנג מ'לעבט אין א דינייעל איז דא אזויפיל Layers באדעקט אויף די פילינגס און אויף דו חושים, מ'איז ממש Numb צו וואס ס'געשעהט. איינמאל מ'שלעפט אראפ די אלע Coverups הייבט מען אן זעהן וואס דא טוט זיך.
שכח פארן מיטיילן דיין סטראגל און הצלחה אויף ווייטער.

אה ב"ה איך קעמפ ווייטער אויפן פראנט!

א קורצע עפיזאד...

איך גיי אויפן גאס, א פרוי שטייט אין די זייט, איך קוק ב"ה נישט, אבער א אינגערמאן נעבן מיר (האט נישט באמערקט איך זעה...) האט איר גוט באטראכט פון אויבן ביז אונטען, און איך טראכט אויף אים "נעבעך"...

2 וואכן צוריק וואלט איך אויך אזוי געפילט???

יישר כח אויבערשטער!!!

שכח פארן ברענגן גריסן פון פראנט.
דיינע 10 ריינע טעג זענען א כבוד פאר אלע חברי הדא.
חזק!

די נעבעך איז אז ער ווייסט נישט פין GYE

לאמיר זיין פאזאטיוו,
די גוטע זאך איז אז אונז ווייסן ב״ה ״יא״ פון הד״א, און בעז״ה קענען מיר זיך ארויפדראפענען אויפן ריינע לייטער.

און צו דיר סאלדאט,
דו האלטסט אונז פריש דא, קיפ איט אפ!!!!!!!!!!

מענין לענין באותו ענין.
אמאל ווען איך פלעג באמערקן אזא זאך פלעגט די שמועס צווישן מיך און זיך גיין בערך אזוי:

מיך: האסט געזעהן יענע בחור\יונגערמאן ווי ער באטראכט יענע פרוי? אזא שגץ!
זיך: העי, דו ביסט די זעלבע שגץ, דו טוסט סך ערגערס פון דעם.
מיך: ניין......... איך פאל נאר דורך דא און דארט.
זיך: קודם כל, דו ווייסט גאנץ גוט אז ס'איז נישט אזוי דא און דארט. צווייטנס, אפשר פאלט ער אויך נאר דורך דא און דארט.
מיך: אבער איך........
זיך: אן קיין אבער! דו ביסט פונקט אזא שגץ!
מיך: (ווערט אנגעזעצט) איך בין טאקע א שגץ, א רשע, א מנוול. יוי! באשעפער!
נאכדעם קומט די עצבות פון די אלע מחשבות און פון דארט כאפט מען גלייך דעם טרעין ביז מעסטורבעישן.

היינט גייט עס אנדערש.
מיך: האסט געזעהן יענע בחור\יונגערמאן ווי ער באטראכט יענע פרוי? אזא שגץ!
זיך: העי, דו ביסט די זעלבע שגץ, דו טוסט סך ערגערס פון דעם.
מיך: נישט אמת. נישט איך בין א שגץ און נישט ער איז א שגץ. איך בין קראנק, און ער איז מעגליך אויך, אדער איז ער נאר דורכגעפאלן דעי איין מאל.
זיך: אשר על כן?
מיך: דאוון איך צום אייבערשטען אז ער זאל העלפן מיך און יענע בחור\יונגערמאן, און אלע אידן וואס מוטשען זיך צו בלייבן ריין און הייליג.
און אלע צדדים גייען ארויס צופרידן.

שכח פארן לאזן שעירן.

גוט געזאגט! 

נישט wow, נאר wow wow wow wow wow!!!!

זייער גוט געזאגט!!!

איך האב אמאל געהערט פון אן אדם גדול אז ווען דער יצר הרע זעהט ווי איינער הייבט אן צו שטייגן און גיין אויפ'ן גוטן וועג, וועט ער אים וועלן ווייזן אז ער האלט ביי גארנישט כדי אים צו צוקלאפן און ער וועט אים מכשיל זיין מיט א מקרה לילה.

איך צייל היינט בעז"ה 13 טעג!
איך האב נישט געהאט קיין מקרה לילה פאר יאהרן!
די נאכט... וד"ל

שיק א גריס פאר די יצר הרע, איך קוק בכלל נישט אין זיין ריכטונג...

איך האב אויך געהאט די נאכט.......

שכח פארן מיטיילן.

ביים שר שלום האט זיך אמאל געמאכט אז ראש השנה ווען ער'ט שוין געהאלטן דעם שופר אין די הענט האט ער עס פלוצלינג געגעבן א לייג אראפ און זיך זייער פארטיפט. נאך א מינוט זיין פארטיפט האט ער זיך געגעבן א הייב אויף און אויסגעשריגן: "ווייסטו וואס? האלט דיך מיט די האר און איך וועל גיין בלאזן שופר!" און ער האט געבלאזן מיט א מורא'דיגע ברען.
שפעטער ווען די חסידים האבן אים אנגעפרעגט אויף די ביאור הדברים האט ער מסביר געווען.
"ווען איך האב מיך געגרייט צו בלאזן שופר האב איך צוגעלייגט דעם שופר צו מיין מויל און עס ארומגערוקט צו טרעפן די גוטע מהלך וויאזוי עס צו האלטן. בשעת'ן זיך פארנעמען מיט דעם האב איך בטעות ארויסגעריסן א האר פון מיינע שנויצן. איך בין זייער צובראכן געווארן פון דעם אז איך בין דורגעפאלן מיט אזא מכשול אין ראש השנה. תיכף איז די יצר הרע צוגעקומען און מיך גענומען דרייען א קאפ אז איך בין נישט ראוי צו גיין בלאזן שופר יעצט וכו' וכו'. בין איך מורא'דיג צובראכן געווארן פון דעם און אראפגעלייגט דעם שופר. אבער א מינוט דערויף האב איך מיך געכאפט אז דער יצר וויל דא מאכן ביזנעס. קודם האט ער געכאפט פון מיר א האר, און יעצט האט ער פון מיך א משכון, און אויף דעם חשבון וויל ער שוין נעמען פון מיר מיין תקיעת שופר און מלכיות זכרונות ושופרות פון מוסף. האב איך באשלאסן "ווייסטו וואס? האלט דיך מיט דיין האר און איך וועל גיין בלאזן שופר!!!"

איך האב אויך נישט געהאט פאר יאר'ן, איך האב עס געזאגט פאר מיין ספאנסער האט ער געלאכט פון מיר, אודאי האסטו נישט געהאט, דו פלעגסט דאך אויסעקטן............

יא, יא, ס'איז באקאנט די ווארט פונעם הייליגן תוס' יו"ט אז איינס פון די 10 ניסים איז געווען אז ולא אירע קרי לכה"ג ביום הכיפורים, ווייל דייקא דייקא ווען דער מענטש האלט רין די שטערקסטע זמן קדושה, איז דא די גרעסטע התגברות היצר אזש אז מ'האט געדארפט האבן א "נס מן השמים" אז ס'זאל נישט פאסירן!

געדענק איך נאך ווען איך האב געזעהן אלס בחור פון אין טהרת הקודש אז ס'קען זיין איינער וואס אפילו ער ליגט אין אסאך שמוץ זאל ער נישט האבן קיין קרי ווייל די שטן איז שוין צופרידן פון זיין טומאה און זוכט נישט צו ברענגען נאך אויף אים (דיסקלעימער: געשריבן פון זכרון ארויס, איך נעם נישט קיין אחריות אויף די פונקטליכע ווערטער וואס שטייען דארט באמת).
פארשטייט זיך אז אזא שטיקל האט מיך געמאכט זייער צובראכן און געפירט צו.....................
זייער גוט! וויאזוי האסטו געוואוסט?

גוט מארגען טייערע און הייליגע חברים.

צום ערשט, יישר כח אויבערשטער אז איךבין שוין ריין פאר 16 טעג!!!

נייעס פונ'ם פראנט:
היינט צופרי, איך דרייוו אויפן גאס ווען איך באמערק אז די קאר און פראנט פון מיר האט זייער א נידריגע באמפער סטיקער, און איך האב פארשטאנען אז די דרייווער דארף זיין אן אויסגעלאסענע.... איך קען נישט זאגן אז איך נישט פאר א רגע געטרייט צו זעהן ווער עס איז די דרייווער פון די קאר, אבער נאך פאר איך האב עספיעט צו זעהן, האב איך זיך דערמאנט אס איך בין א סאלדאט אויפ'ן פראנט און איך קען דאס נישט טוהן. די נסיון איז געוועהן אוועילעבל פאר א שיינע פאר מינוט. אבער יישר כח אויבערשטער אז איך בין געבליבן ריין!!!

און אנדערע נייעס: איך דארף היינט גיין צו א טרעינינג פאר ביזנעס, און עס איז דא א מעגליכקייט אז די טרעינינג וועט איבערגעגעבן ווערן דורך א פרוי, איך בעט דיר אויבערשטער אז איך זאל בלייבן ריין. אמן!

ביים פראנט אין שלאכט
קעמפט בייטאג ביינאכט
שוואך איז נישט קיין ענטפער
ווייל ער איז א קעמפער
אין יעדע שווערע צייט
שטייט ער פעסט דער סאלדאט.

ביטע קום אריין מיט א באריכט פון פראנט, וויאזוי ס'איז געווען די טרעינינג.